SISTEMI I INFORMATIZIMIT

QË PO MODERNIZON
QENDRËN SPITALORE UNIVERSITARE
“NËNË TEREZA”
Ky botim shërben për njohjen e projektit Sistemi i Informacionit
për Shëndetin Publik (SISP), i cili është një risi në informatizimin e
shërbimeve shëndetësore në përgjithësi dhe e shërbimit
spitalor në veçanti, në Shqipëri.

© Materialet e paraqitura në këtë botim mbrohen nga e drejta e autorit dhe nuk mund të
riprodhohen pa bërë të ditur me saktësi burimin dhe autorësinë.
PËRMBAJTJA
I. HYRJE.................................................................................................................. 5
I.I Çfarë është SISP ............................................................................................ 5
I.II Qëllimi i projektit SISP ..................................................................................... 6
I.III Objektivat e projektit ...................................................................................... 6
I.IV Shtrirja e projektit .......................................................................................… 7
I.V Përfitimet e implementimit të SISP .........................................................…… 8
I.VI Risi gjatë implementimit të projektit SISP........................................................... 8

II. PROJEKTI, SHËRBIMET, PËRFSHIRJA DHE

MBËSHTETJA E INSTITUCIONEVE ........................................................................ 11
II.I Baza juridike e projektit ................................................................................... 11
II.II Institucionet ndërvepruese .............................................................................. 11

III. HISTORIKU SISP .................................................................................................. 13

III.I Projekti dhe ndërhyrjet e para në network, hardware, instalim dhe
konfigurim në QSUT ............................................................................................ 13
III.II Studimi i fizibilitetit ......................................................................................... 15
III.III Riorganizimi i shërbimit farmaceutik në QSUT.
Monitorimi i qarkullimit të Barna Materiale Mjekësore (B.M.M) ............................ 16

IV. INFORMATIZIMI DHE QARKULLIMI I PACIENTËVE AMBULATORË .................. 20

IV.I Fazat e implementimit ................................................................................... 20
IV.II Raportime mbi ambulatorët .......................................................................... 21

V. INFORMATIZIMI I SHËRBIMIT FARMACEUTIK NË QSUT ................................... 23

V.I Sistemi informacionit farmaceutik, qarkullimi i Barnave dhe
Materialeve Mjekësore (B.M.M) ............................................................................ 23
V.II Strukturimi i shërbimit farmaceutik, informatizimi në kohë reale ................... 23
V.III Menaxhimi i sistemit farmaceutik ............................................................... 24

VI. INFORMATIZIMI I QARKULLIMIT TË PACIENTËVE

NË NIVEL SPITALOR NË QSUT ................................................................................ 29
VI.I Automatizimi i proceseve të qarkullimit të pacientëve spitalorë dhe
dixhitalizimi i terapisë ditore të pacientëve në pavijonet me shtretër .................... 29

VII.OBJEKTIVA PËR TË ARDHMEN DHE MBARËVAJTJEN E PUNËS NË SISTEM ....... 46

SHKURTIME

SISP Sistemi i Informacionit për Shëndetin Publik

DSHP Drejtoria e Shëndetit Publik
ISHP Instituti i Shëndetit Publik
FSDKSH Fondi i Sigurimit të Detyrueshëm të Kujdesit Shëndetësor
MSH Ministria e Shëndetësisë
OBSH Organizata Botërore e Shëndetësisë
AKSHI Agjensia Kombëtare e Shoqërisë së Informacionit
AKTI Agjensia e Kërkimit, Teknologjisë dhe Inovacionit
QSUT Qendra Spitalore Universitare “Nënë Tereza”
QKEV Qendra Kombëtare e Edukimit në Vazhdim
BMM Barna Materiale Mjekësore
ADT Admission Discharge Transfers
DMM Depoja e Barnave dhe Materialeve / Farmaci Qendrore
BF Farmaci Spitalore
FND Farmaci të Nivelit të Dytë
HIS Hospital Information System
ATC Anatomical Therapeutic Chemical Classification System
ICD International Classification of Deseases
HL Health Level
I. HYRJE
I.I. Çfarë është SISP

SISP - Sistemi i Informacionit për Shëndetin Publik, është projekti i informatizimit të plotë të
shërbimit shëndetësor të Qendrës Spitalore Universitare “Nënë Tereza”.
Prespektiva e këtij projekti është realizimi i dixhitalizimit të shërbimeve të urgjencës, shërbimeve
laboratorike dhe atyre imazherike.
Ky projekt nisi me krijimin rishtazi dhe informatizimin e plotë të 16 recepsioneve në QSU
“Nënë Tereza”, si struktura spitalore bazë në organizimin e shërbimit ofruar ndaj pacientit.
Informatizimi i recepsioneve ka mundësuar sistemimin e fluksit të pacientëve ambulatorë në
QSUT, ka ulur ndjeshëm nivelin e informalitetit në marrëdhëniet mjek-pacient, duke rritur
ndjenjën e përgjegjshmërisë, si dhe ka rritur dokumentimin dhe cilësinë e shërbimeve të
ofruara ndaj pacientit në QSUT.
SISP i mundëson sot stafit spitalor informacion mbi shërbimet e ofruara ndaj pacientëve
ambulatorë, përmes raporteve online dhe në kohë reale.
SISP po ashtu zgjidhi atë që mund të konsiderohet “thembra e akilit” e QSUT-së. Informatizimi
i qarkullimit të Barnave dhe Materialeve Mjekësore (BMM) rrit transparencën dhe formalizon
lëvizjen e BMM.
Informatizimi i qarkullimit të BMM filloi në Spitalin Francez në janar të vitit 2011. Brenda
vitit, SISP realizoi informatizimin e plotë të Farmacisë Qëndrore dhe 10 Farmacive Spitalore.
Sot, ky sistem shtrihet në të gjitha pavjonet e shërbimeve të QSUT-së.
Informatizimi i kartelës klinike A.D.T. të pacientit ( Anamneza, Ekzaminimi objektiv, Diagnozat,
Proçedurat, Shpenzimet për: barna/materiale, transfuzione gjak dhe plazëm, dieta ushqimore,
ekzaminime laboratorike/imazherike, Shpenzime në Sallën e Operacionit ) është tashmë në
fazën e shtrirjes në çdo shërbim të QSUT-së.
Sistemi i ofron përdoruesve të të gjitha niveleve informacionin në kohë reale të gjendjes
së barnave në QSUT, në raporte të ndryshme, të cilat pasqyrojnë konsumin sasior dhe
financiar të pavjoneve dhe akses më të shpejtë te këto burime.
Falë këtij projekti institucionet ndërvepruese si, Ministria e Shëndetësisë kanë në dispozicion
statistika të sakta për të bërë planifikimin buxhetor vjetor për barnat dhe materialet e përdorura
në pavjonet me shtretër të prekura nga informatizimi. Nga ana tjetër, efektiviteti në mbledhjen
e të ardhurave nga pacientët e pasiguruar orienton në shpërndarjen e investimeve për
përmirësimin e standarteve mjekësore dhe infrastrukturore nga të cilat përfitojnë jo vetëm
pacientët, por edhe stafi spitalor.
SISP nuk është vetëm një program, ai është një sistem i tërë që prek çdo strukturë në
një shërbim spitalor. Është një sistem, ku në qendër është shërbimi ndaj pacientit.
Ky projekt po zbatohet nga shoqëria ONI sh.p.k në bashkëpunim me stafin e Qendrës
Spitalore Universitare “ Nënë Tereza “.
SISP synon të përmirësojë aksesin e kujdesit shëndetësor, dhënien e informacionit të
domosdoshëm në mënyrë të saktë, të orientuar drejtë dhe në një format standart për të
gjithë, sipas pavjoneve, shërbimeve e departamenteve, në mënyrë që niveli vendimmarrës
të ketë informacionin e nevojshëm në kohën e duhur, të bazuar në evidencë.

Sistemi i Informacionit për Shëndetin Publik l 5

Informatizimi lindi si domosdoshmëri për të formalizuar dhe zbatuar kritere të reja në
përmirësimin e shërbimeve shëndetësore.
Këto kritere përfshijnë një bashkërendim më të mirë ndërmjet shërbimeve të specializuara,
ngritjes së një sistemi informacioni transparent, lehtësisht të aksesueshëm, me një fleksibilitet
të gjerë për ndryshime të mundshme e standarte të përshtatshme, duke sjellë një risi në
sistemin e informatizimit shëndetësor në vend.
SISP – është i pari dhe i vetmi program software në fushën e mjekësisë i realizuar në gjuhën
shqipe, i cili integron të gjitha shërbimet që i ofrohen pacientit në një strukturë spitalore. Lejon
shkëmbimin e informacionit mjekësor në shërbim të personelit mjekësor dhe të pacientit.
Arkitektura - Client /Server në një intranet në të gjithë spitalin, shumë fleksibël, kompatibël
me shumë platforma, integritet të dhënash, kompatibilitet të dhënash.

I.II. Qëllimi i projektit SISP

1. Rritja e cilësisë së shërbimit ndaj pacientit dhe ulja e informalitetit në strukturat e

QSUT-së.
2. Ngritja e një sistemi informatik të hedhjes së të dhënave ambulatore dhe spitalore.
3. Krijimi i raporteve mjekësore dhe ekonomike sipas standarteve të kërkuara.
4. Sigurimin e një baze të besueshme të dhënash.
5. Reflektimi i DRG dhe vetëkrijimi i raporteve të para diagnostiko-terapeutike që
mund të përdoren si orientim për shërbimin spitalor kombëtar.

I.III. Objektivat e projektit

Informatizimi i plotë i Qendrës Spitalore Universitare “NënëTereza” në Tiranë nëpërmjet:

1. Informatizimit të qarkullimit të pacientëve ambulatorë.

2. Informatizimit të qarkullimit të pacientëve spitalorë.
3. Planifikimit
4. Informatizimit të terapisë ditore për pacient.
5. Informatizimit të raportimeve sipas kërkesave të FSDKSH dhe konsultimin e tyre në kohë reale.
6. Krijimit dhe ruajtjes automatike,historiku i raporteve.
7. Sistemit të informatizimit të shërbimit farmaceutik QSUT.
8. Dokumentacionit klinik elektronik.
9. Statistikave dhe raportimeve.

Krijimi dhe mirëmbajtja e databasës për: Diagnozat (ICD), kodet proceduriale (PCS), kodet
e shërbimeve të ofruara (LOINC), kodet e mallrave mjekësore (ATC), kodet e personelit (SISP),
kodet e strukturave (SISP).

