Taon Blg.
Misa de Gallo — Puti
S Anak ng
a aming bayan ng San Dionisio,
may nakagawiang paraan ng
pagpapakilala. Upang maging
madali ang pagpapakilala lalo na
sa matatanda, karugtong dapat ng
iyong pangalan kung kaninong
anak o apo ka: “Ako po si Andrew,
anak ni Bart at Alice, apo ni Ka
Imon at Ka Boning.” Minsan pa
nga karugtong ang lugar o bansag:
“Anak ni Juan-liit na taga-ibayo” o
“Apo ni Ising-payat sa irasan.” Sa
ganitong paraan, nabibigyan ng
pagkakataong malaman ng iyong
kausap ang pamilyang iyong
kinabibilangan at mas napadadali
ang pagkilala sa kaniyang kamag-
anakan o kababayan.
Sa ikalawang araw na ito
ng Simbang Gabi o Misa de
Gallo maririnig natin ang isang
mahabang salaysay tungkol sa
pamilya o ang-kang pinagmulan
ng ating Panginoong Hesus: mula
kay Abraham hanggang kay
David, mula kay David hanggang
sa pagpapatapon (exile) sa
Babilonia, mula Babilonia
hanggang sa pagbabalik, hang-
gang sa pamilya ni Jose at Maria
na mga magulang ni Hesus.
Marahil tuwing maririnig natin
ang mahabang salay-saying ito,
hindi natin gaanong pinapansin
ang mga pangalan. Mahaba
kasi at hindi naman natin
kilala ang lahat ng pangalang
nabanggit maliban sa ilang
kilalang personalidad. Ngunit
gaya ng lahat ng pagtuklas sa
pinagmulang angkan o pamilya,
sa bawat family tree na nais
kilatisin ang ugat, sanga at
bunga, sa bawat henerasyong
binabanggit, sa bawat pangalan
m ay r o o n g k u w e n t o , m ay
pinagdaanan; bawat isa may
aral, saysay at yamang taglay.
Una, ipinakikilala si Hesus
bilang Anak ni David at Anak
ni Abraham. Sa madaling sabi,
Mula sa pangkat ng mga pagdiriwang sa karangalan ng
Mahal na Birhen ang mga pangunahing dasal ng Misa de Gallo.
Disyembre 17, 2020
DIYOS
mula siya sa isang maka-Haring
Lipi (David) at mula sa Liping
Pinili (Abraham). Ito ang lahing
kaniyang kinabibilangan, isang
lahing maharlika at matuwid.
Dito iniuugnay ng mga dalubhasa
sa Salita ng Diyos ang layunin ng
sumulat sa Ebanghelyo hinggil sa
pagpapakilala kay Hesus bilang
Mesiyas o Tagapagligtas ayon sa
lahi ni David, at bilang katuparan
ng pangako ng Diyos ayon sa
lipi ni Abraham.
Ikalawa, hindi perpekto ang
isang family tree sa lahat ng
pagkakataon. Ang pamilya
man ni Hesus ay may makulay
ding nakaraan. Minsan may
mga lantang dahon o sanga
na maysakit. Mababakas ito
sa buhay ng ilang miyembro
ng angkan. Gayunpaman,
matatantong sa nag-iisang puno
sumisibol ang bagong tangkay
at nagkakaroon ng masigla at
luntiang dahong tanda ng pag-
asa.
Ikatlo, nakatatawag-pan-
sin ang limang pangalan
ng babae sa kuwento ng
pamilya. Sa sinaunang mundo
na kalalakihan lamang ang
madalas pangalanan, lumikha
ng sariling pagkakakilanlan ang
mga pangalan ng kababaihan sa
angkan ni Hesus: Tamar, Rahab,
Ruth at maybahay ni Urias,
hanggang kay Maria. Bawat isa,
may natatanging kuwento ng
kata-pangan at katapatan.
Sa huli, tiyak na kapupulutan
n g a ra l a n g p a g t u k l a s s a
pamilyang pinagmulan, isang
paglingon sa pinanggalingan
upang marating ang paro-
roonan. Hindi ito nalalayo
sa ating nakagawian. Ganito
rin sa panahon ni Hesus: ang
pagkilala sa iyong pinag-
mulan, masalimuot man, pi-
nagsisibulan din ng aral at
panibagong pagkakakilanlan.
Tanda ng pagsisimulang muli ang
pagtanggap sa nakaraan upang
hindi na maulit ang mga dating
pagkakamali, at ang kahandaang
magpatawad at magmahal sa
pamilya at kapwa.
