DEPARTMENT OF EDUCATION

OFFICE OF THE SUPERINTENDENT

www.gdoe.net
501 Mariner Avenue
Barrigada, Guam 96913
Telephone: (671) 300-1547/1536Fax: (671)472-5003
Email: jonfernandez@gdoe.net
JON J. P. FERNANDEZ
Superintendent of Education

PARENT FREQUENTLY ASKED QUESTIONS

School Year 2020-2021
Disclaimer: This information is subject to change based on the evolving COVID-19
situation in Guam. Please refer to the online FAQ sheets available on the GDOE back to
school page at https://www.gdoe.net/District/Portal/school-year-2020-2021-information for
the latest information.

Sukuhl kan pan ritida nan August 2020?

 Guam Department of Education (GDOE), Department of Public Health and Social
Services (DPHSS) oh Ohpis en Kepina doadoahkpene oh koaskoasoane ia mwomwe oh
iahd sukuhl kan pan pwurehng ritida. GDOE kapidolohngehr pilahn en ritidahn sukuhl
kan rehn DPHSS irail en kasawih. DPHSS oh Governor Lourdes Leon Guerrero me pahn
koasoanehdi iahd de ansou me sukuhl kan pahn pwurehng ritida. Sahpw et anahne mih
nan PCOR-3 pwe sukuhl en pwurehng ritida. En GDOE pilahn de koasoandi en ritidahn
wasahn sukuhl kan pan anahne pahrekehng de idawen koasoande kan sang DPHSS oh
men perepehkan (PPE) anahne mie nan wasahn sukuhl kan.

Sukuhl kan ritidahng wehipwokon?

 Ei. Sang June 8, 2020 GDOE oh district ohpis en Tiyan ritidahieng wehipwokon. Ansou
et, sukuhl kan saikinte ritidahng seri en sukuhl. Komwi en mwahngi de patohwan me
wasahn sukuhl kan rititdahieng apw komw pan anahne call mahs mwohn ahmw pan
pwarek sukuhl kan. Pwehki COVID-19, oh koasoahngdi kan sang public oh Governor
Lourdes Leon Guerrero, sukuhl kan pan saikinte ritida.

Ia koasondi me peneinei kan anahne idawen de mwangih ansou en pwarek wasahn sukuhl
de ohpis en sukuhl kan?
 Peneinei de kempoakapahn seri en sukuhl kan pahn anahne call mwohn pwarek wasahn
sukuhl de ohpis en sukuhl kan. Koaros me pan pwarek wasahn sukuhl kan pan anahne
doadoahngki men perepehn mahs oh pahn anahne kosou (temperature check). Koaros me
pan pwarek wasahn sukuhl kan pahn anahne pato nan tehnwahrakan pwe en idawen
koasoandi en social distancing. Peneinei en seri en sukuhl kan anahne call de
wehwehieng ohpis en sukuhl kan mwohn arail pahn kapidolong sin likou en registration
ohng seri en sukuhl kan.

Iahd sukuhl pan tepida?

 Sukuhl koasoandier en tepida nan August 17, 2020. Apw, e pan kak kosou de wekila
pwehki COVID-19.

Translation provided by Manelu.

Iamwomwen ahmw pan register sapwelmwomwi de omw tungoal serihkan ohng pahr en
sukuhl 2020-2021?
 Pwehki sang mwokid en COVID-19, perepe de doarepen seri en sukuhl kan sang
soumwahu wet wia koasoandi kesempwal ohng GDOE. Pwe wasahn sukuhl kan en
pwurehng ritida, GDOE songosong en idawen koasoandi de kaweid kan sang Center for
Disease Control and Prevention (CDC) me iei:
 Doadoahngki men perepen mahs
 Kosou (temperature check)
 Dohpehseng en nan pwungen seri kan (piht 6)
 Kamwakele wasahn pokonpene kan nan wasahn sukuhl ansou koaros
 Widen peh ansou koaros
 Kasukuhl en COVID-19
 Pakair pen Sign oh Koasoandi kan en sansal ehng koaros