Në varësi të kërkesave të QSUT-së ekziston mundësia të përmirësohen modulet ekzistuese

të sistemit ose të krijohen module të reja lidhur me informatizimin e qarkullimit të pacientit,

6 l Sistemi i Informacionit për Shëndetin Publik

barnave dhe materialeve mjekësore. Gjithashtu, mund të krijohen dhe përsosen raporte të reja
për shërbimin ambulator, farmaceutik apo spitalor.

I.IV. Shtrirja e projektit

Projekti shtrihet në Qendrën Spitalore Universitare “NënëTereza” në Tiranë.

Kjo qendër spitalore, si e vetmja strukturë e këtij lloji, është institucioni më i madh në Shqipëri.
Në këtë strukturë ofrohet jo vetëm shërbim shëndetësor, por edhe akademik, duke e klasifikuar
qendrën e vetme shëndetësore terciare shqiptare.
Aktualisht QSUT ofron shërbim shëndetësor ambulator për rreth 150.000 persona në vit.
Shërbim spitalor për mbi 60.000 persona në vit dhe shërbim urgjencash për rreth 200.000
persona në vit.
Si strukturë spitalore, QSUT është e përbërë nga një grupim spitalesh, 9 (nëntë) të tilla, të ndara në
gjashtëmbëdhjetë godina, të specializuara në shërbimet që ofrojnë.
Njësia bazë shëndetësore e punës në QSUT është Shërbimi Klinik i Specializuar, e cila ofron shërbim
shëndetësor specifik sipas disiplinave mjekësore përkatëse.
Struktura e punës në QSUT është mjaft e ndërlikuar pasi disa shërbime klinike shpesh
shfrytëzojnë ambiente të përbashkëta, kjo sidomos për strukturat e ambulatorëve apo
urgjencave.
Fluksi i punës në një qendër kaq të madhe përballohet nga rreth 2297 punonjës. QSUT ka
një kapacitet prej afro 1612 shtretër, pa përfshirë strukturat e urgjencave.

Foto 1 Planimetria e godinave sipas shërbimeve në QSUT.

Sistemi i Informacionit për Shëndetin Publik l 7

I.V. Përfitimet e implementimit të SISP

Përfitimet nga implementimi dhe zbatimi i një sistemi të tillë janë për pacientët, ofruesit e
shërbimeve dhe vendimmarrësit nga institucioni QSUT-së.

I. Përfitimet për pacientin:

1. Mundësi të barabarta aksesi për pacientët që respektojnë Sistemin e Referimit.
2. Sistemim i qarkullimit të pacientëve brenda një institucioni shëndetësor.
3. Reduktim i kohës së pritjes.
4. Dokumentim i historikut të sëmundjes dhe sëmundjeve të kaluara.
5. Dokumentim i të dhënave sensitive të pacientit.

II. Për ofruesit e shërbimit spitalor:

1. Informacion mbi historikun e pacientit.
2. Dokumentim i përmbledhjes së daljes.
3. Automatizim i protokolleve të punës.
4. Rritje e përgjegjësisë.
5. Rritje e cilësisë dhe eficencës.

III. Për vendimmarrësit nga institucioni QSUT:

1. Informacion mbi aktivitetin shëndetësor të institucionit.
2. Informacion mbi aktivitetin financiar të institucionit.
3. Informacion mbi aksesin e pacientit.
4. Mundësi planifikimi afatshkurtër dhe afatmesëm.
5. Formalizim të protokolleve të punës.

I.VI. Risi gjatë implementimit të projektit SISP

1. Sistemi elektronik i faturimit dhe i përgjigjes së rekomandimit.

2. Riorganizimi i recepsioneve online/ reduktim i riregjistrimeve.
3. Raportimi online çdo ditë për shërbimin ambulator.
4. Riorganizimi i qarkullimit të barnave në sistemin farmaceutik në QSUT, në të gjitha
nivelet, në kohë reale.
5. Riorganizimi i formatit të dokumentacionit farmaceutik.
6. Standartizimi dhe formalizimi i fluksit të punës.
7. Kartela e pacientit ciklik.

I. Në sajë të SISP është mundësuar:

1. Sinjalistika në recepsione dhe shërbime.

2. Sistemi i Informacionit me monitor (Spitali francez, Onkologjik, Qendra e Konsultave
Ambulatore).
3. Matja efikasitetit dhe cilësisë së shërbimit shëndetësor të ofruar.
4. Planifikim më i saktë buxhetor që i përgjigjet nevojave reale të secilit shërbim brenda

8 l Sistemi i Informacionit për Shëndetin Publik

 strukturës.

5. Rritja e shpejtësisë së ofrimit të shërbimit dhe përmirësimi i cilësisë së shërbimeve në

tërësi.
6. Rritja e të ardhurave dytësore nga pacientët jashtë skemës së sigurimeve shoqërore e
shëndetësore.
7. Rritja e investimeve si pasojë e shtimit të të ardhurave.
8. Rritja e ndjenjës së përgjegjësisë dhe e profesionalizmit në kryerjen e detyrës nga ana
e stafit spitalor si pasojë e evidentimit të çdo veprimi brenda sistemit.
9. Gjenerimi i statistikave të konsumit në kohë reale për secilin nga shërbimet e QSUT-
së.

Foto 02 Numri i punonjësve dhe shtretërve në QSUT

SISP në konsulencë me specialistë vendas dhe të huaj i është bazuar në plotësimin e kushteve
thelbësore për një Sistem Informacioni Spitalor Online (HIS) të një niveli, i cili plotëson kërkesat
e OBSH-së.
Në këto kushte, duke marrë në konsideratë realitetin shqiptar, duke shkëmbyer mendime edhe
nga prezantimet e bashkëpunimet jashtë vendit, kemi përmirësuar pika të rëndësishme të një
sistemi informacioni spitalor online.
Shërbimi i ofruar nga ONI sh.p.k. përmes këtij projekti, ka krijuar dhe implementuar një sistem
informacioni që përbëhet nga këto elementë:
1. Monitorimin, sistemimin dhe organizimin e qarkullimit të pacientëve në një ambient spitalor
terciar, për pacientë ambulatorë, urgjence apo shtrime spitalore.
2. Krijimin e një database të pacientëve të pranuar pranë strukturave pritëse të QSUT-së,
recepsione, pranime apo urgjenca, duke automatizuar anamnezën e jetës së pacientëve
ose sëmundje të kaluara dhe të dhëna të lidhura me to.
3. Automatizimin e qarkullimit të pacientëve në një strukturë spitalore (ADT= Admission/Dis-
charge/Transfers), përsa i përket pacientëve që paraqiten për nevoja spitalore, ashtu
edhe të atyre që paraqiten si raste spitalore, apo thënë ndryshe shtrime.

Sistemi i Informacionit për Shëndetin Publik l 9

4. Automatizimin e qarkullimit të barnave dhe materialeve farmaceutike spitalore në një sistem
të informatizuar.
5. Sistemimin dhe kodifikimin e diagnozave sipas ICD-9, duke implementuar edhe kode të
proçedurave, kodifikuar po sipas ICD-9 (PCS).
6. Sistemimin dhe kodifikimin e barnave dhe materialeve të tjera mjekësore spitalore sipas
ATC-WHO.
7. Unifikimin e të dhënave të burimeve njerëzore me strukturë të informatizuar.
8. Mirëmbajtjen e sistemit të informacionit dhe infrastrukturën IT.
9. Trajnimet për stafin e QSUT-së.
Përveç QSUT-së, një tjetër institucion që ndërvepron nëpërmjet sistemit, është Fondi i Sigurimit
të Detyrueshëm të Kujdesit Shëndetësor.
FSDKSH është përfitues i sistemit për arsye se rreth 80% e pacientëve që paraqiten në
QSUT, janë të siguruar. Ky institucion ka tashmë mundësinë të analizojë në kohë reale kostot
e mbulimit që ofron për pacientët e siguruar prej tij si dhe disponon statistika në kohë reale mbi
historikun e shpenzimeve farmaceutike sipas pavjoneve përkatëse.

Foto 03 Skema e pranimit të pacientit ambulator dhe spitalor.

10 l Sistemi i Informacionit për Shëndetin Publik

II. PROJEKTI, SHËRBIMET, PËRFSHIRJA
DHE MBËSHTETJA E INSTITUCIONEVE
II.I Baza juridike e projektit

Ky projekt është mbështetur në:

1. Urdhrin e Ministrit të Shëndetësisë nr. 526, datë 12.10.2009, “Për zbatimin e sistemit të
referimit të pacientëve në shërbimin shëndetësor” (I shfuqizuar).
2. Urdhrin e Ministrit të Shëndetësisë nr. 559, datë 26.10.2009 (i shfuqizuar) dhe udhëzimin
e Ministrit të Shëndetësisë nr. 558, datë 26.10.2009, “Për regjistrimin, identifikimin dhe
lëvizjen e pacientit brenda institucioneve shëndetësore, në zbatim të sistemit të referimit”.
3. Urdhrin e Ministrit të Shëndetësisë nr. 28, datë 26.01.2016, “Për Sistemin e referimit
dhe tarifat e shërbimit shëndetësorë publikë“.
4. Urdhrin e Ministrit të Shëndetësisë nr. 381, datë 01.09.2016, “Për miratimin e modeleve të
regjistrave elektronik në recepsione“, “Përmbledhjes së daljes“ dhe “Miratimit të pacientit“.
5. Urdhrin e Ministrit të Shëndetësisë nr. 506, datë 15.11.2016, “Për miratimin e Formatit
që përdoret në trajtimet periodike që ofrohen në institucionet spitalore“.
6. Kontratën mes FSDKSH dhe QSUT në vitet 2012, 2013, 2014, 2015, 2016 si dhe mes
FSDKSH dhe spitaleve rajonale.

II.II Institucionet ndërvepruese

Institucioni kryesor ndërveprues është Qendra Spitalore Universitare “Nënë Tereza”.
Institucione të tjera ndërvepruese janë Ministria e Shëndetësisë dhe FSDKSH.
Standartet e zbatuara gjatë implementimit të sistemit:
Sistemi është zhvilluar duke u mbështetur në rregulloret, rekomandimet dhe standardet e
vendosura dhe të sugjeruara nga institucionet përgjegjëse shqiptare dhe ato ndërkombëtare
si: MSH, OBSH, AKSHI, AKTI, FSDKSH dhe QSUT.

Disa nga standardet kryesore ku janë bazuar zhvillimi dhe implementimi i sistemit
janë:
1. Sistemi i referimit i Ministrisë së Shëndetësisë (Urdhri i Ministrit të Shëndetësisë nr. 526,
datë 12.10.2009; Urdhri i Ministrit të Shëndetësisë nr.559, datë 26.10.2009; Udhëzimi i
Ministrit të Shëndetësisë nr.558, datë 26.10.2009, Urdhri i Ministrit të Shëndetësisë nr. 28,
datë 26.01.2016), përsa i përket rregullave të referimit pranë një strukture shëndetësore
dhe të dhënave të regjistrimit dhe pranimit në strukturë.
2. Kartelat klinike të shtrimit ditor, mbi 24 orë dhe formatit të trajtimit periodik të miratuara nga
Ministria e Shëndetësisë.
3. Përmbledhja e daljes e miratuar nga Ministria e Shëndetësisë.
4. Protokolli i ruajtjes së informacionit klinik sipas rekomandimeve të Ministrisë së Shëndetësisë,
për funksionimin e shërbimeve statistikore dhe kartotekave.

