ሰባቱ የዕለት ጸሎት ጊዜያት

“ስለ ጽድቅኽም ፍርድ ሰባት ጊዜ በቀን አመሰግንኻው።” መዝ. ፻፲፰÷፻፷፬ በማለት በቀን ሰባት ጊዜ
ይጸልይ እንደነበር ነቢየ እግዚአብሔር ቅዱስ ዳዊት ተናግሯል። በኢትዮዽያ ኦርቶዶክስ ተዋህዶ
ቤተክርስትያን ስርዓት መሰረት በአንድ ቀን ውስጥ የተመደቡ የጸሎት ጊዜያት ሲኖሩ እነርሱም ሰባት
(፯) ናቸው። አንድ የኦርቶዶክስ ተዋህዶ ሃይማኖት ተከታይ የሆነ ሰው ቢችል በአንድ ቀን ዉስጥ
ሰባቱንም ጸሎታት ማድረስ ይኖርበታል፣ በስራ ወይም በተለያዩ ማህበራዊ ጉዳዮች ሳይመቸው ቢቀር
ቢያንስ በጸሎቱ ሠዓታት ሚታሰቡትን ነገሮች አስቦ ማሳለፍ ይኖርበታል። ነገር ግን እናመሰግነው
ዘንድ ለፈጠረን አምላክ በስራስ ቦታ ቢሆን የሁለት እና የሦስት ደቂቃ ጊዜ እነዴት እናጣለታለን? እና
ከቻልን አቡነ ዘበሰማያት (አባታችን ሆይ) የምትለዋን አጭር ጸሎት ብናደርስ ይመረጣል። ያንንም
እናደርግ ዘንድ እግዚአብሄር ይርዳን!

ነቢየ እግዚአብሔር ቅዱስ ዳዊት ስለ ጽድቅኽ ፍርድ በቀን ሰባት (፯) ጊዜ አመሰግንኻለኑ ብሎ
አምላኩን በቀን ሰባት(፯) ጊዜ እንዳመሰገነ እና እንደጸለየ ሁሉ እኛም አባቶች በጉባኤ በደነገጉት እና
ባፀኑት ሕግ መሠረት የአባቶቻችንን መንገድ ተከትለን በቀን ውስጥ ሰባት (፯) ጊዜ እራሳችንን
ለእግዚአብሔር በማስገዛት ለጸሎት እንተጋለን። ሰባቱ የጸሎት ጊዜያት ከዚህ በታች በዝርዝር
ተቀምጠው እናገኛለን። እነሱም ነግኅ፣ ሠለስት፣ ቀትር፣ ተሰዓት፣ ሠርክ፣ ንዋም እና መንፈቀ-ሌሊት
ናቸው።

፩. ነግኅ (ማለዳ ጧት)

“በማለዳ ድማፄን ትሰማለህ በማለዳ በፊትኽ እቆማለሁ።” መዝ. ፭÷፫ ብሎ ነብየ እግዚአብሔር
ለጸሎት እና ለምሰጋና በፊቱ እንደቆመ ሁሉ አምላካችን እግዚአብሔር ሌሊቱን በሰላም እና
በምህረት ጠብቆ የማለዳውን ብርሃን እንድናይ ስለረዳን እናመሰግነዋለን። አንድም፤ አባታችን አዳም
የተፈጠረበት ሰዓት ማለዳ ነውና (ዘፍ. ፩÷፳፮) በአምላካችን አርአያ እና አምሳል በመፍጠራችን
አማላካችን እግዚአብሔርን እናመሰግነዋለን። አንድም፤ ለስም አጠራሩ ክብር ይግባውና አምላካችን
ክርስቶስ በጲላጦስ ፊት ቆሞ የተመረመረበት ሰዓት ነውና፤ ፈጣሪው እና መርማሪው አምላክ ለእኛ
ለባሪያዎቹ ብሎ በፍጡር አንደበት ተመርምሯል። በዚህም ምክንያት ስለእኛ የሆነልንን ነገር በማሰብ
በዚህ ሰዓት በጸሎት እንተጋለን። (ማቴ. ፳፯÷፩)

፪. ሠለስት (ሦስት ሰዓት)

