Professional Documents
Culture Documents
1
1
ეს Pentax -ის 50 მმ ობიექტივი არის სტანდარტული სრულფორმატიან PentaxK1 –სთვის, მაგრამ მუშაობს
როგორც ზომიერი ტელეობიექტივიAPS – S ფორმატის(კროპ ფორმატის) კამერებისათვის (PentaxK5, K50)
ამ ტაბულიდან სჩანს რა ხედვის კუთხე აქვს სხვა და სხვა ფოკუსური მანძილის მქონე
ობიექტივებს,სრულფორმატიანი და ეგ.წოდებული კროპ.ფორმატის კამერებისათვის.
სტანდარტული ობიექტივების ხედვის კუთხე დაახლოებით 45
გრადუსია.ობიექტივებს,რომლებსაც უფრო ფართე ხედვის კუთხე აქვთ ვიდრე სტანდარტულ
ობიექტივს, უწოდებენ ფართეკუთხიან ობიექტივებს და შესაბამისად, - ობიექტივები,რომლებიც
„ხედავენ“უფრო ვიწრო კუთხით, ვიდრე სტანდარტული ობიექტივი – ვიწროკუთხიან ან
ტელეობიექტივებად იწოდებიან.
არის ასეთი სახუმარო გამონათქვამი – არ არის არაფერი უფრო სუბიექტური, ვიდრე ობიექტივი.
ასეც არის სინამდვილეში – განსხვავებული ობიექტივები განსხვავებულ სურათს გვიხატავენ.
მაგალითად, სტანდარტული ობიექტივი ქმნის გამოსახულებას, რომელიც შეესაბამება ადამიანის
თვალის ხედვასხაზოვანი პერსპექტივის თვალსაზრისით.ფართეკუთხიანი წარმოშობს უფრო
დრამატულ, დინამიურ ხედვას, ვიწროკუთხიანი კუმშავს გამოსახულებას, აახლოვებს
განსხვავებულ მანძილებზე მყოფ ობიექტებს.
ვიწროკ
უთხიანი ანუ ტელეობიექტივი
ძალიან გავრცელებულია ცვალებადი ფოკუსური მანძილის მქონე ობიექტივები, ანუ ზუმ
ობიექტივები. ზოგი მათგანი შეიცავს ვრცელ დიაპაზონს – ფართეკუთხიანიდან
ვიწროკუთხიანამდე. მაგალითად, 18 მმ – 55 მმ (ხედვის კუთხე 75გრადუსიდან – 28
გრადუსამდე) ან 18 მმ – 270 მმ (ხედვის კუთხე 75გრადუსიდან – 5 გრადუსამდე, APS-C
ფორმატის კამერებისათვის –ე.წ. კროპ ფორმატიან კამერები)
არსებობენ ასევე ფართეკუთხიანი დიაპაზონის ზუმები, მაგალითად 10 მმ –20 მმ (ხედვის კუთხე
102–64 გრადუსი, APS-C ფორმატის კამერებისათვის). სპორტული და ველური ბუნების
გადასაღებად გამოიყენება ტელეზუმები, მაგალითად 100 მმ – 400 მმ (ხედვის კუთხე 24–6
გრადუსი, სრულფორმატიანი კამერა).
უნივერსალური ზუმი 18მმ – 200მმ APS-C ფორმატის კამერებისათვის, ხედვის კუთხე 76 – 8 გრადუსი.
ობიექტივებს, მათ შორის ზუმებს, ზოგჯერ აქვთ მაკრო ფუნქცია, ანუ დამატებითი ოპტიკური
მოწყობილების გარეშე ახლო მანძილიდან გადაღების საშუალება. თუმცა არსებობენ
სპეციალური მაკრო ობიექტივები, რომელნიც გათვლილი არიან ახლო მანძილიდან
გადაღებისთვის. ეს ობიექტივები, როგორც წესი, მუდმივი ფოკუსური მანძილის არიან,
მაგალითად 50 მმ, 100 მმ.
