Professional Documents
Culture Documents
I- PAMBUNGAD
(PRODUCTION NUMBER)
PRESO Nalalapit na ang paghuhukom!! Matakot kayo!! Nalalapit na!! Ito ang siyang itinakda!!
Dahil sa ating patulot na kasalanan!! Maniwala kayo!! Isa akong taong makasalanan!! At
ngayon!! Ngayon!!!!!!!!!!!!
TAO 1 Bakit ka nagbibinyag kundi ikaw ang Kristo, o si Elias o maging ang Propeta??
HUWAN Sa tubig lang ako nagbibinyag. Ngunit nasa inyong kalagitnaan ang isang hindi ninyo
nakikilala. Darating siyang kasunod ko, ngunit hindi man lamang ako karapat-dapat
magkalag ng sintas sa kanyang panyapak.
(Music sets in “LUWALHATI, and interpret by the dancers. Next, music sets in “new song”, little angels will
enter, after few minutes, Jesus Christ will enter and greet the 12 apostles. After that, 10 steps will do and stop,
Maria Magdalena will enter and start the scene.)
TAONG BAYAN 2 Hay! Naakadiri ka. Wag ka ng umarte dyan at kahit anong gawin mo ay hindi
ka na magbabago. HAHAHAHA!
TAONG BAYAN 3 Napakarumi mo! Pagmasdan mo ang iyong pananamit! Abang buhay ka na sa putik na
iyong kinasasadlakan! Hampas lupa!
TAONG BAYAN 1 Ano pang ginagawa mo rito? Umalis ka na! Alis!
(Sasampalin, sasabunutan. Kakaladkarin, sisipain, tangkang pagbato, nakadapa sa Magdalena, maya maya
ay papasok si Jesus)
HESUS Kung sino man sa inyo ang walang bahid ng kasalanan ay syang unang bumato.
MAGDALENA Panginoon patawad po sa lahat ng mga kasalanan ko. Binahiran ko ng dungis ang aking
pagkatao. Patawad, nakasakit ako sa kalooban mo! (Umiiyak, lalapitan sya ni Jesus,
galling sa likod, guguhit sa pagitan, itatayo ni Hesus at ihaharap sa taong bayan).
PALASPAS (MUSICAL)
(Papasok ang mga taong pagagalingin ni Hesus) (Himala, luwalhati sa unahan, sasayaw muli lahat,
pagkatapos ay lalabas ang lahat ng dancers at little angels) (Susundan naman ng kaguluhan sa templo, at
papasok si Hesus at mga apostoles)
SINAPIAN Aaaaaahhhh!!!!! Ahhhhh!!!!! Bitawan nyo ako! Bitawan nyo ako, hamak na alipin!! Ahhh!!
Anong kailangan mo sa akin!! Hesus na taga-Nazareth!! Para ipahamak kami kaya’t
dumating ka na!! Alam ko kung sino ka!! Ang banal na Diyos!! Umalsis ka!!
Ahhhhhhhh!!!!!!!!!!!!!!!!!!!!!!!
PILAY AT BULAG
HESUS Lazaro, aking kaibigan. Bumangon ka. Magningning pagka’t dumating na ang iyong
liwanag.
PALENGKE
HESUS Alisin nyo rito ang mga iyan, Huwag nyong gawing palengke ang bahay ng aking Ama
Ang aking bahay ay tatawaging bahay ng Panginoon, nguit ginawa nyong pugad ng mga
magnanakaw.
TAONG BAYAN Anong tanda ang maibibigay mo upang patunayang may karapatan kang gawin ang
mga ito?!
HESUS Gibain nyo ang templong ito at itatayo ko sa loob ng tatlong araw. (Matitigilan ang mga
taong bayan, mahihiya ang ilan at matatakot naman ang iba. Unti-unti silang aalis at
lalabas.)
IV- ANG PAKANA
MGA SAKSI Di ba’t kayo na rin ang nagsabi na mas mabuting mamatay ang tao para sa lahat kaysa
guluhin tayo ng isang Romano?
HUDAS Aaahhh! Wag na wag nyo ngang mabanggit ang ngalan na nya!
At lalo lang kumukulo ang aking dugo!
