SENAKULO

Huling Hapunan
Mula sa Koleksiyon ni Bb. Epifania G. Angeles, ng SWP

I- PAMBUNGAD

(PRODUCTION NUMBER)

KORO: Mga kapatid, mga kababayan

Magsidulog nat pagmalasakitang lubos
Buhay naming ilalahad
Looban nawa ng kaalaman
Tungo sa aking daraanan
Ihilig ang aming puso
Sa buhay at kalbaryo
Ni Jesus, Kristo!

Panginoon aking kapalaran

Maghari Ka sa Sanlibutan
Diyos na walang hanggan at puno ng karunungan
Ama ng makatarungang kautusan
Ama magpakailanman
Maawait mapagkupkop
Sa taong lupat alabok
Diyos Amang maawain, mangyaring aming dalitin
Hirap, sakit at hilahil ng anak mong ginigiliw
Ang pasyong mahal na Hesukristo
Ay pasyong tanglaw saking kinabukasan.
Aralan mo ako! Poon Ko! Diyos Ko!

(song): Sa simulay ang salita

Diyos ang salita
Ikaw, Hesus, ang susundan. Ikaw, Poon ang hantungan.
Kaloob Mong talino, atas Moy pagyamanin.
Sa pakikihamok lagi naming gamitin
Karahasay papaiitin, kamaliay tutuwirin
Naging Tao ang salita
Handa kaming makilala
Sa Iyo, kamiy magtitiwala.

II- SI HUWAN BAUTISTA

(Papasok ang isang preso at apat na kasalanan)

PRESO: Nalalapit na ang paghuhukom! Matakot kayo! Nalalapit na! Ito ang siyang itinakda! Dahil
sa ating patulot na kasalanan! Maniwala kayo! Isa akong taong makasalanan! At
ngayon! Ngayon!
(Papasok ang apat na kasalanan, magsisisi ang preso)

PRESO: Ama! Ama!

HUWAN: Magsipagsisi na kayo! Magsipagsisi na! Ikaw! Kayo! Magsipagsisi na!

KORO: May taong sinugo ang Diyos. Ang minamahal. Ang hinirang. Huwan ang kanyang
pangalan. Dumating siya para magpatotoo tungkol sa liwanag. Hindi siya ang liwanag ng
Sansinukob, kundi patotoo sa liwanag.

HUWAN: Darating na ang kaharian ng Diyos!

TAO 1: Sino ka?

HUWAN: Hindi ako ang Kristo!

TAO 2: Sino ka kung ganon?.......Ikaw ba si Elias?

HUWAN: Hindi ako si Elias!

TAO 3: Ikaw ba ang propeta?

HUWAN: Hindi rin!

TAO 1-3: Sino ka nga? Ano ang masasabi mo tungkol sa sarili?

HUWAN: (Malakas na sasabihin) Ako ang tinig ng isang taong sumisigaw sa ilang!
Tawirin niyo ang daan ng Panginoon.

TAO 1: Bakit ka nagbibinyag kung hindi ikaw ang Kristo, o si Elias o maging ang Propeta?

HUWAN: Sa tubig lang ako nagbibinyag. Ngunit nasa inyong kalagitnaan ang isang hindi ninyo
nakikilala. Darating Siyang kasunod ko, ngunit hindi man lamang ako karapat-dapat
magkalag ng sintas sa Kanyang panyapak.

TAO 2 : Sino Siya? Sino Siya Huwan!

HUWAN: Siya ang Kordero ng Diyos, na nag-aalis

ng kasalanan ng Sanlibutan!

III- PAGPASOK SA HERUSALEM

(Music sets in LUWALHATI, and interprets by the dancers. Next, music sets in new song, little angels will
enter, after few minutes; Jesus Christ will enter and greet the 12 apostles. After that, 10 steps will do and stop;
Maria Magdalena will enter and start the scene.)

(Sasayaw si Magdalena na tila nang-aakit)

TAONG BAYAN 1: Hoy! Haliparot na babae! Huwag kang magkunwaring malinis!.

Alam na yata ng buong bayan ang baho mo!

TAONG BAYAN 2: Hayyy! Nakakadiri ka. Huwag ka ng umarte diyan at kahit anong gawin mo ay hindi
ka na magbabago. (tatawa)

TAONG BAYAN 3: Napakarumi mo! Pagmasdan mo ang iyong pananamit! Abang buhay ka na sa putik na
iyong kinasasadlakan! Hampas lupa!

TAONG BAYAN 1: Ano pang ginagawa mo rito? Umalis ka na! Alis!

TAONG BAYAN 2: Alis! Alis!

(Sasampalin, sasabunutan. Kakaladkarin, sisipain. Tangkang pagbato, nakadapa sa Magdallena at papasok si
Hesus.)

HESUS: Kung sino man sa inyo ang walang bahid ng kasalanan ay siyang unang bumato.

MAGDALENA: Panginoon patawad po sa lahat ng mga kasalanan ko. Binahiran ko ng dungis ang aking
pagkatao. Patawad, nakasakit ako sa kalooban Mo!
(Umiiyak, lalapitan siya ni Jesus, galing sa likod, guguhit sa pagitan, itatayo ni Hesus at ihaharap sa taong
bayan).

HESUS: Sa iyong pagkakasala, ikay pinatawad. Tubig ng buhay ay nalinis ka na.

PALASPAS (MUSICAL)

(Papasok ang mga taong pagagalingin ni Hesus. Himala, luwalhati sa unahan, sasayaw muli lahat at aalis.
Susundan naman ng kaguluhan sa templo, at papasok si Hesus at mga Apostoles)

SINAPIAN: Aaaaaahhh! Ahhhhh! Bitawan nyo ako! Bitawan niyo ako, hamak na alipin! Ahhh! Anong
kailangan mo sa akin! Hesus na taga-Nazareth! Para ipahamak kami kayat dumating
Ka na! Alam ko kung sino Ka! Ang banal na Diyos! Umalis Ka! Ahhhhhhhh!

HESUS: Tumahimik kat lumabas sa kanya! Lazaro, aking kaibigan. Bumangon ka. Magningning
pagkat dumating na ang iyong liwanag.

LAZARO: Salamat, Kaibigan.

PALENGKE

HESUS: Alisin niyo rito ang mga iyan, Huwag niyong gawing palengke ang bahay ng Aking Ama!
Ang Aking bahay ay tatawaging bahay ng Panginoon, ngunit ginawa niyong pugad ng
mga magnanakaw!

TAONG BAYAN: Anong tanda ang maibibigay Mo upang patunayang may karapatan Kang gawin ang
mga ito?

HESUS: Gibain niyo ang templong ito at itatayo Ko sa loob ng tatlong araw.
(Matitigilan ang mga taong bayan, mahihiya ang ilan at matatakot naman ang iba. Unti-
unti silang aalis at lalabas.)

IV- ANG PAKANA

TAONG BAYAN: Ang suwail! Dapat Siyang iligpit!

KAYPAS: Matagal ko na iyang inaasam-asam!

ANNAS: Di ipaligpit mo na, ano pang hinihintay mo?

KAYPAS: Magkakagulo ang mga tao. Huwag sa kapistahang ito!

MGA SAKSI: Di bat kayo na rin ang nagsabi na mas mabuting mamatay ang tao para sa lahat kaysa
guluhin tayo ng isang Romano?

