ЖИВОТНИ ВЕШТИНИ
Училиште: ООУ “ Кочо Рацин“ - Прилеп
Наставник: Ристеска Мартина
Дата: 22.11.2021
Одделение: IX д
Тема: II– 3: Давање и примање помош
Наставна содржина: II-3.1: Помагање дома, во
училиште и во заедница
Цели :
 Ученикот да знае со што може да помага
дома, на училиште и во заедницата
 Ученикот да умее да понуди помош кога на
некого му е потребна
Форми и методи на работа : индивидуална, во
групи, во парови, демонстрација, метод на игра, и
др.
Техники на учење: Минутна работа, пауза за
разјаснување, чекање
Наставни средства : листови хартија, селотејп,
кутии
Забелешка :
Активности на наставникот/ ученикот
Воведен дел: Учениците се поделени во две
групи. Учениците од едната група извлекуваат
од своите џебови или ранци по еден предмет и
го ставаат на купче без да го видат учениците
од другата група. Потоа секој ученик од
другата група има задача да извлече еден
предмет од купчето, и со сопственикот на
предметот од другата група формираат пар.
Главен дел: Наставникот на веќе
формираните парови им поделува по два
листа хартија на којашто треба да запишат
начини на коишто можат да помагаат дома, и
на секој лист запишуваат само по едно нешто
коешто може да се направи. Откако ќе
запишат начини за помагање дома, листовите
ги оставаат во кутијата на којашто пишува
“Помагање дома”. Потоа секој пар повторно
добива по два листа хартија на којашто овој
пат треба да запише начини за помагање во
учлиштето, и потоа тие листови ги ставаат во
кутијата на којашто пишува “Помагање во
училиште”. Потоа истата постапка се одвива
за запишување на начини за помагање во
заедницата, и тие листови се ставаат во
кутијата за “Помагање во заедницата”. Потоа
сите ученици се делат на три групи, и секоја
добива по една од кутиите во коишто ги
ставаа предлозите. Задача на секоја група е да
ги елиминира предлозите од својата кутија (да
ги отстрани тие коишто се повторуваат).
Предлозите коишто ќе преостанат се лепат на
голем лист хартија хоризонтално поделен на
три колони (помагање дома, во училиште и во
заедницата). Потоа по еден претставник од
секоја група ги чита предлозите кои се
залепени. Потоа учениците дискутираат
заедно со наставникот за тоа каде најчесто
помагаат, и кои нови начини на помагање ги
откриле по презентирањето на предлозите.
Потоа се извлекува заклучок дека најчесто се
помага дома или на училиште, а поретко во
заедницата бидејќи тоа не им е специфично
одредено од некого, и секогаш се мисли дека
некој друг можеби ќе помогне.
Завршен дел: На крајот од часот учениците
стојат во круг и добиваат балони коишто ги
надувуваат, и се вртат еден зад друг, така што
треба да ги постават балоните кон грбот на
другите, а со градите да ги држат припиени
помеѓу, и да започнат со движење, но притоа
да внимаваат да не им паднат.

Дискусија:

Рефлексија на часот

1. Што учевме денес ?

2. Што научивме?

3. Каде ќе го примениме наученото?