NAIVEN JAY G.

EDPALINA
BSA-II

1.) Ano-anong wika ang karaniwang ginagamit sa pagtuturo sa inyong paaralan?

 Ang wikang panturo ang wikang opisyal na ginagamit sa pormal na edukasyon.
Ito ang wikang ginagamit sa pagtuturo at pag-aaral sa mga eskuwelahan at ang
wika sa pagsulat ng mga aklat at kagamitan sa pagtuturo sa silid-aralan.

 Ang wika na tinuturo sa paaralan mula elementarya at sekundarya ay kadalasan

ay hinati upang ang isang pangkat ay ituro sa Filipino at ang isang pangkat ay
ituro sa Ingles. Bukod sa asignaturang wika at panitikang Filipino, ang mga klase
sa Araling Panlipunan ay gumgagamit ng Pilipino bilang wkang panturo. Bukod
naman sa asignaturang wika at panitikan sa Ingles, ang mga klase sa
Matematika at Agham ay Ingles ang wikang panturo.

 Sa kasalukuyan, bilang mag-aaral sa kursong “Accountancy” kadalasan sa mga

wikang panturo na ginagamit namin ngayon ay wikang Ingles lalo na sa mga
asignaturang major sa amin. Sa Asignaturang “Taxation” at “Accounting” ay mas
madali na gamiting wikang panturo ang wikang Ingles.

2.) Sa inyong palagay, nakakatutulong ba ang mga ito upang higit mong maunawaan
ang inyong mga aralin at aktibong makibahagi sa mga gawain at talakayan? Bakit oo o
bakit hindi?
 Sa loob ng labing apat na taon kung pagiging studyante mula elementarya
hanggang ngayon sa kolehiyo, naging mas epektibo naman ang mga wikang
panturo na ginagamit sa amin ng aking mga guro na gamitin ang wikang
Filipino, Ingles at minsan Bisaya.

 Dahil sa wikang Filipino at Ingles na naging wikang panturo, nauunawaan ko ng

mas madali ang mga aralin dahil naiintindihan ko at alam ko itong gamitin. At
dahil alam ko at naiintindihan ko ang mga wikang ito, mas madali para sa akin
na magkaroon ng interaksyon para magtanong at humingi ng opinyon sa iba.

 Sa sitwasyon namin ngayon na kinakailangan Ingles ang pangunahing wikang

panturo dahil Ingles din ang gagamitin sa “Board Exam”, minsan nahihirapan
kami kung puro Ingles lamang kaya ginagamitan namin ito o sinasalin namin ito
sa ibang wika tulad ng Filipino at Bisaya kaya naging mas nauunawaan namin
ang mga aralin naming ng mabuti. At sa paraang ito, nagiging wikang panturo
na namin ang Ingles, Filipino at Bisaya.

3.) Ano-ano naman an ating mga opisyal na wika at wikang pamgpagtuturo alinsunod
sa itinadhana ng Saligang Batas?
 Ang wikang panturo ay wikang ginagamit ng guro at ng mga nasa akademiya
para sa kanilang pagtuturo sa loob ng silid-aralan at paaralan. Kasama rin rito
ang wikang ginagamit sa mga pagsusulit, exams, instructions para sa mga
Gawain at pananaliksik. Dahil dito, merong mga wikang panturo na itinadhana
ng Saligang Batas.

 Ang patakarang bilingguwal ay isang pagtupad sa mga Seksiyon 2-3, Artikulo

XV ng 1973 Konstitusyon hinggil ssa Filipino at Ingles bilang mga opisyal na
wika ng komunikasyon at instruksiyon. Ang pangyayaring ito ay ipinagpatuloy sa
Seksiyon 6, Artikulo XIV ng 1987 Konstitusyon.
  Sa pagpasok ng K to 12 Curriculum, ang Mother Tongue o unang wika ng mga
mag-aaral ay naging opisyal na wika mula Kindergarten hanggang Grade 3 sa
mga paaralang pampubliko at pribado man. Tinatawag itong Mother Tongue-
Based Multi-Lingual Education (MTB-MLE). Ang mga 19 na wika at dayalekto na
itinadhana ng DepEd: Tagalog, Kapampangan, Pangasinense, Chavacano,
Ilokano, Bikol, Cebuano, Hiligaynon, Waray, Tausug, Maguindanaoan, Meranao,
Ivatan, Sambal, Aklanon, Kinaray-a, Yakan, Surigainon, at Ybanag.