KAYPAS: Tama kayo, pero?

MGA SAKSI: Ngayon na po ang pagkakataon, at mayroon po sa ating tutulong!

KAYPAS: Tutulong? Sino iyon?

MGA SAKSI: (Papasok kay Hudas) Siya po!

KAYPAS: Yan? Di bat alagad iyan ni Hesus?

HUDAS: Aah! Huwag na huwag niyo ngang mabanggit ang ngalan Niya!
At lalo lang kumukulo ang aking dugo!

ANNAS: Tumiwalag ka na ba sa Kanya?

HUDAS: Sa turing ay hindi pa po. Pero sa damdamin ay matagal na!

KAYPAS: Magsalaysay ka.

HUDAS: Sawang sawa na ako sa Kanyang pangaral!

Oo, inaamin ko, noong una napaniwala Niya.
Akala ko, Siya ang Mesiyas na tutubos sa atin.
Sa kamay ng mga Romano. Pero lumipas ang panahon,
hindi siya kumilos. Nang lapitan Siya ng makasalanang babae, at hugasan ang paa
ng mamahaling pabango. Sabi koy sukdulan na ito! Kung ipinagbili ba ang pabango
at ibinigay sa mahirap! Pero hindi ako kinatigan ng Hesus na Iyan.
Kundi ang babaeng makasalanan!
Kalabisan na iyon! Kalabisan na!

KAYPAS: Ano ngayon ang ibig mong mangyari?

HUDAS: Tulad ng ibig mong mangyari.

KAYPAS: Magagawa mo Siyang, ipagkanulo?

HUDAS: Bakit po hindi?

KAYPAS: Sinusubukan mo lang kami, isa kang espiya!

HUDAS: Hindi po!

KAYPAS: Kung hindi, ano ang mapapala mo sa alok na ito?

HUDAS: Pilak! Tatlumpung pirasong pilak ang singil ko.

KAYPAS: (Matatawa) Yan, iyan ang gusto naming usapan!

ANNAS: Malinis, may katapat na kabayaran.

HUDAS: Pumapayag na kayo?

KAYPAS: Oo, ngunit kailan?

HUDAS: Sa gabi ring ito! Pagkatapos ng hapunan,

ang kanyang Huling Hapunan!
 V- ANG HULING HAPUNAN

(MUSIC sets in Sa Hapag ng Panginoon)

HESUS: Matagal Ko nang inasam na makasalo kayo bago ako maghirap. Sinasabi Ko sa inyo,
mula ngayoy hindi na Ako kakain at iinom nitong katas ng ubas hanggat hindi
dumarating ang kaharian ng Diyos.

HUDAS: Sino kaya sa atin dito ang tatanghaling pinakadakila sa Kanyang kaharian?

SANTIAGO: Hanggang ngayon bay pagtatalunan pa iyan?

JUAN: Pinakiusap ng ina ko, na kami ni Santiago ay sa kaliwat kanan ni Hesus, pero ano ang
kanyang isinagot? Wala sa kanya, kundi sa Ama ang pasya.

HESUS: Ang mga Hari ng mga Hentil ay pinapanginoon ng kanilang mga nasasakupan at ang
may kapangyarihan ay nagnanasang tawaging tagatangkilik. Pero hindi gayon ang
dapat mangyari sa inyo. Ang pinakadakila ang siyang lumagay sa mas mababa. Ang
namumuno ay siyang maglilingkod!

(Kukunin niya ang palanggana at tubig at magsusuot ng balabal, huhugasan ang paa ng
mga alagad).

(MUSIC set in TUBIG NG BUHAY)

ALAGAD 1: Ba.bakit po Panginoon?

HESUS: Paa mo ay huhugasan.

ALAGAD 2: Pati po ako Maestro?

HESUS: Lahat kayo!

PEDRO: Panginoon huwag po!

HESUS: Lahat sila ay nahugasan ko na Pedro.

PEDRO: Marumi kong mga paa, walang kapara.

HESUS: Malalaman mo rin Pedro ang kahulugan nito.

PEDRO: Hindi, hindi ako makapapayag!

HESUS: Kung hindi mo yan pahuhugasan, kitay kagagalitan

at babawiin ko ng lahat pa ang aking mahal na grasya.

PEDRO: Kung gayon, hugasan Niyo na po ako ng lubos. Huwag lamang paa ko kundi ang aking
kamay at ulo.

HUDAS: Nakababagot na ang kanyang mga palabas! Kamay koy nangangati na sa tatanggapin
kong pilak.

HESUS: Ikaw ay malinis na. Oo, malinis na kayo. Ngunit hindi ang lahat sa inyo! Hindi ang lahat.
(titingnan si Hudas)
SANTIAGO: Hindi ko maunawaan ang ginagawang ito ng Maestro. Siya ang ating Panginoon, bakit
niya hinuhugasan ang ating mga paa?
HESUS: (As he is about to wash Judas feet) Maputik ang mga paa mo anak. Idalangin mong
hindi ka ihahatid ng mga iyan sa tukso..

HUDAS: (Grimly) Marami akong nilalakad. Sa putik man o dugo, ang mga paa ay susunod.

JUAN: Ang ginawang ito mga maestro ay isang dakilang halimbawa.

ALAGAD: Ewan ko ba Hindi ko maintindihan.

HESUS: Ang tawag niyo sa Akin ay Panginoon, pero ako ang naghugas sa inyo. Itoy inyong
tularan.

ALAGAD: Mangyari po Panginoon.

HESUS: (Music sets in tinapay ng buhay) Tunay na pagkain ang aking laman. At tunay na inumin
ang aking dugo. Ang kakain at iinom nito ay mananatili sa akin at ako naman sa kanya.

FELIPE: Mabigat ang salitang ito, mahirap maunawaan.

HUDAS: Siyay nahihibang! Puwede bang ipakain sa atin ang kanyang laman?

HESUS: Ito ang aking katawan na inihahandog sa inyo. Gawin niyo ito bilang pag-aala-ala sa
Akin. Ang kalis na ito ang ang Bagong Tipan ng Diyos na pinagtibay ng Aking dugo. Ang
Aking dugo ay mabubuhos alang-alang sa inyo.

HUDAS: Walang katuturan ang kaniyang pinagsasabi.

HESUS: Naiiskandalo kayo? Ano pa kaya kung makita niyo ang anak ng tao na umakyat sa dati
niyang kinaroroonan? Sa hapag na ito, kasalo ko ang magkakanulo sa akin. Papanaw
ang Anak ng tao ayon sa itinakda ng Diyos. Ngunit nakakapangilabot ang sasapitin ng
taong magkakanulo sa Kanya.

TOMAS: Ano ipagkakanulo ang Panginoon? Sinong imbi ang gagawa niyon?

JUAN: Sino po ang Inyong tinutukoy?

HESUS: Ang ipagsawsaw Ko ng tinapay, siya na nga!

HUDAS: Guro ako po ba?

HESUS: Ang balak mong gawin ay gawin mo na agad. (magbubulungan ang mga Apostoles,
aalis si Hudas)

MATEO: Aba! Nakapagtataka ito! Saan paparon si Hudas?

FELIPE: Pinabibili marahil ng Maestro ng gagamitin natin sa pista. O marahil maglilimos sa

pulubi.

