శ్రీరాధాకృష్ణస్తు తిః

నవలలితవయస్కౌ నవ్యలావణ్యపుంజౌ

నవరసచలచిత్తౌ నూతనప్రేమవృత్తౌ .

నవనిధువనలీలాకౌతుకేనాతిలోలౌ

స్మరనిభృతనికుంజే రాధికాకృష్ణచంద్రౌ ..

ద్రు తసుకనకసుగౌరస్నిగ్ధమేఘౌఘనీల-

చ్ఛవిభిరఖిలవృందారణ్యముద్భాసయంతౌ .

మృదులనవదుకూలే నీలపీతే దధానౌ

స్మర నిభృతనికుంజే రాధికాకృష్ణచంద్రౌ ..

ఇతి శ్రీరాధాకృష్ణస్తు తిః సమాప్తా .

రాధోపనిషదోక్త ఱాధానామాని

రాధా రాసేశ్వరీ రమ్యా కృష్ణమంత్రాధిదేవతా .

సర్వాద్యా సర్వవంద్యా చ వృందావనవిహారిణీ ..

వృందారాధ్యా రమాశేషగోపీమండలపూజితా .

సత్యా సత్యపరా సత్యభామా శ్రీకృష్ణవల్లభా ..

వృషభానుసుతా గోపీ మూలప్రకృతిరీశ్వరీ .

గాంధర్వా రాధికాఽఽరమ్యా రుక్మిణీ పరమేశ్వరీ ..

పరాత్పరతరా పూర్ణా పూర్ణచంద్రనిభాననా .

భుక్తిముక్తిప్రదా నిత్యం భవవ్యాధివినాశినీ ..

రాధాప్రార్థనాచతుఃశ్లోకీ

కృపయతి యది రాధా బాధితాశేషబాధా

కిమపరమవశిష్టం పుష్టిమర్యాదయోర్మే .

యది వదతి చ కించిత్స్మేరహాసోదితశ్రీ-

ర్ద్విజవరమణిపంక్త్యా భుక్తిశుక్త్యా తదా కిం .. 1..

శ్యామసుందర శిఖండశేఖర

స్మేరహాస్య మురలీమనోహర .

రాధికారసిక మాం కృపానిధే

స్వప్రియాచరణకింకరం కురుష్వ .. 2..

ప్రాణనాథ వృషభానునందినీ

శ్రీముఖాబ్జరసలోలషట్పద .

రాధికాపదతలే కృతస్థితి-

స్త్వాం భజామి రసికేంద్రశేఖర .. 3..

సంవిధాయ దశనే తృణం విభో

ప్రార్థయే వ్రజమహేంద్రనందన .

అస్తు మోహన తవాతివల్లభా

జన్మజన్మని మదీశ్వరీ ప్రియా .. 4..

ఇతి శ్రీవిఠ్ఠలేశ్వరవిరచితా రాధాప్రార్థనాచతుఃశ్లోకీ సంపూర్ణా .

శ్రీరాధాష్టకం

ఓం దిశిదిశిరచయంతీం సంచయన్నేత్రలక్ష్మీం

విలసితఖురలీభిః ఖంజరీటస్య ఖేలాం .

హృదయమధుపమల్లీం వల్లవాధీశసూనో-

రఖిలగుణగభీరాం రాధికామర్చయామి .. 1..

పితురిహ వృషభానో రత్నవాయప్రశస్తిం

జగతి కిల సయస్తే సుష్ఠు విస్తా రయంతీం .

వ్రజనృపతికుమారం ఖేలయంతీం సఖీభిః

సురభిని నిజకుండే రాధికామర్చయామి .. 2..

శరదుపచితరాకాకౌముదీనాథకీర్త్తి-

ప్రకరదమనదీక్షాదక్షిణస్మేరవక్త్రాం .

నటయదభిదపాంగోత్తుంగితానం గరంగాం

వలితరుచిరరంగాం రాధికామర్చయామి .. 3..

వివిధకుసుమవృందోత్ఫుల్లధమ్మిల్లధాటీ-

విఘటితమదఘృర్ణాత్కేకిపిచ్ఛుప్రశస్తిం .

మధురిపుముఖబింబోద్గీర్ణతాంబూలరాగ-

స్ఫురదమలకపోలాం రాధికామర్చయామి .. 4..

నలినవదమలాంతఃస్నేహసిక్తాం తరంగా-

మఖిలవిధివిశాఖాసఖ్యవిఖ్యాతశీలాం .

స్ఫురదఘభిదనర్ఘప్రేమమాణిక్యపేటీం

ధృతమధురవినోదాం రాధికామర్చయామి .. 5..

అతులమహసివృందారణ్యరాజ్యేభిషిక్తాం

నిఖిలసమయభర్తుః కార్తికస్యాధిదేవీం .

అపరిమితముకుందప్రేయసీవృందముఖ్యాం

జగదఘహరకీర్తిం రాధికామర్చయామి .. 6..