Sistemi i Informacionit për Shëndetin Publik l 11

5. Kontratat tip të spitaleve rajonale me Fondin e Sigurimit të Detyrueshëm të Kujdesit
Shëndetësor, përsa i përket pikave kontraktuale në lidhje me raportimet mjekësore dhe
financiare të kërkuara.
6. Metodologjia e kodifikimit të pacientëve, strukturave dhe personelit shëndetësor, bazuar
në kërkesat e Fondit të Sigurimit të Detyrueshëm të Kujdesit Shëndetësor.
7. Klasifikimi Ndërkombëtar i Sëmundjeve (ICD-9).
8. Kodifikimi i procedurave sipas klasifikimit ICD 9 - PCS (Procedure Coding
System ).
9. Kodifikimi ATC i Organizatës Botërore të Shëndetësisë përsa i përket
kodifikimit dhe klasifikimit të standartizuar të të gjitha principeve aktive të barnave dhe të
një pjese të materialeve mjekësore që hyjnë në ambientet spitalore.
10. Tabela e sëmundshmërisë, varianti 2012, i miratuar nga OBSH përsa i përket raportit
ndërkombëtar të sëmundshmërisë dhe vdekshmërisë spitalore.
11. Standartet HL7, për standartet e komunikimit për të ndihmuar shkëmbimin, menaxhimin
dhe integrimin e të dhënave që mbështesin kujdesin klinik të pacientit.
12. Ndërveprimi nëpërmjet shkëmbimit të të dhënave me sistemin kombëtar E-HEALTH.

Foto 04 E - HELTH standarte dhe ndërveprimi me sistemin SISP.

12 l Sistemi i Informacionit për Shëndetin Publik

III. HISTORIKU I SISP
III.I Projekti dhe ndërhyrjet e para në network dhe hardware, instalim dhe konfigurim
në QSUT

Sistemi i komunikimit
Pas një analize dhe studimi të situatës së gjendur në QSUT, projekti filloi me përmirësimin
e gjendjes ekzistuese në network dhe sistem.
Përsa i përket anës teknike, për të implementuar SISP, gjendja paraqitej po me probleme
madhore. Në dhomën qendrore të serverave të QSUT-së kishte këto problematika:
1. Paqëndrueshmëri të rrjetit dhe shkëputje të aksesimit të shërbimit.
2. Mungesë të aksesit remote.
3. Mungesë në aksesimin internet.
4. Siguri e ulët e shërbimit për shkak të aksesimit në V-lan të njëjtë për të gjithë në një rrjet.
5. Mungonte monitorimi i rrjetit. Linket e lidhjeve të godinave bëheshin në një link të vetëm,
për pasojë nuk kishte një backup për këto lidhje.
6. Dhoma qendrore e serverave kishte probleme të komunikimit të shumë pajisjeve.
Ndërhyrjet e para u kryen në dhomën qendrore të serverave të QSUT-së, ku u realizua instalimi
i serverave të sistemit SISP.
U krye konfigurimi dhe testimi si dhe funksionimi i tyre si më poshtë.
SISP përbëhet nga: Server Aplikacioni, Server Raportimi, Server Database, Server Backup.
Server testimi (trajnimi).
Aktualisht kryhet mirëmbajtja, përditësimi dhe testimi periodik i këtyre serverave nga specialistët
programatorë dhe IT.
Është shtuar WLAN-n të dedikuar në bazë të shërbimeve dhe sipas grupimeve të përdoruesve.
Gjithashtu është instaluar softi i monitorimit të rrjetit.

Sistemi i Informacionit për Shëndetin Publik l 13

 Foto 05 Skema e lidhjes fizike të serverave dhe shpërndarja e rrjetit në QSUT

14 l Sistemi i Informacionit për Shëndetin Publik

III.II Studimi i fizibilitetit

Gjendja e sistemit të informacionit në QSUT para implementimit të SISP-it

Situata faktike në të cilën ndodhej QSUT në momentin e fillimit të projektit paraqitej me

problematika të theksuara, më konkretisht:
1. Mungesë të recepsioneve në pothuajse të gjitha shërbimet e QSUT. Për pacientin kontakti
ishte i drejtpërdrejtë me mjekun, pa asnjë procedurë për t’u ndjekur, duke krijuar shpesh
herë një kaos dhe një mungesë të theksuar organizimi.
2. Vëreheshin raste që nuk zbatoheshin protokollet, procedohej në varësi të pacientëve të
paraqitur. Kishte mangësi në zbatimin e sistemit të referimit.
3. Statistikat nuk ishin reale në lidhje me numrin e pacientëve që hynin e dilnin nga
ambientet spitalore. Për rrjedhim, edhe arkëtimet ishin të pakëta.
4. Problematikë tjetër e ndjeshme ishte qarkullimi i barnave brenda QSUT-së. Vërehej një
zinxhir veprimesh pak i kontrollueshëm i qarkullimit të barnave. Kërkesat dhe ndërveprimet
mes shërbimeve për medikamente, bëheshin me blloqe fletë kërkese të zakonshme, në
mungesë të një standarti komunikimi ndërmjet strukturave. Mungonin statistikat dhe të
dhënat e sakta për qarkullimin e BMM sipas shërbimeve/pavjoneve.
5. Konstatoheshin probleme me ndjekjen e lëvrimit të kontratave, për shkak të mungesës
së një baze të dhënash. Kryeinfermierët shpesh vepronin me “borxhe” njëri me tjetrin, për
shkak të mungesës së barnave.

RECEPSIONI është impakti i parë i pacientit, ku sigurohet informacioni përshtatur ndaj

nevojave të tij dhe personelit, duke garantuar shërbim shëndetësor efikas, organizimin e një
rrjedhe pune, koordinim i fluksit të informacionit për njësitë e tjera operative apo shërbimeve.
Problematika e ndeshur për ngritjen rishtazi të recepsioneve pranë shërbimeve spitalore dhe
hedhjen e të dhënave, ka qenë mjaft e madhe. Trajnimi i vazhdueshëm i stafit të recepsioneve
ka qenë domosdoshmëri dhe falë tyre, është bërë e mundur implementimi me sukses i kësaj
faze të projektit. Pjesa më e madhe e punonjësve të recepsionit kishin njohuri të kufizuara
mbi kompjuterin deri në mosnjohje të tij.
Për 16 recepsionet e QSUT-së, të cilët shërbejnë si pika e parë e kontaktit mes qytetarëve
dhe ambjenteve spitalore, u trajnuan në total 33 punonjës.
SISP u kujdes që secili të marrë njohuritë bazë në përdorimin e një PC-je. Punonjësit u njohën
me bazën ligjore të sistemit të referimit, udhëzimin e tij etj. Gjithashtu, është shpjeguar çdo
element në database përse shërben dhe kur duhet të përdoret. Fillimisht punonjësit janë
trajnuar në serverat e dedikuar për trajnim e më pas, kanë vijuar të punojnë në server real,
por gjithmonë duke u pajisur edhe me manuale trajnimi nën asistencën e punonjësit të SISP,
në mënyrë që të sigurohej mbarëvajtja e punës dhe hedhja e të dhënave në sistem të bëhej
korrekte.
Si tema trajnimi ishin me fokus kryesor:
• Njohja me Sistemin e Referimit si dhe zbatimi në praktikë.
• Hapat që ndiqen në sistem për regjistrimin e një pacienti.
• Regjistrim; Pranim; Faturim; Dalje nga sistemi.

Sistemi i Informacionit për Shëndetin Publik l 15

Foto 06 Organizimi i recepsioneve nëpërmjet SISP Sinjalistika e shërbimeve (6) Sistemi i rradhës (4)

Në të gjitha recepsionet, u krye instalimi i rrjetit intranet sipas standardeve, ku shtrirja e tij
përfundon me switch fundor Cisco. Gjithashtu, u krye instalimi i kompjuterave dhe i sistemit
operativ.Testimi i funksionalitetit të plotë për çdo kompjuter. U bënë testime paraprake në
lidhje me komunikimin intranet me serverat qendrorë të sistemit SISP. Në çdo recepsion u
instaluan printera si dhe u krye konfigurimi në rrjet.
Disa prej recepsioneve u pajisën me sistemin e rradhës së paraqitjes së pacientit për marrje
shërbimi në të.

III.III Riorganizimi i shërbimit farmaceutik në qsut. Monitorimi i qarkullimit të barnave e

materialeve mjekësore (BMM)

Ky shërbim ndryshoi rrënjësisht, gjë që solli një skemë totalisht të re, e cila ishte plotësisht
inovative në shërbimin farmaceutik.
Për të realizuar këto objektiva çdo gjë filloi nga:
1. Studimi i rrjedhës së punës dhe dokumentacioni
2. Studimi i infrastrukturës IT
3. Përshtatja e sistemit me infrastrukturën dhe shërbimet e QSUT-së
4. Propozime.
5. Trajnime dhe akreditimi në QKEV
6. Implementimi
7. Rezultatet dhe përfitimet
8. Menaxhimi i sistemit farmaceutik
9. Konkluzione dhe rekomandime
Studimi i fluksit të punës dhe dokumentacioni në shërbimin farmaceutik përbënte një problem
në qarkullimin e të dhënave të BMM.
• Sistemi informacionit nuk jepte të dhëna në kohë reale mbi gjendjen e barnave dhe

16 l Sistemi i Informacionit për Shëndetin Publik

 materialeve mjekësore në dispozicion.
• Numri shumë i madh i personave që procesonin fletë – kërkesat (mbi 300 persona).
• Organizimi i strukturës së qarkullimit të barnave rezultonte i veçuar për çdo farmaci
spitalore dhe farmaci qendrore.
• Për këtë ishte informacion i kufizuar dhe i ndarë në 11 njësi të pavarura nga njëra-
tjetra dhe për pasojë, raportet ishin të copëzuara. Raporti i gjendjes totale të barnave,
përpunohej duke u bërë formalizimi i 11 tabelave exel, të grupuara sipas emërtimit,
kodit, çmimit, sasive, datës së skadencës, e cila shkaktonte humbje kohe në dhënien
e informacionit.
• Mungesa e kodifikimit ATC në kartelën e barit / materialit.
• Mungesa e unifikimit të emërtimit të përgjithshëm të barnave nga farmacia qendrore
deri në nivel pavjoni.
• Dokumentacion jo i standartizuar për qarkullimin e BMM

Foto 07 Fletë - Kërkesë

për barna dhe materiale
mjekësore.