HESUS Matagal ko nang inasam na makasalo kayo bago ako maghirap. Sinasabi ko sa inyo,
mula ngayo’y hindi na ako kakain at iinom nitong katas ng ubas hangga’t hindi
dumarating ang kaharian ng Diyos.
HUDAS Sino kaya sa atin dito ang tatanghaling pinakadakila sa kanyang kaharian?
JUAN Pinakiusap ng ina ko, na kami ni Santiago ay sa kaliwa’t kanan ni Hesus, pero ano ang
kanyang isinagot? Wala sa kanya, kundi sa Ama ang pasya.
HESUS Ang mga hari ng mga Hentil ay pinapanginoon ng kanilang mga nasasakupan at ang
may kapangyarihan ay nagnanasang tawaging tagatangkilik. Pero hindi gayon ang
dapat mangyari sa inyo. Ang pinakadakila ang syang lumagay sa mas mababa. Ang
namumuno ay siyang maglilingkod! (Kukunin nya ang palanggana at tubig at magsusuot
ng balabal, huhugasan ang paa ng mga alagad). (MUSIC set in “TUBIG NG BUHAY”)
HUDAS Nakababagot na ang kanyang mga palabas! Kamay ko’y nangangati na sa tatanggapin
kong pilak.
HESUS Ikaw ay malinis na. Oo, malinis na kayo. ngunit hindi ang lahat sa inyo! Hindi ang lahat.
(titigan si Hudas).
SANTIAGO Hindi ko maunawaan ang ginagawang ito ng Maestro. Siya ang ating Panginoon, bakit
niya hinuhugasan ang ating mga paa.
HESUS (as he is about to wash Judas feet) Maputik ang mga paa mo anak. Idalangin mong
hindi ka ihahatid ng mga iyan sa tukso.
HUDAS Marami akong nilalakad. Sa putik man o dugo, ang mga paa ay susunod.
HESUS Ang tawag nyo sa akin ay Panginoon, pero ako ang naghugas sa inyo. Ito’y inyong
tularan.
Tunay na pagkain ang aking laman. At tunay na inumin ang aking dugo.
Ang kakain at iinom nito ay mananatili sa akin at ako naman sa kanya.
HUDAS Siya’y nahihibang! Pwede bang ipakain sa atin ang kanyang laman?
HESUS Ito ang aking katawan na inihahandog sa inyo. Gawin nyo ito bilang pag ala-ala sa akin.
Ang kalis na ito ang ang Bagong Tipan ng Dyos na pinagtibay ng aking dugo. Ang aking
dugo ay mabubuhos alang-alang sa inyo.
HESUS Naiiskandalo kayo? Ano pa kaya kung makita nyo ang anak ng tao na umakyat sa dati
nyang kinaroroonan.
Sa hapag na ito, kasalo ko ang magkakanulo sa akin. Paanaw ang anak ng tao ayon sa
itinakda ng Diyos. Ngunit nakakapangilabot ang sasapitin ng taong magkakanulo sa
kanya.
TOMAS Anong ipagkakanulo ang Panginoon? Sinong alagad ang gagawa niyon?
HESUS Ang balak mong gawin ay gawin mo na. (magbubulungan ang mga apostoles, aalis
Hudas).
HESUS Kayo ay nananatiling kasama ko sa mga pagsubok sa akin. Kung paano ang Ama ay
nagbigay sa akin ng karapatang maghari, gayon naman, ibinibigay ko sa inyo ang
karapatang ito. Kayo ay kakain at iinom kasalo ko at luluklok sa mga trono upang
mamahala sa labindalawang angkan ng Israel.
HESUS Tandaan mo Pedro, bago ang pagtilaok ng manok sa araw na ito ay tatlong beses mo
akong itatatwa.
HESUS Dito muna kayo at mananalangin ako sa dako pa roon. Ang puso ko’y tigib ng hapis at
halos ikamatay ko. Maghintay kayo rito at magdasal ng makaiwas sa tukso. (lalayo si
Hesus at mananalangin)
HESUS Ama ko… Iligtas mo ako sa saro ng paghihirap. Diyos ko, kupkupin mo ako…nananalig
ako sayo. Iniaalay ko ang lahat ng ito sayo. Ama, magagawa mo ang lahat ng bagay,
alisin mo ang saro ng paghihirap sa akin, ngunit hindi ang kalooban ko ang masusunod
kundi ang kalooban mo ang maganap sa akin.
