Editor
JC Lalthanfala
HLIMKHawpuI
Estd 2005
N. Hlimen Branch Y.M.A. Kartin Chanchinbu Kum 16-na, Issue No. 42 Dt. 7.11.2021
 Hunawl hman that  Zofate hmasawnna ngaihtuah
YMA HUANG
YMA Gen. Conference agenda tur thlifim:
YMA Central Executive Committee
(CEC) chu October 30, Inrinni khan CYMA Committee
Room-ah an thukhawm a, YMA General Conference neih
tura Aizawl khawpui chhung atanga agenda tur lutte an
thlifím.
Thutkhawm hi CYMA President Vanlalruata'n a
kaihruai a, member 49 an tel. General Conference agenda
atana Aizawl atanga lut an thlitfim tawhte chu YMA Central
Coordination Committee-ah pharh a ni ang a, chuta tlangte
chu inkhawmpui lianah rel zui leh a ni ang.
Agenda tura an thlan thenkhat:
1. Ruihhlo chungchanga inzirtirna sorkar/kohhran/pawl
dangte sáwmin inzirtirna nasa zawkin kalpui ni rawh se.
2. Mizoram ramri hi sorkarin a rang lama chinfel dan
ngaihtuah rawh se.
3. Zirna sikulah Mizo hnam làm zirtir a nih theih nan sorkarah
thlen ni rawh se.
4. Kumpuan atana rawtte: i) 'Ram leh hnam humhalh';
ii) 'Zirna uar'
H RI ATT I RNA
Special Summary Revision of Photo Electoral Rolls
2022 chu tih a lo hun leh ta. Electoral Roll thar atan hengte
hi a tih theih e:- (a) Hming thun thar (b) Hming paih (c)
Insawn (d) ID Card-a thlalak hlui a thar a thlak (e) Hming,
inlaichinna, pianni etc. siamthat. Hetiang ti duh tan
November, 2021 thla chhungin BLO hnenah a dil theih e.
Hming thun thar tur tan:
1. Electoral Roll-a hming thun thar tur chu ni 1.1.2022 a
kum 18 tling chin a ni tur a ni. A awmzia chu ni 1.1.2004
hma lama piang tihna a ni.
2. Online-a tih vek tum anih avangin document pawimawh
te a softcopy (a thlalak) neih a tawk mai.
Hrechiang duh leh zawhfiah duh nei chuan phone
number tarlanah hian zawhfiah theih a ni.
J.C Lalthanfâla
Booth Level Officer
6/28 N.Hlimen, Phone No. 8787561967
Hlimkhawpui semtute : Anita Vanlallenpuii, Lalhruaitluanga, MaryVanlaldinpuii, Rebek Remsangpuii,
Elizabeth Lalnunpuii, Niangzokimi, Paulalvena, Lalruatfeli
Kumpuan : Zirna Uar Joint Editor
Laltlanmawia
News Editors
SR Ramngaihzuala
Lianhminghlua
K.Lalrinfela
Cir. Manager
Chhundinga
 Kristian nun dan tha ngaihsan
ZIRLAITE HNENA THUCHAH
- PC Nghaklianmawia
Zirlai duhtak,
Thiamna hi pawisa sumin a lei theih loh, leia
kan dam chhunga kan ro hlu ber pakhat a ni tih vawng
reng la. Chuvangin englai mahin zir thiamna hi hmusitin
hnualsual ngai suh ang che. He khawvelah hian sum leh
paiin ro rêl tumin tan a la nasa hle thin. Mahse he thiamna
hi chu sum leh pai chunga leng a ni a, tangka sumin a
khawih buai phak a ni lo. Chuvangin neih tumin um la,
bei la, sual la, hnehtu nih tum ang che.
Khawvel ningkhawng leh mihring nunphung i
rawn hre chho zau ve tial tial ang a, a kawng tluang
pangngai zawh peih lo va, a awlsam leh kawitan (short
cut) zawng ngar ngartute nen pawh in la inhnim hnaih
hun a la awm ang. Thlantui far lova degree neih theihna
khawvelin a la nuai ve ngei ang che. Tangka sum hmanga
thiamna lei tumte leh chutiang mite chu i hmuh pawhin
mak ti suh. Khawvel ze ken pakhat a ni. Nang erawh
chuan thiamna leh finna hi thlantui far hmanga
hlawhchhuah tur a ni tih vawng reng la. A kawng harsa
apiang hi a rah a thlum thin tih theihnghilh hauh suh ang
che. Mi hlemhle leh zawmthaw te zinga i khawsak hunah
pawh mihrâng Nehemia angin, "Kei zawngin ka Pathian
\ihna avangin chutiang chu ka ti ve lo" ti tlat la, chu chuan
i nunkawnga inchhirna tur tam tak lakah a chhandam
dawn che zuk nia.
