BICARANNA OMPONA ULENGNGE

1. Seddi ompo esso annyarangngi asenna madeceng rilaong mabbalu riabottingeng najajiang anak
tengnga tauwi namate, riwenruseng bili kamara lessopi wettunna loroe.
2. Dua ompo esso jongai asenna madeceng rilaoang mabbalu, madeceng yappabottingeng najajiang
anak sogiiritu.
3. Tellu ompo esso saping asenna maja puppu essoi.
4. Eppa ompo esso meyong asenna riappabbottingeng najajiang anak mate maloloi.
5. Lima ompo esso dare asenna riappabbottingeng najajang anak ujangeng tessauwi.
6. Enneng ompoesso tedong asenna madeceng puppu essoi agiagi ripogali pajajisia rialang inreng lessopi
wettunna loroe riappabbottingeng najajiang anak tengnga tauwi nasogi
7. Pitu ompo esso ula asenna yappabbotingeng najajiang anak maradde kasiasiwi. Madeceng
ripasanreseng addengeng tenna buangngi ananake.
8. Aruwa ompo esso balipeng asenna madeceng riappabbottingeng najajiang anak sogii ritu
9. Asera ompo esso manu manu asenna madeceng yalang inreng, madeceng yappabbottingeng najajiang
anak maupei iyakiya kasiasiwi
10. Seppulo ompo esso nagai asenna madeceng rita roang ase, madeceng rilaowang mabbalu tenri yalang
inreng matengngei riwaja
11. Seppulo siddi ompo esso pucu’pucu asenna madeceng ritaroang ase, madeceng rilaong mabbalu
najajiangngi anak matoapinamate tenri gattungeng sompelopi sabui ritu.
12. Seppulo dua ompo esso macangasenna madeceng riabottingeng najajiang anak sogii ritu, tennanre api
bolae tennanori uju bolae.
13. Seppulo tellu ompo esso megai asenna yappabbottingeng najajian anak sogii, maponco sungei,
madeceng ritaroang tennung.
14. Seppulo eppa ompo esso bale asenna tenri sapppekeng tennung majai.
15. Seppulo lima ompo esso tauwi asenna madeceng puppu essoi yappabottingeng najjiang anak selamat
temmarulle
16. Seppulo enneng ompo essso macang asenna madeceng rilaowang mabbalu madecetto yenrekeng bola
baru.
17. Seppulo pintu ompo esso sawa asenna madeceng yappabottingeng, madeceng riwenruseng tange
tennaruai tololang, madeceng yappanoreng wesesa.
18. Seppulo arua ompona esso bawi asenna, maja puppu asenna
19. Seppulo asera ompo esso bembe asenna, madeceng riappabbottingeng, najajiang anak masempo
dallei, tengnga taupe namate.
20. Duappulo esso ompo, esso jarakania asenna, riappabbotingeng najajiang anak maupei
21. Duappulo seddi ompo, esso paria asenna, madeceng puppu esso, madeceng riappabbottingeng,
najajiang anak masempo dallei, maja ritaroang tennung, tenri yappattettongeng bola nanre api bolae,
madeceng rilaoang massinge mattengga terripi essoe, mappasulle aliri alaware madecengngi
22. Duappulo dua ompo, esso alang asenna, najajiang anak masempo dallei, madeceng rielliang olo-
olokolo mabbija olokolo rielli.
23. Duappulo tellu ompo, esso bimbala asenna, yappabbotingeng najajiang anak masempo dallei,
namacca riamasei ripadanna rupatau
24. Duappulo eppa ompo, esso balawo asenna, yappabbotingeng najajiang anak kapei
25. Duappulo lima ompo, esso ancori asenna, majai rilaoang mabbalu
26. Duappulo enneng ompo, esso tengkalung asenna, madeceng rilaoang wesasa, madeceng
riappabottingeng, madeceng riappakennang soro maja rialang inreng
27. Duappulo pitu ompo, esso setang asenna, maja puppu essoe
28. Duappulo arua ompo, esso riassikadoangngi asenna, madeceng puppu essoi
29. Duappulo asera ompo, esso riyassiturusi asenna, pajaji akkatta
30. Telluppulo ompo, esso appettuang bicarai puang Alla taala mani missengngi jajinna riyakkataiyye
selama temmarulle
 PATTIRO WETTU

ELE ABBUENG TANGGASS LORO ASSARA

ESSO TETTE 6 TETTE 9 O TETTE 1 TETTE 4
TETTE 12
AHAD

MALLISE UJU POLE BOLA MADDARA LOBBANG

SENEN

POLEBOLA LOBBANG MADDAR MALLISE UJU

SALASA

MALLISE LOBBANG UJU POLE BOLA MADDARA

ARABA

UJU POLEBOLA MADDARA LOBBANG MALLISE

KAMMISI

MALLISE LOBBANG MADDARA POLE BOLA UJU

JUMA’

UJU POLEBOLA MADDARA LOBBANG MALLISE

SATTU

LOBBANG MADDARA MALLISE UJU POLEBOLA