Editor
JC Lalthanfala
HLIMKHawpuI
Estd 2005
N. Hlimen Branch Y.M.A. Kartin Chanchinbu Kum 16-na, Issue No. 11 Dt. 21.03.2021
 Hunawl hman \hat  Zofate hmasawnna ngaihtuah
YMA HUANG
Light & Sound Sub-Committee hnatlang:
Ni 16.3.2021, thawhlehni zan khan Light & Sound
Sub-Committee-te chuan kan sound system lei thar fit
\hat leh a \ul \ul thawkin hnatlang an nei.
Conference Inbuatsaihna Hnatlang:
Pualreng Group YMA Conference ni 29.3.2021
a kan thlen tur inbuatsaih nan ni 27.3.2021 (Inrinni)-ah
Branch Executive Member-te, Usher tur te, Banner &
Decoration Sub-Committee-te, Reception Sub-Commit-
tee-te, Fatu tura ruat te leh thingpui lumtu atana ruat te
hnatlang neih tur a ni.
Pualreng Group YMA Committee nei dawn:
Ni 23.3.2021, thawhlehni zan dar 6:30 khian
N.Hlimen YMA Office-ah Pualreng Group YMA Ex-
ecutive Committee an nei dawn. Kan hma lawka Group
Conference hman tur thlir lawkna leh thil \ul te an ngaihtuah
ang.
Kolasib Sub. Hqrs. Morque Van hlanna nei:
Kolasib Sub Headquarters YMA Morque Van
(Ruang phurhna motor) hlanna chu nimin 20.3.2021, dar
10:30 khan Taitesena Hall Venglai Kolasib-ah neih a ni.
Morque Van hi Kolasib District chhunga MLA pathum -
Pu K.Lalrinliana, Pu Lalrinsanga Ralte leh Pu Andrew H.
Thangliana ten MLA Fund an pek khawm hmanga lei a
ni. Morque Van hlanna inkhawm hi Pu Lalrinmawia
Ngente, Vice President, Kolasib SYMA in a kaihruai a.
MLA pathum ten thusawina neiin Maj. Lalmuanchhana
DC, SA-in Pathian hnena \awng\aina a hmang a. Pu
C.Liankunga, President, SYMA-in lawmthu sawinain a
khar. He Moque Van hi Kolasib a\anga ruang chhuak tur
a awmin man tlawm zawkin a hman theih dawn a ni.
KANG MEI LAKA FIMKHUR
Khua a \halin kangmei chhuak Mizoram
hmun tam takah hriat tur a awm ta. In leh lo, nunna
thlengin kangmei avanga chan an awm. Mitin te
kangmei lakah fimthur taka kan awm a ngai tak
meuh meuh ta. In lam leh ram lamah fimkhur takin
kangmei tichhuak lo turin khawtlang mipuite i
fimkhur \heuh ang u.
Kangmei chhuah chhan tam tak zingah
vanduai vang liau liau a chhuak chu awm bawk
mahsela, kan fimkhur tawk loh avanga kang mei
chhuak hi a tam zawk a ni. Chuvangin fimkhur theih
patawp a kan fimkhur a pawimawh takzet a ni.
Hlimkhawpui semtute : Anita Vanlallenpuii, Lalhruaitluanga, MaryVanlaldinpuii, Rebek Remsangpuii,
Elizabeth Lalnunpuii, Niangzokimi, Paulalvena, Lalruatfeli
Kumpuan : Zirna Uar Joint Editor
Laltlanmawia
News Editors
SR Ramngaihzuala
Lianhminghlua
K.Lalrinfela
Cir. Manager
Chhundinga
 Kristian nun dan \ha ngaihsan
ZIRLAI HNENA THUCHAH
- Rozama Chawngthu
Zirlai duh tak,
Ka thuchah hi ngun taka lo chhiar turin ka ngen
a che. I lehkha zirna kawngah harsatna eng emaw chu i
nei ve a ni mai thei. Keimah anga chhungkaw khawsak
harsat vangin lehkha zir harsatna i nei a ni mai thei; sum
leh pai lamah chuan harsatna nei lovin chhungkaw
khawsaknaa nunphungah harsatna i nei a ni mai thei; ruih
theih thil avangin harsatna i nei a ni mai thei; nulat
tlangvalna avangin harsatna i nei a ni mai thei. Mahse,
sut tlang zawh loh harsatna hi a awm mang lo tih ka hrilh
duh che a ni.
1. Ruih theih thil: A hmasa berin ruih theih thil hi zirlaite
tichhetu ngeiawm berte zinga mi a ni a; meizuk a\anga
in\an a ni chawk a. Chuvangin meizuk loh theih chuan a
dang chu tih loh a awl khawp ang. I lo ti laklawh tawh a
nih pawhin nghei theih a ni tih hria la; nasa taka lo ti tawh
nghei leh thei an tam êm êm a ni. I hriselna a tichhia ang
a, chu chuan i lehkha zir a tibuai ang chia, i thiltum i tih
theih loh phah mai ang. Kum 50 vel bak dam i duh loh
erawh chuan ngawrh takin zu in la; kum 25 vel bak dam
i peih loh phei chuan ngawrh takin damdawiin inchiu bawk
ang che.