Sa darating na Pasko ng
Pagsilang ng Manunubos,
inaanyayahan tayong tingnan
kung saan tayo nagmula at kung
saan tayo patungo; at dala ng
pagkakatawang-tao ng bugtong
na Anak ng Ama, tumimo nawa sa
ating puso’t isip ang paanyayang
kilanlin ang tunay nating sarili:
“Anak ako ng Diyos, kawangis
at katulad niya—nilikha upang
magmahal, magpakabuti, at
maglingkod. Amen.”
—Buen Andrew DC. Cruz, SSP

PASIMULA
Antipona sa Pagpasok
[Sedulius]
(Basahin kung walang pambungad na awit)
Maligayang bati sa ’yo, dakilang
Ina ni Kristo sapagkat isinilang
mo ang Diyos na naging tao,
Hari ng langit at mundo.
Pagbati
(Gawin dito ang tanda ng krus)
P - Ang pagpapala ng ating
Panginoong Hesukristo, ang
pag-ibig ng Diyos Ama, at ang
pakikipagkaisa ng Espiritu Santo
nawa’y sumainyong lahat.
B - At sumaiyo rin.
Paunang Salita
(Maaaring basahin ito o isang katulad
na pahayag)
P - Itinatampok sa ating
Ebanghelyo ngayon ang talaan
ng mga ninuno ni Hesus. Ilan sa
kanila ay mga kilalang karakter
na may mahalagang papel sa
kasaysayan ng ating kaligtasan.
Subalit marami rin sa mga ito
ang makasalanan.
Inilalarawan ng talaang
ito ang pagpasok ni Hesus sa
kasaysayan ng tao. Siya ang
rurok ng kasaysayan ng Israel—
ang Mesiyas nilang hinihintay.
Kay Hesus naging ganap ang
kahulugan ng kasaysayang ito.
Pagsisisi
P - Mga kapatid, tinipon tayo bilang
kaanib ng Diyos kaya dumulog
tayo sa maawaing Panginoong
nagpapatawad na lubos. (Tumahimik)
P - Sinugong Tagapagpagaling
sa mga nagsisisi, Panginoon,
kaawaan mo kami.
B - Panginoon, kaawaan mo kami.
P - Dumating na Tagapag-anyayang
mga makasalana’y magsisi, Kristo,
kaawaan mo kami.
B - Kristo, kaawaan mo kami.
P - Nakaluklok ka sa kanan ng
Diyos Ama para ipamagitan kami,
Panginoon, kaawaan mo kami.
B - Panginoon, kaawaan mo kami.
P - Kaawaan tayo ng maka-
pang­yarihang Diyos, patawarin
tayo sa ating mga kasalanan, at
patnu­bayan tayo sa buhay na
walang hanggan.
B - Amen.
Gloria
Papuri sa Diyos sa kaitaasan
at sa lupa’y kapayapaan sa
mga taong kinalulugdan niya.
Pinupuri ka namin, dinarangal
ka namin, sinasamba ka namin
ipinagbubunyi ka namin,
pinasasalamatan ka namin,
dahil sa dakila mong ang­
king kapurihan. Panginoong
Diyos, Hari ng langit, Diyos
Amang makapangyarihan sa
lahat. Pangi­noong Hesukristo,
Bugtong na Anak, Panginoong
Diyos, Kordero ng Diyos, Anak
ng Ama. Ikaw na nag-aalis ng
mga kasalanan ng sanlibutan,
maawa ka sa amin. Ikaw na
nag-aalis ng mga kasalanan
ng sanlibutan, tanggapin mo
ang aming kahilingan. Ikaw na
naluluklok sa kanan ng Ama,
maawa ka sa amin. Sapagkat
ikaw lamang ang banal, ikaw
lamang ang Panginoon, ikaw
lamang, O Hesukristo, ang
Kataas-taasan, kasama ng
Espiritu Santo sa kadakilaan
ng Diyos Ama. Amen.
Pambungad na Panalangin
P - Manalangin tayo. (Tumahimik)
Ama naming makapang-
yarihan, ipagkaloob mong
kami’y magkamit kailanman
ng kalusugan at kagalingan sa
aming katawan at kalooban.
Pakundangan sa pagdalangin ng
laging Birheng si Santa Mariang
mahal kami nawa’y mahango
sa hapis sa kasalukuyan at
makinabang sa kaluwalhatiang
walang katapusan sa pama­
magitan ni Hesukristo kasama
ng Espiritu Santo magpa-
sawalang hanggan.
B - Amen.