በዚህ ሰዓት የሁላችንም እናት ሔዋን የተፈጠረችበት ሰዓት ነውና (ዘፍ. ፪÷፳፩-፳፬) እናቶቻችን፣
የትዳር አጋሮች፣ እህቶች፣ ሴት ልጆች የማግኘታችን መሠረት ነውና በዚህ ሰዓት እግዚአብሔር
አምላካችን እናታችን ሔዋንን ስለፈጠረልን እናመሰግነዋለን። አንድም፤ ነብየ እግዚአብሔር ዳንኤል
በዚህ ሰዓት መሰኮቶቹን ወደ ኢየሩሳሌም አንፃር በመክፈት ይጸልይ ነበር። (ዳን. ፮÷፲) አንድም፤
እመቤታችን ቅድስት ድንግል ማርያም የቅዱስ ገብርኤል ብስራት የሰማችበት እና አምላካችንን
የጸነሰችበት ሰዓት ነው። (ሉቃ. ፩÷፳፮) አንድም፤ ክብር ይግባውና ጌታችን በጲላጦስ ፊት
የተገረፈበት ሰዓት ነው። (ማቴ. ፳፯÷፳፮) አንድም፤ በጽርያ ጽዮን መንፈስ ቅዱስ ለሐዋርያት
የወረደበት ሰዓት ነውና በነዚህ ሰዓቶች (ከጠዋቱ ፫ ሰዓት) እግዚአብሔርን በጸሎት እናመሰግነዋለን።

፫. ቀትር (ስድስት ሰዓት)

በዚህ ሰዓት ፀሐይ ስትበረታ ሰውነታችን ሲዝል አዕምሮአችን ይሰንፋል እና አጋንንት ይበረታሉ።
በዚህም ምክንያት ሰውነታችንን አበርትተን ህሊናችንን ሰብስበን ወደ እግዚአብሔር እንጸልያለን።
(መዝ. ፶፬÷፲፯ ፤ ፺÷፮) አንድም፤ አዳም አባታችን እፀ በለስ በልቶ ከክብሩ የተዋረደበት ሰዓት ነውና
ወደ ፈተና እንዳንገባ እንጸልያለን። (ዘፍ. ፫÷፮) አንድም፤ የአዳም ሰባተኛ ትውልድ የሆነው ሔኖክ
ቤተ-መቅደስን ያጠነበት ሰዓት ነው። (ኩፋ. ፭÷፴፪) አንድም፤ አምላካችን ክርስቶስ ክብር ይግባውና
ለኛ ለባርያዎቹ ድህነት ይሆነን ዘንድ በዕለት አርብ በመስቀል ላይ የተሰቀለው ሰዓት ነው። (ዮሐ.
፲፱÷፩፬)

፬. ተሰዓት (ዘጠኝ ሰዓት)

በዚህ ሰዓት ቅዱሳን መላዕክት የሰው ልጅ የጸለየውን ጸሎት፣ ልመና፣ እጣን እና የሠራውን ሥራ ሁሉ
የሚያሳርጉበት ሰዓት ነው። (የሐዋ. ፲÷፫) አንድም፤ ቅዱስ ጴጥሮስ እና ቅዱስ ዮሐንስ ለጸሎት ወደ
ቤተ መቅደስ ይወጡበት የነበረበት ሰዓት ነው። (የሐዋ. ፫÷፩) አንድም፤ አምላካችን በዘመን ሁሉ
ምስጋና ለዕርሱ ይሁንና ለኛ ለደካማ ልጆቹ ድህነት ይሆነን ዘንድ በዚህች ሰዓት ቅድስት ነፍሱን
ከክብር ሥጋው የለየበት ሰዓት ነው። ይህም ቀን ዕለተ አርብ ከቀኑ ዘጠኝ (፱) ሰዓት አምላካችን
ክርስቶስ በመስቀል ላይ ተሰቅሎ ያረፈበት ሰዓት ነው።

፭. ሠርክ (ዐሥራ አንድ ሰዓት)

