(Sa ilang sandali lamang po ay magsisimula na ang ating palatuntunan.

Maari ugaliin po
natin ang pag mute ng inyong mga mic at ihanda ang inyong mga sarili.)

MABUHAY! Magandang umaga po sa inyong lahat!! Pasalubungan po natin ng isang

masigabong palakpakan ang mga mag aaral na magsisipagtapos sa taong panuruan
2020-2021 para sa paaralang Elementarya ng Sto. Cristo kasama ang mga guro , magulang,
punong guro , pangsangay na tagapamanihala, pangsangay tagapagmasid, kinatawan
ng unang Distrito, Punong lungsod at mga panauhin.

Nagpatotoo ang naranasan nating pandemya sa katagang “iba ang oras ng Panginoon sa
oras nating mga tao”. Natutunan natin mula sa ating karanasan, na ang plano Niya ay mas
malaki at mayabong kumpara sa mga plano na itinaas natin sa Kanya. Maraming nagbago
dahil sa pandemya at isa na rito ang edukasyon. Napalitan na ng “New Normal” ang mga
bagay at kagawian na kinasanayan natin noon. Ngunit kahit tayo ay naninibago pa at
nangangapa, naabot natin ang inaasam na pagsulong sa Edukalidad para sa ating mga
mag-aaral! Dahil ito sa aktibong pakikipagtulungan ng paaralan, mga magulang at
stakeholders na patuloy na umaagapay sa mga bata upang maitawid ang edukasyon
mula sa paaralan papunta sa bawat tahanan ng ating mga mag-aaral.
Ngayon, masasaksihan po natin ang seremonya ng pagtatapos sa Kindergarten ng mga
mag-aaral ng mababang paaralan ng Sto. Cristo.
Pagbati mula sa ating KINDERGARTEN VIRTUAL MOVING-UP CEREMONY! Tema :Kalidad ng
Edukasyon Lalong Patatagin sa Gitna ng Pandemya.
Ako po si Teacher Rovelyn B. Siaron, ang tagapagdaloy ng palatuntunan.

Bago natin simulan ang ating palatuntunan, ating awitin ang ating pambansang awit na
susundan ng isang panalangin mula sa batang aakyat sa unang baitang na si Leizan Jace
Gajila ng K-Violet sa gabay ni T.Angelica Marie Toralde at pag awit ng Himno ng NCR,
Lungsod Quezon, Sangay ng Lungsod Quezon

At ngayon nama’y ating pakinggan ang Pambungad na Pananalita ng isa sa mag aaral
na aakyat sa unang baitang sa turo ni Teacher Diona Rose Trofeo na Si Janlee R. Ambanloc
ng K-pink at nang ating pinakamamahal na Punong Guro ng Sto Cristo Elementary School
na si Gng. Francis Cristy C. Fonacier. At ito ay susundan ng pagpapakilala ng magsisipag
tapos sa taong panuruan 2020-2021 sa paaralang Elementarya ng Sto. Cristo.

*Maraming Salamat Mam Francis Cristy C. Fonacier!

Dahil ngayon ay magtatapos ang ating mga Kindergarten pupils, Narito si Gng. Alexis
Grace Lascano ang ating Gurong Tagapag ugnay sa KINDERGARTEN upang gabayan at
ipakilala ang ating Kinder Pupils sa ating Gurong Tagapag ugnay ng Grade 1 na si Mam
Rowena Estuye kasama ang ating napaka sipag na Dalubguro ng Kindergarten na si Gng.
Mary Lou Tamondong dahil sila ay magiging ganap na mag aaral na ng unang baitang.
*Maraming Salamat po Mam Alexis Grace Lascano , Mam Rowena Estuye at Mam Mary Lou
Tamondong ! Palakpakan po natin sila.

At sa puntong ito, pakinggan naman po natin ngayon ang mga mensahe mula sa
Pangsangay Tagamasid Pampurok na si Kagalang galang MARIMEL P. ANDES na susundan
naman ng mensahe ng Pansangay na Tagapamanihala na si Kagalang galang DR. JENILYN
B. CORPUZ, CESO VI at ang Panghuli ay walang iba Kundi si Kagalang galang JOSEFINA
"Joy" BELMONTE.

*Naway meron tayong natutuhan sa mga mensahe na ating napakinggan at maging

instrumento sila ng ating pagsisikap at pagtitiyaga para maabot ang inaasam nating
tagumpay.

Ngayon po ay ating masasaksihan ang paggawad ng sertipiko sa mga mag-aaral mula sa

klase ni Gng. Alexis Grace Lascano ang Kinder-Orange at Kinder-white na susundan ng klase
ni BB. Diona Rose Trofeo ang Kinder pink at Kinder Blue at masasaksihan din natin ang
paggawad ng sertipiko sa mga mag aaral mula sa klase ni Gng. Mary Ann Noche ang
Kinder Green at Red at ang panghuli ay ang mula sa klase ni Bb. Angelica Marie Tolade sa
ngalan ni Gng. Jenielyn R. Mesa

At ngayon pakinggan naman po natin ang pangwakas na pananalita mula sa klase ni

T.Alexis Grace Lascano na si JENARD P. FERNANDEZ ng K-White at ang ating
pinakamamahal na Dalubguro sa KINDERGARTEN na si Gng. Mary Lou Tamondong . Bigyan
po natin sila ng isang masigabong palakpakan.

Ang Sunod na bilang  ay pangwakas na awit mula sa mga batang aakyat sa unang
Baitang. Bigyan po natin sila ng isang masigabong na palakpakan.

Dito man natatapos ang ating palatuntunan ngunit ito ang simula ng bagong pahina ng
ating mga buhay. Congratulations mga mahal naming magulang at mga mag-aaral! Sa
ngalan ng mga Guro sa Kindergarten sa pangunguna ni Gng. Alexis Grace C. Lascano, BB.
Diona Rose T. Trofeo, Gng. Mary Ann L. Noche,Gng. Jenneilyn R. Mesa at Bb. Angelica Marie
M. Toralde, ako po si ROVELYN B. SIARON ang tagapagdaloy ng palatuntunan. Maraming
salamat sa inyong lahat.

Magandang Tanghali at Mabuhay po tayong lahat.