Suring Pelikula

I. Panimula
- Ang pelikulang "Pitong Kabang Palay" ay isang Indie film na kung saan pinapakita ang tunay na
kalagayan ng ating lipunan. Ang Pilipinas ang bansang pinagmulan ng pelikulang ito. Dito sa atin, ang
kahirapan ang pangunahing suliranin na ating kinahaharap. Maaaring ang pelikulang ito ay naglalayon na
ibukas ang isipan ng mamamayan at maging ang pamahalaan na dapat lamang pagtuunan ng pansin ang
kahirapan o ang kanilang nasasakupan. Ito rin ay naglalayon na ipakita ang tunay na kalagayan ng bawat
Pilipino na naghihirap o simpleng namumuhay sa probinsiya at humahanap ng paraan upang makaahon sa
buhay.

II. Pamagat
- Pitong Kabang Palay

III. Karakterisasyon at Pagganap

A. Pangunahing Tauhan
• Balong (Alfonso Ynigo Delen)
- ang siyang nagbigay buhay sa istorya. Sa murang edad niya pa lamang namulat na siya sa
katotohanan. Masasabi kong mahusay ang pag-arte na kanyang ginawa sa pelikula, dahil kahit siya
ay musmos pa lamang o hindi batikan sa industriyang ito, nalapatan niya ng tamang damdamin at
emosyon ang kanyang linya. Ang napansin ko lamang ay paminsan-minsan, humihina ang kanyang
boses. Ngunit sa kabuuan, siya ay nagpakita ng mahusay na pagganap.
•Lito (Micko Laurente)
-ang kuya ni Balong at Shirley na matiyaga sa buhay. Gaya ni Balong siya rin ay namulat sa
hirap ng buhay kaya naman tumayo na siyang ina sa kanyang kapatid kapag wala ang kanyang
nanay. Nakitaan ko siya ng kahinaan tuwing hindi magkatugma ang ekspresyon ng mukha sa
kanyang sinasabi ngunit gaya ni Balong, nakaroon siya ng mahusay na pagganap.
•Deling (Sue Prado)
-Handang gawin ang lahat upang maiahon sa buhay ang kanilang pamilya. Siya ay marami
nang karanasan sa pag-arte kaya naman nagdagdag buhay din ito sa pelikula.
•Jaime (Arnold Reyes)
- Isang tipikal na ama na kayang gawin ang lahat upang maging maayos ang kanilang
pamumuhay. Gaya ni Deling siya rin ay hasa na sa pag arte kaya naman nagampanan niya ng
maayos ang kanyang pagganap.
•Shirley (Precious Miel Espinosa)
-ang kanilang bunso na hindi makapagsalita ngunit kalaunan, sa tulong ni Balong, natutunan
din nito. Isang tipikal na bunso, masayahin at nagbibigay saya sa pamilya. Kahit sa murang edad,
marunong na siya gumanap.
B. Katuwang na Tauhan
• Amo
 - nagbibigay pasuweldo sa mga magsasaka maging kay Jaime. Siya ang may-ari ng sakahan.
Kahinaan niya ay hindi ramdam ang kanyang presensya bilang may-ari
•Ale
- ang kaibigan ng kanilang pamilya. Handang magbigay tulong sa kanila. Gaya ng Amo nila
hindi ko rin maramdaman na parte siya ng pelikula.
•Lola
-Dinala ang mga bata sa pistahan at kanyang pinasaya. Kulang sa emosyon at interaksyon sa
sinasabihan ng linya.
•Pare
-Ang kaibigan ni Balong na kahit anong problema ay nandyan siya. Gaya ng mga batang aktor,
mahusay ang kanyang pagganap.

III. Uri ng Genre

- ito ay drama na tungkol sa pamilya. Tinatalakay sa Genre’ng ito ay mga problema o alitan sa isang
pamilya, mga pagsubok at mga kasiyahan na nagagawa at naidudulot ng pamilya.

IV. Tema o Paksa ng Pelikula

-Naipapakita na kahit maliit lamang ang baon mo, na kahit hindi ganoong kasarap o kadami ang ulam,
na kahit konti lamang ang kabang palay na pagkakasyahin ninyo sa loob ng ilang buwan, marunong pa rin
tayo magpasalamat sa Panginoon, magbigay, at magmahal ng totoo lalo na sa pamilya natin.

V. Sinematograpiya
- Kahit isa itong indie film, maganda ang pagkakakuha ng mga pangyayari. Ngunit napakagalaw ng
camera na ipanangkukuha sa isang senaryo. Maaring ito ay ikahilo ng mga manonood.

VI. Paglalapat ng Tunog at Musika

-Maayos na nailapat ang tunog at musika sa pelikula. Lalo na sa may parteng makapagdamdam
damdamin. Ngunit ang problema lamang ay ang boses ng mga artistang nagsiganap. Minsan ang boses nila
ay humihina at hindi na maintindihan. Ngunit sa kabuuan, maayos ang pagkakalapat ng tunog at musika sa
bawat senaryo at nakadadagdag kulay sa pelikula.

VII. Editing
-Maayos ang pagkakatagni-tagni ng mga pangyayari. Nakulangan lamang ako sa pagpapakita ng
totoong ulap doon sa parteng nalipad si Balong sa kanyang panaginip.
VIII. Production Designs
A. Sa bahay pa lamang ay akmang akma na ito, mula sa dekorasyon hanggang sa lokasyon ng mga
props sa loob ng bahay kaya naman nadama namin ang gusto nilang ipahiwatig.
B. Gaya ng isang pamilyang hindi ganoon karangya ang buhay, hindi sila nagsuot ng magarbong damit.
Simple at makikita mo talaga ang estado nila sa buhay.
C. Ang tagpuan nila ay akma sa istorya gaya na lamang ng palayan na makatutulong upang ipakita ang
kanilang hanapbuhay.

IX. Direksyon
- mahusay na nagampanan ng direktor ang kanyang tungkulin. Mula sa iskrip hanggang sa maging
isang palabas na ito. Maganda ang pagkakasulat ng istorya at talaga makakapukaw ng atensyon ng mga
manonood. Ito rin ay pumopokus sa kalagayan meron tayo sa bansang ito.

X. Buod o Synopsis
- Sa palayan ng Isabela, ang pamilyang Dela Cruz ay nabubuhay ng simple, matipid na buhay, walang
kuryente o anumang luho, nagtatrabaho sa pamamagitan ng pagtatanim ng bigas at pagtipon kung ano ang
alok ng panahon. Ang batang si Balong, pangarap na makapagtapos at tumulong sa kanyang mga magulang,
dahil nasaksihan niya at ng kanyang mga kapatid ang pang-araw-araw na pakikipaglaban sa karanasan ng
kanilang magulang. Tulad ng sinusubukan ng kanyang ina na si Deling at ama na si Jaime na makahanap ng
mga paraan upang mapakain ang pamilya habang sinusuportahan ang kanilang pag-aaral, sinubukan ni
Balong at ng kanyang kapatid na si Lito na mabayaran sa pamamagitan ng pag-aaral ng matapang at kumita
ng mga karangalan sa paaralan.Pangarap ng isang mas mahusay na buhay, binibilang ni Balong ang mga
sako ng bigas na naiwan, ang pera na kailangan nila, at ang maliit na sandali na humantong sa isang hindi
maiiwasang pag-alis na maiiwan silang lahat na apektado.

John Lawrence Alonzo 9-Tanza