హరిపదనఖకోటీపృష్ఠపర్యంతసీమా-
తటమపి కలయంతీం ప్రాణకోటేరభీష్టం .

ప్రముదితమదిరాక్షీవృందవైదగ్ధ్యదీక్షా-

గురుమపి గురుకీర్తిం రాధికామర్చయామి .. 7..

అమలకనకపట్టీదృష్టకాశ్మీరగౌరీం

మధురిమలహరీభిః సంపరీతాం కిశోరీం .

హరిభుజపరిరబ్ధ్వాం లఘ్వరోమాంచపాలీం

స్ఫురదరుణదుకూలాం రాధికామర్చయామి .. 8..

తదమలమధురిమ్ణాం కామమాధారరూపం

పరిపఠతి వరిష్ఠం సుష్ఠు రాధాష్టకం యః .

అహిమకిరణపుత్రీకూలకల్యాణచంద్రః

స్ఫుటమఖిలమభీష్టం తస్య తుష్టస్తనోతి .. 9..

ఇతి శ్రీరాధాష్టకం సంపూర్ణం ..

శ్రీరాధాష్టోత్తరశతనామస్తోత్రం

అథాస్యాః సంప్రవక్ష్యామి నామ్నామష్టోత్తరం శతం .

యస్య సంకీర్తనాదేవ శ్రీకృష్ణం వశయేద్ధ్రు వం .. 1..

రాధికా సుందరీ గోపీ కృష్ణసంగమకారిణీ .

చంచలాక్షీ కురంగాక్షీ గాంధర్వీ వృషభానుజా .. 2..

వీణాపాణిః స్మితముఖీ రక్తా శోకలతాలయా .

గోవర్ధనచరీ గోపీ గోపీవేషమనోహరా .. 3..

చంద్రావలీ-సపత్నీ చ దర్పణస్థా కలావతీ .

కృపావతీ సుప్రతీకా తరుణీ హృదయంగమా .. 4..

కృష్ణప్రియా కృష్ణసఖీ విపరీతరతిప్రియా .

ప్రవీణా సురతప్రీతా చంద్రాస్యా చారువిగ్రహా .. 5..

కేకరాక్షా హరేః కాంతా మహాలక్ష్మీ సుకేశినీ .

సంకేతవటసంస్థా నా కమనీయా చ కామినీ .. 6..

వృషభానుసుతా రాధా కిశోరీ లలితా లతా .

విద్యుద్వల్లీ కాంచనాభా కుమారీ ముగ్ధవేశినీ .. 7..

కేశినీ కేశవసఖీ నవనీతైకవిక్రయా .

షోడశాబ్దా కలాపూర్ణా జారిణీ జారసంగినీ .. 8..

హర్షిణీ వర్షిణీ వీరా ధీరా ధారాధరా ధృతిః .

యౌవనస్థా వనస్థా చ మధురా మధురాకృతి .. 9..

వృషభానుపురావాసా మానలీలావిశారదా .

దానలీలా దానదాత్రీ దండహస్తా భ్రు వోన్నతా .. 10..

సుస్తనీ మధురాస్యా చ బింబోష్ఠీ పంచమస్వరా .

సంగీతకుశలా సేవ్యా కృష్ణవశ్యత్వకారిణీ .. 11..

తారిణీ హారిణీ హ్రీలా శీలా లీలా లలామికా .

గోపాలీ దధివిక్రేత్రీ ప్రౌఢా ముగ్ధా చ మధ్యకా .. 12..

స్వాధీనపకా చోక్తా ఖండితా యాఽభిసారికా .

రసికా రసినీ రస్యా రసనాస్త్రైకశేవధిః .. 13..

పాలికా లాలికా లజ్జా లాలసా లలనామణిః .

బహురూపా సురూపా చ సుప్రసన్నా మహామతిః .. 14..

మరాలగమనా మత్తా మంత్రిణీ మంత్రనాయికా .

మంత్రరాజైకసంసేవ్యా మంత్రరాజైకసిద్ధిదా .. 15..

అష్టా దశాక్షరఫలా అష్టా క్షరనిషేవితా .

ఇత్యేతద్రాధికాదేవ్యా నామ్నామష్టోత్తరశతం .. 16..

కీర్తయేత్ప్రా తరుత్థా య కృష్ణవశ్యత్వసిద్ధయే .

ఏకైకనామోచ్చారేణ వశీ భవతి కేశవః .. 17..

వదనే చైవ కంఠే చ బాహ్వోరురసి చోదరే .

పాదయోశ్చ క్రమేణాస్యా న్యసేన్మంత్రాన్పృథక్పృథక్ .. 18..

.. ఓం తత్సత్ ..

ఇత్యూర్ధ్వామ్నాయే రాధాష్టోత్తరశతనామకథనం నామ ప్రథమః పటలః ..