Shizzy Ikeyah Novela Petsa:

Nagsimula ang kwento sa pagkwekwento ni Heneral Luna sa isang manunulat.

Kwinekwento nya ang mga pangayayari na naganap. Nag umpisa ito sa pagtatalo ng
mga miyembro ng gabinete kung saan nabibilang si Heneral Antonio Luna at si Emilio
Aguinaldo na kanilang Presidente. Pinag-aawayan nila ang digmaan kontra Amerikano
dahil unti unti na silang nasasakop ng mga ito. Nang matapos kong panuorin ang
pelikula, sinimulan kong kwestiyunin kung talaga bang karapat-dapat nating tawaging
bayani si Emilio Aguinaldo dahil lamang siya ang nagdeklara ng kalayaan ng Pilipinas
at ang naging unang Pangulo ng unang Republika ng Pilipinas. Ang pelikula ay tunay
na nakakamulat ng mata. Naramdaman ko ang lungkot, at maski ang galit sa ating
kapwang Filipino, lalong lalo na mismo kay Emilio Aguinaldo. Napagtanto ko rin na ang
kasaysayan na tinatamasa natin ngayon ay puno ng kasinungalingan at ang pundasyon
nito ay hango sa mga traydor katulad na lamang ni Aguinaldo at ang kanyang mga
sunod-sunoran. Akala ko si Emilio Aguinaldo ay tunay na bayani at karapat dapat na
maging Presidente noon paman, ngunit pagkatapos ng pelikula ay nagbago ang aking
pagtingin.

Sa aking palagay, ang mensahe na ipinaparating sa mga manonood ay hindi

lamang tungkol sa buhay ni Heneral Antonio Luna kundi ito na rin ang kanyang paraan
ng pagsabi na ang henerasyon natin ay unti-unti nang nagiging manhid sa sariling
bayan at mas mas pinipili pa natin ang magpakamatay para sa pamilya at hindi sa
sariling bayan. Sino nga ba si Heneral Luna? Si Heneral luna ay isang magiting na
heneral at isang bayani na lumaban para sa kalayaan nating mga Pilipino. Para saakin,
tumatak ang kanyang linyang "Bayan o Sarili?" . Dahil aminado ako na ako ay
makasarili at pokus lamang sa aking sariling tagumpay. Ang tanong na "Bayan o
Sarili?" ay pinaisip ako kung paano ako sasagot; kung ano ang aking magiging
reaksyon? Kaya ko bang unahin ang bayan kesa sa aking pamilya, sarili at isakripisyo
lahat ito kabilang na ang aking buhay? Pinapapili tayo. Ngunit para saakin, parehas
lang ito. Ang pagbubuo sa sarili ay pagbubuo sa bayan. Hindi ito paghihiwalay sa
dalawang bahagi kundi ito ay punto ng pagkakaisa. Hindi mo pipiliin ang isa para
isantabi yung isa. Magkakaroon ba ng bayan kung wala ang mga sarili o mamamayan
nito? Iiral nga ba ang sarili kung walang bayan? Kung ako ang tatanungin, uunahin ko
pansamantala ang aking sarili. Sabi nga ng iba, paano ka makakatulong na mapaunlad
ang bansa kung mismo ang sarili mo ay hindi mo mapaunlad? Magumpisa ka muna sa
iyong sarili at siyaka maghangad ng mas malaki pa.

Ang pelikulang Heneral Luna ay nagpapaalala sa atin ng historya ng Pilipinas at

kabayanihan ng isang Heneral na karadapat-dapat na ituring na bayani. Malaking
tulong ang pelikulang ito para umiral ang nasyonalismo sa napakaraming Pilipino at
imulat ang lahat sa mga pangyayari noon na halos kinakalimutan na ng nakakarami.
Maraming mensahe ang nais ipabatid ng pelikula. Pinapakita dito ang ibat ibang
kaugalian ng Pilipino at ng mga may posisyon sa politika. Pinakita sa kwento kung
gaano naging makasarili ang ibang pinuno o myembro ng gabinete para sa kanilang
sariling kapakinabangan. Kinakalaban o kinokontra nila si Luna para sa kanilang
kapakanan. Napagtanto ko na kaya hindi nagkakaisa ang mga Pilipino ay dahil
kinakalaban naten ang kapwa natin Pilipino. Dito ko napagtanto na malaking bagay ang
pagtutulungan. Dahil ang pagtutulungan ng kapwa, magkakaroon ng tagumpay.