Professional Documents
Culture Documents
Kerkese Mjeket PDF
Kerkese Mjeket PDF
2018
Lënda: Kërkesë
Drejtuar: Prefektit të Qarkut Durrës
Z. Roland Nasto
I nderuar Z. Prefekt ju drejtohemi Ju, nisur nga shkresa Nr.241/5 datë 09.02.2018 “Për
përfshirjen e mjekëve të kujdesit parësor në mbulimin e shërbimit të mjekut roje në Pediatri në
Spitalin Rajonal Durrës”, e ardhur në Qëndrat Shëndetësore të Qarkut Durrës e cila na njofton ne
detyrën e mbulimit të shërbimit roje pranë Spitalit Rajonal Durrës nga mjekët e familjes të
emëruar në Qëndrat Shëndëtësor të këtij Qarku.
Kjo shkresë e ardhur në përputhje me Urdhëra të Ministrisë së Shëndetësisë dhe Mbrojtjes
Sociale është e papërshtatshme dhe jo e drejtë për arsye se:
1. Në aktin e emërimit tonë si mjekë familje pranë Qëndrave Shëndetësore dhe në kontratën
e punës nuk përfshihen në asnjë rast ofrimi i shërbimit roje pranë Spitaleve Rajonale, por
vetëm në shërbimin e kujdesit shëndetësor parësor.
2. Ne nuk kemi nënshkruar asnjë kontratë për ofrimin e shërbimit shëndetësor si mjëk roje
pranë Spitalit Rajonal Durrës dhe në asnjë rast nuk është marr paraprakisht miratimi apo
pëlqimi jonë.
3. Transferimi (qoftë ky i pjesshëm apo i përkohshëm) i ofrimit të shërbimin shëndetësor në
përputhje me aktet ligjore në fuqi nuk mund të bëhet në ato pozicione kërkesat e kriteret e
pranimit në të cila nuk janë të barabarta, për më tepër në ato raste kur kërkohen
kualifikime të veçanta apo vite experience (koha e eksperiencës nuk është marrë parasysh
në asnjë rast).
4. Ofrimi i shërbimit të mjekut të urgjencës duhet të bëhet nga mjek të specializuar, ose së
paku me një numër të caktuar vitesh eksperienc (çka rrit aftësinë e tij në përballimin dhe
menaxhimin e numrit të lartë të urgjencave në Spitalet tona Rajonale).
5. Ofrimi i kujdesit shëndetësor duhet të bëhet në çdo rast nga mjek të kualifikuar në
përputhje me nevojat e pacientëve, dështimi i ofrimit të këtij shërbimi dënohet penalisht.
6. Është thënë se mjekët e familjes do të shoqërohen nga një mjek primar në ofrimin e
shërbimit roje, por përgjatë 20 ditëve në të cilat është zbatuar ky plan, mjekët primar nuk
qëndrojnë në detyrë pranë nesh.
7. Pagesa për ofrimin e shërbimit tonë si mjek roje në Spital, në orarin 22:00 – 06:00 është
1000 lekë. Pagesë kjo tepër e ulët duke marrë parasysh kohëzgjatjen e shërbimit (8 orë),
vështirësinë e punës (turn i tretë) dhe pagesën që kryhet normalisht në urgjencën e
Pediatrisë. Ndërkohë në Qëndrat Shëndetësore për 7 orë paguhemi rreth 2200 – 3000 lekë
(neto).
8. Ofrimi i shërbimit në Spital është i detyrueshëm të kryhet në datën e përcaktuar në
shkresë, pavarësisht se ne mund të kemi përfunduar një turn të dytë në Qëndrat
Shëndetësor, apo nqs na takon një turn i parë në Qëndrat Shëndetësore. Më konkretisht në
datën që na është caktuar të kryhet ky shërbim, brenda 24 orëve ne do të punojmë 2 turne
(një turn në Qëndrat Shëndetësore dhe një në Spitalin Rajonal).
Ndaj duke mos dashur ofrimin e pakujdesshëm të shërbimit shëndetësor (potencialisht i
mundshëm, për shkak të mos pasjes së kualifikimit të duhur dhe eksperiencën e duhur)
kërkojmë të rishqyrtohet sa më shpejt ky Planveprim i MSHMS, pasi mbulimi i mungesave
në personel në Spitalet Rajonale me mjek që nuk mund të ofrojnë shërbimin e duhur është në
kundërshtim me çdo rregull apo parim etike dhe mjekësie. Të ndodhur në këto kushte ne
shohim si opsion dhe dhënien e dorëheqjes.
Shpresojmë ta ndiqni problemin tonë dhe të na ofroni një zgjidhje sa më të shpejte.
Faleminderit për mirëkuptimin.