Mande bapak perempuan ( selang bapangka karajo nan bapoko ) ka mamak laki2 :

Ka mamak yang tibo, permisi mamak yo kapado angku nan ta imbau umumnyo nan saarak sabondong
tibo, nak mahidang siriah ka muko kito basamo.

Mamak laki2 ka mande bapak perempuan :

Bahubung kami ado 2 batigo kato surang babulati kato basamo dipaiyokan , ambo baok ba iyo dulu
manunggu sabanta dulu.

Mamak 1 laki2 ka mamak 2 laki2 :

Bapo… ( nama mamak 2 laki2 ) , lah tibo himbauan dari selang bapangka karajo nan bapokok nak
manatiang siriah dihadapan kito basamo bapo dikito …( nama mamak 2 laki2 yang lain )

Mamak 2 laki2 ka mamak 1 laki2 :

Sampai mamak, sungguah pun sampai di mamak bak petuah urang tuo2 dulu kato surang babulati kato
basamo bapaiyokan dek ado 2 ba 3 duduak mamak disampiang ambo ambo baok bai yo dulu manunggu
mamak sabanta.

Mamak 2 laki2 ka mamak 3 atau selanjutnyo untuak mampaiyokan iko…

Mamak 2 laki2 ka mamak 1 laki :

Mamak iyo talambek kato bajawek lah ambo paiyokan pulo disiko lah sapakaik kami, kami manuruik
ajo..

Mamak 1 laki2 ka mande bapak 1 laki2 ;

Bapo mande bapak kami ko tibo himbauan dari selang bapangka karajo nan bapokok nak manatiang
siriah dimuko kito basamo.

Mande bapak 1 laki2 ka mamak 1 laki2 :

Sampai ngku, sungguah pun sampai dek kami ado 2 batigo pulo tarui ka induak2 baiyo lo kami angku.

Mande bapak 1 laki2 ka mande bapak 2 laki2 :

Bapo mande bapak 2 bisiak la talanga himbauan lah talampau, tanatangan selang bapangka karajo nan
bapoko nak manatiang siriah dihadapan kito basamo bapo dikito mande bapak 2 laki2.

…..Diambiak la kato baiyo di mande bapak laki2 beserta induak2 laki2 kemuadian…

Mande bapak 1 laki2 ka mamak 1 laki2 :

Ngku, lah dapek kato sabulek jo mufakek jo kaum ibu, apo pambarian mamak kami lah dalam itu ma

Mamak 1 laki2 ka mande bapak perempuan :

Ngku, iyo talambek kato angku bajawek mancari undiang nan saiyo, lah bulek etong samufakek di kami,
lah kami agia izin.

….. manatiang siriah selang bapangka karajo nan bapokok…..

Mande bapak perempuan ka mamak 1 laki2 :

Ngku, tantang siriah ko lah dihadapan kito basamo, ko basuo pepatah angku kok tagak lah kami sapo jo
kato, kok duduak lah kami sapo jo siriah, tantang siriah dihadapan kito basamo kok jarang sangko lah
kadok, kok kadok maliputi sagalo kito nan duduak , limbak nan dari pado itu kok ado salah dengan
gawanyo tantang panatiangan siriak mande bapak kami nan ditapi lah tibo ditangah nan ditangah ala
katapihan rela jo maaf sarato suko karedaan atau pun nan gadang kurang lambuak nan tinggi kurang
junjuang atau pun nan tingga ka dijapuik nan jarang ka basisik rila jo maaf sarato suko karedaan, kalau
indak ado salah dengan gawanyo siriah ko diampai tujuan jo makasuik, sirih sacabiak nak sakunyah
pinang salidi nak sagatok supayo salamaik samparono sampain tujuan jo makasuiknyo..

Mamak 1 laki2 ke selang bapangkah :

Sungguah pun tatumbuak ka diri ambo surang basuo juo kato2 angku, kato surang babulati kato basamo
lawan baiyo, dek karano kami ado 2 ba 3 basalo jo nan tuo manunggu angku sakautiko.

