Bagong linggo, bagong kaalaman. At dahil natapos at
napagtagumpayan nila ang kanilang ikatlong markahan. Ang pagbubukas ng linggong ito ay pagbubukas din tungo sa panibagong mga aralin. Sa kanilang huling markahan, pag- aaaralan ang apat na obra maestrang Filipino. Ang Ibong Adarna sa mga nasa ikapitong baitang, Florante at Laura sa mga ikawalong baitang, Noli Me Tangere sa mga ikasiyam na baitang at El Filibustersimo naman sa mga nasa ikasampung baitang. Tinalakay sa linggong ito ang kaligirang pangkasaysayan ng bawat obra. Nalaman at napag-aralan ng bawat mag-aaral kung ano nga ba ang kahalagahan at naging dulot nito sa ating mga Pilipino. May isang araw na ako ang nanguna sa klase ng mga nasa ikapitong baitang sa pagsulat ng kanilang lecture. Nasabi na tuwing araw ng biyernes kami’y mag-uulat sa paaralan, ngunit sa linggong ito ay hindi kami pumunta sapagkat ang klase ay gaganapin sa online at hindi pupunta ang mga mag-aaral sa paaralan upang magpasa ng kanilang mga sagutang papel. Tanging ang mga mayroong kakulangan ang pumunta upang makumpleto ang kanilang mga kulang.