HESUS Natutulog ka Pedro? Hindi ba kayo makapagpupuyat kahit ilang oras man lamang?
Masigasig ang espiritu ngunit ang laman ay mahina.
KORO Mahina ang laman, mahina and laman. Kung kaya’t nagkasala ang sangkatauhan.
Magmula sa sinaunang tao, kina Eba at Adan hanggang sa nangabubuhay
Sa katapusan ng mundo, lahat ay may bahagi sa pagpapakasakit ni Kristo.
Masdan natin siya. Kay bigat ng dalahin, kay tindi ng tinitiis. Kaya’t dugo ang ipinapawis.
Para sa ating kapatid, para sa atin.
Hindi tayo ang tumubos sa ating mga sarili
Kundi sya, sya na walang anumang bahid ng kasalanan
Ang umako sa lahat ng ating pagkukulang!
(MUSIC SET IN…devil and angel, devil will enter first. After a while angel will come.)
DEVIL Naniniwala ka sa sinasabi mong iyong Ama? Sino sya? Nasaan sya? Kung talagang
ikaw ang Kristo, gawin mo ngang tinapay ang bato na iyon? O di kaya, magpatiwakal ka
sa bangin na ito? Kung ako sa’yo, umanib ka sa akin….at ang lahat ng bagay na ito ay
mapapasayo.
ANGHEL Poon kong Diyos, Ikaw po ay narinig na
Noon pa mang unang-una
Ng Poon kong iyong Ama.
At itong dala kong kalis
Ang iinumin mong pilit
Ng apdong sakdal mong pait.
(after drinking angel will leave and Jesus will return to his deciples who fell asleep)
VII-ANG PAGDAKIP
KAWAL2 Sya nga! Kung yung guro mo nagawa mong lokohin, kami pa kaya?
HUDAS Ito ang tatandaan nyo., Kung sinong hahagkan ko, sya nyong dakpin.
KAWAL1 Ang dami mo pang pinagsasabi, hala, dalhin iyan kay ANAS.
KAYPAS Ikaw ang Hesus ng Nazareno? At sinabi nila na ikaw ay isang hari?
KAWAL Kung ikaw ay isang hari nasaan ang iyong kaharian? Anong trono ang meron ka?
KAYPAS Magsalita ka!!! Hindi ba’t ikaw ay anak ng isang hamak na karpintero lamang?
(magtatawa ang lahat). At sinabi ng iba na ikaw si Elias? Bakit hindi ka makapagsalita?
Ipagtanggol mo ang iyong sarili.
HESUS Lagi akong nagsasalita sa templo ng aking ama. Ipagtanong nyo sa mga taong nakikinig
sa akin.
KAWAL Sa ganyang paraan mo ba kinikilala ang pinakamataas na pari? Isa kang arogante!
KAYPAS Sabihin mo sa amin Hesus na taga Nazareth,..ikaw ba ang sinasabing tagapagligtas at
anak ng Diyos na buhay?
HESUS Ako nga. At makikita mo ang anak ng tao na nakaupo sa kanang bahagi ng kataas-
taasang Ama at bababa mula sa alapaap ng langit.
SAKSI1 Nilabag niya ang batas, Siya sampu ng mga alagad nya ay kumain ng trigo sa araw ng
pahinga.
SAKSI2 Walang kwentang sakdal. Di ba’t si haring David mismo’y kumain ng tinapay na laan sa
Diyos?
Ang masama ay magpagaling ng may sakit sa araw ng pahinga.
SAKSI4 Paratang na ba iyan? Ikaw man ang manggagamot, sinong lalapitan mo?
Yung may sakit o magaling?
SAKSI4 Talaga! At masasabi ko. yang Kristong yan ay nagpapalayas ng espiritu sa ngalan ng
dyablo!
KAYPAS Bawal sa atin mga hudeo ang humatol ng kamatayan. Kaya’t dalhin sya sa gobernador.