PAgpapahayag
ng salita ng diyos
Unang Pagbasa [Gn 49:2, 8-10]
(Umupo)
Sa kabila ng mga pagkukulang
at kahinaan ni Juda at ng
kaniyang lipi, itinuloy pa rin ng
Diyos ang kaniyang balak. Kay
Juda magmumula ang angkan
ni David, at sa lipi ni David
magmumula ang Mesiyas.
Pagbasa mula sa aklat ng
Genesis
NOONG mga araw na iyon,
tinawag ni Jacob ang mga
anak niya at kanyang sinabi:
“Kayo mga anak, magsilapit
sa akin, akong inyong ama ay
sumandaling dinggin. Ikaw,
Juda, ay papupurihan niyong
mga anak ng Ina mong mahal,
hawak mo sa leeg ang iyong
kaaway, lahat mong kapatid
sa iyo’y gagalang. Mabangis
na leon ang iyong larawan,
muling nagkukubli matapos
pumatay; ang tulad ni Juda’y
leong nahihimlay, walang
mangangahas lumapit sinuman.
Hawak niya’y setrong tuon sa
paanan, sagisag ng lakas at
kapangyarihan; ito’y tataglayin
hanggang sa dumatal ang tunay
na Haring dito’y magtatangan.”
— Ang Salita ng Diyos.
B - Salamat sa Diyos.
Salmong Tugunan (Slm 71)
T - Mabubuhay s’yang marangal
at sasagana kailanman.
1. Turuan mo yaong haring
humatol ng katuwiran:/ sa taglay
mong katarungan, O Diyos,
siya’y bahaginan;/ upang siya’y
maging tapat mamahala sa ’yong
bayan,/ at pati sa mahihirap
maging tapat siyang tunay. (T)
2. Ang lupain nawa niya’y
umunlad at managana;/ maghari
ang katarungan sa lupain nitong
bansa./ Maging tapat itong hari
sa paghatol sa mahirap/ at ang
mga táong wala’y pag-ukulan
ng paglingap. (T)
3. Yaong buhay na mat’wid
sa kanyang kapanahunan,/
madama ng bansa niya at
u m u n l a d h a b a n g b u h ay. /
Yaong kanyang kaharian ay
palawak nang palawak,/ mula
sa ilog Eufrates, sa daigdig ay
kakalat. (T)
4. Nawa yaong kanyang ngalan
ay h’wag nang malimutan,/
manatiling laging bantog na
katulad nitong araw;/ nawa
siya ay purihin ng lahat ng
mga bansa,/ at sa Diyos, silang
lahat dumalanging:/ “Harinawa
pagpalain kaming lahat, tulad
niyang pinagpala.” (T)
Aleluya (Tumayo)
B - Aleluya! Aleluya! Karunu­
ngan ng Maykapal, tana’y ’yong
pangasiwaan, halina’t kami’y
turuan. Aleluya! Aleluya!
Mabuting Balita (Mt 1:1-17)
P - Ang Mabuting Balita ng
Panginoon ayon kay San Mateo
B - Papuri sa iyo, Panginoon.
ITO ang lahi ni Hesukristo na
mula sa angkan ni David na
mula naman sa lahi ni Abraham.
Si Abraham ang ama ni Isaac;
si Isaac ang ama ni Jacob na
ama ni Juda at ng kanyang mga
kapatid. Naging anak naman
ni Juda kay Tamar sina Fares at
Zara. Si Fares ang ama ni Esrom
at si Esrom ang ama ni Aram. Si
Aram ang ama ni Aminadab; si
Aminadab ang ama ni Naason
na ama naman ni Salmon.
Naging anak ni Salmon kay
Rahab si Booz, at naging anak
naman ni Booz kay Ruth si
Obed. Si Obed ang ama ni Jesse
na ama ni Haring David.
Naging anak ni David si
Solomon sa dating asawa ni
Urias. Si Solomon naman ang
ama ni Roboam. Si Roboam
ang ama ni Abias, at si Abias
ang ama ni Asa. Si Asa ang
ama ni Josafat, at si Josafat ang
ama ni Joram na siya namang
ama ni Ozias. Itong si Ozias
ay ama ni Jotam na ama ni
Acaz, at si Acaz ang ama ni
Ezequias. Si Ezequias ang ama
ni Manases, at si Manases ang
ama ni Amos na ama naman
ni Josias. Si Josias ang ama
ni Jeconias at ang kanyang
mga kapatid. Panahon noon ng
pagkakatapon ng mga Israelita
sa Babilonia.