HESUS: Kayo ay nananatiling kasama Ko sa mga pagsubok sa Akin. Kung paano ang Ama ay
nagbigay sa Akin ng karapatang maghari, gayon naman, ibinibigay Ko sa inyo ang
karapatang ito. Kayo ay kakain at iinom kasalo Ko at luluklok sa mga trono upang
mamahala sa labindalawang angkan ng Israel.

PEDRO: Panginoon, ako poy handang mabilanggo at mamatay kasama Kayo.

HESUS: Tandaan mo Pedro, bago ang pagtilaok ng manok sa araw na ito ay tatlong beses mo
Akong itatatwa. Tayo na at magtutungo tayo sa bundok ng Olibo, sa halamanan ng
Getsemani at Akoy mananalangin.

VI-SA HARDIN NG GETSEMANI

HESUS: Dito muna kayo at mananalangin Ako sa dako pa roon. Ang puso Koy tigib ng hapis at
halos ikamamatay Ko. Maghintay kayo rito at magdasal ng makaiwas sa tukso. (lalayo si
Hesus at mananalangin)

HESUS: Ama Ko! Iligtas mo Ako sa saro ng paghihirap. Diyos Ko, kupkupin mo Ako. Nananalig
Ako Sayo. Iniaalay Ko ang lahat ng ito Sayo. Ama, magagawa Mo ang lahat ng bagay,
alisin Mo ang saro ng paghihirap sa Akin, ngunit hindi ang kalooban Ko ang masusunod
kundi ang kalooban Mo ang maganap sa Akin.

HESUS: Natutulog ka Pedro? Hindi ba kayo makapagpupuyat kahit ilang oras man lamang?
Masigasig ang Espiritu ngunit ang laman ay mahina!

KORO: Mahina ang laman, Mahina ang laman.

Kung kayat nagkasala ang sangkatauhan.
Magmula sa sinaunang tao, kina Eba at Adan hanggang sa nangabubuhay
Sa katapusan ng mundo, lahat ay may bahagi sa pagpapakasakit ni Kristo.
Masdan natin Siya, kay bigat ng dalahin, kay tindi ng tinitiis. Kayat dugo ang ipinapawis.
Para sa ating kapatid, para sa atin.
Hindi tayo ang tumubos sa ating mga sarili
Kundi Siya, Siya na walang anumang bahid ng kasalanan
Ang umako sa lahat ng ating pagkukulang!

(MUSIC SET IN. Devil evil will enter first. After a while, angel will come.)

DEVIL: Naniniwala Ka sa sinasabi Mong iyong Ama? Sino Siya? Nasaan Siya? Kung talagang
Ikaw ang Kristo, gawin Mo ngang tinapay ang bato na iyon? O di kaya, magpatiwakal
Ka sa bangin na ito? Kung ako sayo, umanib Ka sa akin at ang lahat ng bagay na ito ay
mapapasayo.

ANGHEL: Poon kong Diyos, Ikaw po ay narinig na

Noon pa mang unang-una
Ng Poon kong Iyong Ama.
At itong dala kong kalis
Ang iinumin mong pilit
Ng apdong sakdal mong pait.

(After drinking, angel will leave and Jesus will return to his deciples who fell asleep)

HESUS: Bumangon na kayo, oras na para ang anak ng tao ay ipagkanulo sa kamay ng mga
makasalanan. Lumakad na tayo at paparito na sila.

VII-ANG PAGDAKIP

KAWAL 1: Sandali! Baka niloloko mo lang kami!

KAWAL 2: Siya nga! Kung yung guro mo nagawa mong lokohin, kami pa kaya?

HUDAS: Kaibigan, tinitiyak ko sa inyo na naririto Siya.

Wala na silang ibang matutuluyan.
KAWAL 1: Paano namin makikilala ang Kristong iyan?

KAWAL 2: Kay dilim ng gabi, baka muling makapuslit.

HUDAS: Ito ang tatandaan niyo. Kung sinong hahagkan ko, Siya niyong dakpin.

HESUS: Sinong hanap nyo?

MGA KAWAL:Si Hesus Nazareno!

HESUS: Ako nga si Hesus Nazareno. (soldiers almost bend on their knees)

KORO: Sa ngalan ng higit sa lahat ng ngalan

Bawat tuhod ay luluhod. Maging lupat kalangitan.

HESUS: Sinong hanap niyo?

MGA KAWAL:Si Hesus! Si Hesus Nazareno!

HESUS: Sinabi ko na sa inyo, Ako nga.

KORO: Poon ko, Diyos ko! (Magtatangkang umalis si Hudas ngunit pipigilan ng sundalo at
ihaharap kay Hesus.)

HUDAS: Magandang gabi po, Guro.

KORO: Huwag Hudas, Huwag mo Siyang ipagkanulo!

Kusang sumusuko si Kristo
Upang sa huling sandal. Ikaw ay masagip.
Iyong isaisip ang kanyang pagkandili.
Ang pagtitiwala sa iyo ng salapi.
Ang pagsasama niyo sa pagkain.
Babalewalain na bang lahat?
At sa pilak ay ipagpapalit?
Mangilabot ka kapatid! Mangilabot ka.

(Hudas will kiss Jesus)

HESUS: Hudas, ipagkakanulo mo ba ang Anak ng Tao sa isang halik? (Palilibutan ng kawal
hanggang sa lumaban si Pedro)

PEDRO: Layuan niyo Siya. (will cut the ear of Malko)

MALKO: Aray ko! Tenga ko!

HESUS: Pedro ibalik ang tabak sa lalagyan. Ang gumagamit ng tabak ay sa tabak din
mamamatay. (Pedro will escape, and Jesus will heal the ear of Malko)

KAWAL 1: Ang dami Mo pang pinagsasabi, hala, dalhin iyan kay Anas.

VIII-SA HARAP NI ANAS

KORO: Si Annas! Ang biyenan ng punong pari na si Kaypas

Dating punong pari at siyang nakapangyayari sa lahing Hudyo.
Batid ni Annas ang batas at mga propeta.
Alam niya na may darating na Mesiyas
 Na magpapasinaya sa bagong batas, maging kaharian.
At dahil lubha siyang nakikinabang,
Sa kasalukuyang kaayusan, dahil ang kanyang katayuan,
Paggamit sa pagpapayaman,
Takot si Annas sa anumang pagbabago.
Tulad rin ni Herodes, na nagpapapatay sa lahat ng sanggol
Upang baka sakali, mapatay si Hesus, Kristo. Si Annas!

ANNAS: Ikaw nga ba ang Hari na di umanoy makapangyarihan sa mga Hudyo?

Dapat kang mamatay! Datapwat anong saysay ang ikaw ay patayin!
Kung ang turo moy patuloy na palalaganapin!
Dapat pati mga alagad, dakipin!

TAO 1: Siya lang po ang sinulit sa amin.

ANNAS: Nasaan ang iyong mga alagad?

Sinu-sino sila? At ano itong itinuturo mong Doktrina?
Sa tema ng Iyong pananalita, gusto Mo kaming palitan.
Mangusap ka Hesus, nais Kitang makilala!

KORO: Hindi! Hindi siya kailangan mangusap.

Si Annas ay walang kapangyarihan!
Hindi siya hukom na opisyal.
Sa harap ng batas, silang dalaway magkapantay!

