*Во светот главни извори за производство на енергија се : водната енергија, јагленот, нафтата, гасот, сончевата енергија, нуклеарната енергија и дрвото. Нашата земја располага со јаглен, водна енергија и дрво. Во вкупното производство на електрична енергија јагленот учевствувал со 91%, а хидроенергија со 9%. * Хидроенергија - се добива во хидроцентралите, со искористување на силата на водата од реките. Хидроенергетскиот потенцијал на македонските реки е прилично скромен, што е последица на непостојаниот плувиометриски режим на реките и релјефот. Најголем дел од хидроенергетскиот потенцијал во Р.Македонија е концентриран на реката Вардар, иако на неа нема изградено акумулации. Во сливот на реката Вардар има повеќе композитни реки на кои можат да се изградат акумулации и хидроцентрали. Освен Вардар, реките Црна Река, Брегалница, Треска, Пчиња и Црн Дрим имаат потенцијал за производство на хидроенергија. Другите реки кои течат низ територијата на Р. Македонија, како Лепенец и Струмица имаат мал хидроенергетски потенцијал. * Јаглен - кај нас е присутен јагленот лигнит кој има помала топлинска енергија и е нискокалоричен јаглен. Појавата на лигнитот е поврзана со езерските седименти (котлините кои биле заезерени). Лигнитот е присутен во 12 басени меѓу кои се Пелагонискиот, Кичевскиот, Струмичкиот, Ресенскиот, Мариовскиот, Гевгелискиот, Тиквешкиот,Скопскиот и други. Најголем и најзначаен е Пелагонискиот басен, каде што јагленот се наоѓа во селата : Суводол, Гнеотино и Живојно. Денес се експлоатира само во наоѓалиштето "Суводол". Во Кичевскиот басен наоѓалишта за јаглен се откриени околу селата Осломеј, Поповјани, Страгомиште и Аранѓел. Во Струшкиот басен е откриен јаглен во околината на с.Пискупштина. Помали количини на јаглен има и во Делчевскиот, Тиквешкиот, Скопскиот и Мариовскиот басен. * Други енергетски извори присутни во Р.Македонија се : парафинските шкрилци, нуклеарни суровини и геотермална енергија. Парафинските шкрилци - откриени се во локалитетите кај : с.Плешенци (Пробиштип),с.Црцорија(Крива Паланка), с.Смојмирово (Берово). Нуклеарни суровини - кај нас е откриен уранов оксид во околината на Пробиштип, Радовиш и Куманово. * Како огревен материјал се користи дрвото, а за добивање на топла вода се користи сончевата енергија. * Нафтата се увезува од Нафтоводот Солун-Скопје, додека земјениот гас преку гасоводот Русија-Романија-Бугарија-Македонија. Јана Никодиновска клас II-2