Modyul 2: MGA ISYUNG PANG EKONOMIYA

Aralin 1: GLOBALISASYON : KONSEPTO AT PERSPEKTIBO

GLOBALISAYON – Ay isang proseso ng mabilisang pagdaloy o paggalaw ng mga tao, bagay,

impormasyon at produkto at ibat ibang direksiyon na nararanasan sa ibat ibang panig ng daigdig ( Ritzer,
2011).

- Itinuturing bilang isang pangmalawakang integrasyon o pagsasanib at ibat ibang

prosesong pandaigdig.

Bakit maituturing na isang isyung panlipunan ang globalisasyon?

- Sapagkat tuwiran nitong binago, binabago at hinahamon ang pamumuhay at mga

perennial institution na matagal ng naitatag.

PERENNIAL INSTITUTIONS- Ang pamilya, simbahan,pamahalaan at paaralan sapagkat ang mga ito ay
matatandang institusyong nananatili parin sa kasalukuyan dahil sa mahahalagang gampanin nito.

PERSPEKTIBO AT PANANAW

5 PERSPEKTIBO O PANANAW TUNGKOL SA KASAYSAYAN AT SIMULA NG GLOBALISASYON:

1. Ang paniniwalang ang Globalisasyon ay TAAL o nakaugat na sa bawat isa.

2. Ayon kay NAYAN CHANDA ( 2007)- Manipestasyon ito ng paghahangad ng tao ng maalwan o
maayos na pamumuhay na nagtulak sa kanyang makipagkalakalan, magpakalat ng
pananampalataya, mandigma’t manakop at maging adbenturero o manlalakbay.

2. Ay nagasasabi na ang globalisasyon ay isang MAHABANG SIKLO( CYCLE) ng pagbabago.

AYON KAY SCHOLTE(2005) maraming globalisasyon na ang dumaan sa mga nakalipas na

panahaon at sa kasalukuyang globalisasyon ay makabago at higit na mataas na anyo na
maaring magtapos sa hinaharap.

3. Ay naniniwalang may anim na wave o epoch o panahon na siyang binigyang diin ni

THERBORN( 2005). Para sa kanya may tiyak na simula ang globalisasyon .

Panahon Katangian
Ika 4 hanggang ika 5 siglo Globalisasyon ng relihiyon(pagkalat ng Islam at
Kristyanismo.
Huling bahagi ng ika 15 siglo Pananakop ng mga Europeo .
Huling bahagi ng ika 18 siglo hanggang unang bahagi Digmaan sa pagitan ng mga bansa sa Europa na
ng ika 19 siglo nagbigay daan sa globalisasyon.
Gitnang bahagi ng ika 19 siglo hanggang 1918 Rurok na Imperyong Kanluranin.
Post- world war II Pagkakahating daigdig sa dalawang puwersang
ideolohikal at particular ang komunismo at
kapitalismo.
Post cold war Pananaig ng kapitalismo bilang sistemang pang –
ekonomiya. Nagbigay daan sa mabilis na pagdaloy ng
mga produkto, serbisyo, ideya , teknolohiya at iba pa
sa pangunguna ng US.
4. Ang simula ng Globalisasyon ay nauugat sa ISPESIPIKONG pangyayaring naganap sa
kasaysayan.
 Pananakop ng mga Romano bago man maipanganak si Kristo( Gibbon 1998).
 Pag-usbong at paglaganap ng Kristyanismo matapos ang pagbagsak ng Imperyong
Roman.
 Paglaganap ng Islam noong 7 siglo.
 Paglalakbay ng mga Vikings mula Europe patungong Iceland, Greenland at Hilagang
Amerika.
 Pagsisimula ng pagbabangko sa mga siyudad-estado sa Italya noong ika 19 siglo.

Maaring nagsimula ang globalisasyon sa kalagitnaan ng ika 20 siglo noong unang ginamit ang
telepono noong 1956 o ng lumapag ang transatlantic jet mula New York hanggang London,
maaring nagsimula noong lumabas ang unang larawan ng daigdig gamit ang satellite noong
1966,maaring nagsimula noong 2001 ng pabagsakin ang mga terorista ang twin tower sa New
York dahil ang pangyayaring ito ang gumising sa marami na kinakailangan ang higit na pag-
aaralan sa isang global na daigdig.
5. Nagsasaad na ang globalisasyon ay PONOMENANG nagsimula sa kalagitnaan ng ika 20 siglo
3 daw ang pagbabagong naganap:
a. Pag-usbong ng US bilang global power matapos ang WW II
Ipinakita ng US ang kanyang lakas military ng talunin ang Japan at Germany noong WW
II, naungusan ang France at Great Britain sa usaping pang-ekonomiya at sakupin ang
Asyanong bansang Korea (1950) at Vietnam (1960-70).
b. Palitaw ng mga Multinational at Transnational Corporation ( MNcs at TNcs )
c. Pagbagsak ng Soviet Union at ang pagtatapos ng Cold War.