Studimi i infrastrukturës IT

Informatizimi i sistemit farmaceutik paraqitej me shtrirje të kufizuar të rrjetit, gjendja e rrjetit

ishte problematike dhe e pa lidhur në një sistem të vetëm; paisjet hardware të amortizuara,
sisteme të papërditësuara, të pambrojtura, pa elemente sigurie.
U ndërtuan Vlan të përcaktuara sipas shpërndarjes së farmacive spitalore. U riparua
infrastruktura e rrjetit.

Përshtatja e sistemit me infrastrukturën dhe shërbimet e QSUT

Riorganizimi i shërbimit farmaceutik në QSUT. Monitorimi i qarkullimit të BMM mjekësore u

Sistemi i Informacionit për Shëndetin Publik l 17

realizua nëpërmjet:
1. Sistemimit të fluksit të punës nëpërmejt formalizimit të kërkesave për barna dhe materiale
mjekësore vetëm për personat e autorizuar të tillë si kryeinfermier, kryelaborant të miratuar
me urdhëresë nga drejtoria e QSUT dhe shefat e shërbimeve.
2. Formalizimi i dokumentacionit për qarkullimin e barnave dhe materialeve mjekësore
nëpërmjet dokumentave të miratuara nga Drejtoria e QSUT.
3. Informatizimi i kartelës së barit me Kodin ATC.
4. Informacion në kohë reale i të gjitha niveleve të shërbimit farmaceutik, furnizime, gjendje e
sasisë së medikamenteve të farmacisë qendrore, farmacive spitalore.
Nëpërmjet sistemit u informatizua dhe u unifikua shërbimi farmaceutik nga farmacia qendrore,
farmacia spitalore deri në nivel pavjoni.

Foto 08 Kartela e BMM me bazë kodi ATC në SISP.

Propozime

Bazuar në urdhëresa për qarkullimin e barnave dhe materialeve nga farmacia qendrore deri
në nivel pavjoni, u kryen konsultime me shefat e shërbimeve dhe farmacistët e shërbimit
farmaceutik për skemën inovative të propozuar nga SISP dhe u arrit në miratimin e të gjitha
pikave të saj.
Kjo skemë konsistonte në:
a. Regullimin e fluksit të punës
b. Formalizimin e dokumentacionit
c. Përcaktimin e personave përgjegjës të autorizuar për qarkullimin e barnave
d. Skema e re e informatizuar e qarkullimit të BMM, e njehësuar për të gjitha nivelet

Trajnimi i personelit. Akreditimi nga QKEV

Në këtë fazë u trajnuan nga SISP përmes programeve të akredituara nga QKEV 155 pjesëtarë
të stafit, kryesisht kryeinfermierë, farmacistë dhe punonjës të sektorëve të Drejtorisë së QSUT-

18 l Sistemi i Informacionit për Shëndetin Publik

së, të cilët janë të lidhur me sistemin. U trajnua edhe stafi i Drejtorisë së Përgjithshme të
QSUT-së, me qëllim shkarkimin e statistikave dhe raporteve të ndryshme që u shërbejnë për
planifikimin financiar.
19 farmacistë
13 kryelaborantë
92 kryeinfermierë dhe zv/kryeinfermierë
15 arkëtare
9 recepsionistë
7 nëpunës civil të Drejtorisë së QSUT-së

Trajnimet në vazhdim me stafin infermierorë, farmacistë, recepsionistë dhe nëpunës civilë të

Drejtorisë së QSUT-së 2012-2016

Foto 09 Nga procesi i trajnimit ndër vite. 2015

Foto 10 Nga procesi i trajnimit ndër vite. 2016

Sistemi i Informacionit për Shëndetin Publik l 19

IV. INFORMATIZIMI DHE QARKULLIMI I
PACIENTËVE AMBULATORË – FAZA I

IV.I Fazat e implementimit

Implementimi i këtij projekti u realizua mbështetur në:

1. Studimin e rrjedhës së punës dhe dokumentacionit
2. Studimin e infrastrukturës IT
3. Përshtatjen e sistemit me infrastrukturën dhe shërbimet e QSUT-së
4. Propozime dhe prezantime
5. Trajnime dhe akreditimi në QKEV
6. Implementimi
7. Rezultatet dhe përfitimet
8. Konkluzione dhe rekomandime

Çfarë u realizua në këtë fazë:

1. Analiza e shërbimit ambulator dhe recepsioneve para fillimit të implementimit.

2. Përshtatja e SISP me strukturat e recepsioneve sipas shërbimeve, bazuar në strukturën
e QSUT.
3. Prezantimi i projektit bazuar në rikonceptimin e funksionimit të recepsionit, si një
nga strukturat bazë në shërbimet spitalore.
4. Trajnimet e personalizuara dhe akreditimi pranë QKEV për përdoruesit.
5. Ndërtimi i infrastruktures së recepsioneve dhe paisja me të gjitha elementet IT.
6. Ndërtimi i sistemit të informimit për shërbimet e ofruara ndaj pacientit.

Rezultate

Që prej janarit të vitit 2012 e në vazhdim, sistemi i recepsioneve të QSUT-së është në

funksion të plotë. Vënia në efiçencë e këtyre recepsioneve solli informatizimin dhe formalizimin
e qarkullimit të pacientëve ambulatorë.

Çfarë është realizuar:

1. Informatizim dhe automatizim i recepsioneve të QSUT.
a. Aktivizim i moduleve të regjistrimit, pranimit dhe daljes elektronike nga shërbimet
ambulatore.
b. Aktivizim i moduleve të mandat-arkëtimit elektronik dhe rekomandimit të brendshëm
elektronik për pacientët ambulatorë.
c Aktivizim i raporteve online për qarkullimin e pacientëve ambulatorë.
2. Monitorim i qarkullimit të pacientëve ambulatorë, konform rregullave të Sistemit të Referimit

20 l Sistemi i Informacionit për Shëndetin Publik

të Minitrisë së Shëndetësisë.
3. Regjistri elektronik i ngarkesës së ambulatorëve të QSUT-së sipas kërkesave të Fondit të
Sigurimit të Detyrueshëm të Kujdesit Shëndetësor (FSDKSH).
4. Raportimi periodik i qarkullimit të pacientëve ambulatorë nëpër strukturat e QSUT-së, sipas
kërkesave të QSUT.
Përfundimi i fazës së parë konsistoi në automatizimin e plotë të të gjithë recepsioneve të
ambulatorëve të QSUT.
Me vënien në zbatim të urdhrit të Ministit të Shëndetësisë nr. 28, datë 26.01.2016,
“Për Sistemin e referimit dhe tarifat e shërbimit shëndetësor publikë“, u morën masat e
nevojshme në reflektimin e ndryshimeve në sistem.
Gjithashtu në kuadër të riorganizimit të recepsioneve në maj 2016, ku u mbyllën disa prej tyre
dhe u krijua një recepsion i ri “ Qendra e Konsultave Ambulatore “, në përputhje me kërkesat
e QSUT u kryen veprimet përkatëse në sistem dhe në raporte, për pasqyrimin e aktivitetit të
këtij recepsioni.

IV.II. Raporte për shërbimin ambulator

Regjistrimi i pacientëve në të gjithë recepsionet e QSUT, sipas dokumentacionit që ata
paraqesin (Kartë identiteti, kartë shëndeti, rekomandim mjekësor), gjeneron automatikisht
raporte që konsultohen nga përdorues të ndryshëm online dhe në kohë reale. Për vitin 2016,
të dhënat e këtyre raporteve janë përpunuar sipas grafikëve të mëposhtëm:

Foto 11 Raporti në përqindje sipas: siguracionit, rekomandimit, dokumentit të identifikimit

dhe gjinisë për vitin 2016.

Sistemi i Informacionit për Shëndetin Publik l 21

 Foto 12 Grafiku krahasimor i numrit të konsultave sipas muajve, viti 2016, me një mesatare mujore
rreth 21.000 shërbime konulta dhe ekzaminime

2011 2012 2013 2014 2015 2016

Foto 13 Grafiku krahasimor i shërbimeve të konsultave dhe ekzaminimeve

ambulatore, krahasimorë 2011-2017, për çdo muaj të vitit.

22 l Sistemi i Informacionit për Shëndetin Publik

V. Informatizimi i shërbimit
farmaceutik në QSUT – Faza II

V.I Sistemi informacionit farmaceutik, qarkullimi i Barnave e Materialeve Mjekësore (BMM)

Kjo fazë e projektit u përqëndrua në informatizimin e qarkullimit të BMM.

I. Informatizimi i qarkullimit B.M.M të shërbimit farmaceutik të QSUT u realizua me anë
të:
1. Ndërtimit të moduleve të kontratës, furnizimeve dhe daljeve të BMM nga farmacia
qendrore drejt farmacive spitalore.
2. Hyrjeve dhe daljeve të BMM, nga farmacitë spitalore drejt pavjoneve, dhe së fundmi
deri në nivel pacienti.
3. Aktivizimin e raporteve online dhe në kohë reale për monitorimin e qarkullimit të barnave
dhe materialeve mjekësore në shërbimin farmaceutik të QSUT.

II. Regjistra elektronikë, online dhe në kohë reale për:

1. Kontratat e lidhura nga QSUT.

2. Hyrje-daljet nga farmacia qendrore.
3. Hyrje-daljet nga farmacitë spitalore.
4. Gjendja e pavjoneve bazuar në hyrje-dalje (tek pacienti).
5. Raportimi periodik, historiku i qarkullimit të barnave e materialeve mjekësore në
shërbimin farmaceutik të QSUT-së, sipas kërkesave të FSDKSH.
Sipas funksionimit të sistemit SISP-Farmaci dhe SISP-Raporte, u bë e mundur për herë
të parë komunikimi dhe marrja e informacionit në kohë reale për gjendjen e barnave në
farmacinë qendrore dhe në 10 farmacitë spitalore.

V.II Strukturimi i shërbimit farmaceutik, informatizimi në kohë reale.

Informatizimi dhe ristrukturimi i këtij shërbimi solli:

1. Rritjen e cilësisë së shërbimit farmaceutik
2. Rritjen e efikasitetit, sigurimin e të dhënave të besueshme
3. Mbledhjen dhe analizën e të dhënave.
4. Informimi mbi skadencat në kohë reale.
5. Uljen e informalitetit dhe monitorimin në çdo moment të medikamenteve në çdo aspekt.

