SI PARULAY AT ANG HUGOT SA BUHAY

Ni Jestone V. Pipit

Halos wala nang bata sa labas. Hindi dahil sa sinabi ni Kim Chui na “bawal lumabas” kundi
dahil sa mga makabagong teknolohiya. Nariyan ang mga cellphone, tablet, laptop at iba pa na bagong
kinalilibangan ng mga bata.

Bago pa man naharap ang bansa sa pandemya, madalang na ang mga batang naglalaro ng
mga larong minana pa sa kanunununuan. Bihira na ang naglalaro ng teks, lastiko, tao-tauhan, pogs,
jolens at turumpo na binili sa labas ng Central at sa kilalang Little SM. Iilan na lang din ang gumuguhit
ng mga linya ng piko at pakbaro. Wala na ring gaanong tumatalon sa chinese garter, ten-twenty, at
hamburger stop. Kakaunti na lang din ang nadadapa dahil sa langit-lupa, silly-silly maanghang,
tumbang preso, finish at tsi-tsu. Hindi na rin gaanong masaksihan ang larong sipa na ginamitan ng
black magic na talagang lilipong sa taas at layo.

Hayst! Kailan n’yo ba ulit naranasan ang pag-fall sa maling tao, este ng London Bridge kung
saan ikaw ang fair lady at hindi first lady na kinalakihan? Kailan ba ulit kayo nagtaguan ng feelings,
este nagtagu-taguan sa maliwanag na buwan? Kailan nga ba ulit masisilayan ang pagbuka ng bulaklak
at ang bilog-bilugan kung saan naroon si palaka na walang kaawa-awa at higit sa lahat, mabuo pa
kaya ang bahay-bahayan na minsang kang naging nanay at tatay?

Ilan ‘yan sa mga larong kinagiliwan ng mga batang pagbilawin noon.

Ngunit sino nga ba si Parulay?

Siya ang kinatatakutan ngunit inyong sinubukan. Siya ang minsan ninyong iniwasan ngunit
patuloy na nagpaparamdam. Siya ang minsang n’yong nilampasan ngunit patuloy kang susundan.
Siya si Parulay, ang tagapagbantay sa larong tubigan. Siya si Parulay, ang mga larong unti-unti n’yong
kinakalimutan ngunit patuloy kang paaalalahanan dahil minsan sa buhay mo, tinuruan kang maging
matapang para harapin ang mga pagsubok na dapat mong lampasan at pagdaanan.

Bilang ng salita: 300

Panuto: Piliin at isulat sa patlang ang titik ng wastong sagot.

_____1. Anong larong pambata makikita si Parulay? (Literal)

a. Tumbang Preso b. Langit-Lupa c. Tubigan d. Tsi-tsu
_____2. Anong larong pambata matatagpuan si palaka na walang kaawa-awa? (Literal)
a. Bubuka ang Bulaklak b. Bilog-bilugan c. Ten-twenty d. Bahay-bahayan
_____3. Ano ang dahilan kung bakit bihira nang maglaro sa labas ang mga bata bago magkaroon ng
pandemya? (Paghinuha)
a. Dahil nagkakapikunan c. Dahil takot kay Parulay
b. Dahil pinapauwi agad ng nanay d. Dahil sa mga makabagong teknolohiya
_____4. Ano ang higit na pinagtuunan ng pansin ng may-akda? (Paghinuha)
a. Ang mga larong unti-unting kinakalimutan c. Ang larong Tubigan
b. Ang mga laruang binibili sa labas ng central at Little SM d. Ang mga makabagong
laruan
_____5. Anong pag-uugali ang ipinakikita sa akda na dapat taglayin ng isang batang pagbilawin?
(Kritikal)
a. Paglimot sa mga larong pambata c. Pagpapahalaga sa mga larong pambata
b. Pagtangkilik sa makabagong teknolohiya d. Pagiging malakas sa lahat ng laro
Susi sa Pagwawasto:

1. C
2. B
3. D
4. A
5. c