በዚህ ሰዓት ላይ ሰው ሁሉ ሥራ ሠርቶ ከሥራው የሚያርፍበት እና ዋጋውን የሚቀበልበት ሰዓት
ሲሆን እኛም ምግባር ቱሩፋት ሰርተን ዋጋችንን ከአምላካችን የምንቀበልበት ሰዓት ነው። (ማቴ.
፳÷፩-፲፮) አንድም፤ ነብየ ዳዊት እንዳለ “ጸሎቴን በፊትህ እንደዕጣን ተቀበልልኝ፤ እጅ መንሣቴም
እንደ ሠርክ መስዋዕት ትሁን” (መዝ. ፻፵÷፪) በማለት ይህች ሰዓት ታላቅ የጸሎት ሰዓት መሆኗን
ያስተምረናል። አንድም፤ ነብየ እግዚአብሔር ኤልያስ በዚህች ሰዓት የሰዋው መሰዋትእና ያቀረበው
ጸሎት በቅድስት ሥላሴ ዘንድ ተወዶለታል። (፩ኛ.ነገ ፲፰÷፴፮) አንድም፤ አባታችን ዕዝራም በዚህች
ሰዓት ጸሎት አቅርቦበታል። (ዕዝ. ፱÷፭) አንድም፤ ጌታችን መድኃኒታችን ኢየሱስ ክርስቶስ ለስም
አጠራሩ ክብር ይግባውና እኛን ከሞት እና ከሲኦል ያወጣ ዘንድ በሥጋው ወደ ከርሠ መቃብር በነፍሱ
ደግሞ ወደ ሲኦል የወረደበት ሰዓት ነው። (ማቴ. ፳፯÷፵፭ - ፷፩)
፮. ንዋም (የመኝታ ሰዓት)
በዚህ ሰዓት ቀኑን ሙሉ ስንወጣ ስንወርድ የጠበቀንን አምላክ አመስግነን፤ ዳግመኛም የሌሊቱን ሰዓት
ባርኮ የሰላም እንቅልፍ ይሰጠን ዘንድ ለጸሎት እንቆማለን። አንድም፤ አምላካችን ኢየሱስ ክርስቶስ
በጌቴሴማኒ ሥርዓተ-ጸሎትን ያስተማረበት ሰዓት ነው። (ማቴ. ፳፮÷፴፮)

፯. መንፈቀ ሌሊት
ይህ ሰዓት ታላቅ ሰዓት ነው። አምላካችን ጌታችን መድኃኒታችን ኢየሱስ ክርስቶስ የተወለደበት፣
ሙታን መካከል ተለይቶ የተነሣበት፣ ዳግመኛም በህያዋን እና በሙታን ለመፍረድ የሚመጣባት ሠዓት
ስለሆነች ይህን ሁሉ በማሰብ እና እግዚአብሔር ለእኛ ሲል ያደረገዉን ነገር ሁሉ በማሰብ
የሚጸለይበት ሠዓት ነው። (ሉቃ. ፪÷፯-፰፣ ዮሐ. ፳÷፩፣ ማቴ. ፳፭÷፮፣ ማር. ፲፫÷፴፭) በዚህም
ምክንያት አምላካችን ለእኛ የሆነውን እና ያደረገውን ሁሉ በማስተዋል እንጸልያለን። አንድም፤
ቅዱስ ጳውሎስ እና ደቀመዝሙሩ ሲላሰ በእሥር ቤት ውስጥ እያሉ በዜማ አሸናፊ ልዑል
እግዚአብሔር ያመሰገኑበት ሰዓት ነው። (የሐዋ. ፲፮÷ ፳፭)

በነዚህ የጸሎት ሰዓቶች ውስጥ እግዚአብሔር በረዳን መጠን በጸሎት ልንተጋ ይገባል። እነዚህን
የጸሎት ሰዓቶች በተለያየ አስቸጋሪ ሁኔታ ውስጥ ሆነን መተግበር ቢያቅተን እንኳን ጠዋት
ከመኝታችን ስንነሳና ማታ ወደ መኝታችን ስናመራ መጸለይ ይገባናል ከዚህ ውጭ በገዳም ተወስነው
ዳዋ ጥሰው ጤዛ ልሰው ቁርበት ለብሰው ድንጋይ ተንተርሰው ድምፀ-አራዊቱን ግርማ ሌሊቱን ፀብና
አጋንንቱን ታግሰው የሚኖሩ ገዳማውያን መነኮሳት አባቶቻችን እና እናቶቻችን እነዚህ ከላይ
በዝርዝር ያየናቸውን ሰባቱን የጸሎት ሰዓታት ለአይን ጥቅሻ እንኳ ለምታክል ጊዜ እንኳ ሳያስታጉሉ
እስካሁን ፀንተው ኖረዋል፤ ወደፊትም ይኖራሉ።