2. Hun vawng dik rawh: I lehkha zir lai a\angin hun
vawn dik ching la; sikul thilah leh pawn lam thilah pawh,
eng pawh ti dawn la, minit khata tlai ai chuan darkar
khata hma a \ha zawk tih hre reng ang che. Hun vawn
dik hi mihring, mihringa min siamtu a ni. Hei hi a
pawimawh êm êm a; Sap \awng pawhin i han dah tel
hial teh ang – “Punctuality maketh a man a man.”
3. Rinawmna um zel rawh: He thu hi Bible zirtirna a ni
a. Kristian lote pawhin rinawmna chu an ngaisang \heuh
va; mi zawng zawng tan a pawimawh a ni. Mi ngaiha
rinawm mai hi chu a harsa lem lo. Nangma ngaihah
rinawm ang che.
4. Tumna a awm chuan kawng a awm: He Sap thufing
hi beng chuan i hre ve tawh ngei ang a, a takin a hman
theih tih lo hria ang che. Kan vei zawng leh kan mamawh
ngawih ngawiha kan hriat chu kan nei thei zel mai. Mo-
tor duh chuan in leh lo nei lo pawhin an nei mai a; motor
aia in neih hmasak duh chuan motor chu an lei rih lo mai
a; in an awh viau chuan an nei mai. Lehkha thiam i duh
miau chuan zir la, i thiam mai ang. Thil \ha reng reng hi
awlsam taka neih mai theih a ni lo va, harsa taka neih a
\ul \hin. Kan thil duh azirin hun rei tak tuak te pawh a \ul
thei. Mizo thufingah chuan, “A \ha lam kawng a chho; a
chhe lam kawng a phei,” tih a ni.
Phek lehlamah chhunzawm...
 N. Hlimen Branch Y.M.A. Kartin Chanchinbu Kum 16-na
5. Thiam thei lo tak tak kan awm lo: Pathian hian
mihring hi min siam ropui êm êm mai a. Sam phuahtu
pawhin mihring chungchang sawiin, “... Pathian aia hnuai
deuh chauhvah i dah a,” a ti. Thil ropui tak ti thei turin
Pathianin min lo din a ni. “Mite chu an thiam thei a; kei
chu ka thiam thei ve lo êm a ni,” i ti em ni? Mi thiamte
chuan mihringin kan thiltihtheihna zaa 15 vel chauh hi kan
hmang \hin a; zaa 20 leh a chung lam hmang thei chu mi
mak danglam chungchuang an ni, te an ti, a dik ang. Mite
chuan mi dang la tih theih miah loh te pawh tih an tum a
an bei \hin asin! Mi tih theih phei chu ka ti ve thei tur a ni,
tia beih ve mai hian kan ti ve thei mai a ni.
6. Hnathawh leh infiam (Work & Play): General En-
glish-ah chuan work chu hnathawk, play chu infiam a ni
mai a; mahse, educationist-ho chuan ngaih dan dang an
nei tlat. Work chu a \ul avanga loh theih lohva kan tih a ni
a; play chu a \ul vang aia nuam kan tih avanga kan tih hi a
ni. “Hlo thlawh hi work nge play?” ti ta ila, mi tam berin
kan chhanna chu, “work a ni,” kan ti ang. Mahse, hlo
thlo miin ina awm aiin feha hlo va thlawh chu a châk et et
mai a; a fate’n, “Kan awl ang che, lo awm mai mai rawh,”
an tih pawha hlo va thlawh a châk zawk tlat chuan a
work lo va, a play a ni. Eng thil pawh hi work ai chuan
play ila, kan thiam chak zawk vek. I zirlai i zir khan i
work nge i play? ‘Ekzamah a lo chhuak ang a, ka thiam
loh chuan a pawi ang’ tih rilru avang ngawta i zir chuan i
work a ni. ‘Hei hi chu ekzamah lo chhuak dawn lo mah
se, ka hre châk ve hrim hrim,’ ti chunga i zir chuan i play
a ni a, i thiam awlsam zawk daih ang. Chuvangin, mahni
zirlai pawh hi work lova play theih a ni a, a \ha zawk
daih.
