Mala-Masusing Banghay Aralin sa Filipino

Baitang VIII

I. Layunin: Sa loob ng itinakdang oras, ang mga mag-aaral ay inaasahang:

a. natutukoy ang salitang naiiba ang kahulugan;
b. naibabahagi ang saloobin tungkol sa mga tulang ilalahad;
c. nakabubuo ng isang tulang tradisyunal at modernista.

II. Paksang Aralin: Tula

Lunsaran: Ako’y Isang Mabuting Pilipino ni Noel Cabangon
Sanggunian: Pluma 8
Kagamitan: Cartolina, felt-tip pen, scotch tape, gunting

III. Pamamaraan

Balik-aral

Gawain ng Guro Gawain ng Mag-aaral

Magandang hapon klas! Magandang hapon rin po mam!

A. Tuklasin

Pagganyak

Nasubukan niyo na bang sumulat ng isang

tula? Opo titser.

Ano naman ang paksa ng tula?

Iyon ay tungkol po sa pagkakaibigan, pag-ibig,
pamilya, at iba pa.
Okay. Magaling.

B. Linangin

Bago bumasa

Paglalahad

Ngayon klas ay mayroon tayong bagong tatalakaying paksa. Ito ay ang tulang “Ako’y
Isang Mabuting Pilipino” ni Noel Cabangon.
 1. Payabungin Natin

Panuto: Unawain ang kahulugan ng bawat salita. Piliin at bilugan ang hindi kabilang sa pangkat
ayon sa kahulugan nito.

A B C D

1. alituntunin batas panatag panuto

2. ginagawa sinusunod tinatangkilik tinutupad
3. inaalagaan inaaruga kinakandili iniidolo
4. ipinaghihiganti ipinaglalaban ipinagtatanggol ipinamamahala
5. dignidad karangalan konsensiya pagkatao

Mga Susing Sagot:

1. C
2. C
3. D
4. D
5. C

Pamantayan

Bago magbasa, ano ang gagawin ng isang

mabuting mag-aaral? Basahin at unawain po nang mabuti ang
binabasa.

Ano pa? Huwag po makipag-usap sa katabi.

Mabuti naman kung ganun. Aasahan ko iyan sa

inyo.

Habang Nagbabasa

a. Paglalahad ng pamagat ng akda

Ako’y Isang Mabuting Pilipino

ni Noel Cabangon

Ako’y isang mabuting Pilipino

Minamahal ko ang bayan ko
Tinutupad ko ang aking mga tungkulin
Sinusunod ko ang kanyang mga alituntunin
 Tumatawid ako sa tamang tawiran
Sumasakay ako sa tamang sakayan
Pumipila at ‘di nakikipag-unahan
At ‘di ako pasiga-siga sa lansangan

Bumababa’t nagsasakay ako sa tamang sakayan (Nagbababa ako sa tamang babaan)

‘di nakahambalang parang walang pakiaalam
Pinagbibigyan kong mga tumatawid sa kalsada
Humihinto ako ‘pag ang ilaw ay pula

‘pagkat ako’y isang mabuting Pilipino

Minamahal ko ang bayan ko
Tinutupad ko ang aking mga tungkulin
Sinusunod ko ang kanyang mga alituntunin

‘Di ako nagongotong o nagbibigay ng lagay

Ticket lamang ang tinatanggap kong ibinibigay
Ako’y nakatayo doon mismo sa kanto
At ‘di nagtatago sa ilalim ng puno

‘Di ako nagkakalat ng basura sa lansangan

‘Di bumubuga ng usok ang aking sasakyan
Inaayos ko ang mga kalat sa basurahan
Inaalagaan ko ang ating kapaligiran

Lagi akong nakikinig sa aking mga magulang

Kaya’t pag-aaral ay aking pinagbubutihan
‘di ako gumagamit ng bawal na gamot
O kaya’y tumatambay at sa eskwela’y ‘di pumapasok

Ipinagtatanggol ko ang aking karangalan

‘pagkat ito lamang ang tangi kong kayamanan
‘di ko ibinebenta ang aking kinabukasan
Ang boto ko’y aking pinahahalagahan

Ako’y isang tapat at totoong lingkod ng bayan

Pabor o lagay ay ‘di ko pinapayagan
Tapat ang serbisyo ko sa mamamayan
‘Di ko ibinubulsa ang pera ng bayan

Ipinagtatanggol ko ang mamamayang Pilipino

Mga karapatan nila’y kinikilala ko
Iginagalang ko ang aking kapwa tao
Ipinaglalaban ko ang dangal ng bayan ko.

Pagkat ako’y isang mabuting Pilipino

Pagkatapos Bumasa

Pangkatang Ulat

Pagtatalakay-Pag-unawa sa nilalaman ng tula

(Nilalaman ng tula)

Ano ang pamagat ng mga tula na ating

tinalakay? Ako’y Isang Mabuting Pilipino po, titser!

Magaling!

Bakit kaya ito naisulat ng mga manunulat? Para po ipahayag ang kanyang konsepto ng
pagiging mabuting pilipno po.
Magaling!

Ano ang aral na inyong natutunan sa tulang

isinulat ni Noel Cabangon?
Magaling! Maraming salamat.
Dapat po ay gampanan natin ang mga maliliit
na bagay lalo na ang mga batas na
makapagpapabuti sa ating bansa upang
magkaroon ng masagang pamumuhay ang
lahat.

C. Paglalahat

1. Paano inilarawan ng kompositor ang pagiging mabuting Pilipino ng kabataang tulad mo?
Masasabi mo bang nagagawa o nasusunod mo sa iyong buhay ang mga binanggit na tungkulin o
alituntunin? Patunayan.

2. Ano ang binanggit sa akda na tanging kayamanang dapat angkinin at pahalagahan ng bawat
Pilipino? Sa paanong paraan mo ito mapapanatili?

3. Para sa iyo, alin sa mga tungkulin ng isang mabuting Pilipino ang maituturing mong
pinakamahalaga? Bakit?

D. Ilipat
Panuto: Bumuo ng pangkat na may tigtatatlong myembro sa loob ng inyong hanay. Ang unang
hanay ay susulat ng tulang tradisyunal at ang pangalawang hanay naman ay susulat ng tulang
modernista. Bibigyan ko kayo ng limang minute para maghanda.
 GRASPS

Goal Makasulat ng tulang tradisyunal at tulang modernista.

Role Mga manunulat
Audience Guro at mag-aaral
Situation Isang patimpalak sa pagsulat
Product Tula
Standard Mamarkahan ang lahat batay sa pamantayan:
Kalinawan at kalinisan- 10
Nilalaman o mensahe - 10
Kooperasyon- 5
Kabuuan 25

Rubriks:

Pamantayan Lubos na naipamalas Naipamalas Hindi masyadong

naipamalas
Kalinawan at 10 8 5
kalinisan
Nilalaman o mensahe 10 8 5
Koopersayon 5 4 3

IV. Kasunduan

Panuto: Magsaliksik tungkol sa panitikan sa Panahon ng Hapon. Sipiin ang mga

mahahalagang akda na nakapaloob sa panahong ito.