X- SI PEDRO AT HUDAS
PEDRO Isinusumpa ko! Hind ko kilala ang Hesus na yan, hindi ko sya kilala!
(cock will cry out)
PEDRO Diyos ko! Ano itong nagawa ko. Angkan ni Satanas! Ako ay masama pa kaysa kay
Satanas! Si Satanas ay lumabag sa Diyos…ngunit ako….ako…aking itinatwa siya!
Aking iniwan ang anak ng Diyos…Taksil! Ako ay taksil! At hindi mahuhugasan ng
walang hanggang pagdurusa sa impiyerno ang aking kasalanan. Aking pinabayaan ang
anak ng Diyos!! Kagabi lamang ay hinugasan niya ang aking mga paa. Habang sa aking
kalooban ay naroon ang pagtatatwang aking gagawin sa kanya. Patawad Panginoon.
Patawad!
(Peter will cry and Mary with John will come into the scene)
MARIA Pedro, Simon Pedro! Sabihin mo sa akin.
Anong ginawa nila sa anak ko?
Song Pedro anu-anong nangyayari, saan nila dinala anak kong si Hesus.
Ako’y nangangamba sa king nakikita.
Sana’y tulad ng dati… sana’y tulad ng dati.
(MARY will interpret a song and after that dance she’ll be faint and Hudas is entering)
SI HUDAS
HUDAS O, ano itong aking nakikita! Ang nagawa ko’y isang pinsala!
May panahon pa! may panahon pa!
(will run to priest)
KORO O, Kaipas. Ano sa iyo ang si HUdas ay mapahamak…o buong mundo man ang
mapahamak, matupad lamang ang iyong maitim na hangarin. Ano sa iyo na kami ay
magtaksil sa isang taong walang kasalanan… Patawarin ka Kaipas…Patawarin ka!
KAIPAS Mabuti’t isinauli ito! Baka magamit naming sa pagpapalibing sa Nazareno! Mga duwag
kayong lahat… Kung nasa liwanag ay lumalaban sa leon, ngunit sa dilim ay natatakot
kahit sa dagang bubwit.
HUDAS Parang awa nyo na. Oo, ako’y nagdurusa na! At ikaw Kaipas ay magdusa na rin!
Pinagtaksilan ko ang Anak ng Diyos, ngunit ikaw ang magpapapatay! Ayan! kunin mo
ang iyong maruming salapi. (Hudas throws the money) Ayan! Subuan mo ng pilak ang
maitim mong kaluluwa! Sa bawat piraso ng pilak ay inilagay ko ang aking sumpa!
Sumpa ng isang kaluluwang napaligaw! Ng taong pumatay sa Anak ng Diyos!
KAIPAS Wala kang kwentang tao! Hala! Sulong at lumisan ka sa harap ko baka dugo mo’y
mabuhos dito!
KORO Ang kanyang mukha! Ang kanyang mukha! Ang bawat patak ng kanyang dugo ay
parang kumukulong langis na pumapaso sa iyong puso! Ang kataksilan mo ay nakatatak
na sa iyong kaluluwa! At hindi mapapawi hanggang sa kamatayan! Mamatay!! Ngunit
malilibing kaya ng kamatayan ang kataksilan?! Masubhan kaya ng kamatayan ang sa
iyo ay lumalamon! Hindi!!!! Hindi Hudas!!! Kahit sa libingan ay hindi mababaon ang iyong
pagtataksil!!
HUDAS Kaibigan! Tinawag niya akong kaibigan…Siguro ang buong angkan ni Satanas ay
humahalakhak sa buong tuwa ngayon! Bakit pa ako naging tao? Bakit ba hindi pa ako
hinithit ng dagat? Bakit ba hindi bumuka ang lupa at ako ay lamunin…Bakit ba hindi ako
mawala at pumanaw kaibigan…Kaibigan….Kaibigan….Ha………….ha…………
ha……………Kaibigan taksil sa kaibigan!! Saan ako tatakas?? Saan ako magkukubli?
