1. Ito ay ang pakikiisa ng sarili (self) sa iba (others). 2. Samakatuwid, ang kapwa ay “ang ibang tao” (sila) at ako (self). 3. Kapwa = self (ako) + sila (others) 4. Ang pakikipagkapwa ay nagpapakita ng kahalagahan (values) at paninindigan (conviction)
B. Mga Walong Pamamaraan ng Pakikipagkapwa
1. Pakikitungo - Sa pamamagitan ng pagpapakita ng respeto o paggalang sa bawat isa, nariyan na rin ang pag-unawa at pag intindi sa mga paniniwala, kultura, tradisyon, atbp. Sa ganitong paraan, maipapakita ang mabuting pakikitungo sa kapwa. Malayang pakikipagkumunikasyon / pakikisalamuha na hindi tinitingnan ang estado sa buhay, lahi at iba pang aspeto ng buhay. 2. Pakikisalamuha - Ang pagsunod sa atas ng mabuting asal ayon sa kaugalian sa pakikipagkapwa. Ang pakikisalamuha ay tumutukoy sa pakikitungo sa maraming tao at higit na malapit sa pakikiisa kaysa pakikitungo. 3. Pakikibagay – ang pag-ayon ng mga kilos, loobin, at salita ng isang tao sa kanyang kapwa. Ito’t hindi kailangang tagos sa kalooban. Maaaring ang layunin nito ay: 1) atas ng mabuting asal; 2) atas ng pagnanais makinabang; o 3) atas ng hangaring ilapit ang loob sa iba. 4. Pakikisama – ang paglahok at pagsamasa gawain ng ibang tao dahil sa pakikipagkaibigan o dahil sa maaaring ipakinabang sa hinaharap o siyang hinihingi ng pagkakataon. 5. Pakikipagpalagayang-loob at Pakikibagay– mga kilos, loobin at salita ng isang tao na nagpapahiwatig na panatag ang kanyang kalooban sa kanyang kapwa. Hindi na nahihiya sa isa’t isa at halos ganap at walang pasubali ang pagtitiwala. Samantala, ang pakikibagay ay ang pagtanggap sa kalagayan ng kapwa. 6. Pakikiisa / Pakikilahok– mga kilos, loobin, at salita ng isang taong nagpapahiwatig ng ganap at lubos na pagmamahal, pagkakaunawa, at pagtanggap sa minimithi bilang sariling mithiin din. Ang pakikilahok sa mga gawain nagtataguyod ng pagkakaisa ng bawat isa.
Birtud ng JUSTICE Birtud ng CHARITY
o KATARUNGAN o PAGMAMAHAL C. Mga Konsepto ng Pakikipagkapwa 1. Walang tao ang nabubuhay na mag-isa lamang. 2. May mga pangangailangan ng isang tao na maaari lamang na matugunan sa pamamagitan ng pakikipag- ugnayan sa kapwa. 3. Samakatuwid, ang UGNAYAN ang pinakamahalagang element ng pakikipagkapwa. 4. Sa pakikipagkapwa, napakahalaga na kalakip ang a) paggalang; at b) pagmamahal kalakip ito sa pakikipag- ugnayan sa kapwa. Ito ay pahayag ni Agapay noong 1991 sa kanyang sulatin. 5. Ang pakikipagkapwa ay nagpapahayag ng maraming bagay tungkol sa ating pagkatao. 6. Sa pamamagitan ng pakikipagkapwa ay nakikilala ang ibang tao sa ating lipunan. 7. The Golden Rule – “Huwag mong gawin sa iyong kapwa ang ayaw gawin sa iyo ng iba.” 8. Ang makabuluhang pakikipagkapwa ay pagtugon sa pangangailangan ng iba nang may paggalang at pagmamahal. 9. Ang pakikipagkapwa nang walang hinihintay na kapalit at nakahanda kang ibahagi ang sarili mo sa iba ay pagpapakita ng pagmamalasakit at pagmamahal.
