B2ko helburuak
MINTZAMENA
ENTZUMENA
Aurrez aurre nahiz komunikabideetan, hizkera estandarrean egindako elkarrizketak, azalpenak eta abar ulertzeko gai izango da,
batez ere gizarte-harremanen esparrukoak badira. Halaber, gai konplexuetako ideia nagusiak ulertuko ditu, baina zailtasuna izan
dezake egitura konplexuekin eta hizkuntzaren esamolde jatorrak erabiltzen direnean. Maila honen amaieran, ikaslea gai izango da
lagunartean aurrez aurre ari denean, ematen zaion azalpena zehatz ulertzeko, xedea informazioa edota iritzia ematea
denean. Badaki, halaber, ideia nagusiak eta bigarren mailakoak bereizten eta komunikazio-asmoa atzematen.
ezagun zein ezezagunen artean eta haren arloko gaietan, aurrez aurre egiten diren azalpen eta elkarrizketetan deskribapenak
ulertzeko. Zenbaitetan, solaskidearen jarrera eta emozio-graduak atzemango ditu.
kontaketa, pasadizo eta gertakizunak ulertzeko, solaskidea tokian tokiko hizkeran ari bada ere.
lagunarteko eztabaidetan iritzi eta argudioak ulertzeko. Xehetasunak eta argudio desberdinak ongi ulertzen ditu, batez ere
esplizituak direnean. Solaskidearen aldartea eta jarrera ere atzematen ditu batzuetan.
tokian tokiko hizkeran ematen diren hedabideetako albiste eta kontakizunak ulertzeko: albistegiak, zuzeneko elkarrizketak,
eztabaidak eta abarrak.
lan-esparruan, zerbait eginarazteko xedez, gai zehatz edota abstraktuen inguruan ematen dizkioten jarraibideak ongi
ulertzeko.
lan-arloan edo Administrazioarekiko harremanetan eztabaida eta elkarrizketak ulertzeko. Adibidez, langile batek beste bati
emandako agindu zehatzak, funtzionario batek emandako instrukzioak eta abar.
Administrazio zein beste erakunde bateko solaskideari egoera jakin bati buruzko azalpenak eta aholkuak ulertzeko.
Adibidez, erreklamazio bat aurkezteko prozedura, eskaera administratibo bat nola egin eta abar.
lan-esparruan lankideekin eztabaidan ari denean, ideiak eta iritziak ulertzeko eta solaskideak nabarmendutako argudioak
identifikatzeko.
intereseko hitzaldi eta ikastaro laburretan mamia ulertzeko, baldin eta aurkezpena argia bada.
IRAKURMENA
Ohiko harremanen esparruan testu gehienak ulertzeko gai izango da, eta ideia nagusiak eta bigarren mailakoak bereiziko ditu.
Hiztegi zabala izango du, eta xehetasun asko ulertuko ditu, zailtasuna izan badezake ere hainbat esamolde eta ñabardurarekin.
Igorlearen sentimendu eta jarrerak atzemateko gai izango da. Maila honen amaieran, ikaslea gai izango da
hurbilekoek, gutun, mezu elektroniko, sare sozial eta abarretan, gertatutako zerbaiten ondorioz, adierazten dizkioten
sentimendu eta aldarteak erraz antzemateko: poza, tristura, haserrea, harridura eta abar.
tresnaren bat martxan jartzeko, konpontzeko edota zerbait egiteko helburuz, argibide luze eta konplexuak ulertzeko;
betiere, atalik zailenak eta ñabardurak berriro irakurtzeko aukera badu.
erakunde edo elkarte batetik bidalitako eskaerak, informazioa edo jakinarazpenak ulertzeko.
eskutitz, liburu eta mezu elektronikoetan pertsonen deskribapen subjektiboak ulertzeko.
foroetan, blogetan eta, oro har, hedabideetako artikuluetan, gizarte-gai eta -auziez emandako iritziak ulertzeko.
herri-aldizkari, foro edo blogetan, film, ikuskizun edo liburu ezagun baten kritika ulertzeko.
egunkari, aldizkari eta blogetan irakurtzen dituen hainbat artikulu eta txosten ulertzeko, baldin eta bere arlokoak badira.
Tarteka, hiztegia erabili beharko du, terminologiari lotutako zenbait ñabardura argitzeko.
Administrazioko jakinarazpen, erreklamazio edo deialdiak ulertzeko, nahiz eta, tarteka, zailtasuna izan hainbat xehetasun
eta ñabardurez jabetzeko.
lan-esparruan, haren arloko txostenen eduki nagusiaz arazo handirik gabe jabetzeko.
hainbat testu literario ulertzeko (nobela laburrak, narrazioak, ipuinak…). Era berean, gai da pertsonaien aldarteak,
jokabideak eta horien ondorioak ulertzeko.