Sistemi i Informacionit për Shëndetin Publik l 23

Faza e parë: Sistemi i farmacisë

Në këtë fazë u realizua riorganizimi i shërbimit farmaceutik me urdhër të brendshëm, i cili

ndan farmacitë në tre nivele:
a. Farmaci qendrore ose DMM
b. Farmaci spitalore ose BF
c. Farmaci të nivelit të dytë ose FND.
Me instalimin e sistemit on-line dhe raporteve të BMM për gjithë shefat e shërbimeve dhe
kryeinfermierët e pavjoneve, u bë e mundur që stafi të jetë në dijeni të gjendjes së barnave
në të gjitha nivelet e farmacive, jo vetëm në një farmaci të dedikuar, siç ishte më parë.
Shumë i rëndësishëm është informacioni i disponueshëm në kohë reale për të zgjedhur
barna alternative, në mungesë të një bari të përshkruar nga mjeku në kartelë. Përfitues
direkt në këto raste janë pacientët, të cilët marrin mjekimin e përshkruar në kartelë.
Një informacion i tillë në këtë nivel raportimi solli një informacion të detajuar dhe të
domosdoshëm i cili më parë mungonte.
Në bashkëpunim me farmacinë qendrore u shtuan një sërë raportesh të tjera të vlefshme,
duke bërë të mundur një shfrytëzim racional të barnave në gjendje, në QSUT. Lidhur me
këtë, u bënë ndërhyrjet e nevojshme në sistem për të prodhuar për herë të parë një prej
raporteve që tregonte sasinë e barnave që një shërbim i caktuar kishte kërkuar gjatë vitit,
në raport me sasinë e dhënë. Raportet më parë ishin vetëm lidhur me shpenzime-barna.
Ky raport lejon të bëhet një parashikim i përafërt për barnat që një shërbim ka nevojë të
planifikojë për vitin në vazhdim, kjo e dokumentuar në raportet e sistemit dhe në fletë-
kërkesat e aprovuara nga shefat e shërbimeve për çdo tërheqje medikamentesh nga
farmacia.

V.III Menaxhimi i sistemit farmaceutik

Nëpërmjet SISP menaxhohen online:

1. Farmacia qendrore ose ndryshe depoja e barnave dhe materialeve mjekësore(DMM)
2. Farmacitë spitalore (BF), ku për shkak të ristrukturimit të shërbimit farmaceutik u
mbyllën 3 prej tyre dhe aktualisht janë 7 farmaci spitalore. Çdo ndryshim i bërë në
strukturat fizike është reflektuar edhe në sistem.
3. Farmacitë fundore të strukturave mjekësore të QSUT, me 127 struktura në total, që
trajtojnë pacientë me barna e materiale farmaceutike.
SISP funksionon plotësisht online për shërbimin farmaceutik të QSUT-së dhe siguron
në kohë reale këto raporte elektronike:

24 l Sistemi i Informacionit për Shëndetin Publik

Foto 14 Skema e qarkullimit të barnave dhe materialeve mjekësore nga furnitori deri në nivel
pacienti, ndjekja e çdo bari me nr. serial deri në nivel pacienti

Sistemi i Informacionit për Shëndetin Publik l 25

 SERVER RAPORTE SISP

I. Për Farmacinë Qendrore (DMM)

1. Regjistri i kontratave.
2. Inventari elektronik.
3. Gjendja e medikamenteve.
4. Regjistri i furnizimeve sipas furnitorëve.
5. Regjistri i fletë-hyrjeve.
6. Lëvizja e medikamenteve nga kontrata në farmaci qendrore.
7. Regjistri i fletë-daljeve nga farmacia qendrore drejt subjekteve jashtë QSUT-së.
8. Regjistri i barnave dhe materialeve të skaduara.
9. Lëvizja e një medikamenti nga Farmacia qendrore deri në nivel pacienti.

II. Për Farmacitë Spitalore, (blloqet farmaceutike)

1. Regjistri i daljeve të medikamenteve nga farmacia qendrore drejt blloqeve

farmaceutike.
2. Regjistri i fletë-daljeve të anulluara nga farmacia qendrore drejt blloqeve
farmaceutike.
3. Fletë-daljet nga farmacia qendrore drejt blloqeve farmaceutike.
4. Konsumi financiar.
5. Regjistri i kthimeve nga blloqet farmaceutike drejt farmacisë qendrore.
6. Regjistri i medikamenteve të skaduara në blloqe farmaceutike.
7. Inventari elektronik.
8. Gjendja e medikamenteve.
9. Fletë-hyrje në blloqe farmaceutike nga farmacia qendrore.

III. Për Farmacitë e Nivelit të Dytë. (pavjonet)

1. Regjistri i daljeve të medikamenteve nga blloqet farmaceutike drejt FND-ve.

2. Regjistri i daljeve të medikamenteve drejt shërbimeve.
3. Regjistri i fletë-daljeve të anulluara nga blloqet farmaceutike drejt FND-ve.
4. Fletë-dalje nga blloqet farmaceutike drejt FND-ve.
5. Fletë-kërkesa nga FND-të drejt blloqeve farmaceutike.
6. Fletë-hyrje në FND-të nga blloqet farmaceutike.
7. Konsumi financiar.
8. Kërkesa në pritje në blloqe farmaceutike.
9. Gjendja e medikamenteve.
10.Totali i lëvizjeve nga blloqet farmaceutike drejt FND-ve.

26 l Sistemi i Informacionit për Shëndetin Publik

 Foto 15 Konsumi për BMM sipas muajve nga viti 2012- 2016 në QSUT – mesatare vjetore

Foto 16 Konsumi në perqindje për BMM sipas departamenteve kryesore për vitin 2016 në QSUT

Të gjitha këto raporte online japin një panoramë të saktë dhe në kohë reale mbi qarkullimin
e BMM në QSUT, si dhe i mundësojnë vendimmarrësve të planifikojnë saktë nevojat e
institucionit (ose spitalit) për to.

Sistemi i Informacionit për Shëndetin Publik l 27

Mundësinë e konsultimit online të gjendjes së barnave në farmacinë qendrore e kanë shefat
e shërbimeve dhe kryeinfermierët e strukturave të informatizuara në nivel pavjoni.
Ajo që vihet re është se arrijmë të vlerësojmë edhe konsumin e BMM sipas departamenteve
për vitin 2014 e në vazhdim.
Sistemi siguron transparencë të lartë si dhe mundëson shmangien e gabimeve. Nga ana
tjetër, sigurohet mundësia e kërkesës së llogarisë në lidhje me furnizimet apo përdorimin e
tyre nga QSUT.

Informatizimi dhe sistemimi i fluksit të punës në shërbimin farmaceutik

1. Saktësimi i databasës së BMM bazuar në kodifikim ndërkombëtar sipas ATC - WHO.

2. Lidhja on-line në të tre nivelet e shërbimit farmaceutik: SISP është online dhe
funksional dhe po siguron raporte e të dhëna mbi qarkullimin e BMM nga farmacia
qendrore drejt farmacive spitalore dhe fundore.
3. Krijimi i raporteve të besueshme mjekësore, ekonomike dhe financiare mbi qarkullimin
e BMM në QSUT.
4. Ulja e informalitetit përmes raportimeve të sakta dhe kontrollit në kohë reale të lëvizjes
të çdo bari apo materiali mjekësor në QSUT.
5. Sistemimi i informacionit mbi barnat pranë afatit të skadencës dhe të materialeve jashtë
përdorimit, duke siguruar raporte të sakta mbi gjendjen e tyre dhe duke gjeneruar raporte
afatgjata.
6. Informacion këshillues mbi mirë-menaxhimin e materialeve në bazë skadence dhe
nevojash imediate të shërbimeve.
7. Krijimi në afate kohore të prekshme të raporteve të sakta që orientojnë mbi planifikimin
sipas nevojave të shërbimeve specifike.

28 l Sistemi i Informacionit për Shëndetin Publik

VI. INFORMATIZIMI I QARKULLIMIT TË
PACIENTËVE NË NIVEL SPITALOR – FAZA III

Faza e tretë konsiston në automatizimin e plotë të të gjitha pavjoneve me shtretër të QSUT-

së duke synuar përmbushjen e kritereve të një sistemi ADT (admission-discharge-transfers),
si dhe duke përmbushur informatizimin dhe automatizimin e fletë-daljes elektronike dhe të
qarkullimit të barnave dhe materialeve mjekësore për pacient specifik dhe për pavjon
specifik.

VI.I Automatizimi i proceseve të qarkullimit të pacientëve spitalorë dhe

dixhitalizimi i terapisë ditore të pacientëve në pavjonet me shtretër.

Në këtë fazë të rëndësishme të projektit, vëmendja u përqendrua kryesisht në informatizimin

e disa zërave ose indikatorëve bazë të kartelës klinike të pacientit, nëpërmjet aktivizimit të
modulit të sistemit për pacientin spitalor.
Kjo fazë nisi me rrjedhën e punës dhe dokumentacionin klinik dhe përgatiti aspektet teknike
për funksionimin e modulit të ri “Pacienti Spitalor” duke filluar nga konceptimi, projektimi,
programimi, personalizimi i modulit deri tek përshtatja e sistemit me urdhërat dhe direktivat e
nxjerra nga institucionet e kujdesit shëndetësor.

Ky sistem mat këto elemente:

1. Pasqyrën e aktivitetit të shërbimeve të ofruara për pacientët e shtruar në spital.

2. Pasqyra e aktivitetit në zbatim të sistemit të referimit në poliklinikën e specialiteteve.
3. Evidencë e ekzaminimeve klinike.
4. Evidencë mbi burimet njerëzore të spitalit.
5. Evidencë e shpenzimeve faktike sipas diagnozave dhe shpenzimeve të kartelës
mjekësore.
6. Evidencë e shpenzimeve faktike sipas shërbimeve mjekësore në shërbimet me kartelë
mjekësore, të dhënat e të cilave përpunohen nga stafi.
7. Situata e të ardhurave.
8. Pasqyra e mortalitetit sipas sëmundshmërisë, seksit dhe grupmoshave.
9. Konsumi i barnave në përdorim spitalor.
10.Pasqyra e sëmundshmërisë sipas formatit që raportohet në MSH.