Saan ako tutungo upang makapagtago sa kataksilan! Sa Ama…..ng Anak ng
Diyos…..Hindi sa mundo….Siya ay naririto…..Hindi sa langit……Siya naroroon…..Hindi
sa libingan…..Sapagkat kasusuklaman at iluluwa ng lupa ang aking
bangkay….Hudas….taksil na kaibigan…..Taong mabuti pa ay hindi na
ipinanganak….Wala akong pag-asa….walang pag-asa….walang pag-asa…..walang
pag-asa…(magbibigti).
PARISEO Gobernador. Hindi po namin siya dadalhin dito kung hindi sya kriminal…
PILATO Ako ba ay Hudyo? Ang nagdala sa iyo rito ay mga punong pari at kalahi mo? Ano bang
ginawa mo?
HESUS Hindi galling sa mundong ito ang paghahari ko. Kung galing ditto ay lumaban na sana
ang mga tauhan ko. Para hindi ako mapaubaya sa mga Hudyo.
KORO Si Kristo! Si Kristo ang katotohanan, ang daan at buhay. Ngunit ang nagsasara ng isip at
puso sa kanya ay nananatiling patay.
SAKSI Opo!
PILATO Sakop sya ni Herodes, tingnan nyo kung ano ang kanyang sasabihin.
SNDLO1 Haring Herodes, bilin ng Gobernador.Kayo na po ang bahalang humatol sa taong ito.
HERODES Sa wakas, ang Hesus! Ang aking kababayan. Matagal ko ng inaasam-asam na ika’y
akita. Ka’y rami ko ng nababalitaan sayo. Magaling ka raw maghimala? Ngunit tunay na
salamangkero. Sige nga, aliwin mo kami? Maghimala ka! Paulanin mo! O kaya gawing
leon ang mga aso! Kung kaya mo, buhayin ang mga patay sa nitso…hahahahahahaha!
Ano? Naghihintay ako.
HERODES Magagalit na ako! Magagalit na ako! Pero sa kabilang banda, bakit ko pag-aaksayahan
ng panahon ang isang nasisiraan ng ulo. Ang dapat sa kanya’y damitan ng kapang
nararapat sa isang kulang sa pag-iisip.
HERODES (ilalagay ang kapa) Sa ganang akin, wala syang kasalanan..Maliban sa pagiging sira ulo
Hahahahahahaha. Ibalik iyan kay Pilato.
CLAUDIA Oo.
PILATO Kung gayon, ano itong katotohanan? Ako ay naguguluhan! Hindi ko ito maunawaan…
CLAUDIA Wala sinuman ang makapagsasabi ng katotohanan. Tanging sarili mo lamang ang
makasasagot sa bawat tanong na gumugulo sa iyong isipan. Hindi ako, maging ang mga
nasasakupan mo.
PILATO Ang katotohanan? Ang tanging alam ko lamang, isinilang ako upang mapanatili ang
kapayapaan sa aking nasasakupan. Maiwasan ang rebelyon…Sa oras na hindi ko
hatulan ang taong iyon, magsisimula ng pag-aalsa sina Kaipas. Ngunit, kapag
pinarusahan ko naman, maaring ang mga tauhan niya ang magsimula ng
rebelyon...Parehong bahagi ay magdudulot ng digmaan. Ewan ko Mahal ko…ewan ko…
CLAUDIA Huwag mong parusahan ang taong iyan. Pagkat sa aking panaginip ay sinabing wala
syang kasalanan.
XIV-PAGHATOL NI PILATO
PILATO Walang kasalanan ang taong ito. Yan ang pasya ni Herodes, Yan din ang pasya ko.
Gayunman, Dahil kayo ay mapilit, nais kong ipaalala sa inyo, na sa ganitong pista.
Maaari kong palayain ang kahit sinong bilanggo na nais nyo.
PILATO Walang kasalanan ang taong ito. Kaya’t parurusahan ko na lang bago palayain.
KAPITAN Tigil! Tumigil kayo! Ang sabi’y hagupitin, hindi patayin. Hala damitan yan at palayain!
Ngayon din……Kilos!
MGA TAO Wala kaming hari maliban kay Ceasar! IPAKO SA KRUS (5x)
TAO1 Kapag siya ay pinalaya, hindi ka kaibigan ni Ceasar. Ang sinumang ginawa ang sarili
bilang hari ay hindi kaibigan ni Ceasar.
