Professional Documents
Culture Documents
1
1
I. Panimula
Ang maikling kwentong ating susuriin ay ang kwentong “Lugmok na ang Nayon” ni Edgardo M. Reyes.
Ang paksa nito ay ang pagiging matulungin ng mga taga-nayon o probinsya kahit na sila ay hikahos sa
buhay ay handa silang tumulong o magbigay ng tulong sa mga humihingi sa kanila.. Maganda ang
kwentong ito sapagkat ang kwento ay tumutukoy sa pagiging mainit sa pagtanggap sa mga bisita kahit
na nasa nayon kayong nakatira.
a. Paksa
Ang tema ay ang paksa ng kwento. Dito umiikot ang mga kaganapan sa kwento at ito ang mismong ideya
ng kwento. Ang paksa ng kwentong ito ay ang mainit na pagtanggap ng mga tao, o sa pangkalahatan ang
pagiging mainit na pagtanggap ng mga Pilipino sa kanilang mga panauhin at gagawin nila ang lahat
mapasaya lamang ang kanilang mga nagiging bisita kahit na hikahos sila sa buhay.
b. Simbolo (Simbolismo)
Ang ilan lamang sa mga simbolismo ng mga bagay na binanggit sa akda ay kalahating kabang bigas na
Milagrosa, isang litsuning baboy, dalawang kambing, isang kilong manok, walong pato, dalawang pabo
at dalawang bayong ng sari-saring gulay. Simbolo ito sa mga pinapabaon natin sa ating mga bisita sa
tuwing sila ay uuwi na. Tradisyon na ito sa atin lalo pa’t kung may mga handaan ay mga pabaon pa
tayong pinapadala sa kanila. Maaari rin itong gamiting simbolo sa pagiging matulungin nating mga
Pilipino. Madalas na tumutulong tayo lalo sa mga masalanta at inaabutan natin sila ng kahit magkano
man lang para lang kahit paano’y makatulong tayo sa kanila.
c. Uri
Ang “Lugmok na ang Nayon” ay uri ng maikling kwento ay Realismo sapagkat sumasalamin ito sa tunay
na buhay natin. Totoo na kung tayo ay pumupunta sa mga nayon o probinsya man natin ay
pinagsisilbihan tayo at ang pinakamagaganda lang ang ipinapakita sa atin ng mga tao roon kahit hikahos
sila.
d. Magandang Pahayag
Ang magandang pahayag sa kwento ay ang linyang “At sa Sabado, ito’y pagpapasasaan at bubundat sa
maraming taga-lungsod”. Magandang pahayag ito sapagkat magkakaroon ng handa ang kapatid ni Vic na
ikakasal sapagkat nagtulong-tulong ang mga kamag-anakan nina Vic upang mabigyan manlang ng kahit
panghanda sina Vic. Kahit maliit na tulong lamang ito sa kanila, nakikita ng nagsasalaysay na malaking
tulong ito sapagkat hindi naman siya kadalasang nakakakita ng pagbibigayan ng ganoon kalaki.
1. “Ang araw ay mahapdi sa balat at ang hangin ay tila hininga ng isang nilalagnat”. Ang ibig sabihin
nito ay parang ang nayon na kanilang pinuntahan na kilala sa tawag na Sapang Putol ay malayo sa
kasarinlan, at naghihirap ang mga taong nakatira rito. Mainit na rin ang sikat ng araw sapagkat
tanghaling tapat na noon at matagal na rin silang nagpapabilad-bilad sa araw.
2. Hindi ipinakilala ang nagsasalaysay kung anong pangalan niya. Oo, sinabi nga yung kaibigan siya ni
Vic pero kulag ang impormasyong ibinigay ng manunulat sa kanya.
7 Comments
Reply
Huli10/5/2014 04:12:11 pm
Reply
hahalink8/11/2015 11:21:52 pm
dfd
Reply
anonymous12/6/2015 07:37:47 am
Reply
Reply
ganda9/8/2018 02:48:05 am
Reply
jushua9/26/2018 06:55:41 pm
Reply
Leave a Reply.