Professional Documents
Culture Documents
Jose Rizal
Jose Rizal
Hero siya dahil may binasag siyang ideya. Hero siya dahil may binuo siyang
bagong ideya sa kanyang binasag. Hero siya dahil siya ang pangunahing
bumuo ng ideya ng nasyon sa Pilipinas. At hindi niya magagawa ito kundi
siya naging historyador.
Bukod kay Jose Rizal, marami ring pinagpilian na mga bayani tulad nina
Emilio Jacinto,
Graciano Lopez-Jaena,
Antonio Luna, at
Marcelo H. Del Pilar,
Mayroon ding lahing Kastila at Hapones si José Rizal. Ang kanyang lolo na
ama ni Teodora ay kalahating Kastila at isang inhinyero na ang ngalan ay
Lorenzo Alberto Alonzo.
Ang kanyang lolo sa talampakan sa ina ay si Eugenio Ursua, na inanak ng
isang Hapones.
Ang ina ni Rizal ay siyang kaniyang unang guro at nagturo sa kaniya ng
abakada noong siya ay tatlong taon pa lamang. Noong siya naman ay
tumuntong ng siyam na taon ay ipinadala siya sa Biñan, Laguna upang mag-
aral sa ilalim ng pamamatnubay ni Justiano Aquino Cruz. Ilang buwan ang
nakalipas, pinayuhan niya ang mga magulang ni Rizal na pag-aralin siya
sa Maynila. Noong nagsimula siyang mag-aral sa Ateneo Municipal de
Manila, inalis niya ang tatlong huling pangalan na bumubuo sa kaniyang
buong pangalan, sa payo ng kaniyang kapatid na si Paciano Rizal at ng
pamilyang Mercado-Rizal, kaya ang kaniyang pangalan ay naging "Jose
Protasio Rizal". Dahil dito, minsang naisulat ni Rizal na nagmistula siyang
"hindi lehitimong anak".
Ginawa ang pagbabagong ito upang mas malayang makapaglakbay si Rizal,
at mailayo ang kaniyang koneksyon sa kaniyang kapatid na minsan nang
nagkaroon ng ugnayan sa Gomburza. Mula pagkabata ay nakakarinig na si
Jose at Paciano ng mga hindi pa naririnig na mga kaisipang pulitikal ukol sa
kalayaan at karapatang pantao na kinagagalit ng pamahalaan. Sa kabila ng
pagbabago sa kaniyang pangalan, naging kilala din si Jose bilang "Rizal" sa
mga patimpalak sa pagtutula, kung saan humanga ang kaniyang mga guro
sa wikang Kastila at iba pang mga banyagang wika, at kinalaunan, sa
pagsusulat ng mga sanaysay na kritikal sa mga sanaysay ng mga Kastila
ukol sa sinaunang lipunang Pilipino.