Ia koasoandi ma seri en sukuhl de tohn doadoahk men pan tungoal ahneki COVID-19?
 Ansou me GDOE pan patohwan alehdi de esehda me seri de tohn doadoahk en nan
wasahn sukuhl alehdi soumwahu wet, irail pan anahne wehwehieng DPHSS pwe irail en
kak kadarla emen weliepen DPHSS pwe en wia kosou ohng mehpwukat:
 Class Roster
 Schedule en men peidaid (Bus)
 Seri en sukuhl me transfer nan ansou me soumwahu wet pwarada
 Tohn doadoahk en cafeteria
 Soun kamwakel kan
 Tohn doadoahk oh koaros me pwarak wasahn sukuhl (visitor’s listing)
Tohn doadoahk oh seri en sukuhl koaros me patehng de tuhwengedi aramas me
tungoaleniki COVID-19 pahn anahne komal sang sukuhl ki rahn 14, oh GDOE Nursing
Administrition ofh DPHSS pan anahne koasoahnde rahn me irail pan ale kosou en COVID-19.
Wasahn sukuhl kan pan anahne ritidiki rahn 2-5 pwe en idawen koasoandi kan sang CDC pwe
irail en kak kamwekelehda wasahn sukuhl kan. Tohn doadoahk oh seri en sukuhl kan pan anahne
kisin likou sang DPHSS mwohn arail pan kak pwurehng doadoahk de pwurala sukuhl.

Iamwomwen kasukuhl en nan pahr wet?

 Guam Education Board kamanahla wiepen kasukuhl 3 ohng nan pahr en sukuhl wet
(2020-2021). Peneinei en seri en sukuhl kan pan patohwan pilada ehu wiepen kasukuhl
pwukat:
 Kaiahn ni Tehnpas (Kaweid Pohn Lain): Kasukuhl sang wasahn kousoan. Tohn
sukuhl pan ale kasukuhl online doadoahngki computer, laptop de tablet. Ma pil
mie printer de scanner, e pan kak kamengeila doadoahk.
 Kaiahn ni Tehnpas (Copy en Kaiahn Doadoahngki Doaropwe/Copy en men
Kaiahn Kan): Wiepen men kaiahn oh iang pateng kaiahn wet pahn ong serihn
sukuhl kan me men wia arai tungoal kaiahn 100% distance learning ahpw sohte
patowan dipwisou kan me pahn sewese arail tungoal kaiahn pohn lain ni 100%
unsek. Wiepen kaiahn wet pahn doadoahngki doaropwe oh copy en men kaiahn
kan.
 Ahnpen Tiahk en Kaiahn (Kilkilang Pene nan Wasahn Kaiahn): Wiepen kaiahn
oh pateng kaiahn wet, seri en sukuhl kan pahn ahle kaiahn ni arail pahn kapate
 pene wiepen kaiahn en kilikilang pene nan wasahn kaweid kan (face-to-face) oh
pato ni tehnpas akan oh ahle kaiahn (distance home learning). Sang ni tenekpen
wen dohpeseng en nan pwungen aramas pwehn kolokol roson mwahu, palien
District School Readiness Task Force patohwan wia ehu kamwomwodahn kaiahn
me doadoahngki A-B-C, met me wewehki ⅓ en serihn sukuhl kan pan patohwan
arail tungoal kaiahn ni rahn akan me pahn kileledi:
 Seri en sukuhl kan pahn tohrohr peseng oh wiahda group 3 (A-B-C).
 Group kan pahn weliali nan rahn akan ohng attendance pohn campus.
 Rahnakan me seri en sukuhl kan sohte mih pohn campus, irail pahn
patohwan da assignment, project oh activity kei oh irail pahn anahne
kanekehla mwohn arail pan pwurala sukuhl.
 Rahnakan me pan weliali pan idawen te koasoandi me miehier ohng
rahnakan oh pil holiday kan.
 Ni Alem pahn wia rahn en peneinei oh seri en sukuhl kan.

Ia mwomwen Model of Learning Registration Form, oh dahme i anahne kanekehla ki?

