Kapatad ku kang Kristo Jesus, purian taya ing Dios a
kekatang Ibpa, a minaus kekatamu king binyag ban maging keyang balayan.
Nuan Ka, Dios a Guinu mi, Ibpa ring sabla at
linalang king meto-sikluban: kapamilatan ning danum ning kekaming binyag, binangun Mu kami king metung a bayung bie kang Kristo.
Bustan Mung iting danum paganaka na kekami
ing lugud Mu a mipakit kekami inyang mabinyag kami.
Saupan Mu kami, O Ibpa, ban mibye-bye kami
king Kekang kasuyuan.
Nuan Ka, Ibpa, mangga man king alang angga.
Amen. Nung misamutan asin ing danum:
Lubus mayupayang Dios, ipanigapu mi,
pabanalan Mu sa iting asin (+), anti ning misan Mu nang pepabanalan ing asin a silbag nang propeta Elisha king danum. Nukarin man mipisik iting asin at danum, mitabi sa ing upaya ning dewakan, at king kalam ning Banal a Espiritu, miligtas kaming parati. Iti aduan mi kapamilatan nang Kristong Guinu mi. Amen. PAMAMENDISYUN KARING SAKEN Ing Guinu manatili Ya kekayu. At keka antimurin.
Manalangin tamu.
O mayupayang Dios, miglalang king banua’t yatu,
king kekang lubus a kabyasnan, pigkatiwala mo king tau ring makapagmulala at mauling bage sukat daptan.
Bendisyunan me iting saken at ipagkalub mu, adwan
mi, king ding sablang gumamit kaniti makapaglakbe lang mitmung masabal king kaligtasan at apihu ra ing kapanatagan da ring aliwa king karelang pamaningat.
Kabang maglakbe la, bustan mung parati rang
damdaman ing panga-atyu nang Kristo anting karelang kayabe king dalan uling ya ing karelang Ginu a mabibie at mag-ari kambe mu at ning Banal a Espiritu, mangga man king alang angga. Amen.