A. GLOBALISASYONG EKONOMIKO
- Sentro sa isyung Globalisasyon ang ekonomiya na umiimog sa kalakalan ng mga
produkto at serbisyo .
 MULTINATIONAL AT TRANSNATIONAL COMPANIES – Kilala bilang MNCs at TNCs
Ayon sa UN Commission on Transnational Corporation and Investment ang :
TNC- Ay tumutukoy sa mga kompanya o negosyong nagtatag ng pasilidad sa ibang
bansa, Ang serbisyong ipinagbibili ay batay sa pangangailangang local, binibigyan
kalayaan na magdesisyon , magsaliksik at magbenta ng mga yunit ayon sa
hinihingi ng kanilang pamilihang local.
HALIMBAWA. Petrolyo, I.T , Consulting pharmaceutical at mga kauri nito tulad ng
Shell, Accenture , TELUS Int’ I Phils, Glaxo – Smith Klein.
 MNC- Pang kalahatang katawagan na tumutukoy sa mga namumuhunang kompanya
sa ibang bansa ngunit ang produkto o serbisyong ipinagbibili ay hindi nakabatay sa
pangangailangang local ng pamilihan.
HALIMBAWA. Unilever , Proctor ang Gamble , Mc Donald’s, Coca Cola , Google ,
UBER, Starbucks , Seven- Eleven , Toyota motor, Dutch, Shell atbp.
 OUTSOURCING

- Tumutukoy ang outsourcing sa pagkuha ng isang kompanya na may kaukulang bayad,

Pangunahing layunin nito na mapagaan ang Gawain ng isang kompanya upang
mapagtuunan nila ng pansin ang sa palagay nila ay higit na mahalaga.
Minabuti nilang I outsource mula sa ibang kompanya ang paniningil sa Kliyente sa
kanilang pagkautang .

URI NG OUTSOURCING
1. Batay sa binibigay na serbisyo- HAL. BPO o Bussiness Process Outsourcing na
tumutugon sa prosesong pangnegosyo ng isang kompanya.
- KNOWLEDGE PROCESS OUTSOURCING na nakatuon sa mga gawaing nangangailangan
ng mataas na antas ng kaalamang teknikal tulad ng pananaliksik , pagsusuri ng
impormasyon , at serbisyong legal.
2. Batay sa layo o distansya – na pagmumulan ng kompanyang siyang magbibigay ng
serbisyo o produkto.
a. OFFFSHORING- Pagkuha ng serbisyo ng isang kompanya mula sa ibang bansa
na naniningil ng mas mababang bayad. Pilipinas ay halimbawa nito kung saaan
nakatuon sa BPO na nakatuon sa VOICE PROCESSING SERVICES.
HAL. Pagbebenta ng produkto at serbisyo , pagkuha ng order ng produkto at
serbisyo , pagkuha ng impormasyon mula sa mga mamimili na nagagamit ng
mga namumuhunan at mga katulad nitong Gawain.
b. NEARSHORING- Tumutukoy sa pagkuha ng serbisyo mula sa kompanya sa
kalapit na bansa . Layunin nito na maiwasan ang mga suliraning kaakibat ng
offshoring sapagkat inaasahan na ang kalapit bansang pinagmulan ng serbisyo
ay may pagkakahawig o pagkakatulad sa wika at kultura .
c. ONSHORING- Tinatawag ding DOMESTIC OUTSOURCING - Pagkuha ng serbisyo
sa isang kompanyang mula din sa loob ng bansa na nagbubunga ng mas higit
na mababang gastusin sa operasyon.

OFW BILANG MANIPESTASYON NG GLOBALISASYON

- Ang pangingibang bayan ng mga manggagawang Pilipino ay nagsimula sa panahon ni

Pangulong.Marcos bilang panandaliang tugon sa BUDGET DEFICIT ng kanyang
administrasyon ng Makita ng pamahalan ang malaking pakinabang na makukuha dito ay
pinaigting pa ang pagpapadala ng mga OCW/ OFW sa ibang bansa.