 Pwehki COVID-19, Guam Education Board kamanahla wiepen kasukuhl 3 nan pahr en
sukuhl wet (2020-2021). Peneinei kan pahn kak pilada ehu wiepen kasukuhl nan
pwungen wiepe 3 wet: 1) Kaiahn ni Tehnpas (Kaweid Pohn Lain), 2) Kaiahn ni Tehnpas
(Copy en Kaiahn Doadoahngki Doaropwe/Copy en men Kaiahn Kan), oh 3) Ahnpen
Tiahk en Kaiahn (Kilkilang Pene nan Wasahn Kaiahn). Sin likou wet pan anahne
kapidolong July 10, 2020, de ni ansou karwaru.

Mwurin ahi pan kapidolong nein ahi tungoal Registration Form, I pan kak wekidala
wiepen kasukuhl me ahi tungoal seri register ehng?
 Ei. Wekidalahn wiepen kasukuhl me komw piladahier pan apwal ohng pali koaros me iei
sukuhl oh seri en sukuhl, apw mehlel ma wekidalahn wiepen kasukuhl wet pan wiawih
nan werengen quarter. Apw peneinei pan kak wekidala wiepen kasukuhl me irail
piladahier ohng seri en sukuhl kan.

Iamwomwen kasukuhl en nan tehnpas (de kasukuhl en pohn lain) pahn wiawih?
 Seri en sukuhl kan pan patohwan iang live video conference rehn arail sohn padahk kan
pak 3 nan ehu wihk na Zoom de Google Meet. Tuhpene de wehwepene nan pwungen
soun padahk oh seri en sukuhl kan pan wiawi pohn lain nan e-mail, delepohn, Google
Classroom de/oh Moodle. Seri en sukuhl kan pan patohwanda arail tungoal doadoahk de
assignment sang arail soun padahk oh pan anahne kanekehla mwohn deadline.

Iamwomwen kasukuhl en nan tehnpas (de kasukuhl doadoahngki doaropwe/copy en men

kaiahn kan) pahn wiawih?
 Seri en sukuhl kan pan patohwanda arail tungoal doaropwe de copy en men kaiahn kan
sang wasahn sukuhl kan de rehn arail soun padahk kan nan wihk koaros. Seri en sukuhl
kan pan patowanda arail tungoal doadoahk sang arail soun padahk oh pan anahne
kanekehla mwohn deadline.

Iamwomwen ahnpen tiahk en kasukuhl (de kilkilang pene nan wasahn kasukuhl) pahn
wiawih?
  Seri en sukuhl pan tohrohr peseng nan group 3 (A-B-C). Irail pan iang sukuhl nan
rahnakan me pan koasoandi Niehd lel Niepeng. Nialem pahn wia rahn en peneinei oh seri
en sukuhl kan. Rahnakan me seri en sukuhl kan sohte mih pohn campus, irail pahn
patohwan da assignment, project oh activity kei oh irail pahn anahne kanekehla mwohn
arail pan pwurala sukuhl.

Iamwomwen arail pan katorepeseng seri en sukuhl kan nan group (A-B-C)?
 Seri kan pan group peseng oh pwaki tep en leder en arail last name. Peneinei kan kak
peki ma arail tungoal seri kan kak mihpenehte nan ehu group.

Soangen sawas dah me GDOE pan kak patowanda pwe en sewese peneinei kan me pilada
kasukuhl en nan tehnpas de kilkilangpene nan wasahn kasukuhl?
 Nialem koaros tohn doadoahk en GDOE pahn kak sewese seri en sukuhl oh arail tungoal
peneinei. E pan mie sounpadahk me pahn kak sewese seri en sukuhl koaros ki arail
tungoal assignment. Nialem koaros sounpadahk pwukat pan kak sewese seri en sukuhl oh
arail tungoal peneinei sapeng arail tungoal kalelepek de ma irail peien lel ehng kahpwal
nan arail assignment de doahk en sukuhl tei kan. Sounpadahk pwukat pan kak sawas
pohn telephone de pohn lain.

Dahme i anahne wia ma ahi tungoal seri soumwahu?