ANNAS: Kung hindi dahil sa akin, ang manugang kong si Kaypas

Ay hindi magiging punong pari.
Nasa kanya ang kapangyarihan
Totoo, ngunit ako ang kanyang pinakikinggan.
Kung nais Mong sintensiyay gumaan,
Sa akin Ka makiusap Hesus. Magpakilala Ka na!.

HESUS: Hayagan Akong nangangaral sa Sinagoga.

Wala akong ikinubli na kahit na sino.
Tanungin silang nakikinig
Alam nila ang Aking sinasabi.

KAWAL: Ganyan ba dapat sumagot sa pari?

HESUS: Kung masama ang Aking sinabi,

Patunayan mo. Pero kung mabuti,
Bakit hinampas Ako?

ANNAS: Walang saysay itong kausap.

Dalhin niyo na Siya kay Kaypas!
Tingnan na lang natin ang galing Niya.

IX- SA HARAP NI KAYPAS

KAWAL: Magbigay pugay sa pinakamataas na pari!

KAWAL 2: Siya si Hesus, ang Nazarenong mapanggawa ng gulo!

KAYPAS: Dumulog na ito sa sanggunian.

KORO: Pakinggan si Kaypas,

 Pakinggan ang matatanda at mga guro ng batas!
Pero huwag mo silang tutularan
Nagpapataw sa tao ng mabigat na pasanin.
Pero hindi ikinikilos kahit isang daliri.
Mga bulag na taga-akay!
Isinara niyo ang pinto na kalangitan.
Sinasabi nila, walang bisa ang manumpa sa templo.
Pero may bisa kung sa ginto.
Mga mapagkunwari! Kunwariy mga taong banal!
Ngunit masama ang kalooban.
Anak kayo ng mga pumatay sa propeta.
At ngayoy tatapusin ang sinimulan nila.
Lilitisin at ipapapatay ang Panginoon natin.

KAYPAS: Ikaw ang Hesus ng Nazareno? At sinabi nila na Ikaw ay isang Hari?

KAWAL: Kung Ikaw ay isang Hari nasaan ang iyong Kaharian? Anong trono ang mayroon Ka?

KAYPAS: Magsalita Ka! Hindi bat ikaw ay Anak ng isang hamak na karpintero lamang?
(magtatawa ang lahat). At sinabi ng iba na ikaw si Elias? Bakit hindi Ka makapagsalita?
Ipagtanggol mo ang iyong sarili.

HESUS: Lagi Akong nagsasalita sa templo ng Aking Ama. Ipagtanong niyo sa mga taong
nakikinig sa akin.
KAWAL: Sa ganyang paraan mo ba kinikilala ang pinakamataas na pari? Isa kang arogante!

KAYPAS: Sabihin mo sa amin Hesus na taga-Nazareth. Ikaw ba ang sinasabing tagapagligtas at

anak ng Diyos na buhay?

HESUS: Ako nga. At makikita mo ang anak ng tao na nakaupo sa kanang bahagi ng kataas-
taasang Ama. At bababa mula sa alapaap ng langit.

KAYPAS: Anong sakdal niyo laban sa taong ito?

SAKSI 1: Nilabag niya ang batas, Siya at sampu ng mga alagad niya ay kumain ng trigo sa araw
ng pahinga.

SAKSI 2: Walang kuwentang sakdal. Di bat si Haring David mismoy kumain ng tinapay na laan
sa Diyos? Ang masama ay magpagaling ng may sakit sa araw ng pahinga.

SAKSI 1: Anong masama roon? Kapag ang tupa moy nahulog sa hukay, sa araw ng pahinga,
hindi bat kukunin mo rin iyon?

SAKSI 2: Ang yabang nito.

KAYPAS: Iharap ang iba pang testigo.

SAKSI 3: Ako po. Yang Hesus na Iyan ay nakisalamuha sa mga makasalanan.

SAKSI 4: Paratang na ba iyan? Ikaw man ang manggagamot, sinong lalapitan mo?
Yung may sakit o magaling?

SAKSI 3: Sige na, ikaw na ang tama.

SAKSI 4: Talaga! At masasabi ko iyong Kristong yan ay nagpapalayas ng Espiritu sa ngalan ng

diyablo!
SAKSI 3: Puwede ba iyon? Sariling kampon palalayasin ng amo?

KAYPAS: Pawa kayong walang kwenta! Wala na bang matinong testigo?

SAKSI 5/6: Kami po!

SAKSI 5: Narinig ko sinabi niya, gigibain ko ang templong ito at matapos ang tatlong araw ay
itatayo kong muli!

SAKSI 6: Oo nga po, pinalalabas niya na isa siyang madyikero.

Maitatayo po ba sa loob ng tatlong araw,
Ang templong ginawa ng apatnapung taon?

KAYPAS: Hmmmmabigat ito, wala ka bang maisasagot sa mga paratang?

(Jesus is still quiet)

KAYPAS: Ikaw ba ang Mesiyas na Anak ng Diyos?

(Jesus still in silence)

KAYPAS: Inuutos ko sayo, sa ngalan ng Diyos na buhay.

Sabihin mo sa amin, Ikaw ba ang Kristo? Ang Anak ng Diyos?

HESUS: Ikaw na ang nagsabi. Ako nga!

KAYPAS: (Tear down his dress) Nilait niya ang Diyos!

Narinig niyo ang kanyang paglapastangan.
Ano ngayon ang inyong pasya?

SAKSI: Kamatayan! Dapat siyang mamatay! Dapat siyang mamatay!

KAYPAS: Bawal sa atin mga Hudyo ang humatol ng kamatayan. Kayat dalhin Siya sa
Gobernador!

X- SI PEDRO AT HUDAS

KORO: Ang pastol ay hinampas, at ang tupay nagkalat.

Ang nakasaad sa kasulatan ay tunay ngang natupad.
Sa pagkat ng dakpin si Kristo
Ang kanyang mga alagad ay nagsitakbo! Nagsitakas!
Nangawalang lahat!
Tanging si Pedro ang di nakatiis
Tanging si Pedro ang bumalik
Sa bakuran ng punong pari.

PEDRO: Kaawa-awang Hesus, sinong mag-aakalang magkakatotoo ang kanyang sinabi?

BABAE 1: Hindi bat isa ka sa alagad ni Hesus?

PEDRO: Aba! Baka nagkakamali ka!

BABAE 2: Hindi! Hindi kami maaaring magkamali!

BABAE 3: Kasama ka ni Hesus na taga-Nazareth!
Ang taong itoy kasama Niya!

PEDRO: Hindi ko alam ang sinasabi niyo!

Hindi ko Siya kilala! Hindi!

BABAE 4: Sa tono ng iyong pananalita, Ikaw ay taga-Galileya!

Ikaw ang tumaga sa tenga ni Malko!
Walang duda, alagad ka nga Niya!

PEDRO: Isinusumpa ko! Hindi ko kilala ang Hesus na iyan, hindi ko Siya kilala!
(Cock will cry out)

KORO: Bago tumilaok ang manok ng ikalawa,

Tatlong ulit mo siyang itatatwa!