ከዋክብት የሚያመሰግኑት በስማቸውም የሚጠራቸው የፀጋው ብዛት የማይታወቅ ጌታችን

አምላካችንና መድኃኒታችን ኢየሱስ ክርስቶስ ባለችን በዚህች አጭር የእግድነት ዘመናችን በጸሎት
እድንተጋ ይርዳን፤ አለማመናችንን ይርዳው አሜን። ወስብሐት ለእግዚአብሔር፤ ወለወላዲቱ
ድንግል፤ ወለመስቀሉ ክቡር።
 የዘወትር ጸሎት
አማርኛ
፩. ገጼን እና ኲለንታዬን በትእምርተ መስቀል
አማትባለሁ (፫ ጊዜ በል)። በስመ አብ ወወልድ
ወመንፈስ ቅዱስ አሐዱ አምላክ በቅድስት ሥላሴ
እያመንኩ እና እየተማፀንኩ፣ በዚች በእናቴ
በቤተክርስቲያን ፊት ቆሜ ጠላቴ ሰይጣንን
እክድሃለሁ። ለዚህም ምስክሬ ማርያም ጽዮን ናት
ለዘለዓለም።
፪. አቤቱ እናመሠግንሃለን፤ አቤቱ እናከብርሃለን፤
አቤቱ እንገዛልሃለን፤ አቤቱ ቅዱስ ስምህን
እናመሰግናለን፤ ጉልበት ሁሉ የሚሰግድልህ አቤቱ
እንሰግድልሃለን፤ አንደበትም ሁሉ ለአንተ ይገዛል፤
የአምላኮች አምላክ፣ የጌቶች ጌታ የንጉሦችም
ንጉሥ እንተ ነህ። የሥጋም የነፍስም ፈጣሪ አንተ
ነህ። እናንተስ በምትጸልዩበት ጊዜ እንዲህ
ብላችሁ ጸልዩ ብሎ ቅዱስ ልጅህ እንዳስተማረን
እንጠራሃለን።
፫. አባታችን ሆይ በሰማያት የምትኖር ስምህ ይቀደስ
መንግሥትህ ትምጣ ፈቃድህ በሰማይ እንደሆነች
እንዲሁም በምድር ትሁን፤ የዕለት እንጀራችንን
ስጠን ዛሬ በደላችንንም ይቅር በለን እኛ
የበደሉንን ይቅር እንደምንል፤ አቤቱ ወደ
ፈተናምም አታግባን ከክፉ ሁሉ አድነን እንጂ፤
መንግሥት ያንተ ናትና ኃይል እና ስብሃሃት
ለዘለዓለሙ፤ አሜን።
ግዕዝ
አአትብ ገጽየ ወኲለንታየ በትእምርተ መስቀል
(፫ ጊዜያተ በል)። በስመ አብ ወወልድ ወመንፈስ
ቅዱስ አሐዱ አምላክ በቅድስት ሥላሴ እንዘ
አአምን ወእትመሐፀን እክሕደከ ፀርየ ሰይጣን
በቅድመ ዛቲ እምየ ቅድስት ቤተ ክርስቲያን
እንተ ይእቲ ስምዕየ ማርያም ጽዮን ለዓለመ
ዓለም።
ነአኵተከ እግዚኦ ወንሴብሐከ ንባርከከ እግዚኦ
ወንትአመነከ። ንገኒ ለከ እግዚኦ ወንትቀነይ
ለስምከ ቅዱስ። ንሰግድ ለከ ኦ ዘለከ ይሰግድ
ኲሉ ብርክ ወለከ ይትቀነይ ኲሉ ልሳን። አንተ
ውእቱ አምላከ አማልክት ወእግዚኣ አጋዕዝት
ወንጉሠ ነገሥት አምላክ አንተ ለኲሉ ዘሥጋ
ወለኵላ ዘነፍስ ወንጼውዐከ በከመ መሐረነ
ቅዱስ ወልድከ እንዘ ይብል አንትሙሰ ሶበ
ትጼልዩ ከመዝ በሉ።
አቡነ ዘበሰማያት ይትቀደስ ስምከ፤ ትምጻእ
መንግሥትከ ወይኩን ፈቃድከ፤ በከመ በሰማይ
ከማሁ በምድር ሲሳየነ፤ ዘለለ ዕለትነ ሀበነ ዮም፤