B. GLOBALISASYONG TEKNOLOHIKAL AT SOSYO-KULTURAL

- Ito ay nakatuon sa aspetong teknolohical at sosyo-kultural
- Mabilis na tinatangkilik ng mga mamayanan ang paggamit ng cellular phones o
mobilephone na nagsimula sa maunlad na bansa. Nakatulong ito na mapabuti ang
pamumuhay, madaling makakahingi ng tulong sa panahon ng kalamidad, at mabilis na
transaksyon sa pagitan ng mga tao.
HAL. Sa India bago pumalaot ang mga mangingisda ay tinatawagan na nila ang kanilang
prospektibong mamimili kaya sigurado na sila kikita.
Sa Pilipinas, talamak ang paggamit ng cp at ito ay bahagi nang pang- araw araw na pamumuhay, na
naging ekstensiyon na ng sarili at hindi madaling maihiwalay sa kanila.

- Mga interes at computer ay higit ding nagbabago sa nakakarami, nagbibigay serbisyo tulad
ng E-mail, nagpapabilis ng pag-apply sa kompanya, pag-alam ng resulta ng pagsusulit sa
kolehiyo at pamantasan, pagkuha ng impormasyon at balita, pagbili ng produkto at
serbisyo ( E- Commerce)
- Mabilis na pagdaloy ng ideya at konsepto patungo sa ibat ibang panig ng mundo dahil ang
mga ito ay nasa DIGITIZED FORM na nasa ibat ibang anyo tulad ng musika, pelikula,
videos, larawan, e-books at iba pa na makikita sa mga social networking sites at service
provider ang lakas ng impluwensya ng mga ito ay makikita sa mga pananamit, pananalita
at pakikisalamuha ng maraming kabataang Pilipino sa kasalukuyan.
- Kaalinsabay ang pag- usbong ng mga social networking sites tulad ng Facebook, Twitter,
Instagram at may space ang pagbibigay kakayahan ng mga ordinaryong mamamayan na
ipahayag ang kanilang saloobin sa ibat ibang paksa o usapin.

NETIZEN- Tawag sa mga gumagamit ng social networking site bilang entablado ng

pagpapahayag.
PROSUMERS- Pagkonsumo ng isang bagay ideya habang na produce ng bagong ideya
gamit ang social media. Subalit sa kabila ng positibong naidudulot ng mga ito kaakibat ang
suliraning dulot tulad ng pagkalat ng computer viruses at scam na sumisira ng electronic
files at kung minsan nagiging sanhi ng pagkalugi ng namumuhunan, pagkakaroon ng
intellectual dishonesty sa madaling pagcopy and paste ng mga impormasyon mula sa
internet, maaring suliranin sa isyung pambansang seguridad dahil sa paggamit ng mga
terorista sa internet bilang kasangkapan ng pagpapalaganap ng takot ata karahasan sa
mga target nito.

C. GLOBALISASYONG POLITIKAL
- Ang mabilisang ugnayan sa pagitan ng mga bansa, samahang rehiyunal at maging ng
pandaigdigang organisasyon na kinakatawan ng kani kanilang pamahalaan
 Ang kasunduang Bilateral at Multilateral sa pagitan ng mga bansa ay nagbigay daan sa
epektibo at espiyenteng ugnayan ng mga bansa na nagdulot naman ng mabilis na
palitan ng mga produkto, ideya , kahusayang teknikal at maging ng migrasyon ng kani
kanilang mamamayanan.
HAL. Ugnayang diplomatiko ng Pilipinas sa Australia, China, Japan, South Korea,
Thailand, at US ay nagdala ng oportunidad pang-ekonomiko at pangkultural sa
magkabilang panig.
JICA- Japan , Best –Australia, Military assistance – US,ASEAN Countries

 May magandang dulot globalisasyong political kung ang layunin nito ay tulungan ang
mga bansa upang higit na maisakatuparan ang mga programa at proyektong mag-
aangat sa pamumuhay ng mga mamamayanan ngunit kung ang sariling interes ang
pagbibigyan ay magdudulot ng sagabal sa pag-unlad ng isang bansa.

