Professional Documents
Culture Documents
Faraway Night by W Saroyan
Faraway Night by W Saroyan
Ուիլյամ Սարոյան
Միգամած օրվա ողջ ընթացքում ես նստել էի տանն ու հիշում էի, թե ինչպես էր մեկը
գնում մի ճանապարհով, մյուսները` մեկ այլ, ամենքն էլ ունենալով սեփական
ճակատագիրը: Իսկ կան որոշակի քանակի երիտասարդներ, որոնք կործանվում են
անընդմեջ: Նրանցից հստակ մի զանգված քայլում է կյանքի` իր ճանապարհով ու
կործանվում: Եթե նրանց էլ չես տեսնում, ուրեմն արդեն կործանված են, նույնիսկ եթե
այս աշխարհը նեղ է: Եթե անգամ հետ գնաս, փնտրես ու գտնես նրանց, նրանք արդեն
կործանված կլինեն.նրանցից յուրաքանչյուրի անցած ցանկացած ճանապարհ
կործանարար է եղել:
Երբ խավար ցերեկն իր տեղը զիջեց մթին գիշերվան, ես հագա գլխարկս և դուրս եկա
տնից: Մառախուղի միջով քայլեցի դեպի քաղաքը: Սիրտս մեծ ու համբերատար շան
նման ինձ էր հետևում, ու ես քաղաքում շատ կործանվածների գտա, որոնք իմ
բախտակից ընկերներն են: Եվ ուրախության մեջ ավելի վշտալի ու թախծոտ, քան կարող
էր լինել անգամ դառնագույն ողբը, մենք կերանք, խմեցինք, զրուցեցինք ու երգեցինք, և
ամենը, որ ես հիշում էի, նրա անուշ լացն էր, քանի որ աննշան դեպքերով լի տարիները
մեզ միացրել էին, մի տեղ բերել, իսկ հիմար սիրտս ինձ հրամայում էր նրա մոտ մնալ ու
ոչ մի տեղ չգնալ, ասես գնալու ոչ մի տեղ չկար: