Editor
JC Lalthanfala
HLIMKHawpuI
Estd 2005 Kumpuan : Zirna Uar
N. Hlimen Branch Y.M.A. Kartin Chanchinbu Kum 16-na, Issue No. 40 Dt. 24.10.2021
 Hunawl hman that  Zofate hmasawnna ngaihtuah
YMA HUANG
VC leh YMA inkawm ho:
Ni 16.10.2021 zan-a VC leh YMA Joint Com-
mittee chuan N.Hlimen khaw ram huam chhunga lui awm
te humhalh a rel a. Sangha fuan te a lo hun chhoh leh tak
avangin he thurel ni atanga thu leh awm hma chu Builum
leh Hache luiah te eng hmanrua maha sangha man phal a ni
lo tih khawtlang mipuite kan inhriattir a ni. Hei bakah hian
ramvah chungchangah leh luité a kal chungchangah te,
khawtual mi ni lo, khaw dang mi tan N.Hlimen khaw ram
chhunga hetiang ti tura lo luh phal a ni lo va, khawtual mi te
pawhin khaw dang mite kan ram chhunga sangha man leh
ramvah lo thurualpui phal a ni lo.
He hriattirna hi bawhchhia kan awm a hriat chhuah
kan nih chuan Rs 1000 chawi bakah a tul ang thuneitu
sang zawk hnena thlen an ni thin ang.
Dan bawhchhia kan hriat chuan VC leh YMA
hruaitute hnenah hriattir thin tur a ni.
COVID APPROPRIATE BEHAVIOUR (CAB)
Covid-19 laka him tlanna tura kan zawm tur
nunphung tha te:
1. Intawk kher lovin in chibai mhin tawh ila.
2. Khawiah pawh hnaihchilh lova feet 6 tal inkarhlata awm
zel nise.
3. Hmaituamna hmanga hmui-hmai tuam reng nise.
4. Mit, Hnar leh Ka te khawih loh tur a ni.
5. Respiratory Hygiene vawng la Khuh leh hahchhiau n
hmai hup/tuam rawh.
6. A khat tawkin sahbawn nenfai taka kut silfo tur a ni.
7. Khawih fo mhin hmunhmate tih thianghlim fo mhin tur a
ni.
8. Chil chhak/pik mai mai loh tur a ni.
9. Tul tak lovah zin veivah pummpelh rawh.
10. Mi tute mah thlei hrang lo la, Covid-19 vei te thinhrik
suh.
11. Mipui punkhawmna pumpelh la, hri lakah him rawh.
12. Social media-a thu veivak nazawng, a dik tih fiah lovin
thehdarh ve ngawt suh.
13. Covid-19 lam hawi thu Sawrkara mawhphurtute hnen
atanga chhuak ani em tih ngaichang hmasa thin rawh.
14. Hriat duh leh mamawh reng reng chu National Help
Line 1075-ah emaw State Helpline 1070-ah emaw
Health Department Helpline 102-ah zawtfiah mhin ang
che.
15. Hripui leng vanga rilru thlabar/phili/chiai te tan rilru lama
mithiam rawn ang che.
Hlimkhawpui semtute : Anita Vanlallenpuii, Lalhruaitluanga, MaryVanlaldinpuii, Rebek Remsangpuii,
Elizabeth Lalnunpuii, Niangzokimi, Paulalvena, Lalruatfeli
Joint Editor
Laltlanmawia
News Editors
SR Ramngaihzuala
Lianhminghlua
K.Lalrinfela
Cir. Manager
Chhundinga
 Kristian nun dan tha ngaihsan
ZIRNA UAR : TUMRUHNA
Kumin 2019 atanga YMA Kumpuan atana kan
hman "Zirna Uar" tih chu kan tunlai boruak avangin sikul
kan kal hlei thei lova, Zirna kan uar tur kum berah zirna
in hrang hrang te a inkhar thuap lawi si a, kumpuan
lama hmalatu YMA Branch tan pawh tihvak ngaihna a
awm lova, tih tur avang duh khawp mai. Chutihrual erawh
chuan, tunlai hrileng avanga sikul kal theih lohna hmunah
pawh Online Education an kalpui a, an theih ang tawk
tawkin zirna chu an kalpui tho rualin zirlaiten hmathlir
thui tak kan neih angai hle a, chuvang chuan Kumpuan
lam hawiin hetiang zawng hian infuih tharna kan han nei
dawn a ni.
Zirna kan kalpui laia pawimawh em em pakhat
chu TUMRUHNA hi a ni kan ti thei awm e. Eng zirlai
pawh ni ila Pawl 1 atanga achunglam leh zirna lam
kaihhnawih hrang hrang te. Tumruhna tel lo chuan khawi
ram mah a thlen thei loh ti ila kan sawi sual em loving
chu maw! Zirlai tupawh inzawt ta ila; engnge nih I tum?