PAGHARAP SA HAMON NG GLOBALISASYON

MGA ILANG SOLUSYON SA PAGHARAP SA HAMON NG GLOBALISASYOMN

1. GUARDED GLOBALIZATION- Pakikialam ng pamahalaan sa kalakalang panlabas na

naglalayong hikayatin ang mga local na namumuhunan at bigyang proteksiyon ang
mga ito upang makasabay sa kompetisyon laban sa malalaking dayuhang negosyante.
 Pagpataw ng Taripa o buwis sa lahat ng produkto at serbisyong nagmula sa ibang bansa
 Pagbibigay ng Subsidya sa mga namumuhunang local.
2. PATAS O PANTAY NA KALAKALAN ( FAIR TRADE)
- Ayon sa IFTA ( International Fair Trade Association) Tumutukoy ito sa pangangalaga sa
panlipunan, pang ekonomiko at pampolitika na kalagayan ng maliliit na namumuhunan.
- Ayon naman sa Neo- Liberalismo, ang Fair Trade ay nangunguhulugan ng higit na moral at
patas na pang-ekonomiyang sistema ng daigdig. Layunin nito na mapanatili ang tamang
presyo ng mga produkto at serbisyo sa pamamagitan ng bukas na negosasyon sa pagitan
ng mga bumibili at nagbibili.
3. PAGTULONG SA BUTTOM BILLION
- Binibigyan diin ni Paul Collier(20017) na kung mayroon mang dapat bigyan pansin sa
suliraning pang-ekonomiyang kinakaharap ng daigdig, Ito ay ang bilyong pinakamahihirap
mula sa mga bansa sa Asya lalo na sa Africa .
 ARALIN 2: Mga Isyu sa Paggawa

Ang Globalisasyon at ang mga Isyu sa Paggawa

Ang mga manggagawang Pilipino ay humaharap sa iba’t ibang anyo ng suliranin at hamon sa paggawa tulad ng:
a. mababang pasahod,
b. kawalan ng seguridad sa pinapasukang kompanya,
c. ‘job-mismatch’ bunga ng mga ‘job-skills mismatch,’
d. iba’t ibang anyo ng kontraktuwalisasyon sa paggawa,
e. ang mura at flexible labor
f. mabilis na pagdating at paglabas ng mga puhunan ng mga dayuhang namumuhunan
g. ang patuloy na pagdami ng mga lokal na produkto na iniluluwas sa ibang bansa at ang pagdagsa ng mga
dayuhang produkto sa pamilihang lokal.

Dahil sa paglaganap ng globalisasyon naaapektuhan nito maging ang workplace na kung saan nagbunga ito ng
pagtatakda ng mga pandaigdigang samahan tulad ng Word Trade Organization (WTO) ng mga kasanayan o
kakayahan sa paggawa na globally standard para sa mga manggagawa.

Ilan sa maraming naidulot ng globalisasyon sa paggawa ay ang mga sumusunod:

a.una, demand ng bansa para sa iba’t ibang kakayahan o kasanayan sa paggawa na globally standard;
b.pangalawa, mabibigyan ng pagkakataon ang mga lokal na produkto na makilala sa pandaigidigan pamilihan;
c.pangatlo, binago ng globalisasyon ang workplace at mga salik ng produksiyon tulad ng pagpasok ng iba’t ibang
gadget, computer/IT programs, complex machines at iba pang makabagong kagamitan sa paggawa; at
d.pang-apat, dahil sa mura at mababa ang labor o pasahod sa mga manggagawa kaya’t madali lang sa mga
namumuhunan na magpresyo ng mura o mababa laban sa mga dayuhang produkto o mahal na serbisyo at pareho
ang kalidad sa mga produktong lokal.

APAT NA HALIGI PARA SA DISENTE AT MARANGAL NA PAGGAWA

1. EMPLOYMENT PILLAR- Tiyakin ang paglikha ng mga sustenableng trabaho, Malaya at pantay na
oportunidad sa paggawa at maayos na workplace para sa manggagawa.
2. WORKERS RIGHT S PILLAR- Naglalayong palakasin at siguraduhin ang paglikha ng mga batas para sa
paggawa at matapat na pagpapatupad ng mga karapatan ng mga manggagawa.
3. SOCIAL PROTECTION PILLAR- Hihikayatin ang mga kompanya, pamahalaan at mga sangkot sa paggawa na
lumikha ng mga mekanismo pra sa proteksiyon ng manggagawa,katanggap tanggap na pasahod at
oportunidad.
4. SOCIAL DIALOGUE PILLAR- Palakasin ang laging bukas na nagpulong sa pagitan ng pamahalaan, mga
manggagawa at kompanya sa pamamagitan ng paglikha ng mga collective bargaining unit.
 Kalagayan ng mga Manggagawa sa iba’t ibang Sektor