4.) Sa iyong palagay, makatutulong nga kaya sa mga batang mag-aaral ang wikang
kinagisnan nila ang gagamiting wikang panturo sa kanila? Magbigay ng patunay.
 Nakatutulong ng malaki ang pag gamit ng wikang kinagisnan bilang wikang
panturo dahil dito madaling makaka-intindi ang bata. Kapag ginagamit parati
ang wikang kinagisnan, magiging matatag ang pundasyon ng mga salita na
siyang magagamit sa pag-unawa sa maraming bagay lalo na sa kanilang mga
aralin.

 Mahalaga na sa murang edad ng mga bata ay naiintindihan nila at nagagamit

ang wikang kinagisnan upang mas magiging makabuluhan kung ipagagamit ito
sa kanyang pakikipagtalastasan sa iba. Dahil dito, mas madali sa kanila na
ipahayag ang kanilang mga saloobin, mga ideya, at mga tanong na hindi pa
maliwanag sa kanila. Sa paraang ito, mas napapadali ang kanilang pagtuto sa
leksyon.

 Halimbawa nito ay ang aking bunsong kapatid na ginagamit nila ang wikang
kinagisnan bilang wikang panturo nong nasa ikalawang baitang pa lamang siya.
Sa pagturo ng mother tongue sa kanila, maraming mga bokabularyo ang
kanyang nalalaman na hindi ko pamilyar. Mas naipaliliwanag rin niya ng mabuti
nong tinanong namin sya kung paano niya ipakilala ang kanyang sarili gamit ang
wikang kinagisnan.

5.) Kung ikaw ay magkaka-anak balang araw, anong unang wika ang imumulat mo sa
kanya o kanila, ang wika bang umiiral sa inyong lugar o ang wikang Ingles? Ipaliwanag.
 Para sa akin, ang wika na umiiral sa aming lugar ang wikang una kong
ipamumulat o ituturo ko sa aking magiging anak. Naniniwala ako na mas
importante na matutunan muna ang wika sa kaniyang paligid para malaman niya
kung ano ang nangyayari sa kanyang paligid para maka relate siya nito at
malaman niya ng maaga kung ano at saan siya nanggaling. Ito ay isang daan
upang mas magkaroon ng matatag na pagkakilanlan ang bata.

 Ang pagiging bata, ang unang prayoriti o kailangang gawin ay magkaroon ng

interaksyon ng iba para magkaroon ng kaibigan. Ang unang nasa isip nila ay
maglaro kasama ang ibang bata. Bilang magulang, paano mo matutulungan ang
iyong anak para gawin ang gusto nya kung walang makaka-intindi sa kaniya.
Paano siya makapaglalaro kung hindi niya alam ang sinasabi ng iba kaya’t ang
pagtuturo ng ibang wika ay hindi kinakailangan muna.

 Kapag alam nang bata na magsalita sa wikang nasa kanyang paligid,

magkakaroon siya ng ugnayan sa ibang tao na nasa kanyang paligid. At kapag
magkakaroon siya ng ugnayan sa ibang tao makakakuha siya ng iba’t ibang aral
tungkol sa buhay na minsan kasama na dito ang pagbigkas ng Ingles. Sa pagpili
ng wikang ituturo ay parang pumipili karin ng gusto mong pagkatao. Bilang isang
Pilipino, kailangan wikang Filipino rin ang ating piliin dahil ito’y sumisimbolo sa
atin. Ang pagpili nito ay nagpapakita ng pagiging makabayan at pagpapahalaga
sa sariling kutura.