PEDRO: Diyos ko! Ano itong nagawa ko. Angkan ni Satanas! Ako ay masama pa kaysa kay
Satanas! Si Satanas ay lumabag sa Diyosngunit ako.ako.Aking itinatwa Siya!
Aking iniwan ang Anak ng Diyos. Taksil! Ako ay taksil! At hindi mahuhugasan ng walang
hanggang pagdurusa sa impiyerno ang aking kasalanan. Aking pinabayaan ang anak ng
Diyos! Kagabi lamang ay hinugasan Niya ang aking mga paa. Habang sa aking
kalooban ay naroroon ang pagtatatwang aking gagawin sa kanya.Patawad
Panginoon.Patawad!
(Peter will cry and Mary with John will come into the scene)

MARIA: Pedro, Simon Pedro! Sabihin mo sa akin.

Anong ginawa nila sa anak Ko?
Pedro anong, anong nangyayari, saan nila dinala anak kong si Hesus?
Akoy nangangamba sa aking nakikita.
Sanay tulad ng dati, sanay tulad ng dati.

MARIA: Pedro, bakit hindi mo ako sinasagot?

PEDRO: Ina. Oh Ina! Labis-labis ang paghihirap ng iyong Anak.

Ako na kanyang dapat na kapanalig, pero itinatwa ko Siya Ina!
Itinatwa ko Siya ng tatlong beses Ina!

MARIA: Pedro sa iyong pagsisisi, ikay patatawarin Anak kong si Hesus.

Sanay tulad ng dati. Sanay tulad ng dati.
Pedro manalig ka, ipinagdasal ka Niya.,
Sa iyong pagsisisi ikay patatawarin.

PEDRO: Huwag, huwag Ina! Hindi ako karapat-dapat Ina!

Patawad Panginoon, patawad!
Pinagsisisihan ko lahat, pinagsisisihan ko!
(Peter will run away)
Sa aking mga sala akoy nagsisisi, patawad Panginoon!

(Mary will interpret a song and after that dance shell faint and Hudas is entering)

SI HUDAS

HUDAS: O, ano itong aking nakikita! Ang nagawa koy isang pinsala!
May panahon pa! May panahon pa!
(Judas will run to priest)
HUDAS: Mga guro! Mga guro! (He will stop by the guards)

ANNAS: Ano bang ingay ito!

Kay lalim na ng gabi ay nangbubulahaw ka pa!

KORO: O, Kaipas! Ano sa iyo ang si Hudas ay mapahamak. O, buong mundo man ang
mapahamak, matupad lamang ang iyong maitim na hangarin. Ano sa iyo na kami ay
magtaksil sa isang taong walang kasalanan. Patawarin ka Kaipas. Patawarin ka!

HUDAS: Heto na po! Bawiin niyo na ang inyong pilak.

KAYPAS: Bawiin ang pilak?

HUDAS: Palayain niyo na si Hesus!

Nagkasala ako sa Taong walang kasalanan!

KAYPAS: Hindi namin iyang problema mo!

Wala kaming paki-alam!

HUDAS: Pakiusap po! Palawalang- saysay ang ating usapan!

ANNAS: Ngayon pang nahatulan na Siya ng kamatayan!

Nauulol ka na ba?

KAIPAS: Mabutit isinauli ito! Baka magamit naming sa pagpapalibing sa Nazareno! Mga duwag
kayong lahat! Kung nasa liwanag ay lumalaban sa leon, ngunit sa dilim ay natatakot
kahit sa dagang bubwit.

HUDAS: Parang awa niyo na. Oo, akoy nagdurusa na! At ikaw Kaipas ay magdusa na rin!
Pinagtaksilan ko ang Anak ng Diyos, ngunit ikaw ang magpapapatay! Hayan! Kunin mo
ang iyong maruming salapi. (Hudas throws the money) Subuan mo ng pilak ang maitim
mong kaluluwa. Sa bawat piraso ng pilak ay inilagay ko ang aking sumpa! Sumpa ng
isang kaluluwang napaligaw ng taong pumatay sa Anak ng Diyos!

KAIPAS: Wala kang kwentang tao, hala! Sulong at lumisan ka sa harap ko baka dugo moy
mabuhos dito!
(Kaipas and Annas will throw-out from the stage)

KORO: Ang kanyang mukha! Ang kanyang mukha! Ang bawat patak ng kanyang dugo ay
parang kumukulong langis na pumapaso sa iyong puso! Ang kataksilan mo ay nakatatak
na sa iyong kaluluwa! At hindi mapapawi hanggang sa kamatayan! Mamatay! Ngunit
malilibing kaya ng kamatayan ang kataksilan! Masubhan kaya ng kamatayan ang sa iyo
ay lumalamon? Hindi! Hindi Hudas! Kahit sa libingan ay hindi mababaon ang iyong
pagtataksil!

HUDAS: Kaibigan! Tinawag niya akong kaibigan! Siguro ang buong angkan ni Satanas ay
humahalakhak sa buong tuwa ngayon! Bakit pa ako naging tao? Bakit ba hindi pa ako
hinithit ng dagat? Bakit ba hindi bumuka ang lupa at ako ay lamunin? Bakit ba hindi ako
mawala at pumanaw? KaibiganKaibigan.Kaibigan.HahahaKaibigang taksil
sa kaibigan! Saan ako tatakas? Saan ako magkukubli.Saan ako tutungo upang
makapagtago sa kataksilan! Sa Ama..ng Anak ng Diyos..Hindi sa mundo.Siya ay
naririto..Hindi sa langitSiya naroroon..Hindi sa libingan..Sapagkat
kasusuklaman at iluluwa ng lupa ang aking bangkay.Hudas.taksil na
kaibigan..Taong mabuti pa ay hindi na ipinanganak.Wala akong pag-asa.walang
pag-asa.walang pag-asa..walang pag-asa(magbibigti).
 XI-UNANG PAGHARAP KAY PILATO

SUNDALO: Magbigay pugay sa Gobernador ng Imperyo. Ang kagalang-galang Poncio Pilato!

PILATO: Anong sakdal niyo laban sa Taong ito?

PARISEO: Gobernador. Hindi po namin Siya dadalhin dito kung hindi Siya kriminal!

PILATO: Di hatulan Niyo Siya ayon sa inyong batas.

KAIPAS: Hindi kami maaaring maghatol ng kamatayan.

PILATO: Puwes, ano ngayon ang inyong paratang?

SAKSI 1: Ginugulo ng Taong ito ang aming bayan.

SAKSI 2 Tutol Siya sa pagbubuwis kay Ceasar.

SAKSI 3: Siya raw ang Kristong hari.

PILATO: Hari? Ikaw nga ba ang Hari ng mga Hudyo?

HESUS: Kusa mo ba itong itinatanong o may nagsulsol sa iyo?

PILATO: Ako ba ay Hudyo? Ang nagdala sa Iyo rito ay mga punong pari at kalahi mo? Ano bang
ginawa mo?

HESUS: Hindi galing sa mundong ito ang paghahari Ko. Kung galing dito lumaban na sana ang
mga tauhan Ko. Para hindi Ako mapaubaya sa mga Hudyo.

PILATO: Kung gayon, Hari Ka nga ba?

HESUS: Ikaw na ang nagsabi. Isinilang ako upang magpatunay sa Katotohanan.

PILATO: Katotohanan? At ano itong Katotohanan?