ANG DIYALOGO AT MGA KATANGIAN NITO
1. Ang Diyalogo ay ang kakayahan upang maipahayag ang pangangailangan, ninanais at nararamdaman ng isang tao. Ito ay napakahalaga upang matugunan ang mga iba’t ibang pamamamaraan ng pakikipagkapwa. 2. Ang diyalogo ay umiiral bilang isang ugnayang interpersonal sa pamamagitan ng dalawa o higit pang tao. Dito sa Diyalogo ay may nagsasalita at nakikinig. 3. Ang diyalogo ay nagaganap sa paraang pasalita o pasulat at di-pasalita (kilos, gawi, senyas, atbp.) 4. Kaalinsabay ng pakikipagkapwa ay ang pagtataguyod ng ugnayang may pagkakaisa (solidarity), komunikasyon o diyalogo, at kooperasyon o pagtutulungan.
Ang mga Tungkulin ng isang Tao sa Pakikipagkapwa:
1. Kasapi ng isang pamilya at lipunan kung saan bilang bahagi ng lipunan ay inaasahang makikibahagi sa pagtatakda ng mga layunin nito at sa pagkamit ng kabutihang panlahat. 2. Kabilang ang isang tao sa kanyang pakikipagkapwa ang mga gawaing pangkabuhayan, produksiyon at pagkunsumo na tumutugon sa aspektong pangkabuhayan; at 3. Isang mamamamayan na inaasahang makikibahagi sa pagkamit ng panlipunang pag-unlad (social progress), na tumutugon sa aspektong political. ANG PAKIKIPAGKAPWA TAO: KALAKASAN O KAHINAAN
A. Ayon kay Licuanan, ang pakikipagkapwa-tao ay isa
sa mga kalakasan ng mga Pilipino. Paano ito naipapakita? 1. Sa papamamagitan ng pagmamalasaki sa kapwa. 2. Sa pamamagitan ng pagtulong at pakikiramay, bayanihan at sa pagiging mapagpatuloy (hospitable). 3. Sa pamamagitan ng pakiramdam at sa pamamagitan ng pagtitiwala at pagtanaw ng utang na loob. 4. Nagiging saligan ng pagkakakaisa at katarungang panlipunan.
B. Mga nagdudulot ng kahinaan sa pakikipagkapwa:
Hindi lingid na iba-iba’t ibang dahilan ang maaaaring magpahina sa samahan:
1. Hindi magiging madali ang pagsunod at
pagpapasunod sa mga kasama sa lipunan. 2. Lahat at nagiging impersonal. 3. Hindi naiiwasan ang pagtanggap ng pabor; at 4. Ang pagtanggi sa mga kamag-anak at kaibigan ng trabaho, paghahatid ng serbisyo, pati ang pagboto.
Extreme Personalism – o labis na di makatuwirang
pakikisama ay maaring magdulot ng katiwalian at kabulukan (graft and corruption). Mga Prinsipyo sa Pagpapaunlad ng Pakikipag-ugnayan sa Kapwa 1. Paggalang sa pagiging indibidwal ng kapwa – Tandaan na bawat isa sa atin ay may kanya-kanyang katangian. Kailangan nating maging sensitibo sa mga pangangailangan at damdamin ng bawat isa. Paano naipapakita ang paggalang? a. Pakikinig at pagsagot nang ayon sa sinasabi ng iyong kausap b. Pagpapakita ng empathy o kakayahang ilagay ang sarili sa sitwasyon ng ibang tao c. Pagmamalasakit at pagiging maalalahanin d. Pagsusumikap na mapanatili ang kapayapaan at kasiyahan; e. Pag-iwas sa mga sitwasyong magbubunga ng di pagkakasundo o pagtatalo 2. Pagpapapahayag ng mga damdamin – nagiging maayos ang isang samahan kung ang mga tao at kanyang kapwa ay nagkakaroon ng maaya at mapanagutang pagpapahayag ng damdamin, ideya at pangangailangan. 3. Pagtanggap sa Kapwa – tandaan na ang paggalang sa dignidad ng tao ang pagtaggap sa kanyang pagkatao. 4. Pag-iingat sa mga bagay na ibinahagi ng kapwa (confidences) – ang pagtitiwala ay napakahalaga, at dahil dito, kailangang pag-ingatan ang pagbabahagi ng iba ng kanilang buhay o sitwasyon.