7. Nulat tlangvalna leh hlimhlawp laka insum a \ul:
Middle School chin hnuai lama thiam thei tak, High School
leh a chung lama thiam thei ta lo an tam mai. Eng vang
nge? Eng dang vang a ni lo; nulat tlangvalna thil vang a ni
duh khawp mai. Pathianin mihring min din danah hian
hmeichhia leh mipa induha inhmangaih tawn tura siam kan
ni. Mi pangngai kan nih chuan kan tleirawl chhuah hian
ngaihzawng, hmel duh zawng kan nei \hin. Chu chu thil
sual a ni ngawt lo. Mahse, kan hman thiam loh erawh
chuan kan zirnain a chhiat phah \hin. Fimkhur ang che.
8. Nuamsa tur chuan hrehawm hmasak a \ul: Tuna
nuamsa taka awmte hian hrehawm tam tak an lo pal tlang
tawh tih hria ang che. Lehkha thiam sang, officer liante
hian rim takin lehkha an lo zir tawh a; zan rei tak tak
thleng lehkha an lo zirin harsatna lian tak tak an lo su
tawh tih hria la. Sumdawng hausa tak takte pawh hian a
tirah chuan thil te tak tein bul an \an a, hah tak leh rim
takin hna an thawk a, inren tak chungin thi leh thau pawlhin
an lo \ang tawh a; chumi rah chu an seng a ni tih hria ang
che. Tu mah hian awlsam tein thil ropui tak an nei mai lo.
9. Pathian \ih rawh: Engkimah Pathian hria la; i theihtawpin \ang la, i theih bak chu Pathian kutah nghat mai rawh.
Mahnin theihtawp chhuah peih si lova, “Lalpa, min pui rawh, min pe rawh,” tih ngawt hi Pathianin a pui duh lo va, a
pe duh hek lo.
Heng ka thuchah mawl takte hi i rilruah vawng reng la, nunpui tum la, i inchhir loh ka ring. (Thu lakna - https:/
/mizoramsynod.org/storage/periodical_document/2017/06/Kristian-Naupang-April-2013.pdf)
Published by : Young Mizo Association, N. Hlimen Branch, 195 Copies,
Issue No. - 11 Dt. 21.03.2021
LawRKHawM
Electric Consumer-te hriattirna:
Junior Engineer (JE) Lungdai Power Station-in
thu a chhuah danin Energy Meter nei lo leh a kang chhia
leh reading kal thei lo kawl mek te chuan March ni 25,
2021 ral hmain a thar lei tur a ni e. Hun tiam chhunga nei
hman lo te chu 1st April, 2021-ah Department dan ding
lai, JERC Electricity Supply Code 2013 bung 5 chang 1
in a sawi angin disconnect an ni ang.
One Nation One Ration Card chungchang:
National Food Security Act hnuaia sorkar laipui
hmalakna lian tak ‘One Nation One Ration Card’ hnuaiah
India rama NFSA, 2013 hnuaia ham\hatna dawngtu
Beneficiaries te, Ration Card Eng (AAY) leh Ration Card
Pawl (PHH) neite zawng zawngin India ram pumah khawi
retailer a\ang pawnin an Ration quota an la thei tawh a ni.
I zin emaw, hna \ulna vanga hmun danga awm i ni emaw,
pem Ration card la transfer lo pawh ni la i ration chanpual
i chan loh nan card ken kher ngai lovin, I Ration card
number kha i lak duhna retailer-ah hrilh ringawt pawhin
Ration i la thei tawh a ni. He ham\hatna dawng tur erawh
hi chuan i Ration card leh Aadhaar i thlunzawm hmasak
a ngai thung.
Delhi khawpuiin Olympics thlen tum:
Delhi Chief Minister Arvind Kejriwal chuan kum
2048 Olympics chu Delhi khawpuiin thlen an tum dawn
tih a sawi. Delhi CM chuan, “Kum 2048 Olympics thlen
rilrukin Delhi Budget-ah pawh ngaihtuahna kan seng tih
kan tarlang tawh a. Olympics thleng tura mamawh kan la
neih te chu budget-ah dahin kan inbuatsaih zel dawn a
ni” a ti. Delhi khawpui hian Asian Games vawi hnih leh
Commonwealth Games te a lo thleng tawh a. Olympics
thleng tur pawhin infrastructure a nei \ha thawkhat a.
Inbuatsaih leh chuan vak pawh a ngai tam lo mai thei a ni.
India kutchhuak Covid-19 hridanna-in
khawvel a chhanhim:
US mithiamte chuan India kutchhuak, Covid-19
hridanna in khawvel a chhanhim mek tih an sawi. Baylor
College of Medicine-a mithiam Dr Peter Hotez chuan
Covid-19 hri dona atana India hmalakna chu hmuh hmaih
chi a nih loh thu a sawi a. India kutchhuak Covishield leh
Covaxin chuan Covid-19 lakah khawvel a chhanhim mek
thu leh khawvel tana India thilpek hlu tak a nih thu a sawi
bawk. Tun dinhmunah India chuan ram 47-ah hri danna
a semchhuak tawh a, ram 25 chuanga semchhuah turin
hma a la mek bawk.
Contact No. 8787561967