KORO: Si Kristo! Si Kristo ang katotohanan, ang daan at buhay. Ngunit ang nagsasara ng isip at
puso sa kanya ay nananatiling patay.

PILATO: Wala akong makitang kasalanan sa Taong ito.

TAONG BAYAN: Hindi ba kasalanan ang mangaral at manggulo? Galing pa iyan sa Galilea.

PILATO: Ang ibig niyong sabihiy, Siyay taga-Galilea?

SAKSI: Opo!

PILATO: Sakop Siya ni Herodes, tingnan niyo kung ano ang kanyang sasabihin.

SUNDALO: Ngayon din po!

XII-SA HARAP NI HERODES

SUNDALO 1: Haring Herodes, bilin ng Gobernador. Kayo na po ang bahalang humatol sa taong ito.
HERODES: Sa wakas, ang Hesus! Ang aking kababayan. Matagal ko ng inaasam-asam na Ikay
makita. Kay rami ko ng nababalitaan sayo. Magaling ka raw maghimala? Ngunit tunay
na salamangkero. Sige nga, aliwin mo kami? Maghimala ka! Paulanin mo! O kayay
gawing leon ang mga aso! Kung kaya mo, buhayin ang mga patay sa nitso
hahahahahahaha.Ano! Naghihintay ako

SUNDALO 2: Wag mong paghintayin ang Haring Herodes!

SAKSI: Wala yatang dila yan.

HERODES: Tingnan ko nga? Baka pinutol na ni Pilato.

SAKSI: Matigas po talaga ang ulo Niya. Ayaw magsalita!

HERODES: Hindi yan uubra sa akinmadali akong magalitAno magsasalita Ka ba o hindi?

SUNDALO 3: Gusto pa yata ng hagupit!

SUNDALO 4: Simple lamang ang hinihiling ng hari!

HERODES: Magagalit na ako! Magagalit na ako! Pero sa kabilang banda, bakit ko pag-aaksayahan
ng panahon ang isang nasisiraan ng ulo. Ang dapat sa kanyay damitan ng kapang
nararapat sa isang kulang sa pag-iisip.

SUNDALO 5: (ibibigay ang kapang pula kay Herodes) Heto na po kamahalan.

HERODES: (ilalagay ang kappa) Sa ganang akin, wala Siyang kasalanan. Maliban sa pagiging sira
ulo! Hahahahahahaha. Ibalik iyan kay Pilato.

XIII-SI CLAUDIA AT PILATO

PILATO: Mahal kong Claudia. Alam mo ba ang katotohanan?

CLAUDIA: Oo.

PILATO: Kung gayon, ano itong katotohanan? Ako ay naguguluhan! Hindi ko ito maunawaan.

CLAUDIA: Wala sinuman ang makapagsasabi ng katotohanan. Tanging sarili mo lamang ang
makasasagot sa bawat tanong na gumugulo sa iyong isipan. Hindi ako, maging ang mga
nasasakupan mo.

PILATO: Ang katotohanan? Ang tanging alam ko lamang, isinilang ako upang mapanatili ang
kapayapaan sa aking nasasakupan. Maiwasan ang rebelyon. Sa oras na hindi ko
hatulan ang Taong iyon, magsisimula ng pag-aalsa sina Kaipas. Ngunit, kapag
pinarusahan ko naman, maaring ang mga tauhan Niya ang magsimula ng rebelyon.
Parehong bahagi ay magdudulot ng digmaan. Ewan ko Mahal koewan ko

CLAUDIA: Huwag mong parusahan ang Taong iyanPagkat sa aking panaginip ay sinabing wala
Siyang kasalanan.
XIV-PAGHATOL NI PILATO

PILATO: Walang kasalanan ang Taong ito. Iyan ang pasya ni Herodes, yan din ang pasya ko.
Gayunman, dahil kayo ay mapilit, nais kong ipaalala sa inyo, na sa ganitong pista,
maaari kong palayain ang kahit sinong bilanggo na nais niyo.

ANNAS: Kahit na sino huwag lang si Hesus!

MIRON: Oo nga wag lang ang taong yan!

PILATO Kahit na sino? Kahit na si, si Barabas. Isang pusakal, kilabot na mamamatay tao,
napatunayang nag-alsa na sumira sa katiwasayan ng bayan?

KAIPAS: Hamak na mas mabuti si Barabas kaysa kay Hesus!

MIRON: Si Barabas! Piliin niyo si Barabas!

PILATO: Sinong palalayain ko? Si Hesus o si Barabas?

PARISEO: Si Barabas, piliin niyo si Barabas!

PILATO: Inuulit ko. Sinong palalayain ko, Si Hesus o Barabas?

(MIRON at SAKSI): Si Barabas. Palayain si Barabas. Patayin si Hesus, patayin!

PILATO: Walang kasalanan ang Taong ito. Kayat parurusahan ko na lang bago palayain.

SUNDALO 1: Handa na ang hagupit!

SUNDALO 2-3: Handa na ang setro at koronang tinik!

SUNDALO 4-5: Parusahan ang taong maligalig!

(Scourging at the pillar and crowning with thorns)

PILATO: Tigil. Tumigil kayo! Ang sabiy hagupitin, hindi patayinHala damitan yan at palayain!
Ngayon dinKilos! (dadamitan) Masdan ang inyong hari!

MGA TAO: Wala kaming hari maliban kay Ceasar! Ipako sa Krus!

PILATO: Wala Siyang kasalanan. Dapat lang palayain.

TAO 1: Kapag Siya ay pinalaya, hindi ka kaibigan ni Ceasar. Ang sinumang ginawa ang sarili
bilang hari ay hindi kaibigan ni Ceasar.

PILATO: Kung gayon! Ako si Pontio pilato, presidentet hukom dito, na sakop ng imperyong
Romano. Ang hatol kot sintensyay ukol sa kanyang pagkakasala. Sa kanyay ipapasan
krus ng kamatayan. At kung dumating man sa lupang Golgota, ipakot iparipa, sa gitna
ng dalawang palamara! Kunin niyo na Siya. Wala akong pananagutan sa kamatayan ng
taong iyan.

MGA TAO: Pananagutan naming at ng aming anak at apo ang kanyang kamatayan! Ipako Siya sa
krus!
XV- VIA CRUSIS

HESUS: Akoy alagad mo Ama. Salamat sa krus na ito, na gamit ko sa pagtubos sa tao.

SUNDALO 1: Tumayot Ka na ngat talumpatiy nakakasawa na!

BATA: Heto na po ang karatula pinabibigay ng Gobernador.

PARISEO 1: Hesus ng Nazareth? Hari ng mga Hudyo?

PARISEO 2: Mali ang karatulang iyan, ipabago natin!

BATA: Bakit po?

PARISEO 3: Hindi siya ang ating hari, ito lamang ang gusto naming palabasin!

BATA: Ang bilin po ng Gobernador. Ang nakasulat ay nakasulat na kaya hindi pwedeng
baguhin!

HESTAS: Isa kang baliw! Bakit nakuha Mo pang halikan ang krus na Iyong kamatayan!

DIMAS: Manahimik ka Hestas. Pabayaan mo Siya, Siya ay walang kasalanan!

SUNDALO 2: Tumigil kayo! Hala sulong!

(1st fall of Christ)

SUNDALO 3: Lampa! Kay ikli pa ng nilalakad, bagsak Ka na!

