KAGAWARAN NG KAGALINGANG PANLIPUNAN AT PAG-UNLAD

Pantawid Pamilyang Pilipino Program

Panunumpa ng Pagtupad sa mga Kundisyon ng

Modified Conditional Cash Transfer for KIA/KIPO (Kill in Action and Kill in
Police Operation)

Ako , taong gulang at kasalukuyang

naninirahan sa Sitio Barangay , Bayan ng
lalawigan ng , ay nanunumpa at nangangako na tutuparin ang
mga kundisyon at pananagutan bilang benepisyaryo ng “Modified Conditional Cash Transfer for
KIA/KIPO (FNSP)”, isang programa ng Pantawid Pamilyang Pilipino, at susundin ang iba pang
tungkulin at responsibilidad bilang pinuno (household head)/ tagapag-alaga (guardian/foster parent) ng
aming sambahayan.

Bilang isang benepisyaryo ng MCCT for FNSP, ako at ang miyembro ng aking pamilya ay taos
puso at ganap na tutupad sa mga sumusunod na kundisyon at pananagutang nakapaloob sa programa:

I. PANGKALUSUGAN AT NUTRISYON

A. Ako o sinomang miyembro ng aking pamilyang nagdadalantao ay kinakailangang dumulog o

dumalo sa mga itinakdang araw ng pagdalaw ng mga propesyunal na manggagamot o
empleyadong may kasanayang pangkalusugan at tutupad sa mga sumusunod:

a. Palagiang pagsubaybay sa kalagayang pangkalusugan ng mga nagdadalang-tao at

nagpapasusong kababaihan;
b. Pangkalahatang pagpapabakuna ng mga nagdadalang-tao at batang katutubo;
k. Pagsangguni sa mga klinikang pangkalusugan (Health Center) o itatalagang klinika sa
lugar ng mga nagdadalang-taong kababaihan bago at matapos magluwal ng sanggol at
titiyaking susundin ang mga tagubilin at kinakailangang serbisyo ayon sa pamantayan ng
Kagawaran ng Kalusugan (Department of Health) (ayon sa pagkakaroon ng mga nauukol
na pasilidad at serbisyong pangkalusugan);
d. Ang pagluluwal ng sanggol sa mga itinalagang pasilidad sa panganganak (birthing
facility) o sa loob ng tahanan (home delivery) na maaaring isagawa ng isang katutubong
hilot/nagpapaanak na ginagabayan ng isang midwife o isang may kasanayan sa
pagpapaanak alinsunod sa itinakda ng Kagawaran ng Kalusugan (ayon sa pagkakaroon ng
nauukol na gamit o supply at serbisyong pangkalusugan).

B. Ayon sa mga katutubong kasanayan na pinahintulutan ng Kagawaran ng Kalusugan (DOH),

ang lahat ng mga kabataang miyembro ng aking pamilya/tahanan ay kinakailangang
magpurga at gayundin naman magkaroon ng angkop at sapat na bakuna at karagdagang
bitamina na magmumula sa Municipal Health Center (ayon sa pagkakaroon ng mga nauukol
na gamit o supply mula sa MHC).

II. EDUKASYON

Titiyakin ko na hindi bababa sa 85% ng kinakailangang bilang ng araw sa pagpasok ang aking
mga anak na nasa tatlo (3) hanggang labing walong (18) taong gulang na nasa Day Care,
Elementary at High School sa mga itinakdang paaralan maging sa Alternative Learning Sessions
(ALS), School of Living Tradition, o iba pang katutubong pamamaraan ng pagtuturo sa
pamayanan.

III. COMMUNITY FAMILY DEVELOPMENT SESSIONS

Titiyakin ko ang pagdalo sa mga napagkasunduang takdang araw ng mga Community Family
Development Sessions, palihan (seminar) at pagpupulong ng pamayanan na tatalakay sa mga
usaping naglalayong mas mapaunlad ang kamalayang pampamayanang naaayon sa aming
katutubong kaalaman, paniniwala at kaugalian (IKSP), gayundin ang pakikilahok sa sama-samang
pagbalangkas ng mga pampamayanang usapin.
 IV. KARAMPATANG DISIPLINA SA PAGLABAG SA MGA KUNDISYON AT
RESPONSIBILIDAD BILANG BENEPISYARYO

Ang hindi ko pagtupad alin man sa mga kundisyon o responsibilidad na nakasaad sa

kasunduang ito ay magkakaroon ng karampatang disiplina:
1. UNANG PAGLABAG sa alin mang kundisyon na nabanggit, ako ay mabibigyan ng
“warning” o paalala sa maaaring maging epekto nito sa pagtanggap ko ng “cash grant”.

2. PANGALAWANG PAGLABAG ay magsasanhi ng suspensyon sa pagtanggap ko ng

“cash grant” sa susunod na iskedyul at sa susunod pang mga iskedyul hangga’t hindi ko
naipapatupad ang mga kinakailangang kundisyon.

3. PANGATLONG PAGLABAG sa hindi pagtupad sa alin mang kundisyon ng programa ay

magsasanhi ng pagkansela o pagtanggal sa akin bilang benepisyaryo ng programang
Modified Conditional Cash Transfer for IPs (MCCT for FNSP).
.
4. Ang batang benepisyaryo na nakaenrol sa programa at hindi pumasok higit sa
pinakamaraming bilang (85%) ng pagliban sa klase na sanhi ng pagkakaroon ng sakit o
aksidente ay kinakailangang magsumite ng katibayan (medical certificate) mula sa
City/Rural Health Center. Ang batang benepisyaryo na lumiban sa klase dahil sa ibang
kadahilanan bukod sa sakit at aksidente ay dadaan sa pagsusuri o imbestigasyon ng Social
Worker at ang desisyon ay manggagaling sa Municipal Advisory Committee.

5. Mga iba pang maaaring dahilan ng pagkansela o pagtanggal sa programa ay ang mga
sumusunod:

Hindi pagkolekta ng “cash grant” ng dalawang magkasunod na skedyul ng “cash

transfer”
Pagbibigay ng maling impormasyon hinggil sa sambahayan o impormasyon hinggil
sa pagpapatupad ng mga kondisyon at responsibilidad kaakibat ng pagiging
benepisyaryo ng programa.

V. PAGTANGGAP NG CASH GRANT NG ISANG BENEPISYARYO

Sa pagkakataong ako ay mapatunayan na isang miyembro na ng regular Pantawid, ako ay hindi na

maaaring maging miyembro ng “Modified Conditional Cash Transfer .” Kasabay nito, kung ako
ay nasa listahan ng mga tatanggap ng cash grant sa ilalim ng MCCT for FNSP, malugod kong
iintindihin na hindi ko maaaring tanggapin ang “cash grant”.

Ang taos-puso kong pagtupad sa mga nabanggit na kondisyon at pananagutan ay

nangangahulugan ng pagtanggap ko ng kaukulang “cash grant” ayon sa napagkasunduang
pamamaraan ng pamamahagi.

Ang kasunduang ito ay nilagdaan ko ngayong ika- ng taong 20 sa

.

Pangalan at Lagda

Family ID No.