Matapos ang pagkakatapon
sa Babilonia, naging anak ni
Joconias si Salatiel na ama
ni Zorobabel. Si Zorobabel
ang ama ni Abiud na ama ni
Eliaquim, at si Eliaquim ang
ama ni Azor. Si Azor ang ama ni
Sadoc na ama ni Aquim; itong
si Aquim ang ama ni Eliud. Si
Eliud ang ama ni Eleazar; si
Eleazar ang ama ni Matan na
ama ni Jacob. At si Jacob ang
ama ni Jose na asawa ni Maria.
Si Maria naman ang ina ni
Hesus na tinatawag na Kristo.
Samakatwid, labing-apat ang
salinlahi mula kay Abraham
hanggang kay David, labing-
apat mula kay David hanggang
sa pagkakatapon ng mga Israelita
sa Babilonia, at labing-apat
din mula sa pagkakatapon sa
Babilonia hanggang kay Kristo.
— Ang Mabuting Balita ng
Panginoon.
B - Pinupuri ka namin, Pangi-
noong Hesukristo.
Homiliya (Umupo)
Pagpapahayag ng
Pananampalataya (Tumayo)
B - Sumasampalataya ako sa Diyos
Amang makapangyarihan sa lahat,
na may gawa ng langit at lupa.
Sumasampalataya ako kay Hesu-
kristo, iisang Anak ng Diyos,
Panginoon nating lahat, nagkata-
wang-tao siya lalang ng Espiritu
Santo, ipinanganak ni Santa
Mariang Birhen. Pinagpakasakit
ni Poncio Pilato, ipinako sa krus,
namatay, inilibing. Nanaog sa
kinaroroonan ng mga yumao,
nang may ikatlong araw nabuhay
na mag-uli. Umakyat sa langit.
Naluluklok sa kanan ng Diyos
Amang makapangyarihan sa
lahat. Doon magmumulang
paririto at huhukom sa nanga-
bubuhay at nangamatay na tao.
Sumasampalataya naman ako sa
Diyos Espiritu Santo, sa banal na
Simbahang Katolika, sa kasamahan
ng mga banal, sa kapatawaran ng
mga kasalanan, sa pagkabuhay na
muli ng nangamatay na tao at sa
buhay na walang hanggan. Amen.
Panalangin ng Bayan
P - Dumulog tayo sa Ama
na siyang gumawa ng yugto
sa ating kasaysayan upang
matupad ang nais niyang tayo’y
lingapin at iligtas:
T - Ama namin, lingapin mo
kami.
L - Magtulungan nawa ang mga
pinuno ng ating Simbahan tungo
sa pagbabago at pagsasabuhay
ng mga pangako ng kaharian
ng Diyos. Manalangin tayo: (T)
L - Matuto nawa táyong makita
ang kabutihan ng bawat isa sa
pamamagitan ng pag-iwas sa
paninirang-puri at pagtalikod
sa mga kasalanan. Manalangin
tayo: (T)
L - Makasumpong nawa ng pag-
asa sa pag-ibig at awa ng Diyos
ang mga táong nalulungkot o
may matinding pinagdaraanan.
Manalangin tayo: (T)
L - Magkamit nawa ng
k a g a l i n g a n a t m a ayo s n a
kalusugan ang mga kapatid
nating maysakit. Manalangin
tayo: (T)
L - Tanggapin nawa ng Diyos
sa kanyang kaharian ang mga
kapatid nating yumao na
upang t makasumpong sila ng
kapahingahan magpakailanman.
Manalangin tayo: (T)
L - Sa ilang sandali ng
katahimikan, ating ipa-
nalangin ang iba pang mga
pangangailangan ng ating
pamayanan pati na rin ang
ating pansariling kahilingan
(Tumahimik). Manalangin tayo: (T)
P - Ama, lingapin mo ang
b aya n g n a g s u s u m a m o s a
iyo. Tulungan mo kaming
masundan ang iyong kalooban
upang sa pamamagitan ng
aming pagtalima, tuluyan
naming makamit ang kaloob
mong kaligtasan. Hinihiling
namin ito sa pama­magitan ni
Hesukristong aming Panginoon.
B - Amen.
Pagdiriwang
ng huling hapunan
Paghahain ng Alay (Tumayo)
P - Manalangin kayo...
B - Tanggapin nawa ng Pangi­
noon itong paghahain sa iyong
mga kamay sa kapurihan
niya at karangalan sa ating
kapaki­n abangan at sa buong
Sambayanan niyang banal.
Panalangin ukol sa mga Alay
P - Ama naming Lumikha, ang
iyong nagkatawang-taong Anak
ay tumulong nawa sa aming
ginagawa upang siya na iniluwal
ni Maria nang di bumawas
kundi lalo pang nagpaganap sa
pagkabirhen, ay magpagindapat
na kalugdan mo ang aming
paghahain sa ikapagpapatawad
ang mga kasalanan sapagkat
siya ang Panginoong kasama mo
at ng Espiritu Santo magpasa-
walang hanggan.