A. Sektor ng Agrikultura
1. Lubusang naaapektuhan ang mga lokal na magsasaka dahil sa mas murang naibebenta ang mga dayuhang
produkto sa bansa. Mas maraming insentibo ang naipagkakaloob sa mga dayuhang kompanya na nagluluwas ng
kanilang parehong produkto sa bansa. Sa kabilang banda, may mga lokal na high class product na saging, mangga
at iba pa na itinatanim sa atin na nakalaan lamang para sa ibang bansa
2. Ang pagpasok ng bansa at ng mga nakalipas na administrasyon sa mga usapin at kasunduan sa GATT, WTO, IMF-
WB, at iba pang pandaigdigang institusyong pinansyal ay lalong nagpalumpo sa mga lokal na magsasaka bunsod
ng pagpasok ng mga lokal na produkto na naibebenta sa lokal na pamilihan ng mas mura kumpara sa mga lokal
na produktong agricultural.
3. maraming suliranin na kinakaharap ng mga lokal na magsasaka
a. kakulangan para sa mga patubig,
b. suporta ng pamahalaan sa pagbibigay na ayuda lalo na kapag may mga nananalasang sakuna sa bansa
tulad ng pagbagyo, tagtuyot, at iba pa.
c. pagbibigay pahintulot ng pamahalaan sa pagkonbert ng mga lupang sakahan upang patayuan ng mga
subdibisyon, malls, at iba pang gusaling pangkomersiyo para sa mga pabrika, pagawaan, at bagsakan ng mga
produkto mula sa TNCs.
4. nagpatuloy rin ang paglaganap ng iba’t ibang industriya sa bansa kaya patuloy ang pagliit ng lupaing agrikultural
at pagkawasak ng mga kabundukan at kagubatan
5. pagkasira ng mga biodiversity, pagkawasak ng mga kagubatan, kakulangan sa mga sakahan, dumagsa ang mga
nawalan ng hanapbuhay sa mga pook rural, nawasak ang mga mabubuting lupa na mainam sa taniman.

B. Sektor ng Industriya
1.Lubusan ding naaapektuhan ng pagpasok ng mga TNCs at iba pang dayuhang kompanya ang sektor ng industriya
bunsod din ng mga naging kasunduan ng Pilipinas sa iba’t ibang pandaigdigang institusyong pinansyal.
Halimbawa ng mga kasunduang ito;
a. Katulad ng mga imposisyon ng IMF-WB bilang isa sa mga kondisyon ng pagpapautang nila sa bansa.
b. Pagbubukas ng pamilihan ng bansa,
c. import liberalizations,
d. tax incentives sa mga TNCs,
e. deregularisasyon sa mga polisiya ng estado, at
f. pagsasapribado ng mga pampublikong serbisyo
2. halimbawa ng industriya na naapektuhan ng globalisasyon ay ang malayang pagpapasok ng mga kompanya at
mamumuhunan sa industriya ng konstruksiyon, telecommunikasyon, beverages, mining, at enerhiya na kung saan
karamihan sa mga kaugnay na industriya ay pagmamay-ari ng ibang bansa.
3. ang mga pamantayang pangkasanayan at kakayahan, pagpili, pagtanggap, at pasahod sa mga manggagawa ay
naayon sa kanilang(kompanyang nasabi) mga pamantayan at polisiya
4. Kaakibat nito ang iba’t ibang anyo ng pang-aabuso sa karapatan ng mga manggagawa tulad ng;
a. mahabang oras ng pagpasok sa trabaho,
b. mababang pasahod,
c.hindi pantay na oportunidad sa pagpili ng mga empleyado,
d. kawalan ng sapat na seguridad para sa mga manggagawa tulad sa mga minahan, konstruksiyon, at
planta na nagpoprodyus ng lakas elekrisidad na kung saan may mga manggagawa na naaaksidente o nasasawi.
C. Sektor ng Serbisyo
1.Ang paglaki ng porsyento o bilang ng mga manggagawa sa sektor na ito ay malaking tulong sa mga
manggagawang Pilpino.

Saklaw ng sektor ng serbisyo ang;

a. sektor ng pananalapi,
b. komersiyo,
c. insurance,
d. kalakalang pakyawan at pagtitingi,
e. transportasyon,
f. pag-iimbak,
g. komunikasyon,
h. libangan,
i. medikal,
j. turismo,
k. business processing outsourcing (BPO), at
l. edukasyon.
2.Mahalaga ang sektor ng serbisyo sa daloy ng kalakalan ng bansa dahil tinitiyak nito na makakarating sa mga
mamimili ang mga produkto sa bansa.

Suliraning kaakibat ng globalisasyon sa sector ng industriya

a.sa pagpasok ng mga produkto at serbisyo mula sa TNC’s, nalilimitahan ang bilang na kalakal at serbisyo na gawa
ng mga Pilipino sa pandaigdigan kalakalan
b .over-worked na mga manggagawa,
c. mga sakit na nakukuha mula sa trabaho lalo na sa hanay ng mga mga manggagawa sa BPO dahil na rin sa hindi
normal na oras ng pagtatrabaho.
d.Patuloy na pagbaba ng bahagdan ng bilang ng Small-Medium Enterpirses (SMEs) sa bansa (dahil pinasok na rin ng
mga malalaking kompanya o supermalls ang maliliit o mikro-kompanyang ito sa kompetisyon na kung saan sila ay
may kalamangan sa logistics, puhunan, at resources (NEDA report, 2016)).

3. Mahalaga ang paglalaan ng pamahalaan ng higit na prioridad sa pagpapalago ng sektor sa pamamagitan ng

patuloy na pag-eenganyo sa mga dayuhang kompanya na magpasok ng mga negosyo sa bansa dahil ayon na rin sa
pagtataya sa 2016 Asia-Pacific Economic Cooperation Summit na naganap sa bansa na ang mga manggagawang
Pilipino sa sektor ng serbisyo ang patuloy na tumutulong sa pag-angat ng ekonomiya ng bansa.

Iskemang Subcontracting
Bunsod din ng globalisasyon mas naging mabilis ang pagdating ng mga dayuhang namumuhunan na mas
pinatingkad naman ng kumpetisyon sa hanay ng mga dayuhan at lokal na kompanya at korporasyon sa bansa. Dahil
dito mas nahikayat ang mga namumuhunan na pumasok sa bansa at hindi na naiwasang mapalaganap ang
iskemang subcontracting sa paggawa sa bansa na naging malaking hamon sa pag papaangat ng antas ng
pamumuhay ng uring manggagawa.

Iskemang Subcontracting- tumutukoy sa kaayusan sa paggawa kung saan ang kompanya (principal) ay
komukontra ng isang ahensya o indibidwal na subcontractor upang gawin ang isang trabaho o serbisyo sa isang
takdang panahon. May dalawang umiiral na anyo ng subcontracting ito ay ang:

Ang Labor-only Contracting- na kung saan ang subcontractor ay walang sapat na puhunan upang gawin ang
trabaho o serbisyo at ang pinasok niyang manggagawa ay may direktang kinalaman sa mga gawain ng
kompanya:

Ang job-contracting- naman ang subcontractor ay may sapat na puhunan para maisagawa ang trabaho at mga
gawain ng mga manggagawang ipinasok ng subcontractor. Wala silang direktang kinalaman sa mga gawain ng
kompanya.Hindi pinapayagan sa batas ang job-contracting dahil naaapektuhan nito ang seguridad ng mga
manggagawa sa trabaho.
UNEMPLOYMENT- Kahit na anong gawin sa paghahanap ng trabaho ay walang nakikitang trabaho.

UNDEREMPLOYMENT- May trabaho subalit di akma sa tinapos na kurso,Part time.

Labor Force Participation Rate o LFPR - ay ang mga taong may edad 15 pataas na may kakayahan nang
magtrabaho ngunit hindi pa aktuwal na lumalahok sa produksiyon o naghahanap ng trabaho. Ang
pinakamalaking bilang nito ay ang mga estudyante, mga full time mother at mga taong umano’y tumigil na o
nawalan na ng sigla sa paghahanap ng trabaho (discouraged workers).

“Mura at Flexible Labor”

Isang matinding hamon ang kinakaharap ng mga manggagawa mula nang ipatupad ang patuloy na paglala ng
“mura at flexible labor” sa bansa

Mura at Flexible Labor -Ito ay isang paraan ng mga kapitalista o mamumuhunan upang palakihin ang kanilang
kinikita at tinutubo sa pamamagitan ng pagpapatupad ng mababang pagpapasahod at paglimita sa panahon ng
paggawa ng mga manggagawa.
- Isang paraan ito upang sila ay makaiwas sa patuloy na krisis dulot ng labis na produksiyon at kapital na
nararanasan ng iba’t ibang mga bansa.

