LEARNING LOG (EIGHTH WEEK)

JEREMY M. ARCEO

BSED FILIPINO IV

APRIL 01, 2022

Isang masiglang linggo nanaman ang lumipas. Masigla para sa
akin sapagkat hinihintay ko ang araw ng biyernes na pagpunta
namin sa paaralan. Ngunit hindi yata masigla para sa mga mag-
aaral sa GSCAAFI dahil ang linggong ito ay ang kanilang ikatlong
markahan. Buong linggo ang kanilang ginugol upang ito'y kanilang
mapagtagumpayan. May mga araw na ako ang nanguna o nagbantay
sa kanilang pagsusulit at mayroon namang ang aking CT. Pumunta
kami sa paaralan nang araw ng biyernes, ito ang unang
pagkakataon na pumunta kami sa paaralan ng sama-sama gayundin
ang unang pagkakataon na kami'y magkita at magkakilala. Pamilyar
na kami sa mukha ng isa’t isa dahil sa iisang paaralan lamang kami
nanggaling ngunit hindi naming kilala at alam ang pangalan ng
bawat isa. Nagkaroon kami ng laro na pinangunahan ni Maam
Catrina, ang punong-guro. na naging daan upang magkakila-kilala
kami. Nailabas ang kwela at kulit ng bawat isa, nawala ang hiyaan
at agad na may nabuong mga samahan. At dahil iyon ay araw ng
biyernes, ito rin ay ang araw ng pasahan ng mga sagutang papel ng
mga mag-aaral kaya naman nagkaroon din kami ng pagkakataon na
makita hindi lamang ang aming mga CT, kundi pati na rin ang iilan
sa mga mag-aaral. Gaya ng aking inaasahan, sila ay higit na mataas
pa sa akin. Sana ay magkaroon pa ng mga pagkakataon na
makita at makilala ang iba pang mga mag-aaral upang
kung sakali mang makasalubong ko sila sa daan o sa
isang lugar ay malalaman ko na isa pala sila o siya sa
mga mag-aaral na aking tinuturuan.