PARISEO 4: Itayo na Siya at baka mamatay sa ating mga kamay!

(John, Mary at Magdalene will be seen from the line of the scene)

MARIA: Juan, mananatili ba ako rito? O dapat lumisan? May lakas ba akong mamasdan ang
Anak kong naghihirap?

HUWAN: Kapag hindi niyo Siya hihintayin, baka lalo niyo po Siyang tangisan!

SUNDALO 3: Sino ang babaeng iyan?

TAO 1: Siya ang Ina ng Nazareno!

SUNDALO 3: Siya nga ba? O, kunsintidorang Ina, tingnan mo ang pakong gagamitin sa Anak mo!

MARIA: Diyos Ko! (almost faint)

SUNDALO 3: Kung Siya ay pinalaki ng tama, hindi Siya magkakaganyan!

MARIA: O, ilaw ng aking mga mata! Ano ang iyong sala? At ikaw ay ginaganito. Yaong krus na
iyong pasan, bunso, Iyong bitawan at kitay hahalinan. Aakuin ko lahat-lahat na.ng
hindi ko makita ang Iyong pagdurusa

SUNDALO 4: Hindi na ito aabot sa kalbaryo! Tumayo ka! (Jesus leaves Mary, 2nd fall of Christ. Soldiers
will look for an alternate, will see Simon Sireneo)

KAPITAN: Mga bulag ba kayo? Nakikita niyong hindi na Niya kaya. Hala tulungan niyo Siya!
Ngayon din! Tulungan!

SUNDALO 5: Ikaw? Isa kang pagano, hindi ba?

SIMON: O.Opo (shock)

SUNDALO 5: Tulungan mo ang Taong yan sa pagbubuhat.

SIMON: (about to leave) Aba! Huwag po..

SUNDALO 6: Sabing tulungan Mo!

SIMON: Hindi! Ayoko..Ayoko po!

SUNDALO 5: Tulungan mo Siya!

SIMON: (will look to Jesus) Sige po!

SUNDALO 6: Anong pangalan mo?

SIMON: Simon po! Simon Sireneo.

SUNDALO 6: Sige buhatin mo na yang krus at tulungan mo Siya!

SIMON: Oposubalit akoy tutulong lamang at wala akong pagkakasala.

(In part of the scene, Veronica is apprehended by two women)

BABAE 1: Huwag Beronika. Wag kang mangahas lumapit kay Hesus!

BABAE 2: Magagalit ang iyong ama!

BABAE 1: Bigyan mo naman ng kahihiyan si Cirac! Kasapi pa naman siya sa korte ng mga Hudyo!

BERONIKA: Nagkakamali kayo! Nagbitiw na ang asawa ko sa Korte! Sapul ng paratangan si Hesus
ng ulupong na si Kaipas!

BABAE 1-2: Mag-ingat ka sa iyong pananalita!

BERONIKA: Wala akong dapat ikatakot pagkat akoy alagad Niya!

(Veronica will encounter Jesus, with towel off Christ in face)

BERONIKA: Panginoon, tulutan Niyong aking ipahid. Sa Iyong mukhang kahapis-hapis ang bira kong
sakdal linis.
HESUS: Halina, Beronikatigilan na ang pananangis!

BERONIKA: (look at the cloth) Lilisan akong may pusong masaya. Dahil iniwan Ako ng Panginoon
Ko ng isang ala-ala..(will show the faces of Christ marked on cloth)
Poon Ko! Diyos ko!

HESUS: Herusalem, Herusalem! Pinapatay mo ang Propeta! At binabato ang isinugo Sayo ng
Diyos. Gaano kadalas kong inibig na tipunin ang iyong mga Anak. Tulad ng paglimlim
nga inahin sa kanyang mga sisiw! Datapwat tumanggi ka!

(Freeze, 3rd fall of Christ, and he was hit by town people, Pariseo and soldiers while others are crying asking
for some help)

TAO 1: (umiiyak) Wala bang makapipigil nito?

TAO 4: Tama na! Ihinto niyo na iyan! Tama na!

MGA BABAE: Panginoon, ano ang Iyong pagkakasala? Hindi na ba sila naaawa?
HESUS: Kababaihan ng Herusalem, huwag niyo akong tangisanAng tangisan niyo ay ang
inyong mga anak at inyong mga sarili.

SIMON: TIgil! Tigil! Layuan niyo SiyaLumayo kayo sa Kanya! Kapag hindi niyo Siya tinigilan!
Hindi ko na bubuhatin ang krus na iyan kahit isang hakbang pa!

SUNDALO: (laugh) Sige, tulungan mo na Siya. Sulong!

(last fall of Jesus)

SIMON: Haring makapangyarihan, malapit Ka na sa iyong pupuntahan. Naririto na tayo sa

kalbaryo!

XVI- SA KRUS

KORO: Pinapako na nila ang Panginoon. Pinapako na nila!

Sila na ang mga bayaran ng Romano at Hudyo.
Buong lupit na nagpapako kay Kristo!
Sa tindi ng sakit at dami ng bumulwak na dugo.
Dapat sanay marinig ang pananangis at sigaw ni Kristo!
Di nga bat ang mga nauna sa kanya.
Ay walang tugot na nagmura.
Sa araw ng kanilang pagsilang.
Mabuti pa kundi kami na nilikha.
Ama, Ina kayoy kasumpa-sumpa!
Ngunit si Kristoy maamong Kordero sa katayan
At walang namutawi sa kanyang labi kundi panalangin.
Paulit-ulit na pananalangin.
Diyos ko aking Ama, Lampara sa king mga paa

CENTURION: (looking up and taunting Jesus on the Cross) Sino ang gigiba ng templo at itatayo sa
loob ng tatlong araw? HahahaBakit hindi mo gibain ang iyong krus? Biyakin mo
ang kahoy at tunawin mo ang iyong pako! Ipakita mo sa amin ang iyong kapangyarihan,
Jesus ng Nazareth.

MGA TAO: Oo nga Hari ng Israel, bumaba Ka at ng kamiy maniwala!

ANNAS: Siya raw ang MesiyasAng Hari ng Israel! Ang Anak ni David! At higit pa raw kay
Solomon.

KAIPAS: Nasaan ang iyong mga kahambugan? Iniligtas mo ang iba, ngunit hindi Mo mailigtas
ang iyong sarili? Hala! Matabil ang dila! Gamutin Mo ang iyong mga sugat! Kung ikaw ay
Anak ng Diyos! Pumanaog Ka sa krus na iyan!

(Music sets, PAANO MAMAMATAY ANG DIYOS)

HESUS: Ama Ko, patawarin mo sila! Hindi nila alam ang kanilang ginagawa.

KORO: Poon ko, ang unang salita mo.

Inilaan sa mga kaaway
Mamamatay Ka na lang ay sukat pang naglaan
Ng pag-ibig at pagpapatawad sa dapat ay kamuhian.

MARIA: (looking up to Christ) HesusAking anak. Naririto ako, ang iyong Inang umiibig sa
Iyo. Mahapdi pa ang kirot Mahal Ko. Ngunit iyan ay mapapawi rin.
MAGDALENA: Naririto rin ako, Banal na Hesus Ang makasalanang sumasamba sa Iyo Nakaluhod
ako sa Iyong paanang minsan ay hinugasan ko ng aking mga luha. Hahagkan ko ang
paa Mo ng marahan.upang huwag masaktan ang iyong mga sugat. (Kisses Jesus feet
gently)

HUWAN: Hesus.PanginoonNarito ako..ang kaibigang nagmamahal sa Iyo aming

Guro Tumakas kami! Patawad! Iniwan ka naming sa gitna ng panganib at kasawian.