 Ma omw tungoal seri kasele sain en COVID-19 (karakar, mwop, kopokop, sohte kak ned
de nemehda mehkot), menlau kedeh wahla ni wasahn sukuhl pwukat. Kawehwehieng ah
sounpadahk pwe sounpadahk o en kak tehkada ma seri en sukuhl tei kau soumwahu de
kasele sain en COVID-19.Seri en sukuhl me kaselel sain en COVID-19 anahn kosou
mwohn ah pan pwurala sukuhl. Ma e kosou oh e sansal me e iang alehdi soumwahu wet,
ah komw wehwehieng wasahn sukuhl o.

A ma i anahne pwokada ahi tungoal seri pwe en kohla ni ah appointment?

 Peneinei en seri sukuhl pan kin anahne wehwehieng ohpis en sukuhl mwohn e pan
pwarek nimwen sukuhl o pwe sukuhl oh tohn doadoahk kan en kak onopadahieng ah pan
pwarek nimwen sukuhl o. Tohn doadoahk pan kak peki rehn peneinei ma peneinei kak
awih arail tungoal seri ni parking lot en nimwen sukuhl o.

Ohng seri en sukuhl me pan kindergarten de kohdahn pahn pwihn ke wenou (6th) de
pwihn ke duwahu (9th) oh ma peneinei pilada me irail pan kasukuhl sang nimwarail kau,
irail pahn anahnehte kapidolong neirail physical exam oh kosou en TB?
 Ei, irail anahne kapidolong ape pwukat.

I anahne pwainda ahn ei tungoal seri uniform en sukuhl?

 Soh. Peneinei me sohte kak pwain en arail tungoal seri en sukuhl arail uniform sohte pan
idihdieng en pwain. Ah ma seri en sukuhl men likauih ah tungoal uniform ah insene ma e
men likauih. Wasahn sukuhl pwukat pan wehwehieng seri en sukuhl oh arail tungoal
peneinei dahme irail kak oh sohte kak likauih nan nimwen sukuhl pwukat.
Iamwomwen schedule en peidaid (bus) nan pahr en sukuhl wet?
  Koasoaned kei pan patehng te koasoaned me miehier pwe epwel mwahu en mie.
Department of Public Works oh Physicians Advisory Group pahn sawaspene pwe irail en
kak kawada koasoaned en peidaid ohng seri en sukuhl akan.

Soangen sawas dah me GDOE kak kihda pwe en sowese loalemwahu oh mour en ahi
tungoal seri?
 Seri en sukuhl oh peneinei pahn kak ale soangen sawas pwukat pohn lain
https://www.gdoe.net/District/Portal/social-and-emotional-wellness. Ma peneinei ahneki
madmadau me arail tungoal seri pahn anahne sawas, ah irail kak call counselor en
wasahk sukuhl, Guam Behavioral Health and Wellness Center, de emen licensed
therapist pwe seri o pan kak ale kosou. Peneinei pil kak call Guam Crisis Hotline (647-
8833) ohng sawas.

Ah iamwomwen ahn ahi tungoal seri ah club de activity kan nan ah wasahn sukuhl?
 Activity en club en sukuhl pan kak wiawihte, apw seri en sukuhl kan pahn anahne
idawehn koasoaned kan me miehier me iei dohpeseng en nan pwungen emem emen
aramas. Wen aramas me pan kak iang activity pan sohte daulih me 25. Koasoaned ka pan
kak mahrahrala de doarala ni rahn kohkohdo. Koasoaned kan de activity me club kan
kaunopadahr de pan kaunopada pan anahne idawehn koasoaned en wasahn sukuhl akan.

Serihn sukuhl kan pahn anahnehte service learning hours pwe irail en kak kesepwil?
 GDOE songosong en kakomale service learning hours, apw legislature me saikinte
kamanahla.

Iamwomwen serihn sukuhl kan pan idawen kosoned en social distancing ansoun
mwongehn souwas?
 Serihn sukuhl kan pan idawen kosonod wet nan cafeteria de ale arail sak de tungoal en
souwas nan classroom kan. Wen malaulaulahn seri en sukuhl nan campus pahn kak
sewese kosoned wet.