PILATO Kung gayon! Ako si Pontio Pilato, presidente’t hukom dito, na sakop ng imperyong
Romano. Ang hatol ko’t sintensya’y ukol sa kanyang pagkakasala. Sa kanya’y ipapasan
krus ng kamatayan. At kung dumating man sa lupang Golgota, ipako’t iparipa, sa gitna
ng dalawang palamara! Kunin nyo na siya. Wala akong pananagutan sa kamatayan ng
taong iyan.
MGA TAO Pananagutan naming at ng aming anak at apo ang kanyang kamatayan! IPAKO SA
KRUS (3x)
HESUS Ako’y alagad mo Ama. Salamat sa krus na ito, na gamit ko sa pagtubos sa tao.
PARISEO 3 Hindi sya ang ating hari, ito lamang ang gusto naming palabasin!
BATA Ang bilin po ng Gobernador. Ang nakasulat ay nakasulat na kaya hindi pwedeng
baguhin!
HESTAS Isa kang baliw! Bakit nakuha mo pang halikan ang krus na iyong kamatayan!
(John, Mary and Magdalene will be seen from the linw of the scene)
MARIA Juan, mananatili ba ako rito? O dapat lumisan? May lakas ba akong mamasdan ang
anak kong naghihirap?
HUWAN Kapag hindi nyo sya hinintay. Baka lalo nyo po syang tangisan!
SUNDALO3 Sya nga ba? O kunsintidorang Ina, tingnan mo ang pakong gagamitin sa Anak mo!
MARIA O ilaw ng aking mga mata! Ano ang iyong sala? At ikaw ay ginaganito. Yaong krus na
iyong pasan… bunso…. iyong bitawan at kita’y hahalinan. Aakuin ko lahat-lahat na….ng
hindi ko makita ang iyong pagdurusa…
SUNDALO4 Hindi na ito aabot sa kalbaryo! Tumayo ka! (Jesus leave Mary, 2nd fall of Christ.. Soldiers
will look for an alternate, will see Simon Sireneo!)
KAPITAN Mga bulag ba kayo? Nakikita nyong hindi na nya kaya…hala tulungan nyo sya!!!!
Ngayun din!!!! Tulungan!!!
BABAE1 Bigyan mo naman ng kahihiyan si Cirac! Kasapi pa naman sya sa korte ng mga Hudyo!
BERONIKA Nagkakamali kayo! Nagbitiw na ang asawa ko sa korte! Sapul ng paratangan si Hesus
ng ulupong na si Kaipas!
Panginoon, tulutan nyong aking ipahid. Sa iyong mukhang kahapis-hapis ang bira kong
sakdal linis.
BERONIKA (look at the cloth) Lilisan akong may pusong masaya. Dahil iniwan ako ng Panginoon
ko… ng isang alaala. (will show the faces of Christ marked on cloth) Poon Ko! Diyos ko!
HESUS Herusalem, Herusalem! Pinapatay mo ang propeta! At binabato ang isinugo sa’yo ng
Diyos. Gaano kadalas kong inibig na tipunin ang iyong mga anak…..Tulad ng paglimlim
nga inahin sa kanyang mga sisiw! Datapwat tumanggi ka!
(freeze, 3rd fall of Christ, ang he was hit by town people, pariseo, soldier…while others
are crying aking for some help…)
HESUS Kababaihan ng Herusalem, Wag nyo akong tangisan…Ang tangisan nyo ay ang inyong
mga anak at inyong mga sarili….
XVI- SA KRUS
CENTURION (looking up and taunting Jesus on the Cross) Sino ang gigiba ng templo at itatayo sa
loob ng tatlong araw?....ha…ha…ha…Bakit hindi mo gibain ang iyong krus? Biyakin mo
ang kahoy at tunawin mo ang iyong pako! Ipakita mo sa amin ang iyong kapangyarihan,
Jesus ng Nazareth.