Lagunarteko elkarreragin arruntean jariotasunez aritzeko gai izango da, besteak jakinaren gainean jarriz, iritzia eskatuz, bere
ikuspegia defendatuz eta abar. Eraginkortasunez komunikatuko da eta, ohiko gai eta egoera ezagunetan adierazpen argiak egingo
ditu. Haren lan-esparruko hainbat gairi buruzko deskribapenak eta azalpenak ere emango ditu, alderdi esanguratsuak eta
xehetasunak bereiziz. Maila honen amaieran, ikaslea gai izango da
albisteei eta gertaerei buruzko azalpen xehea egiteko, xedea ezagunei informazioa ematea denean.
ezagunei aurrez aurre albiste bat jariotasunez kontatzeko, haien iritzia eskatuz.
lagun batekin zein talde txikian, esperientzia edo gertaera jakinak kontatzeko, sentimenduak eta jarrerak adieraziz eta
gertaera horiek harentzat izan duten garrantzia nabarmenduz; adibidez, oporrak kontatzeko garaian, gertakizun sozial batean
eta abar.
ahoz, aurrez aurre zein telefonoz, lankideei jarraibideak emateko, lan-prozedura bati buruzko argibideak eta gomendioak
emanez.
lankideei lan-arloko hainbat gairi buruzko azalpen argiak emateko deskribapen argi eta xeheak eginez, hauek jakinaren
gainean jartzeko edota ideiak alderatzeko helburuz. Ongi bereziko ditu nabarmentzekoak diren alderdiak eta lagungarri
zaizkion xehetasun edo ohar osagarriak.
sendabidea jasotzeko helburuz, medikuari haren zein gainerakoen sintomak adierazteko.
Administrazioan zein beste erakunde batean, erreklamazio zehatz bat egiteko, azaldutakoaren inguruan konponbidea
eskatuz; adibidez, gaizki ezarritako isun baten erreklamazioa egiteko.
(…)
Elkarreraginean:
lagunartean, bat-bateko elkarrizketetan parte hartzeko, proposamenak eginez eta interesekoa dena nabarmenduz, baita
solaskidea jatorrizko hiztuna denean ere.
ezagunen arteko eztabaidetan bere ikuspegia argi azaltzeko. Ongi bereiziko ditu ideia nagusiak eta azalekoak, eta adibide
egokiak emango ditu.
lankideekin bilera batean elkarrizketa bat izateko, zenbaitetan gaitik urrunduz, hariari eutsiz eta kasuan kasuko erantzun
egokiak emanez.
lan-bileretan lankideekin eztabaidatzeko, informazioa alderatuz, ados dagoen edo ez adieraziz eta argudio arrazoituak
emanez.
aurrez aurre zein telefonoz, erakunde batean jasotako zerbitzuagatik kexa adierazteko, honi buruzko azalpenak emanez eta
kexa-hartzaileak egindako galderei erantzunez.
IDAZMENA
Haren arloko gaiei buruzko testu argi eta ongi egituratuak idazteko gai izango da, baita hainbat iturritako informazioa erabiltzeko
eta bere iritzia emateko ere, aldeko eta kontrako argudioak argi adieraziz. Maila honen amaieran, ikaslea gai izango da
lagunei edota lankideei deskribapenez osatutako azalpenak egiteko.
lagunarteko blog batean, albiste bati buruzko iritziak emateko eta iruzkinak egiteko.
lagunarteko foro edo blogetan, film, ikuskizun, liburu edo zerbitzu baten iruzkin edo iritzi laburra idazteko.
esparru publikoan, argibideak, gomendioak eta instrukzioak idatziz emateko, jendea jakinaren gainean jartzeko asmoz.
elkarte bateko kide izanik, bertako partaide guztiei gutun edo idatzi bat egiteko, zerbait eskatuz edota zerbaiten berri
emanez.
erakundeekiko harremanetan, gutun-eskaerak eta erreklamazioak egiteko, kexu bat azalduz, konponbideak eskatuz…
lan-esparruan, alde onak eta txarrak nabarmenduz, egitasmo edota proposamen bati buruzko iritzia idatziz emateko.
lan-esparruan, bilera-deiak eta baimen-eskaerak egiteko.
kultura-emanaldi baten aipua idazteko, herri-aldizkarian, deskribapen labur bat eginez.
egunkari bateko zuzendariari gutunak sailean, gertaera batek eragindako jarrera edo sentimendua adierazteko.