ЖИВОТНИ ВЕШТИНИ
Училиште: ООУ “ Кочо Рацин“ - Прилеп
Наставник: Ристеска Мартина
Дата: 27.09.2021
Одделение: IX д
Тема: I – 2: Градење слика за себе како член на
семејството и како ученик
Наставна содржина: I-2.3: Почитување или
послушност?
Цели :
 Ученикот да остварува позитивни релации со
своите соученици и наставници
 Учениците да сфатат дека е важна
поддршката од родителите, наставниците и
соучениците за градење на позитивна слика
за себе
Форми и методи на работа : индивидуална, во
групи, во парови, демонстрација, метод на игра и
др.
Техники на учење: Минутна работа, пауза за
разјаснување, чекање
Наставни средства : работен лист за учениците
Забелешка :
Активности на наставникот/ ученикот
Воведен дел: Учениците се застанати во круг
и активноста започнува на тој начин што еден
ученик се свртува кон ученикот од негова
десна страна и кажува зошто го почитува
истиот, а потоа истото го повторуваат
останатите ученици кон другарчињата до нив
се додека не се вратат на почетокот кај првиот
ученик. Наставникот ги дели учениците на
четири групи и секоја од нив добива по една
ситуација од работните листови. Секој група
има задача да ја разгледа ситуацијата и да
размисли кој наведен начин на реагирање од
понудените ќе го одберат и зошто.
Главен дел: Наставникот прозива по еден
ученик од секоја група да ја прочита својата
ситуација и да ги прочита понудените начини
на реагирање, и да каже кој од тие начини
претставува послушност, кој почитување а кој
непочитување. Потоа дискутираат заедно со
наставникот, што претставува почитување,
што послушност, а што непочитување, и ги
разграничуваат тие поими. Потоа наставникот
им кажува на учениците дека почитувањето е
нешто што се учи од домот и училиштето
преку примери од опкружувањето а не само со
зборување. Потоа им појаснува кој е најдобар
начин за решавање на некој проблем и дека е
многу битно да има взаемно почитување меѓу
соговорниците, па и кога не се согласуваат и
немаат исти ставови за нештата.
Завршен дел: Наставникот на крај ги сумира
резултатите од дискусијата и извлекуваат
заклучок за истата.
Дискусија:
Рефлексија на часот
1. Што учевме денес ?
2. Што научивме?
3. Каде ќе го примениме наученото?