Kan sawi tlanglawn ber turah chuan Sorkar hna eng
emaw ber thawh kan tumin chutiang beisei chuan lehkha
kan zir deuh vek awm e. Amaherawhchu, tuna zirlaite
hian kan ni vek thei dawn lo va, kan nihtum hi Mizoram
Sorkar hna zawng zawng hian min daih loh avangin kan
ni thei dawn lo a, chutiang chu mi tlemte thlen theih tur a
nih avangin kan tum kan tihruh sauh sauh a, kan tumah
kan chiana, kan theihna zawng zawng sawm khawm
chunga kan beih a ngai a, kan nih tum ber thleng thei
turin tihtak thlaka kan beih angai takzet a ni tih kan hriat
chian a pawimawh hle. Chuvang chuan kan thil tih tur
leh kan tumah chiang taka kan awm a, kan thlen theih
ngeina tur Goal kan in siam thiam pawh a ngai hle.
Tumruhna hmelma lian ber chu beidawnna a ni.
Mi beidawng te nunah chuan engmah awh awm a awm
ngai lova, an nunah hlawhchhamna leh tling lo nih
inhriatna a len ber avangin beidawng nih hi khawvela
hlauhawm ber te zing ami kan ti thei bawk awm e.
Zirlaiten lehkha zirnaah beidawnna kan neih chuan kan
hlawhtling thei dawn lova, hlawhchham chang te, thiam
theih loh chang te, rilru a luh loh avang ngaihtuah thiam
theih loh chang te kan ngah thin hle ang. Chutiang hunah
chuan tumruh taka kan nih tum kan nih theih nana
theihtawp kan chhuah angai tak meuh meuh a ni. Mi
thatchhia reng reng an tum a ruh ngai lova, an tumah
pawh an chiang ngai hek lo. An thiltihna reng rengah
zawmthaw takin thil an ti a, mi laktlak an awm mawh
khawp mai. Chuvangin, thatchhe lovin taima takin,
Phek lehlamah chhunzawm
 N. Hlimen Branch Y.M.A. Kartin Chanchinbu Kum 16-na
Editorial...  CHANGKANG
Changkang tih tawngkam kan hriat dan hrim hrim
hi a fuh lo a, chu chuan a tak ram thleng pha lo, a boruaka
changkanna a hring a, chutah chuan hmasawnna a awm
lo. Naupang chu 'A changkang tawh hle mai' kan tih
chuan thiam thil tam tak a neih belh tawh a, a fel tawh hle
a, a nuna tangkai tur thil tam tak a hriat belh tawh a ni.
Damlo chu 'A changkang hle mai' kan tih chuan a taksaa
thil tha lo tam tak a bo tawh a, a nunah hmasawnna hmuh
tur a awm tawh a ni.
Tichuan changkang chu 'Mahni tana
pawimawh leh tangkai tur thiam belh a, mahni tana
tha lo leh pawi tur awm tlêm tial tial' sawina a ni
kan ti thei ang.
Tunlaia 'Changkang' kan tih tam tak hi chu
hmasawnna thlen lo, nun zelna atana tangkai lo thlentu ni
thei zawk a ni a, hengte hi chu 'Changkang' tih ve chi a ni
lo, thil tha lo zawk a ni.
Changkang Lifestyle pawh hi a tlaran zawng ni
lo, a thawk chhuak leh khawl khawm zawng zawk tur hi
a ni. Intihhlim leh huau huau lam a ni lo, thiam belh,
hmasawn, thil tha lo kalsan lam zawk a ni. I changkang
dikin i changkang em???
Phek lehlam chhunzawmna
hlawhtlin tum tlat in, tumruhna nei chunga zirlai kan beih
tauh tauh angai a ni.
Tumruhna chuan kawng dikah min hruai thin a,
kan hmaah eng harsatna pawh tawk I la, kan tumruhna in
hnehna min chanpuiin kawng dik leh thaah min hruailut fo
thin. Kan tum a ruh a, kawng dik kan ngaihtuah peih phawt
chuan kan hlawhtling ngei ngei ang tih ring tlat ang u. Martin
Luthera chuan "Zirnnaa hlawhtling kan tihte chu
ngaihtuahna hmangthiam leh thil awm lo ngaihtuh chhuak
thiam te kan tih hi an ni a, mi thiam leh mi bik kan tih te
pawh hi an ngaihtuahna leh an rilru an sen peh vang mai
mai a ni" a lo ti a. Heta lang chiang em em chu hlawhtlinna
bul chu tumruhna a la ni tho tho. Chuvang chuan
ngaihtuahna hmangthiam tak te, thil ngaihtuah chhuak
thiam takte kan nih theihna tur chuan kan taimak a, kan
beih tauh tauh phawt loh chuan kan hlawhchham ngei
ngei ang. Hlawhtlinna hi kan bulah a rawn awm tawp
dawn lo a, kan hmaah a rawn inchhawp tawp dawn lo a,
miin a pekin min rawn pe tawp thei bawk hek lo. Kan
beih a, kan thawh a, kan hmachhawn a, kan sualchhuah
angai a ni tih hre reng ila, ka tum nge ruh saruh kan tih a
kan tan mar pât chuan kan thlenna tur chin (Goal) ah kan
lut ngei ngei ang.