Sistemi i Informacionit për Shëndetin Publik l 29

 Foto 17 Modulet e SISP-it

Moduli spitalor bazohet në të dhënat që përftohen nga matja ADT për çdo pacient të regjistruar
në sistem.
Implementimi i kësaj faze u shoqërua gjithashtu me trajnime rishtazi të stafit infermieror në
pavjone, urgjenca dhe blloqe operatore.
Secili prej tyre, bazuar në specialitetin që përfaqësojnë, u trajnuan për dixhitalizimin e
proceseve të punës të lidhura me pacientët spitalorë, të cilat deri në atë kohë bëheshin në
letër. Kryeinfermierët zëvendësit e tyre dhe pjesa dërrmuese e stafit infermieror, u trajnuan për
kryerjen online të proceseve të tilla si: caktimi në mënyrë elektronike i dhomës dhe krevatit
të pacientëve; plotësimi i kartelës elektronike të pacientit paralelisht me atë fizike; hedhja e
diagnozave dhe kodeve të procedurave; konsultimi online i historikut mjekësor të pacientit;
transferimi online i pacientëve brenda dhe ndërmjet shërbimeve; hedhja e terapisë ditore, etj.
Njëkohësisht, stafi i kartotekës u trajnua për automatizimin dhe dixhitalizimin e kartelës së
pacientit; caktimin e kodit të shtrimit; konsultimin e raporteve online etj.
Me qëllim shpërndarjen fluksit të punës dhe kryerjen e veprimeve në sistem në kohë reale, në
trajnime janë përfshirë edhe punonjësit e turneve të dyta dhe të treta.

Faza përfundimtare e projektit, parashikon dixhitalizimin e plotë të kartelës klinike për të gjithë
pacientët e QSUT-së .

Me përfundimin me sukses të kësaj faze, ofrohet mundësia e vetëkrijimit dhe raportimit të të

dhënave të para mbi DRG dhe protokollet automatike diagnostiko-terapeutike të QSUT- së, si
një bazë reference për të gjithë sistemin shëndetësor shqiptar.

SISP ka implementuar një seri modulesh në konkretizimin e fazave të projektit si dhe për
të përmbushur nevojat e QSUT-së sipas kërkesave.
Më konkretisht:

30 l Sistemi i Informacionit për Shëndetin Publik

 Foto 18 Skema: Fluksi i pacientëve dhe qarkullimi i informacionit në strukturën spitalore

Moduli i Regjistrimit

Ky modul është i instaluar në të gjitha postet e punës së recepsioneve dhe urgjencave,

plotësohet vetem nga personeli i trajnuar dhe autorizuar me të drejta hyrje dhe përdorimi të
mire përcaktuara. Nëpërmjet logove në sistem, mund të realizohet lehtësisht audit-trail i të
dhënave të hedhura. Të dhënat e hedhura dhe të ruajtura mund të konsultohen vetëm nga
përdoruesit e autorizuar të sistemit.
Ky modul është universal për të gjithë personat që paraqiten pranë QSUT. Mund të përdoret
për regjistrimin e personelit dhe pacientëve. Çdo e dhënë ruhet në database dhe gjeneron një
bar kod unik të lidhur specifikisht me të dhënat e regjistruara.
Përmes këtij moduli pacienti regjistrohet vetëm një herë në sistem, duke shmangur kështu
riregjistrimin sa herë ai paraqitet në recepsione apo urgjenca, por duke lejuar modifikimin e të
dhënave të mangëta apo të pasakta.
Në këtë modul, bazuar në fushat e kërkuara në kartelën klinike të pacientit, kjo sipas rregullave
të miratuar nga FSDKSH dhe MSH, janë integruar këto pika kontrolli automatike:
1. Kontrolli i duplikimit të të dhënave - njofton kur një person me emër, atësi, mëmësi,
mbiemër, gjini dhe datëlindje të njëjtë, tentohet të ruhet dy herë në sistem, orienton drejt
modulit të kërkimit të pacientëve, përmes të cilit shmangen duplikimet në regjistrimin e

Sistemi i Informacionit për Shëndetin Publik l 31

 personave të regjistruar më parë.
2. Kontrolli i hedhjes së grupit të gjakut - nuk lejon hedhjen e grupit të gjakut të padokumentuar
në leje drejtimi automjeti apo në një dokument klinik.
3. Kontrolli i formatit të numrit personal – lejon vetëm hedhje sipas formatit ANNNNNNNNA
(karakter shkronjor, tetë karaktere shifrore).
4. Kontrolli i dublikimit të numrit personal – njofton kur tentohet ruajtja dy herë e të njëjtit
numri pesonal, orienton drejt modulit të kërkimit të pacientëve, përmes të cilit shmangen
dublikimet në regjistrim të personave të regjistruar më parë.
5. Kontroll i formatit të numrit të kontaktit (dhjetë karaktere numerike sipas prefiksit të
kompanive celulare që operojnë në vendin tonë).
6. Përdoruesit e autorizuar të recepsioneve, mund të konsultojnë ose të modifikojnë
vetëm të dhënat e regjistrimit dhe/ose pranimit për pacientët që nuk kanë ende numër
statistikor ose që nuk janë të shtruar në struktura spitalore.
Për të shmangur në maksimum gabimet njerëzore dhe për lehtësimin e hedhjes së të dhënave,
modulit të regjistrimit i është bashkëngjitur moduli i kërkimit në regjistrim.
Ky modul mundëson kërkimin e të gjithë personave të regjistruar në sistem, por nuk lejon
konsultim të të dhënave të tjera klinike.
Moduli i regjistrimit

Foto 19 Moduli i regjistrimit.

32 l Sistemi i Informacionit për Shëndetin Publik

 Moduli i planifikimit

Ky modul është i instaluar në recepsione dhe në pikat e informacionit të spitalit, plotësohet vetem
nga personeli i trajnuar dhe autorizuar me të drejta hyrje dhe përdorimi të mirëpërcaktuara.
Të dhënat e hedhura dhe të ruajtura mund të konsultohen vetëm nga përdoruesit e autorizuar
të sistemit.
Moduli gjen përdorim si për pacientin ambulator, për të cilin përdoruesi planifikon një konsultë
ose ekzaminim, ashtu edhe për pacientin spitalor për të cilin përdoruesi planifikon një shtrim.
Në përfundim të procesit të hedhjes dhe ruajtjes së të dhënave nga përdoruesi, printohet nje
dokument me mbishkrimin “Pranuar”, i cili konfirmon paraqitjen e pacientit për shtrim konform
rregullave të mirëpërcaktuara nga QSUT. Ky dokument i bashkangjitet kartelës klinike. Çdo
pacient i planifikuar në sistem pasqyrohet automatikisht në Regjistrin e planifikimeve në
serverin e raporteve.

Foto 20 Regjistri i planifikimit të shtrimeve sipas shërbimeve, i konsultueshëm online.

Moduli i Pranimit në Spital

Ky modul është i instaluar në recepsionet, pranimet apo urgjencat e informatizuara të QSUT
dhe plotësohet vetëm nga personeli i trajnuar dhe autorizuar me të drejta hyrjeje dhe përdorimi
të mirëpërcaktuara. Përmes logove në sistem, mund të realizohet lehtësisht audit-trail i të
dhënave të hedhura. Të dhënat e hedhura dhe të ruajtura, mund të konsultohen vetëm nga
përdoruesit e autorizuar të sistemit.
Në këtë modul, bazuar në fushat e kërkuara në kartelën klinike të pacientit të miratuar nga
FSDKSH dhe MSH, të hapur sipas rregullave të përcaktuar për mjekun kurues (që reflektohen
në këtë modul), janë integruar këto pika kontrolli automatike:
1. Të dhënat e rishtrimit plotësohen automatikisht nga sistemi nëse pacienti plotëson kushtet
e rishtrimit.
2. Në këtë moul përdoruesi merr (ose jo) miratimin e pacientit për transferimin e të dhënave
të tij shëndetësore në regjistrin elektronik kombëtar.

Sistemi i Informacionit për Shëndetin Publik l 33

 3. Një pacient që figuron në sistem i shtruar në një pavjon të QSUT, nuk mund të shtrohet
njëkohësisht edhe në një pavjon tjetër. Sistemi njofton dhe nuk lejon raste të tilla.
4. Diagnozat shënohen vetëm sipas kodifikimit ICD-9, të miratuar nga FSDKSH dhe MSH,
në mënyrë që të unifikohet informacioni.
5. Përdoruesit e autorizuar të recepsioneve mund të konsultojnë ose të modifikojnë të dhënat
e regjistrimit dhe pranimit vetëm për pacientët që nuk kanë ende numër statistikor.
6. Përdoruesit e autorizuar të recepsioneve mund të konsultojnë vetëm të dhënat e
regjistrimit dhe pranimit për pacientët që nuk janë të shtruar në strukturat spitalore.
7. Për pacientët që trajtohen në mënyrë periodike në QSUT ( pacientët ciklik ), plotësimi
i të dhënave të pranimit është thjeshtuar në klikimin e një butoni “ Plotëso fushat “, që
shfaq të dhënat e pranimit të fundit të pacientit në të njëjtin repart ku ai kryen ciklet e
mjekimit.

Foto 21 Të dhënat e pranimit dhe vendosja e nr. të statistikës online.

34 l Sistemi i Informacionit për Shëndetin Publik

 Moduli i Statistikës

Ky modul është i instaluar në Shërbimin e Statistikës të QSUT dhe në shërbimet e urgjencave,