ARALIN 3: Migrasyon

Migrasyon – tumutukoy sa proseso ng pag-alis o paglipat mula sa isang lugar o teritoryong politikal patungo sa iba
pa maging ito man ay pansamantala o permanente.

URI NG MIGRASYON:

1. Migrasyong Panloob – ito ay nagaganap sa loob lamang ng bansa. Maaring ang isa ay lumipat lamang ng
siyudad o rehiyon. Ang kanyang pagkamamamayan ay nanatili parin.

2. Migrasyong Panlabas – ito ay paglipat sa isang bansa. Maaring magbago o hindi ang pagkamamamayan
ng isa.

DAHILAN:

 hanapbuhay na makapagbibigay ng malaking kita na inaasahang maghahatid ng masaganang pamumuhay

 paghahanap ng ligtas na tirahan;
 panghihikayat ng mga kapamilya o kamag-anak na matagal nang naninirahan sa ibang bansa;
 pag-aaral o pagkuha ng mga teknikal na kaalaman partikular sa mga bansang industriyalisado.

DALAWANG URI NG PIGURA/FIGURES:

1. Flow - tumutukoy sa dami o bilang ng mga nandarayuhang pumapasok sa isang bansa sa isang takdang
panahon na kadalasan ay kada taon. Mahalaga ito sa pagunawa sa mobility ng mga tao. Kasama dito ang
mga

 Inflow/Immigration – arrival
 Outflow/Emigration – departure

Net Migrasyon = ibinabawas ang bilang ng umalis sa bilang ng pumasok

2. Stock - bilang ng nandayuhan na naninirahan o nananatili sa bansang nilipatan. Nakakatulong ito sa

pagsusuri sa matagalang epekto ng migrasyon sa isang populasyon.
MGA NANGUNGUNANG BANSA SA DESTINASYON NG MGA OFW (2013)

1. USA
2. Saudi Arabia
3. UAE
4. Malaysia
5. Canada
6. Australia

Ang paggalaw o daloy ng migrasyon ay makikita sa iba’t ibang anyo. Nandarayuhan ang mga tao bilang
manggagawang manwal, highly qualified specialists, entrepreneur, refugees o bilang isang miyembro ng pamilya

 The Age of Migration – binigyang diin ni Stephen Castles at Mark Miller. Tumutukoy sa iba’t-
ibang anyo at daloy ng migrasyon ang nakapangyayari bilang tugon sa pagbabagong
pangkabuhayan, pampolitikal, cultural at marahas na tunggalian sa pagitan ng mga bansa

MGA IDEYA SA DALOY NG MIGRASYON

1. Globalisasyon ng Migrasyon - Tumataas ang bilang ng mga bansang nakararanas at naaapektuhan ng

migrasyon tulad ng mga bansang Australia, New Zealand, Canada at US

2. Mabilisang Paglaki ng Migrasyon - Ang kapal o dami ng mga nandarayuhan ay patuloy ang pagtaas sa
iba’t ibang rehiyon ng daigdig. Malaki ang implikasiyon nito sa mga batas at polisiya na ipinatutupad sa
mga destinasyong bansa.

3. Pagkakaiba-iba ng Uri ng Migrasyon

 Irregular Migrants - ang mga mamamayan na nagtungo sa ibang bansa na hindi dokumentado,
walang permit para magtrabaho at sinasabing overstaying sa bansang pinuntahan.

 Temporary Migrants - tawag sa mga mamamayan na nagtungo sa ibang bansa na may

kaukulang permiso at papeles upang magtrabaho at manirahan nang may takdang panahon.

Permanent Migrants - mga overseas Filipinos na ang layunin sa pagtungo sa ibang bansa ay hindi lamang trabaho
kundi ang permanenteng paninirahan sa piniling bansa kaya naman kalakip dito ang pagpapalit ng citizenship

4. Pagturing sa Migrasyon bilang Isyung Politikal - malaki ang naging implikasyong politikal ng migrasyon sa
mga bansang nakararanas nito. Ang usaping pambansa, pakikipag-ugnayang bilateral at rehiyunal at
maging ang polisiya tungkol sa pambansang seguridad ay naaapektuhan ng isyu ng migrasyon.