Serihn sukuhl kan pan ale kasukuhlpen kosoned wet?

 Ei. Serihkan pan ale kasukuhlpen kosoned wet nan keiu en wihk en sukuhl.

Iamwomwen kamwadong kan nan pahr en sukuhl kapw wet?

 GDOE Interscholastics Sports Association (ISA) koadkoadoahke pwe en kak pwurehng
ritida kamwadong nan pahr en sukuhl wet. ISA Board of Control koasoanehdier schedule
en kamwadong kan oh pahn idawen koasoandi en public health oh Governor’s Executive
Orders. Ansou et, saikinte kamwadong wiawih.
 SPECIAL EDUCATION FAQ’s FOR PARENTS
Questions and Answers: Determining and Implementing Your Child’s
Special Education Program
Ia ahn GDOE pwukoah ohng ahi tungoal seri nan ansou en COVID-19?
 Omw tungoal seri pan popousla patowanda Free Appropriate Public Education (FAPE)
pwehn duehte de ehu iong Individuals with Disabilities Education Act (IDEA). FAPE
anahne popousla patowanda epwel mwahu oh pere seri kan oh tohn sawas kan sang
soumwahu. Ansou me GDOE patowanda sawas pwukat ohng seri kan, me duehte
distance learning, irail pan anahne patowanda sawas pwukat ohng seri en sukuhl kan me
ahneki kapwal en paliwar (disabilities) me pahn mwahu ohng irail oh ni wen irail kak.

Ia mwomwen atail pahn kak wekidala wiepehkan ohng IEP ma kitail sohte pahn kak
tuhpene?
 IDEA oh State Law me pid special education mweidada peneinei oh tohn doadoahk en
sukuhl kan en ehupene oh wekidala wiepeh kan me anahnepe ohng IEP.

Ia mwomwen atail pahn ese wekideklahkan ohng IEP?

 Ahn omw tungoal seri IEP case manager de tohn sawas sang IEP kan pan eker komwi
pwe kumwail en mahsani pene sawas kan, supports, goals oh objectives ong omw tungoal
seri IEP. Kumwail pahn doadoahk pene oh koasoanehdi ia mwomwe amwail pahn kak
doadoahngki IEP nan ansou et me sukuhl kan close pwehki sang ni ahn Governor’s Stay-
at-Home orders. Wiepen sawas pwukat pahn kak wekila ansou me sukuhl pwurehng
ritida. Omw tungoal madmadau udahn kesempwal nan kemwekid wet. ma komw
kupwurki, wekideklahn IEP kak wiawih likin tuhpene de meeting en IEP. Ansou o te,
komw kak doadoahngki IEP oh iangahki wekidalahkan me miehier. Komw ahneki
pwuhng en peki ma komw kak schedule ih mihting en IEP ma komw sohte kupwur ki
mihting me karwaru.

Dahme i pan wia ma mie wekilahn mwekmwekid en ahi tungoal seri pahn pwarada (e.g.
mwekid kapw)?
 Komw anahne padahkiong de pohn esehki irail kan me kin sewese omw tungoal seri. Ma
komwi de irail me kin sewese omw tungoal seri kan men wekidala wiepen sawas kan me
kin patohda ohng seri kan, kumwail pahn anahne tuhpene oh wehwehpene ma kumwail
me kapationg de katohrehsang wiepen sawas kan me kin patohda ong seri kan.

Ohng wiepen kaskuhl 3 me mie, ia mwomwehn ah wekidala pwukoah de doadoahk en 1:1

aide?
 Pwukoah de doadoahk en aide pahn sohte wekila, e pan duduwehte. Wiepen sawas kan
me pahn wekila pwe en kak pahrek iong wiepe de mwomwen kaskuhl kan.

Iawasa me ih kak diar sawas ma mie ai tungoal kalelapek de keinemwe?

 Komw kak patowanda sawas sang sukuhl administrator oh ohpis en Division of Special
Education. Arail tungoal nempehn telephone iei 300-1322 oh e-mail sped@gdoe.net.