I siamtu hrereng rawh. Finna leh thiamna zawng
zawng bul leh a kawltu chu Pathian a ni tih hrereng la.
Englaipawhin Amah chu hlat reng reng suh ang che. I lo
kal tluang zel a, eng eng thiamna emaw i lo pawchhuak
a, tute tan emaw \angkai i lo ni ve palh ta hlauh a nih
pawhin tute emaw tihdan angin officer chapo emaw,
mithiam nelawmlo emaw ni ve hauh suh ang che. I
thiamna leh finna kha nangma hlawhchhuah chauh emaw
ti suh. Chu chuan chapona thangah a awhtir thuai ang
che. I siamtu zara kha thiamna leh finna kha nei ve thei
chauh i ni tih hrereng la, i siamtu kalh zawngin hmang
reng reng suh ang che. I mihringpuite rawngbawl nan
hmang la. Hmeithai leh rethei te, mi chhumchhia te
ngaihthah ngai suh. I thiamna leh finna denchhena i tanpui
theihna dawhkana an awm laiin ngaihthah hauh suh ang
che.
Tlawm tak leh thuhnuairawlh takin nung la,
chapona hi mihring hmelma a ni tih hrereng ang che.
Phek lehlamah chhunzawm
 N. Hlimen Branch Y.M.A. Kartin Chanchinbu Kum 16-na
Phek lehlam chhunzawmna
Midang tluk tumin lehkha zir lo la, midang khum tumin
lehkha zir thin ang che. Rualelna rilru pu la, taihmak chhuah
la, thahnemngai ang che. School-ah hian lehkha chauh va
zir lo la, nun awmzia leh nungchang mawi pawh va zir tel
ang che. Hmanah khan India hnam pa Mahatma Gandhi-
a chuan, "Education is all round development" a lo ti daih
tawh a. Chu thudik chu vawiinah pawh hian thudik a la ni
reng. Zirna hi a hmang thiamtu leh chhar tangkaitu tan
chuan kawng tinrenga hmasawnna a ni reng a ni. I kawng
tur thlan fel nachang hria la, ngaihdan (principle) nghet
tak nei la, miten a tha an tih avang ngawtin i tui miah lohna
lamah kal vak suh. Chu chuan a la vaw chhe der thei che.
I tuina lam ngaihven la, chumi kawngah chuan hlawhtling
turin tlan vak mai rawh. He khawvelah hian thil engpawh
hi miin tihtak zeta a beih chuan a hlawhtlinpui thei zel zuk
nia. A sang emaw, a hniam emaw, hlawhtlinpui khawpa i
beih chuan tumah an hmusit ngawt thei lo che tih hrereng
la, taihmak chhuah ang che.
Beidawnna hi mihring hmelma hlauhawm ber a ni
tih hrereng ang che. I beidawn tawh chuan i tân khawvel
a tawp tawh tihna a ni. Vawi engzata tam pawh
hlawhchham la, vawi engzata tam pawh tlu la, beidawng
ngai suh ang che. I ti thei a, i la bei nawn leh thei a, i hneh
thei a ni tih hi pawm nghet tlat la. I tluk apiangin tho leh
nghal vat zel ang che.
Thiam zirna kawnga intlansiakna track chhungah
i tlan lut ve tan ta. I elpui turin mi sang tam tak zi nuaih
nuaih chu bengkhawn lo la, i thlenna tur (goal/finishing
line) chauh en la, i ding leh veilam en lovin i hmalam chauh
en ang che. I elpuiten hmanraw tenawm leh diklo tak
hmanga hlawhtlinna an chang anih pawhin awt suh la,
hnual duh hek suh ang che. Dik takin, fair takin bei la,
beidawng lovin bei zel la, hneh tum ang che.
Tumah huphurh suh, nang aia lian a ni emaw, hausa
zawk a ni emaw, chhungkaw changkang atanga seilian
an ni emaw, hmelhriat an nei tha bik a ni emaw, zirtirtu
lam hnai an ni a, duhsak an hlawh bik a ni emaw, tumah
hlau suh la, huphurh hek suh ang che. Zirtirtute duhsak
hlawhloh khawharthlakzia leh kan thiam zawkna rengah
pawh a hniam zawka dah luih nih hrehawmzia hi i hmaa
mihuai kal hmasa ten an lo paltlang vek tawh. Mahse,
chung mite chuan midangte neih loh an nei a, chu chu "An
beidawng ve ngailo" hi a ni. Chu thurin chu vawng tlat la,
beidawng lovin bei la, sual la, hneh rawh.