5. Paglaganap ng Migration Transition – nagaganap kapag ang nakasanayang bansang pinagmumulan ng

mga nandarayuhan ay nagiging destinasyon na rin ng mga manggagawa at refugees mula sa iba’t ibang
bansa.

6. Peminisasyon ng Migrasyon – Malaki ang ginagampanan ng kababaihan sa usaping migrasyon sa

kasalukuyan. Sa nagdaang panahon, ang labour migration at refugeesay binubuo halos ng mga lalaki.
 House Husband - inaako na ng lalaki ang lahat ng responsibilidad sa tahanan pati ang gawain ng
isang ina (kung ang ina ang nangibang bayan o bansa) upang mapangalagaan ang buong pamilya
lalo na ang mga anak.
IMPLIKASYON NG PEMINISASYON NG MIGRASYON
- Pagkuha ng katulong sa bahay, yaya para mag-alaga sa anak, pagiging house-husband ng lalaki

BANGLADESH- Nagpanukala ng tamang edad ng mga bbaeng manggagawa, pagbabawal sa pagasok ng

mga domestic workers na nalaganap sa ibat ibang panig ng mundo.

NEPAL- Nagpanukala na ang lahat ng employer o recruitment agency ay dapat na magkaroon ng

aaproval permit mula sa kanilang embahada bago kumuha ng mga Nepalese Worker upang maprotektahan ang
kanilang mamamayanan at maiwasan ang mga illegal na pagpasok sa ibang bansa.

MGA ISYUNG KALAKIP NG MIGRASYON

Ang mga migranteng manggagawa ay nakapagdadala sa kanilang pamilya ng libo-libong dolyar na

remittance. Malaki ang naitutulong nito sa pag-ahon ng kanilang pamilya sa kahirapan, sa pagpapagawa ng bahay,
pantustos sa pagpapaaral, at pambayad sa gastusing pangkalusugan-habang nakakatulong sa ekonomiya ng
bansang pinagtrabahuhan. Sa kabilang banda naman ay may mga migranteng namamatay, nasasadlak sa sapilitang
pagtatrabaho, at nagiging biktima ng trafficking.

1. Human Trafficking – ayon sa United Nations Office of Drugs and Crime, ito ay ang “pagrerecruit,
pagdadala, paglilipat, pagtatago, o pagtanggap ng mga tao sa pamamagitan ng di tamang paraan para
sa hindi magandang dahilan tulad ng forced labor or sexual exploitation”

2. Forced Labor – ay isang anyo ng human trafficking. Ayon sa ILO ay konektado sa “mga sitwasyon kung
saan ang mga tao ay puwersadong pinagtatrabaho sa pamamagitan ng dahas o pananako
 Ayon sa ILO, malimit na mga migrant workers/indigenous peoples ang nagiging biktima ng forced
labor

3. Slavery – ay isang uri ng sapilitang paggawa na kung saan tinuturing o tinatrato ang isang tao bilang
pagmamay-ari ng iba. Inaari ang mga alipin na labag sa kanilang kalooban mula nang sila’y nabihag,
nabili o sinilang, at inaalisan ng karapatan na magbakasyon.
 4Ps (Partnership, Prevention, Prosecution and Protection) – estratehiya ng pamahalan sa loob at
labas ng bansa upang malabanan ang pang-aalipin

 BOLOGNA AT WASHINGTON ACCORD

1. Bologna Accord (Europa) - ay hango mula sa pangalan ng isang unibersidad sa Italy na University
of Bologna kung saan nilagdaan ng mga Ministro ng Edukasyon mula sa 29 na mga bansa sa Europe
ang isang kasunduan na naglalayon na iakma ang kurikulum ng bawat isa upang ang nakapagtapos ng
kurso sa isang bansa ay madaling matatanggap sa mga bansang nakalagda rito kung siya man ay
nagnanais na lumipat dito.

2. Washington Accord (U.S) - na nilagdaan noong 1989 ay kasunduang pang-internasyunal sa pagitan ng

mga international accrediting agencies na naglalayong iayon ang kurikulum ng engineering degree
programs sa iba’t ibang kasaping bansa.

3. K-12 Kurikulum (Pilipinas) - naglalayong iakma ang sistema ng edukasyon sa ibang bansa. Inaasahan
ng repormang ito na maiangat ang mababang kalidad ng edukasyon sa bansa at matugunan ang
suliranin sa kawalan ng trabaho sa bansa.