makakasama ko ang aking matalik na kaibigan. Plano kong ipasyal siya sa parke. Upang langhapin ang sariwang hangin na kinakailangan niya. Agad kong inabot ang aking kulay asul na polo na plinantya kagabi ng maayos. Ito’y kanyang hiling sa akin na suotin ito kapag kasama siya. Ako’y bumaba sa hagdan at agad natanaw ang aking ina na hinahanda ang hapag. Dali-dali akong umupo sa silya at tinuon ang buong pansin sa adobong luto ni mama. Nakangising aso si mama dahil pansin niya ang ayos ko. “Anak, aba’y seryoso ka ata sa kaibigan mo.” Umiling na lamang ako sa makwela kong ina. Nang natapos sa kainan agad akong pumara ng jeep sa may eskinita, mahaba habang biyahe at nagpalunod ako sa imahe nang napakagandang ngiti ni Joni na nagmarka sa aking isipan. Mga tawa niya na musika sa aking pandinig at balat niyang porselana na kahit kalian hindi pa nadadapuan ng dumi, mga mata niya na nagsasalamin sa kalawakan at mga labi niyang kulay rosas na mas nagpakintab sa kanyang mukha. Libo-libong paru-paro ang dumadapo sa aking tiyan kapag kaharap ko siya. At ang isip ko’y parang sirang plaka kapag siya’y nagsasalita na. Ganyan ko maiisasabuhay ang nararamdaman ko para sa kanya. Ngunit ito’y pilit kong hinaharangan dahil kaibigan ko siya. Libo libong boltaheng pagkagalak ang bumabalot sa aking sistema nang ako’y nakaapak na sa labas nang bahay nila. Ako’y kakatok na sana ngunit rinig ko ang sigaw niya sa ikalawang palapag. Pagkataranta ang bumalot sa akin ngayon at humupa ang galak na nanalaytay. Walang alinlangan kong binuksan ang pinto at tanaw ang ina niya ngayon na umiiyak sa kondisyon ng anak. Sigaw ng sakit at hapdi sa katawan ang tumutusok ngayon sa katawan ni Joni. Suot niya ang kahel na chemo hat na ibinigay ko sa kanyang kaarawan tatlong buwan ang lumipas. Agad ko siyang kinarga sa aking bisig at dali daling dinala sa ospital. Kasama ang kanyang magulang na naghihintay sa hamba ng pintuan ng kanyang kwarto. Lumabas ang doctor at sinabing oras nalang ang hihintayin namin dahil malala na ang kondiyson na bumabalot sa kanyang sistema. Pagkuyom ng aking mga kamao dahil gusto kong bawiin ng doctor ang sinabi niya. Pinagbalaan na ako noon na sa anumang panahon man ay iiwanan niya ang mundong ibabaw ngunit hindi ako naniniwala dahil malakas si Joni. Pinangako niya sa akin na hindi siya susuko. Lumabas ang kanyang ama’t ina at sinabing ako’y tinatawag ngayon nang kanilang pinakamamahal na si Joni. Tanaw ang babaeng pinakamamahal ko, na tinatanaw rin ang kalangitan sa bintana. Umupo ako sa gilid at tanaw ulit ang mukha niya. Galit ako sa kanya ngayon dahil kaya niyang ngumiti na ako’y wasak na wasak na ang damdamin. “Gusot na ang asul mong polo.” Basag katahimikan niya, kahit hindi ko na masyadong maiintaidahan. Hindi ako sumagot at ramdam ko na pagbabara sa aking lalamunan “Salamat sa lahat ng ligaya na bigay mo sa akin Abel. Hindi kita malilimutan hanggang sa kabilang mundo.” Habang ito’y kanyang sinasabi inaabot ko ang kanyang kamay. Mga luha na pilit kong tinatago sa kanya ngunit ito’y kanyang nasilayan at pinadausdos niya ang likod ng kanyang kamay sa aking pisngi upang saluhin ang mga luhang umaagos. Ramdam ko na ang panghihina niya at hinay-hinay na pumipikit ang kanyang mga mata hanggang ang kamay niya ay kumakawala ngayon sa akin. “Joni aking kaibigan, alam kong huli na ngunit kahit sa huling pagpikit mo masabi kong mahal na mahal kita at ikaw lang ang babaeng tinitibok ng aking puso.” Hagulgol ko at agad pinatakan ng mababaw na halik ang kanyang noo.