B - Amen.
Prepasyo (Adbiyento II)
P - Sumainyo ang Panginoon.
B - At sumaiyo rin.
P - Itaas sa Diyos ang inyong
puso at diwa.
B - Itinaas na namin sa Panginoon.
P - Pasalamatan natin ang
Panginoong ating Diyos.
B - Marapat na siya ay pasala­matan.
P - Ama naming makapangyari­
han, tunay ngang marapat na
ikaw ay aming pasalamatan sa
pama­ma­gitan ni Hesukristo na
aming Pangi­noon.
Ang pagsusugo mo sa kanya
ay ipinahayag ng lahat ng mga
propeta. Ang pagsilang niya’y
pinanabikan ng Mahal na
Birheng kanyang Inang tunay
sa kapangyarihan ng Espiritung
Banal. Ang pagdating niya’y
inilahad ni San Juan Bautista
sa kanyang pagbibinyag. Nga­
yong pinaghahandaan namin
ang maligayang araw ng kan­
yang pagsilang, kami’y nana­
nabik at nananalanging lubos
na makaharap sa kanyang
kadakilaan.
Kaya kaisa ng mga anghel
na nag­s isiawit ng papuri sa
iyo nang walang humpay sa
kalangitan, kami’y nagbubunyi
sa iyong kada­ki­laan.
B - Santo, Santo, Santo... (Lumuhod)
Pagbubunyi (Tumayo)
B - Si Kristo’y namatay! Si
Kristo’y nabuhay! Si Kristo’y
babalik sa wakas ng panahon!
Pakikinabang
Ama Namin
B - Ama namin...
P - Hinihiling naming...
B - Sapagkat iyo ang kaharian at
ang kapangyarihan at ang kapu­­
rihan magpakailanman! Amen.
Pagbati ng Kapayapaan
Paanyaya sa Pakikinabang
(Lumuhod)
P - Ito ang Kordero ng Diyos. Ito
ang nag-aalis ng mga kasalanan
ng sanlibutan. Mapalad ang mga
inaanyayahan sa kanyang piging.
B - Panginoon, hindi ako ka-
rapat-dapat na magpatulóy sa
iyo ngunit sa isang salita mo
lamang ay gagaling na ako.
Antipona sa Komunyon
(Lc 11:27)
Mapalad ang Birheng Maria,
pinili ng Diyos Ama upang il’wal
ang sugo n’ya, Anak na kaisa-isa
at Manunubos ang sala.
Panalangin Pagkapakinabang
(Tumayo)
P - Manalangin tayo. (Tumahimik)
Ama naming mapagmahal,
sa pagsasalo namin sa
banal na pakikinabang ang
iyong kagandahang-loob ay
aming hinihiling upang ang
pagpaparangal namin sa Mahal
na Birhen at pagtulad namin
sa kanya ay magpagindapat
na aming paglingkuran ang
pagganap sa kaloob mong
kaligtasan sa pama­magitan ni
Hesukristo kasama ng Espiritu
Santo magpasa­wa­lang hanggan.
B - Amen.
Pagtatapos
P - Sumainyo ang Panginoon.
B - At sumaiyo rin.
Pagbabasbas
P - Magsiyuko kayo at hingin ang
pagpapala ng Diyos. (Tumahimik)
Ang makapangyarihang Diyos
Ama ng Bugtong na Anak na
naparito na noon at hinihintay nating
bumalik ngayon ay siya nawang
magpabanal sa inyo pakundangan
sa liwanag ng kanyang pagdating
at siya rin nawang pumuspos
sa inyo sa pagpapala ngayon at
magpasawalang hanggan.
B - Amen.
P - Patatagin nawa niya kayo sa
pananampalataya, paligayahin sa
pag-asa at pakilusin sa pag-ibig
na puspos ng sigla ngayon at
magpasawalang hanggan.
B - Amen.
P - K ayo n g n a g a g a l a k s a
pagdating ng nagkatawang-taong
Manunubos ay puspusin nawa
niya ng gantimpalang buhay
na di matatapos kapag siya’y
dumating nang may kadakilaang
lubos magpasawalang hanggan.
B - Amen.
P - Pagpalain kayo ng makapang-
yarihang Diyos, Ama at Anak (†)
at Espiritu Santo.
B - Amen.
Pangwakas
P - Humayo kayong taglay ang
pag-ibig ni Kristo.
B - Salamat sa Diyos.