plotësohet vetëm nga personeli i trajnuar nga SISP dhe autorizuar me të drejta hyrje dhe
përdorimi të mirëpërcaktuara. Përmes logove në sistem, mund të realizohet lehtësisht audit-
trail i të dhënave të hedhura. Të dhënat e hedhura dhe të ruajtura, mund të konsultohen vetëm
nga përdoruesit e autorizuar të sistemit.
Përmes këtij moduli përdoruesi i autorizuar i Shërbimit Statistikor kontrollon online kartelat
e pacientëve spitalor të regjistruara në kohë reale në Sistemin e informacionit nga personat
me të drejta hyrje për ta kryer këtë proces (kryeinfermierët). Në varësi të shërbimit ku është
hospitalizuar pacienti, përdoruesi i Shërbimit Statistikor vendos një numër unik statistikor në
kartelën elektronike. Më pas kryeinfermierët në pavjone plotësojnë të njëjtin numër në kartelën
klinike (duke shmangur dorëzimin fizikisht të kartelës klinike në Statistikë, sikurse veprohej deri
pak muaj më parë), gjë e cila ka krijuar shumë lehtësira në procesin e punës së përdoruesve
që operojnë me modulin e pacientit spitalor.
Dokumentimi i këtij procesi është printimi i Dokumentit të Pranimit që ngjitet në kopertinën e
Kartelës Klinike. Për pacientët ciklik gjenerohet fisha e cila kryen tashmë funksionin e kartelës
së shtrimit ditor.
Në këtë modul janë integruar këto pika kontrolli automatike:
1. Përdoruesit e autorizuar të Shërbimit të Statistikës, mund të konsultojnë vetëm të dhëna
te pranimit të pacientëve që nuk kanë ende numër statistikor.
2. Përdoruesit e autorizuar të Shërbimit të Statistikës, mund të konsultojnë të dhënat e
regjistrimit dhe pranimit vetëm per pacientët e regjistruar dhe pranuar nga Recepsionet
dhe Urgjencat e autorizuara të QSUT-së.
3. Vendosja e Numrit Statitikor, në fillimet e implementimit të sistemit ndiqte formatin e
dhjetë karaktereve numerike. Me shtimin e shërbimeve ku implementohet sistemi, u rrit
dhe mundësia për gabime (dublikime) të numrit statistikor. Sipas kërkesave specifike të
Sherbimit të Statistikës të QSUT-së, u ndryshua formati i numrit statistikor në ANNNNNN
(një karakter shkronjor nga A në F dhe 6 karaktere numerike).
4. Për pacientët ciklik që trajtohen në mënyrë periodike në QSUT, numri i statistikës ofrohet
automatikisht nga sistemi, i fraksionuar në mënyrë progresive sipas cikleve të mjekimit
që kryen pacienti, duke u bazuar në numrin e kartelës ditore të hapur në momentin
e përcaktimit të skemës së mjekimit (shembull ANNNNNN/ X, ku X përfaqëson nr e
cikleve).
5. Numri Statistikor sipas formatit të përcaktuar është unik dhe sistemi njofton dhe nuk
lejon dublikime.
6. Vendosja dhe ruajtja e Numrit Unik Statistikor ka vlerë mjeko-ligjore dhe përligj baraz
vlefshmërinë e të dhënave të shkruara me të dhënat e ruajtura në Sistemin e Informacionit.
7. Vetëm vendosja dhe ruajtja e Numrit Unik Statistikor të rregullt dhe printimi i dokumentit
të pranimit, mundëson veprime të mëtejshme në Sistem me të dhënat e Kartelës së
Pacientit.
8. Përdoruesit e autorizuar të Shërbimit të Statistikës mund të konsultojnë vetëm të dhënat
e pranimit për pacientët që nuk janë në atë moment të shtruar në struktura spitalore, pra
që nuk janë pjesë e pavjoneve specifike.
6. Moduli i Pavjonit dhe i Qarkullimit të Pacientit në Spital dhe dalja
Ky modul është instaluar në të gjitha vendet e punës të kryeinfermierëve të QSUT, pas trajnimit

Sistemi i Informacionit për Shëndetin Publik l 35

përkatës dhe pas autorizimit për përdorimin dhe konsultimin e të dhënave të hedhura dhe
të ruajtura në SISP.
Ky modul është i konceptuar për gjithëpërfshirjen e specialistëve të shëndetit të punësuar
nga QSUT. Me shtimin e moduleve përkatëse, mund të përdoret edhe nga mjekët e QSUT.
Këto cilësi në modul janë konceptuar në pjesë të veçanta, që në të ardhmen mund të
sigurojnë krijimin dhe implementimin e një kartele klinike elektronike të plotë për pacientët e
QSUT.
Aktualisht, duke implementuar shumë kërkesa të ardhura nga profesionistë dhe specialist të
QSUT, ky modul ofron të automatizuara këto pjesë përbërëse të një kartele klinike elektronike:

Ndërfaqja e menaxhimit të dhomave, shtretërve dhe pacientëve në pavjon.

Është për përdorim ekskluzivë nga kryeinfermierë të trajnuar dhe autorizuar për përdorim nga
QSUT. Përmes kësaj ndërfaqeje, kryeinfermierja merr informacion në lidhje me ngarkesën
e pavjonit, shpërndan apo transferon pacientët brenda pavjonit apo drejt pavjoneve të tjera,
sipas rastit, nga udhëzimet e shefave të shërbimeve apo mjekëve kurues. Shërbimet, pavjonet,
dhomat dhe shtretërit kanë kod unik sipas kodifikimit të brendshëm të përdorur nga SISP.
Kjo ndërfaqe funksionon në kohë reale si dhe mundëson konsultimin e historikut të aktivitetit
të pavjonit.

Foto 23 Ndërfaqja e menaxhimit të dhomave, shtretërve dhe pacientëve në pavjon

36 l Sistemi i Informacionit për Shëndetin Publik

 Ndërfaqja e konsultimit të të dhënave të pranimit në spital

Lejon vetëm konsultimin (dhe jo ndryshimin) e të dhënave të pranimit të pacientit në spital dhe
vetëm të pacientëve të atij pavjoni.
Në këtë ndërfaqe përdoruesit e autorizuar kanë mundësinë të plotësojnë në dritaren “Shënime
dhe raporte “, rubrikat që pasqyrohen edhe në përmbledhjen e daljes së pacientit nga spitali,
të miratuar nga MSH :

a. Konsultimet
b. Ecuria në spital
c. Diagnoza Klinike
d. Plani i Trajtimit
e. Fluidet Intravenoze
f. Rezultatet e ekzaminimeve
g. Lista e ndërhyrjeve kirurgjikale
h. Mjekimi në dalje.

Plotësimi i secilit prej moduleve bazohet gjithnjë në atë çfarë dokumentohet në kartelën klinike.
Në rast transferimi të pacientit në pavjone të tjera, përdoruesit e secilit pavjon mund të shtojnë
të dhënat e pavjoneve respektive dhe të konsultojnë ato të pavjoneve të tjera (por jo t’i
modifikojnë).

Ndërfaqja e të dhënave klinike të pacientit

Siguron hedhjen e të dhënave klinike bazë që lidhen me pacientin, me qëllim automatizimin,

për QSUT-në të kostos për diagnozë dhe kostos për pacient.
Në këtë ndërfaqe hidhen të dhënat e diagnostikimit, të dhënat e lidhura me procedura të kryera
ndaj pacientit dhe të dhënat e terapisë ditore. Të gjitha këto të dhëna, bazohen në shënimet
në kartelen klinike të pacientit, sipas kërkesave të FSDKSH dhe MSH.

Diagnozat

Bazohen në listen e kodeve ICD-9, të miratuar nga FSDKSH dhe MSH. Diagnozat hidhen
vetëm sipas kësaj liste, me qëllim trajtimin e njëtrajtshëm të informacionit klinik të lidhur me
pacientin. Mund të implementohet edhe ICD-10.
Lista e diagnozave të kodifikuara sipas ICD-9 i është shpërndarë të gjithë përdoruesve të
SISP si dhe të gjithë mjekëve të QSUT.

Procedurat

Kjo listë është përpunuar nga specialist të SISP, bazuar në kodifikimin e procedurave të ICD-
9-PCS dhe është implementuar për herë të parë në Shqipëri, duke qenë një nevojë e sistemit
shëndetësor shqiptar. Lista e procedurave të kodifikuara sipas ICD-9-PCS i është shpërndarë
të gjithë përdoruesve të SISP si dhe të gjithë mjekëve të QSUT-së.

Sistemi i Informacionit për Shëndetin Publik l 37

Në procedura hidhet informacion që lidhet me të gjitha veprimet mjekësore (të kodifikuara)
të ndërmarra kundrejt pacientit: ekzaminime, monitorime, ndërhyrje invazive, ndërhyrje
kirurgjikale etj.

Foto 24 Diagnozat dhe Kodet e procedurave

Terapia Ditore

Në këtë seksion hidhen të dhënat që lidhen me terapinë ditore të pacientit gjatë qëndrimit të tij
në spital, bazuar në shënimet në kartelën klinike të realizuara nga mjeku kurues.
Bazë për një informatizim të suksesshëm të kësaj pjese, mbetet kodifikimi i BMM, i cili realizohet
sipas klasifikimit ATC - të WHO (në përdorim edhe nga FSDKSH).
Ky seksion është i lidhur ngushtë me sistemin e informatizuar të Shërbimit Farmaceutik nga
ku merr dhe jep të dhëna në kohë reale. Kështu, përmes këtij seksioni automatizohet edhe
regjistri i terapisë ditore për pavjon, duke realizuar automatikisht shumatoret përkatëse për
nevojat e pavjonit sipas pacientëve të shtruar, bazuar në shënimet specifike nga mjekët kurues
dhe sipas porosive të shefave të shërbimeve. I gjithë qarkullimi i informacionit të lidhur me
barnat/materialet e përdorura në pavjonet me shtretër dhe blloqet operatore fillon me hedhjen
e kërkesës në Terapi Ditore.

38 l Sistemi i Informacionit për Shëndetin Publik

Foto 25 Printimi i terapisë sipas të dhënave në kartelë.

Sistemi i Informacionit për Shëndetin Publik l 39

 Ndërfaqja e Anamnezës së Pranimit

Ofron mundësinë e plotësimit elektronik të anamnezës së pranimit të pacientit, sipas shënimeve

të bëra nga mjeku në rubrikat përkatëse të kartelës klinike të miratuar nga FSDKSH dhe MSH
(Ankesat, Mjekimet e përdorura, Historiku i sëmundjes së tanishme, Sëmundjet e kaluara më
parë, Anamneza familjare).
Në rast transferimi të pacientit drejt pavjoneve të tjera, këto të dhëna janë vetëm të lexueshme
(jo të modifikueshme) nga përdoruesit e pavjonit pritës, të cilëve u ofrohet gjithashtu mundësia
për të shtuar informacion sipas asaj çka dokumentohet prej tyre në kartelën klinike.
Informacioni i hedhur nga përdoruesit e autorizuar pasqyrohet gjithashtu në përmbledhjen
e daljes së pacientit duke e bërë kështu të konsultueshëm nga mjeku në çdo moment pas
largimit të pacientit nga spitali.

Foto 26 Anamneza e Pranimit

Ndërfaqja e Ekzaminimit Objektiv të Pranimit

Ofron mundësinë e plotësimit elektronik të ekzaminimit objektiv të pacientit në momentin e

shtrimit në pavjon, bazuar në shënimet e bëra nga mjeku në kartelën klinike. Në sistemin e
informacionit kjo rubrikë është e ndarë sipas sistemeve (Përgjithshëm, Edemat, Limfonodujt,
Koka, Qafa, Toraksi, Aparati respirator, Zemra, Vazat periferike, Abdomeni, Mëlçia, Shpretka,
Aparati Urogenital, Aparati Muskulo – skeletik dhe Sistemi Nervor).
Në rast transferimi të pacientit drejt pavjoneve të tjera, këto të dhëna janë vetëm të lexueshme

40 l Sistemi i Informacionit për Shëndetin Publik

(jo të modifikueshme ) nga përdoruesit e pavjonit pritës, të cilëve u ofrohet gjithashtu mundësia
për të shtuar informacion sipas asaj çka dokumentohet prej tyre në kartelën klinike.
Informacioni i hedhur nga përdoruesit e autorizuar pasqyrohet gjithashtu në përmbledhjen
e daljes së pacientit duke e bërë kështu të konsultueshëm nga mjeku në çdo moment pas
largimit të pacientit nga spitali.