Exama-naa pass turin zir lo la, THIAM turin
lehkha zir thin ang che. Mi thiam chhawr tlak loh te, de-
gree sang hmantlak si lohte an lo chhuah vak vak na chhan
hi i ngaihtuah ve ngai a nih chuan exam naa pass tur chauhin
lehkha an zir thin a, thiam tak tak tumin lehkha an zir
ngailoh vang a ni. I pawl zat leh i thiamna chu a inmil/
intluk ngei tur a ni. BA degree neia saptawng pawha i
biak theih loh a nih chuan i BA degree chu i paih thla
ngam tur a ni. Degree hi pawnlama thiamna entirtu zawng
a ni ngei mai. Mahse, thiamna tak tak chu kan kutchhuak
leh keimahni atanga chhuakah hian a lang zawk thin.
Published by : Young Mizo Association, N. Hlimen Branch, 197 Copy, Contact: 8787561967
Issue No. 42 Dt. 7.11.2021
LawRKHawM
Builum leh Hache lui humhalh tlat a ni:
N.Hlimen Village Council leh N.Hlimen YMA
Joint Committee chuan N.Hlimen khaw ram huam
chhunga lui awm te humhalh a rel a. Sangha fuan te a lo
hun chhoh leh tak avangin thu leh awm hma chu Builum
leh Hache luiah te eng hmanrua maha sangha man phal a
ni lo. He hriattirna hi bawhchhia kan awm a hriat chhuah
kan nih chuan Rs 1000/- chawi bakah a tul anga thuneitu
sang zawk hnena thlen an ni thin ang. Dan bawhchhia
kan hriat chuan VC leh YMA hruaitute hnenah hriattir
thin tur a ni.
Mizoram sorkar chuan thuchhuah siamin
Mizoram Fisheries Amendment Act, 2016 Section 5(1)
leh (2) behchhanin luia nungcha leh sangha chi hrang
hrangte inthlahpun hun chhung, ni 10 October atanga ni
18 December, 2021 chhung hian Nghalim, Nghadawl,
Chakai, Chengkawl leh Kaikuangte khauh taka humhalh
mek a bawk a. He khapna bawhchhiate chu thla khat
chhung Lungin tan, thla thum thlenga pawhsei theih emaw
Rs. 5000 chawitir emaw, a pahniha hrem kawp emaw
theih an ni. Kan luia nungchate an rem mai lohva, tha
taka an inthlahpun zel theih nan mitinin tha takin i zawm
tlang ang u.
Tuirial Bye Election result puang:
Thla kalta October ni 30-a Tuirial Assembly bial
bye-election ah MNF official candidate Pu K.
Laldawngliana chuan vote 5,820 hmuin hneh takin thlan
tlin a ni. Vote 17,911 awmna Tuirial Assembly biala bye-
election ah hian vote 14,561 a tla a, vote tla hi za zelah
81.92 a ni a, Vote tla zawng zawng atanga zaa 39.89 chu
Pu K.Laldawngliana, MNF Candidate hian a hmu a,
vote tla za zela 31.09 chu Pu Laltlanmawia, ZPM
candidate in changin, INC Candidate Pu Chalrosanga
Ralte chuan za zela 26.92 a hmu a. BJP Candidate Pu
K.Laldinthara'n zaa 01.69 a hmu a, NOTA ah vote 61 a
tla bawk a, hei hi vote tla zawng zawng atanga za zela
0.42 a ni.. MLA atana tlinga puan tak Pu K.Laldawngliana
hnaih bertu hi Pu Laltlanmawia, ZPM candidate a ni a, a
ni hian Vote 4,536 a hmu a, a phak lohna hi vote 1,284 a
ni a, Pu Chalrosanga Ralte, INC Candidate hian vote
3,927 a hmu bawk a ni.
Khawvel ram hruaituten Ramngaw
tihchereu loh intiam: Glasgow-a COP26 Climate
summit-ah khawvel ram hruaitu 100 chuangte chuan kum
2030-a ramngaw tih-chereu sim leh ngaw tipung zawnga
hmalak an intiam.He thutiamah hian Amazon ramngaw
inzar pharhna Brazil pawhin hming a ziak a. He thutiam
hian public leh private fund dollar tld. 19.2 a keng tel a ni.
Mithiamte chuan khawvel ram hruaitute thutiam chu tha
an ti hle a, mahse, kum 2014-a ramngaw tihrem timuang
tura an lo intiam a hlawhchham tawh avangin thutiam chu
hlenchhuah tur a ni tiin an vaukhan a ni.