BERONIKA: O! Malasin ninyo Siya Mayroon pa bang hihigit ng pagpapakasakit ng tulad ng sa

kanya? Ang Panginoon at Hari at Kristo ng Israel! Ipinako sa krus na animoy isang
karaniwang magnanakaw!

HESTAS: (Looking down) Magsitigil kayo riyan!.....Hindi pa ba sapat ang paghihirap namin? Bakit
dinaragdagan pa ng inyong mga panaghoy (To Christ) Sabihin mong magsitigil na sila!

DIMAS: Huwag mo siyang gambalain Hestas. Siyay mabuting tao. Ikaw at ako ang humanap ng
parusang ito. Nilabag natin ang batas kaya tayo nagkaganito Ngunit ang kawawang
lalaking itoy walang ginawang anuman. (Whimpering) Diyos! Pinupulikat ang aking
mga binti!

HESTAS: (Looking at Christ) (Mockingly) Ha!...... Si Kristong Hari! Tingnan Mo ang Iyong sarili!
Tingnan mo ang nangyari Sayo.Patawarin daw ang mga kaaway! Kung ako man ay
makakawal ay uutasin ko silang lahat! At ikaw ang uunahin ko, palalong karpintero!

DIMAS: (To Hestas) Marahil ay nasisiraan siya ng bait Hestas.Hayaan mo na Siya.. hayaan
mong isipin Niyang Siya ang Anak ng Diyos..kung iyon ang makakaaliw sa kanya.
(To Christ, trying to humor him) Hindi ka naman tunay na baliw.kaibigan? Hindi ba?
Ang lahat ng itoy isa lamang masamang panaginip. Sa gitna ng kaluwalhatian..at
magugulat silang lahat!

MGA TAO: Batuhin ang mga magnanakawBatuhin!

SUNDALO: Huwag, hayaan niyo sila!

HESTAS: Ha!....Isa ka pang baliw Dimas(Christ will look at Dimas and smiles)

DIMAS: Hayan! Tingnan mo! Nangingiti Siya! Sinabi ko na sa iyo HestasIbig niyang masabing
Siyay Anak ng Diyos..(still humoring Him) Kaibigan, huwag mo akong
kalilimutan.Pag-akyat mo sa iyong kaharianIsama mo ako!

HESUS: (looks at Dimas) Tunay at katotohanang sinasabi ko sa iyoNgayong araw na

itoy..Makakapiling kita sa Paraiso

(Music- SEGUE TO REMOSE)

KORO: Isang magnanakaw, pinangakuan ng Paraiso! Ano pa kayang higit na patunay na
naparito Ka upang sagiping Kaming makasalanan?

DIMAS: (After an antonished paused and in a change tone) Hindi! Hindi ka baliwIkaw
ay.Ah.Hindi ko malaman kung ano Ka! Huwag Mo akong titigan ng
ganyan.Naging masama ako.Hindi Mo alam kung gaano kasama! Hindingunit, O!
Alam mo! Nababatid Mo ang lahat! Huwag Mo akong iwan Panginoon..Patawarin Mo
ako! Patawarin Mo akoPatawarin mo ako sa aking mga
pagkakasala..Panginoon..(Exhausted emotionallyHe hangs his head.)

SUNDALO 1: (Noticing the sky) Ano bang nagyayari sa panahon? Nagdidilim yata, tila ibig umulan.
SUNDALO 2: Mabuti ngang umulan..Napakainit..walang kahangin-hangin

SUNDALO 3: Ano kayaPatay na ba ang Nazareno? (Looks Up) A..! Hindi pa! Ngunit walang imik
pati si Hestas at Dimas!

SUNDALO1: Kung gayon, tingnan natin kung uubra sila dito. (hahagupitin ang tatlo)

MAGDALENA: JuanJuan..dahil lamang kaya sa pagdidilimO talagang nagbabago ang ayos ng

mukha ng Panginoon?

HUWANL Napapansin ko rin..Nabago na ang kanyang mukha

MARIA: Ang aking anak.ay naghihirap(To Jesus) Anak kotulutan Mo rin akong mamatay
na kasama Mo..

MAGDALENA: Ang buong mundo ay naghihirap! Patungo Siya sa dilim.at dala Niya ang sikat ng
araw..Siyay malayo na.napakalayo na upang maabot ng aking tinig.

BERONIKA: Sh-sh-sh-sh, huwag kayong maingay, ibig niyang magsalita..

HESUSl Babae, masdan mo ang iyong anak.Anak, masdan mo ang iyong Ina.

MARIA: Anak ko.Anong ibig sabihin ng aking bunso!

HESUS: Hayaan mong si Juan ang maging anak mo ngayonHuwansiya na ngayon ang
iyong Ina.

HUWAN: Oo, Panginoon.Ako ang kakandili sa kanya.Aking ipinapangako sa Iyo..

MARIA: At mamahalin ko siyang katulad ng tunay kong anak.

KORO: Panginoon, sa salita Mong iyan.

Inihahabilin sa isat isa
Ang ina at lagad
Ginawa Mo rin si Maria bilang Ina naming lahat.

(Music set, Paano mamamatay ang Diyos)

HESUS: Diyos ko! Diyos ko! Bakit Mo ako pinabayaan?

TAO 1: Tinatawag niya si Elias.

TAO 2: Tingnan natin kung Siyay sasagipin ni Elias.

KORO: Poon ko, walang Elias na sasagip sa ito.

At dito sa kalbaryo, ang Diyos na wariy nagtago.
Ngayon ay tunay ngang masasabi.
Na walang sakit ang tao.
Na di muna dinanas ni Kristo.

HESUS: Akoy nauuhaw.

HUWAN: Patawad Panginoon, wala akong magawang anuman.

(Soldiers will give drink to Jesus)
KORO: Huwan, hindi tubig ang kanyang kailangan.
 Kundi, pag-ibig! Pag-ibig ng tao.
Na tuwirang nagtaksil at nagkanulo.

(Music sets Magiging Kagalakan ang Kalungkutan)

BERONIKA: Hirap na hirap na Siya! Hindi ko maipaliwanag, sa ganito Siya hahangga.

MAGDALENA: Ang Panginoon.Ang Panginoon.Naghihingalo ang Panginoon

HESUS: Naganap na.

KORO: Tapos na ang kanyang tungkulin

Ginawa na nga ang loobin ng Diyos Ama.
Na taoy tutubusin.

HESUS: Ama Ko!

MARIAL Aking anak.Aking bunso

HUWAN: Panginoon!...Panginoon..

HESUS: Sa iyong mga kamay

KORO: Wag po

HESUS: Inihahabilin ko.

KORO: Wag po!

HESUS: Ang aking kaluluwa..
KORO: Poon Kong Aking Ama, Lampara saking mga Paa..
(Sounds- Lightning and thunder)

SUNDALO: Tunay nga ang taong itoy Anak ng Diyos

(PIETA.MUSIC)

-THE END