Ndërfaqja e historikut të pacientit

Kjo ndërfaqe siguron automatizimin e historikut të jetës (anamnesis vitae) dhe në disa
raste edhe të historikut të sëmundjes (anamnesis morbi) të pacientit. Të dhënat krijohen
automatikisht nga sistemi, bazuar në database të takimeve të mëparshme të pacientit me
sistemin e informacionit.
Këto të dhëna mund të konsultohen nga operatorë të shëndetit vetëm nëse pacienti, përmes
sistemit, është i shtruar në pavjon. Në momentin e daljes së pacientit nga spitali, këto të dhëna
nuk mund të konsultohen.

Ndërfaqja e transferimit

Realizon automatizimin e transferimit të pacientëve brenda një pavjoni ose drejt pavjoneve
të shërbimeve të tjera të QSUT-së, sipas rekomandimeve të shefave të shërbimeve dhe/ose
mjekëve kurues, bazuar në shënimet në kartelën klinike.
Për transferimet brenda pavjonit në shtretër apo dhoma të tjera, nuk ka kërkesa të veçanta,
thjesht ndiqet rruga me të cilën përdoruesit janë trajnuar.
Ndërsa për transferimet në pavjone të shërbimeve të tjera, kërkohet detyrimisht plotësimi i
të dhënave të diagnostikimit (diagnozë shtrimi, klinike dhe arsye transferimit), plotësimi i të
dhënave të procedurave, shkarkimi i terapisë ditore nëse ajo është krijuar, plotësimi i ndërfaqes
së shpenzimeve në fakt (kostos së pavjonit).

Ndërfaqja e shpenzimeve faktike për pacient

Kjo ndërfaqe është ndërtuar bazuar në tabela të shpenzimeve në fakt të gjendura në brendësi
të kartelës klinike të miratuar nga FSDKSH dhe MSH. Tabelat e shpenzimeve në fakt me
BMM të përdorura, plotësohen automatikisht nga sistemi i informacionit ( bazuar në terapinë
ditore ), ndërsa tabelat e tjera janë për plotësim nga përdoruesit e trajnuar dhe autorizuar
(kryeinfermierë dhe infermierë të pavjoneve).
Kostoja e pavjonit, kur konsiderohet e përfunduar, printohet dhe ruhet në brendësi të kartelës
klinike të pacientit.

Ndërfaqja është e ndërtuar në dy pjesë:

Pjesa e informacionit që lidhet me pranimin e pacientit dhe pjesa e hedhjes së të dhënave.

Tabelat e shpenzimeve në fakt përmbajnë:

Sistemi i Informacionit për Shëndetin Publik l 41

• A1– Barna të përdorura gjithsej në pavjon.
• A2– Material konsumi të përdorura gjithsej në pavjon.
• A3– Transfuzione gjak/plazëm në pavjon.
• C1– Dieta ushqimore në pavjon.
Sipas përshkrimit të mjekut kurues në kartelën klinike, personeli infermieror që operon me
modulin e pacientit spitalor ( në pavjone dhe reanimacion ) përzgjedh dietën ushqimore në
sistemin e informacionit. Ky veprim kryhet cdo ditë nga e hëna në të premte ( ku përzgjidhen
edhe dietat për ditët e fundjavës ) brenda orës 12.00. Përtej këtij orari nuk mund të shtohen
dieta të reja për pacientet. Kjo është në përputhje me kërkesat nga zyra përkatëse në Drejtorinë
e QSUT.
Informacioni pasqyrohet automatikisht në raportet që konsultohen online dhe në kohë reale
nga personat përgjegjës pranë drejtorisë.
• D –materialet e konsumit, barnat dhe transfuzioni të përdorura në sallën e operacionit.Kjo
tabelë plotësohet kur pacienti transferohet në blloqet operatore të shërbimeve dhe përmban
përkatësisht:
D1 –Barna të përdorura gjithsej në sallën e operacionit
D2 –Materiale konsumi të përdorura gjithsej në sallën e operacionit
D3 –Transfuzione gjak dhe plazëm në sallën e operacionit
Krahas terapisë së hedhur sipas asaj çfarë shpenzohet në sallë (që reflektohet në D1
dhe D2 ), hidhen edhe të dhëna për kirurgun, anestezistin dhe procedurën së cilës i është
nënshtruar pacienti, të përzgjedhura nga listat respektive.
• E1–shpenzime për ekzaminime laboratorike.
• E2–shpenzime për ekzaminime imazherike.

Totali i llogaritur automatikisht nga sistemi reflekton koston për pacient. Kostoja për pavjon
dhe kostoja për diagnozë llogariten automatikisht përmes sistemit të raporteve.
Nëse pacienti është transferuar nga pavjoni në reanimacion ose anasjelltas plotësohen
të njëjtat pasqyra kostoje, por në faturën e gjeneruar pas daljes nga spitali te Pasqyra
përmbledhëse e shpenzimeve, shpenzimet ndahen në të dedikuara për pavjonin ( me
emertime njësoj si më sipër), dhe të dedikuara për reanimacionin
B1–Barna të përdorura gjithsej në reanimacion.
B2 – Materiale konsumi të përdorura gjithsej në reanimacion.
B3–Transfuzione gjak/plazëm në reanimacion.
C2– Dieta ushqimore në reanimacion.

42 l Sistemi i Informacionit për Shëndetin Publik

 Foto 27 Pasqyra përmbledhëse e shpenzimeve të përgjithshme të kartelës.

Ndërfaqja e të dhënave të daljes (përmbledhja e daljes), realizon daljen e pacientit nga sistemi
i informacionit.
Bazohet në shënimet në kartelë të mjekut kurues dhe shefit të shërbimit. Në këtë ndërfaqe,
bazuar në fushat e kërkuara në kartelën klinike të pacientit (të miratuar nga FSDKSH dhe
MSH) dhe të hapur sipas rregullave nga mjeku kurues, reflektohen këto të dhëna:

Sistemi i Informacionit për Shëndetin Publik l 43

 a. Mënyra e daljes;
b. Gjendja e pacientit në dalje: cilësime, saktësime diagnostike në dalje.
c. Këshillat në dalje;
d. Të dhënat mbi paaftësinë në punë.
e. Të dhënat e daljes, për arsye sigurie dhe për arsye mjeko-ligjore nuk mund të ndryshohen
pas daljes së pacientit nga spitali.
f. Largimi nga urgjenca (vetëm për pacientët që shtrohen dhe dalin nga urgjenca).

Përmbledhje e Daljes

Informacioni i Pacientit : Sigurime :

Emër Mbiemër: Lida Metani Nr. i Sigurimit :
Datëlindja : 14/09/1949 Kategoritë e Sigurimit : 10 - Pensioniste
Gjinia : f
Referuar : Nr. Kartele : A044178
Institucioni : Qendra Spitalore Universitare "Nene Pavioni : 31SKR01 - Reanimacioni i Neurokirurgjise
Tereza"
Data e Pranimit : 25/03/2017 17:20:11
Mjeku : Nuk ka mjek referues -
Data e Daljes : 29/03/2017 11:29:38
Data : 00/00/0000

Diagnoza e Pranimit * Te tjera semundje te trurit (encephalon)

ICD-9 Primare 340.348 Sekondare

: :

Sëmundjet e Hershme *
ICD-9 : 31SKP01 - Pavijoni Nr. 1 i Neurokirurgjise - Salla
Adrian : HTA st II Kolecistectomi 2006 Ethe
Reumatizmale Hernie Diskale Nodus Tiroidien
Pranimet Pesha 85.000 Gjatësia 168.000
Alergjitë *
Agjenti* Kritike Manifestim Agjenti* Kritike Manifestim

Mjekimi që Përdor * 31SKP01 - Pavijoni Nr. 1 i Neurokirurgjise - Salla Adrian :

Corvito/Exforge/Salospir

Simptomat dhe Anamneza 31SKP01 - Pavijoni Nr. 1 i Neurokirurgjise - Salla Adrian

Ankesat : Renie e objekteve nga dora e majte
Historiku i sëmundjes së tanishme : Gjendja e mire deri 2-3 dite me pare
ku referon renie te objekteve nga dora e majte. Fillimisht e interpretuar si e
lidhur me HTA ( TA 160-170/--mmHg ). Nje nate para shtrimit referohet rrezim
nga krevati ( ne gjume ) me rifitim te koshiences shume shpejt.
Kuadri Klinik : Koshiente, pa c'rregullime te funksioneve superiore. Pa
alterime te funksioneve ekzekutive. Pa diskalkuli. Hemianopsi laterale
homonime sin. Ekstension sensitiv sinister ( hemineglizhence sensitive sinster
). Pa crregullime te lateralitetit. Pronator Drift (Barre's sign) inferior sinister.
Hemipareze jo proporcionale sinister me predominim inferior. Babinski +
sinister.

Foto 28 Përmbledhja e daljes e prodhuar nga sistemi për çdo pacient.

44 l Sistemi i Informacionit për Shëndetin Publik

Foto 29 Rregullat e qarkullimit të pacientit në pavjone dhe dalja.

Sistemi i Informacionit për Shëndetin Publik l 45

VII. OBJEKTIVA PËR TË ARDHMEN DHE
MBARËVAJTJEN E PUNËS NË SISTEM

Faza përfundimtare e projektit, parashikon dixhitalizimin e plotë të kartelës klinike për të gjithë
pacientët e QSUT-së përmes dizenjimit, krijimit dhe implementimit të moduleve specifike. Kjo
sipas kërkesave apo nevojave të QSUT realizon:

1. Automatizimin dhe informatizimin e të gjitha kabineteve të strukturave ambulatore të

QSUT-së me modulet ambulatoriale të SISP.
2. Automatizimin dhe informatizimin e të gjithë laboratorëve të QSUT me modulet
specifike të laboratorikës.
3. Automatizimin dhe informatizimin e të gjitha strukturave imazherike të QSUT me modulet
specifike të imazherisë, përfshirë përçimin e imazheve në PACS.
4. Automatizimin e kartelës infermierore sipas specifikave të QSUT.
5. Automatizimin e ditarit dhe ndërkonsulencave mjekësore spitalore sipas specifikave të
QSUT.
6. Trajnimi i të gjithë personelit infermieror dhe mjekësor të QSUT-së për përdorimin e
SISP.

46 l Sistemi i Informacionit për Shëndetin Publik

SISP - Sistemi i Informacionit për Shëndetin Publik, është projekti
i informatizimit të plotë të shërbimit shëndetësor të Qendrës
Spitalore Universitare “Nënë Tereza”. Ky projekt po zbatohet nga
shoqëria ONI sh.p.k në bashkëpunim me stafin e QSUT-së.

Sistemi i Informacionit për Shëndetin Publik l 47

48 l Sistemi i Informacionit për Shëndetin Publik