• Ang pagkatalo ng Persya ang naghudyat ng pamamayani ng Athens sa
Gresya, kanilang itinatag ang Delian League bilang alyansa laban sa
mga Persyano. • Sa Pamumuno ni Pericles nakamit ng mga Athenians ang rurok ng katanyagan ang panahon ito ay tinawag na “Gintuang Panahon ng Athens” o ang panahon ni Pericles. • Ngunit hindi kabilang ang Sparta sa Delian League, bagkus nagtatag ang Sparta ng isa pang alyansa na tinatawag na Peloponnesian League. • Nangangamba ang mga Spartans sa lubusang paglakas ng Athens. Karagdagan rito, ang mga Athenians at Spartans ay lubos na hindi nagkakasundo sa mga polisiya ukol sa Persia. • Para sa mga Spartans ang tanging paraan upang iligtas ang mga Griyego sa Asia Minor ay pabalikin sila sa Gresya. • Samantala, ang mga Athenians naman ay naniniwala na dapat ipagpatuloy ang pakikipaglaban sa mga Persyano upang pangalagaan ang mga Griyego sa Asia Minor. • Ang pagkakaibang ito ay nagresulta sa pagsisimula ng “Great Peloponnesian War”. • Sino si Pericles? • Si Pericles o Perikles - ay isang tanyag at maimpluwensyang politiko. Isa rin siyang orador, at heneral ng Atenas. • Namuhay siya sa pagitan ng mga digmaang Persya (Persian) at Peloponesyano. Ninuno niya, sa pamamagitan ng kanyang ina, ang pamilyang Alcmaeonidae. • Malaki ang impluwensiya ni Pericles sa lipunang Atenyano. Inilarawan siya ni Thucydides, na kanyang kasabayan, bilang "ang unang mamamayan ng Atenas". • Ginawa ni Pericles ang Ligang Deliano upang maging isang imperyo Atenyano at pinamunuan ang kanyang mga kamamamayan noong unang dalawang mga taon ng Digmaang Pelopensiyano. • Ang kapanahunang kung kailan pinamunuan niya ang Atenas, humigit-kumulang magmula 461 BCE hanggang 429 BCE, ay tinatawag kung minsan bilang ang "Panahon ni Pericles," bagaman ang kapanahunan ay maaaring magsama ng panahon mas maaga katulad ng Mga Digmaang Persa ''(Persian)'', o mas huli katulad ng kasunod na daantaon. • Magkaiba ang naging estratehiya ng Athens at Sparta sa digmaan at ninais nilang gamitin ang kanilang kalamangan sa bawat isa. • Ang mga Athenians ay may malakas na Naval forces samantalang ang Sparta ay may malakas na infantry. • Naniniwala si Pericles na malabo nilang matalo ang mga Spartans sa isang labanan sa lupa. Kung kaya’t pinili ng mga Athenians na magtago sa kanilang walled city at kumuha lamang ng mga suplay mula sa kanilang mga kolonya gamit ang kanilang navy. • Pinalibutan ng mga Spartans ang Athens sa pag-asang lalabas ang mga ito upang salubungin sila sa isang labanan sa lupa. • Sa ikalawang taon ng digmaan, isang epidemya ang lumaganap sa siyudad ng Athens kung saan ⅔ ng populasyon ang nasawi kabilang si Pericles. • Ang huling dagok sa mga Athenians ay ang kanilang pagkatalo sa digmaan sa Aegospotami o “Battle of Aegospotami” noong 405 BCE. • Ito ang nagwakas ng kanilang “naval superiority” laban sa mga Spartans • Nagwakas ang Peloponnesian War sa pagsuko ng Athens, gaynpaman, lubos na humina ang buong Gresya dahil sa mga labanan. • Dahil dito madali silang masasakop ng bansa sa hilaga, • ang Macedonia sa pamumuno ni • Alexander The Great. PAGTATAYA
• Sagutin ang mga sumusunod.
• 1. Paano nagsimula ang Peloponnesian War? • 2. Sino si Pericles? • 3. Magsaliksik tungkol sa talambuhay ni Alexander the Great