Mamak 1 laki2 ka mamak 2 laki2 :

……….

Kemudian mamak 1 ka sumando, sumando ka sumando job undo kanduang.. kemudian sumando
mamulang kato ka mamak 1, kemudian mamak 1 laki2 ka selang bapangka :

Ngku talambek kato bajawab gayuang basambuik, kato nan bajawab gayuang ndak basambuik do, ngku
dari tadi mamulang kan pado kami sagalo nan datang tagak lai basapo jo kato duduak lai basapo jo siriah
kan betu bana kato angku, lah dapek kato sapakek rundiang saiyo di kami nan datang manggarik
panggka mako manggarik ujuang

….. mangunyah siriah jo manggatok pinang sagalo nan datang…..

Mamak 1 laki2 ka sumando laki2:

Mando kito ansua2 pa etong ko bapo kiro2

Mando mampaiyokan pulo ka mando lain sarato bundo kanduang kemudian ..

Sumando laki2 kamamak 1 laki2 :

Lah bisa kito mulai ngku

Mamak 1 laki2 ka mamak 1 padusi :

Ngku, ko caro pa etong dari tadi dari selang bapangka ala manatiang siriah dihadapan kito basamo, siriah
ko ala disampain tujuan jo makasuik. Ko ka angku juo bahubuang malam bajangko siang bawakatu lah
tibo pulo dakek jangko, ko ado tujuan mukasuik kami sagalo nan datang ala kamungkin ka disabuik, ado
niek baiak layia nan talipek atau pun batin nan takanduang, lah mungkin ka disampain ka angku, sampai
ngku.

Mamak padusi ka mamak 1 laki2 :

…… kami agia kandak

Mamak 1 laki2 ka mamak padusi :

Kok kandak bulia pintak balaku kami sampain ngku.

Mamak laki2 ka sumando laki2 :

Sumando laki2 ka mamak 1 laki2 :

Betu ngku, kok dari rumah kan lah mufakek awak, ba etong ba etu tujuan ande bapak maimbau mamak,
yo anak dari kami mande bapak kamanakan dari pado mamak kok laki2 lah patuik pulang karumah kok
padusi lah patuik diganggam urang sorang, pihak dari kamanakan mamak iyo laki2 mako dari pado
itukok barek indak tapikua dikami ande bapak kok ringan indak tajinjiang dek kami, ate namo ande
bapak mako itu kami panggia mamak pulang, ate namo tujuan kami ande bapak lah kami sigi tarang2 lah
kami kauak sa abi gauang ndak tampak hal malintangnatau indak ado dahan kamangupak baniah atau
urek nan manggalo batang de kami ate namo sumando jo kaum ibu anta kok dimamak ado hal nan
malintang,, sampai

Mamak ka mamak lain kasumando lain : lai indak ado urek nan manggalo dahan kamangupak baniah
dan seterusnyo…..

Mamak 1 laki2 kamamak padusi :

Kami sagalo pihak yang do niek baiak batin nan takanduang lah tibo lo kami kamaminang kamanankan
angku ala baiyo angku jo sumando angku..

Mamak padusi ka mamak laki2 :

Iyo bana sasuai paetong angku timbua baliak , ko kito ajo yang baetongan indak namua sampai do kok
kito sarahan padang ko ka pandeka sabuang ko kito sarahan ka juaro jadi baiyo lah mande bapak samo
mande bapak kaum ibu samo kaum ibu lo kito manunggu pisang takubak ajo lai, kok mangauak sa abih
gauang manabeh sampai ka langik artinyo, apo kaputusan kito manuruik akhir kato kok kurang kito
tambah kok indak lurui kito palurui……………………………elok kito tingkekakn satingkek lai, soal etong surek
manyurek bapo parangkosan……………………