გადაღების სტაბილიზაცია
თანამედროვე ობიექტივებში არის გამოყენებული ოპტიკური სტაბილიზაცის ფუნქცია,
რომელიც, რყევის შემცირების საშუალებას იძლევადაბალ სიჩქარეებზე მუშაობის დროს. იგი
განსაკუთრებით მნიშვნელოვანია ტელეობიექტივების გამოყენებისას. ზოგი კამერის
წარმოებელი კი(მაგალითად Pentax) სტაბილიზაციის ფუნქციას მატრიცას ანიჭებს, რაც
შესაძლებლობას გვაძლევს სტაბილიზაციის ფუნქცია გამოყენებული იქნას ნებისმიერი
ობიექტივით მუშაობის დროს.
ძალიან პატარა საგნების გადასაღებად ობიექტივებზე, მათ შორის მაკრო ობიექტივებზეც
შეიძლება დამაგრდეს განსხვავებული სიძლიერის სპეციალური გამადიდებელი ლინზები.
უაღრესად პატარა ობიექტების გადაღებისათვის იყენებენ ასევე ამგვარ სპეციალურ
მოწყობილობას.
მონოკლი
ობიექტივს, რომლის კონსტრუქციაში მხოლოდ ერთი ლინზა არის გამოყენებული, მონოკლს
უწოდებენ. თექნიკური თვალსაზრისით მონოკლის მიერ მიღებული გამოსახულება დაბალი
ხარისხისაა. მაგრამ მხატვრული ფოტოგრაფიის თვალსაზრისით, მონოკლის ტექნიკური ნაკლი,
და არა ერთი, განუმეორებულ მხატვრულ ეფექტს ქმნის. მონოკლს ახასიათებს არა მკვეთრი,
მკრთალი, ჰაეროვანი გამოსახულება. გამოიყენება რომანტიული პეიზაჟების და მეოცე საუკუნის
დასაწყისისათვის დამახასიათებელი პორტრეტების შესაქმნელად. მიუხედავად ასეთი აშკარა
ღირსებებისა, მონოკლის ყიდვა შეუძლებელია; ფოტოგრაფები თავად ქმნიან მონოკლებს და
ამისთვის იყენებენ ძველ, გამოუსადეგარ ობიექტივებს. მონოკლის დამზადების წესი აღწერილია
ინტერნეტში. უნდა აღინიშნოს, რომ ყოვლის შემძლე სურათის ციფრული დამუშავება ვერ
იმეორებს მონოკლის მიერ გადაღებული სურათის ხასიათს.
დიაფრაგმა
დიაფრაგმა– ობიექტივში არსებული მექანიკური მოწყობილობაა, რომელიც ცვლის ობიექტივში
შემავალი სინათლის რაოდენობას.
სტანდარტული დიაფრაგმული რიცხვები 1/ 1,4/ 2,0/ 2,8/ 4,0/ 5,6/ 8,0/ 11,0/ 16,0/ 22,0/ 32,0. ამ
ჩამონათვალში ყველა შემდგომი დიაფრაგმის მნიშვნელობა ატარებს ორჯერ ნაკლებ სინათლის
რაოდენობას, ვიდრე წინა. (ყოველი შემდეგი დიაფრაგმის რიცხვი მიიღება წინა რიცხვის
ნამრავლით 1,4), მაგალითად დიაფრაგმა მნიშვნელობით 8, ატარებს ორჯერ მეტი სინათლის
რაოდენობას, ვიდრე დიაფრაგმა რიცხვითი მნიშვნელობით 11 და შესაბამისად ორჯერ ნაკლებს
ვიდრე დიაფრაგმა მნიშვნელობით - 5,6 .
დიაფრაგმის სტანდარტული რიცხვების გარდა, შესაძლებელია ობიექტივის დიაფრაგმის
საფეხურებს შორის წილადი დიაფრაგმული რიცხვების დაყენება, ერთი მესამედით მეტი ან
ნაკლები რიცხვითი მნიშვნელობით, მაგალითად 5,6/ 6,3/ 7,1/ 8,0 .
რა ფუნქციას ასრულებს დიაფრაგმა?