A tawp berah chuan, Zirlaiten thiamna tak tak
kan neih theihna tura hmanraw tangkai bera kan sawi
tumruhna hian zirna piah lamah kan nitin nunah te, mihring
kan nih chhunga kan neih reng tur leh kan hman chhuah
fo tur a nih avangin engpawh hmachhawn dawn ila kan
hman ngei ngei tur a nih avangin tu tan pawh a tangkai a,
kan tum a ruh phawt chuan engang harsatna pawh
hmachhawn dawn ila hnehna kan chang zel ang, kan
zavaiin kan tum i'n tiruh leh sauh sauh ang u hmiang.
Published by : Young Mizo Association, N. Hlimen Branch, 197 Copy, Contact: 8787561967
Issue No. 40 Dt. 24.10.2021
LawRKHawM
N.Hlimen Huan Neitu Pawl:
N.Hlimen Huan Neitu Pawl atanga thu kan hmuh
angin N.Hlimenah pawh huan siam kan lo pung zel a, kan
huan thlaite rahseng a hun chho mek a, a man kan tel tan
mek bawk a. HUAN NEITU PAWL pawhin kan thawh
rah seng leh ven kawngah hma kan la zel a, Pu Lala
Serthlum lo ruksak an awm tih an hriatin pawi a ti a, thil
rututen an thil ruk man ang hu chawi ngei turin hma lakpui
a ni. Kuhvate Vai leisa lo ru hriat anih chuan HUAN
NEITU PAWL in hmalak an tum zel dawn ani.
Mizorama Cancer dinhmun a rapthlak:
Population Base Cancer Registry, Aizawl Civil
Hospital-a thawktuten an chhinchhiah danin, Mizoramah
kum khatah cancer vei thar mi 1,600 aia tam zel an awm
a, kum liam ta 2020 chhung bikah khan cancer vangin mi
1,094 an thi a, ni khatah mi 2 zel thi ang ang ni. Kum
2015 atanga 2020 thlenga cancer vei zat chhinchhiahna
atanga a lan danin cancer veite hi kum tin hmeichhia aiin
mipa an tam zawk zel a ni. Kum 2021-ah September
thla thleng khan cancer vei thar mipa 388 leh hmeichhia
312, an vaiin mi 700 an awm. Cancer avang hian kum
2019 atang khan mitthi hi 1000 an la tling ziah a ni. Mipa
zingah pumpui (stomach) cancer leh chaw kawng
(oesophagus) cancer an tam ber a. Mipa cancer 16%
chu hetiang cancer hi an ni. Hmeichhe cancer zingah chhul
(cervic) cancer, lung leh hnute (breast) cancer an tam fal
hle bawk. Hmeichhe cancer zinga 13% chu hetiang ang
cancer hi an ni.
Mizoram Lui humhalh:
Mizoram Fisheries Amendment Act 2016 section
5(1) leh (2) behchhanin Mizoram sorkar chuan ni
20.10.2021 khan luia nungcha leh sangha chi hrang
hrangte an inthlahpun hun chhunga tih chhiat leh tih buai
an nih lohna turin leh him taka an inthlahpun theih nan
sangha leh nungcha man a khap a. He khapna hian ni
10.10.2021 atanga 18.12.2021 thleng a huam ang. Hemi
hun chhunga hetiang tilui an awm chuan Thla khat chhung
lung in tan, thla 3 chhung pawhsei theih emaw cheng
5000/- chawitir emaw a pahnihin emaw hrem an ni ang.
Lui humhalh hian Mizoram chhunga lui leh luite zawng
zawng (Autonomous District Council area huam tel lovin)
a huam a ni. Sorkar khapna thupek hi zawm theuh i tum
ang u.
Kum khat chhung Mobile RT-PCR Van
hmang hawh dawn: Ni 19.10.2021 khan Mizoram
sorkar chuan Central sorkar nen kum khat chhung atan
Mobile RT-PCR Van (Covis test-na) hmang turin inremna
thuthlung an ziak fel. He RT-PCR Testna motor hi
buatsaih mek niin hun rei lo teah Mizoram a lo thlen beisei
a ni a. He inremna hi kum khat chhung atan niin Sawrkar
laipuia Department of Biotechnology in a thawktu leh tul
dangte a rawn tum dawn a ni.