Paano Palaguin ang Maliit na Negosyo

Isa sa mga layunin kung bakit ikaw ay nagtayo ng negosyo ay upang kumita ng pera. Iyon ay iyong
makakamit sa pamamagitan ng pagsisikap at pagtitiyaga. Hindi magiging madali ang iyong dadaanin pero
isipin mo na lang na madaming negosyante ang nagsimula din sa maliit na puhunan tulad ng sa iyo.

1. Kung ikaw ay nakapagsimula na ng iyong negosyo, matututo ka kahit basic accounting – ito ay
makakatulong upang malaman mo kung kumikita ka nga ba sa iyong negosyo o mas madami pa ang
iyong nagagastos kaysa sa perang pumapasok. Isulat mo lahat ng perang pumapasok at lumalabas. Sa
ganitong paraan, makikita mo kung ano talaga ang estado ng iyong negosyo.

2. Hanapin ang mga dahilan kung bakit hindi masyadong umuusad ang iyong negosyo. Ginagamit mo ba
ang perang kinikita mo sa iyong negosyo para sa ibang bagay? Hangga’t maaari, iwasan mo yan upang
palagi kang mayroong pera na magagamit sa pagbili ng bagong stocks.

3. Ang hirap sa ating mga Pinoy, ang dami dami nating mga kamag-anak na madalas ay humihingi ng
malaking diskwento kung tayo ay may negosyo. Yung iba nga dyan, nanghihingi pa ng libre. Sabihin mo
kanila na negosyo ang ginagawa mo. Iwasan ang pagbibigay ng libre o napakalaking discount lalo na
kung bago pa lang ang iyong business. Huwag mabahala dahil kalaunan ay maiintindihan ka din nila.

4. Tingnan ang iyong mga paninda at ang listahan ng mga naging orders mo. Tiyak, may ibang mga
paninda na ang bilis maubos samantalang yung iba ay bihirang pinipili ng iyong mga customer. Dagdagan
ang iyong stock ng mga paboritong paninda.

5. Kung napakatagal na ng ibang paninda ngunit hindi pa din nabebenta, subukan mo ibenta ng may
discount ang presyo. Kahit maliit lang ang iyong magiging benta, makakadagdag ito doon sa pina-iikot
mong puhunan.

6. Laging subaybayan kung anong mga paninda ang na-uuso. Yun ang mga bagay na dapat mong itinda.
7. Kapag nagkaroon ka na ng mas malaking ipon, maaari mo iyang gamitin upang magtayo ng bagong
sangay or kaya ay ibang klase ng negosyo naman.