ANNAS Siya raw ang Mesias…Ang Hari ng Israel? ...Ang Anak ni David…At higit pa raw kay
Solomon…
KAIPAS Nasaan ang iyong mga kahambugan? Iniligtas mo ang iba, ngunit hindi mo mailigtas
ang iyong sarili! Hala….matabil ang dila! Gamutin mo ang iyong mga sugat!!!! Kung ikaw
ay anak ng Diyos! Pumanaog ka sa krus na iyan!
HESUS Ama ko, patawarin mo sila! Hindi nila alam ang kanilang ginagawa.
MARIA (looking up to Christ) Hesus…Aking anak…. Naririto ako… ang iyong Inang umiibig sa
iyo…. Mahapdi pa ang kirot mahal ko…. Ngunit iyan ay mapapawi rin….
MAGDALENA Naririto rin ako… Banal na Hesus… Ang makasalanang sumasamba sa iyo…
Nakaluhod ako sa iiyong paanang minsan ay hinugasan ko ng aking mga luha.
Hahagkan ko ang paa mo ng marahan… upang huwag masaktan ang iyong mga
sugat… (Kisses Jesus feet gently)
HUWAN Hesus… Panginoon… Narito ako… ang kaibigang nagmamahal sa iyo aming guro…
Tumakas kami…Patawad, iniwan ka naming sa gitna ng panganib at kasawian..
HESTAS Magsitigil kayo riyan!.. Hindi pa ba sapat ang paghihirap namin? Bakit dinaragdagan pa
ng inyong mga panaghoy…(to Christ) Sabihin mong magsitigil na sila!
DIMAS Huwag mo siyang gambalain Hestas. Siya’y mabuting tao. Ikaw at ako ang humanap ng
parusang ito…. Nilabag natin ang batas kaya tayo nagkaganito… Nguni’t ang kawawang
lalaking ito’y walang ginawang anuman…(Whimpering) Diyos!!!!! Pinupulikat ang aking
mga binti….
HESTAS (looking at Christ) (mockingly) Ha! Si Kristong Hari! …Tingnan mo ang iyong sarili!!!!
Tingnan mo ang nangyari sa’yo….patawarin daw ang mga kaaway! Kung ako man ay
makakawal ay uutasin ko silang lahat! At ikaw ang uunahin ko, palalong karpintero!
DIMAS (to Hestas) Marahil ay nasisiraan siya ng bait Hestas… hayaan mo na siya... hayaan
mong isipin niyang siya ang anak ng Diyos… .kung iyon ang makakaaliw sa kanya….(to
Christ, trying to humor him) Hindi ka naman tunay na baliw….kaibigan? hindi ba? Ang
lahat ng ito’y isa lamang masamang panaginip. Sa gitna ng kaluwalhatian… at
magugulat silang lahat…
HESTAS Ha! Isa ka pang baliw Dimas! (Christ look at Dimas and smile)
DIMAS Ayan! Tingnan mo! Nangingiti siya! Sinabi ko na sa iyo Hestas…Ibig niyang masabing
siya’y Anak ng Diyos… (still humoring him) Kaibigan, huwag mo akong kalilimutan…
Pag-akyat mo sa iyong kaharian…isama mo ako!
SUNDALO1 (Noticing the sky) Ano bang nagyayari sa panahon? Nagdidilim yata….tila ibig
umulan….
SUNDALO3 Ano kaya…Patay na ba ang Nazareno? Ah! Hindi pa! Ngunit walang imik…pati si
Hestas at Dimas!!!
SUNDALO1 Kung gayon, tingnan natin kung uubra sila dito… (hahagupitin ang tatlo)
MARIA Ang aking anak ay naghihirap. (to Jesus) Anak ko……tulutan mo rin akong mamatay na
kasama mo…..
MAGDALENA Ang buong mundo ay naghihirap! Patungo siya sa dilim….at dala niya ang sikat ng
araw…Siya’y malayo na…napakalayo na upang maabot ng aking tinig…
HESUS Babae, masdan mo ang iyong anak. Anak, masdan mo ang iyong ina..
HESUS Hayaan mong si Huwan ang maging anak mo ngayon…Huwan…siya na ngayon ang
iyong ina….
HUWAN Panginoon!!!!!....Panginoon…..
(PIETA….MUSIC)
-THE END-