ኅድግ ለነ አበሳነ ወጌጋየነ ከመ ንሕነኒ ንኅድግ
ለዘአበሰ ለነ፤ ኢትኣብአነ እግዚኦ ውስተ መንሱት
ኣላ አድኅነነ፤ ወባልሐነ እምኵሉ እኩይ፤ እስመ
ዚአከ ይእቲ መንግሥት ኃይል ወስብሐት ለዓለመ
ዓለም፤ አሜን።
፬. እመቤታችን ድንግል ማርያም ሆይ በመልአኩ
በቅዱስ ገብርኤል ሰላምታ ሰላም እልሻለሁ
በሃሳብሽ ድንግል ነሽ በሥጋሽም ድንግል ነሽ።
የአሸናፈ የእግዚአብሔር እናት ሆይ ሰላምታ
ላንቺ ይገባል። ከሴቶች ሁሉ ተለይተሽ አንቺ
የተባረክሽ ነሽ የማኀፀንሽም ፍሬ የተባረከ ነው።
ጸጋን የተሞላሽ ሆይ ደስ ይበልሽ እግዚአብሔር
ከአንቺ ጋር ነውና ከተወደደው ልጅሽ ከጌታችን
ከመድኃኒታችን ከኢየሱስ ክርከቶስ ዘንድ
ይቅርታን ለምኝልን ኃጥያታችንን ያስተሠርይልን
ዘንድ ለዘለዓለሙ፤ አሜን።
፭. ሁለን በፈጠረ አንድ አምላክ በሚሆን
በእግዚአብሔር አብ እናምናለን። ሰማይና
ምድርን የፈጠረ የሚታየውንና የማይታየውን
ዓለም ሳይፈጠር ከእርሱ ጋር በነበረ አንድ የአብ
ልጅ በሚሆን በአንድ ጌታ በኢየሱስ ክርስቶስ
እናምናለን።
ከብርሃን የተገኘ ብርሃን፤ ከእውነተኛ አምላክ
የተገኘ አምላክ፤ የተወለደ እንጂ ያልተፈጠረ
በባሕርይው ከአብ ጋር የሚስተካከል ሁሉ በእርሱ
የሆነ በሰማይ ካለው በምድርም ካለው ያለእርሱ
ምንም የሆነ የለም።
ስለ እኛ ስለ ሰዎች እኛን ለማዳን ከሰማይ ወረደ
በመንፈስ ቅዱስ ግብር ከቅድስት ድንግል ማርያም
ፍጹም ሰውን ሆነ ደግሞም ስለእኛ ተሰቀለ።
በጰንጤናዊው በጲላጦስ ዘመን እርሱ መከራን
ተቀበለ፤ ሞተ ተቀበረ በሦስተኛውም ቀን
ከሙታን ተለይቶ ተነሳ በቅዱሳት መጻሕፍት
እንደተጻፈ በክብር በምስጋና ወደ ሰማይ ዐረገ፤
በአባቱም ቀኝ ተቀመጠ፤ ዳግመኛም በሕያዋንና
በሙታን ለመፍረድ በምስጋና ይመጣል፤
ለመንግሥቱም ፍጻሜ የለውም።
በሰላመ ቅዱስ ገብርኤል መልአክ ኦ እግዝእትየ
ማርያም ሰላም ለኪ፤ ድንግል በኅሊናኪ
ወድንግል በሥጋኪ፤ እመ እግዚአብሔር ጸባዖት
ሰላም ለኪ፤ ቡርክት አንቲ እምአንስት ወቡሩክ
ፍሬ ከርሥኪ፤ ተፈሥሒ ፍሥሕት ኦ ምልእተ
ጸጋ እግዚአብሔር ምስሌኪ፤ ሰአሊ ወጸልዪ ኀበ
ፍቁር ወልድኪ ኢየሱስ ክርስቶስ ከመ ይሥረይ
ለነ ኃጣዊኢነ።
ነአምን በአሐዱ አምላክ እግዚአብሔር አብ
አኃዜ ኩሉ ገባሬ ሰማያት ወምድር ዘያስተርኢ
ወዘኢያስተርኢ ወነአምን በአሐዱ እግዚእ
ኢየሱስ ክርስቶስ ወልደ ኣብ ዋሕድ ዘሀልው
ምስሌሁ እምቅድመ ይትፈጠር ዓለም።
ብርሃን ዘእምብርሃን አምላክ ዘእምአምላክ
ዘበአማን። ዘተወልደ ወአኮ ዘተገብረ ዘዕሩይ
ምስለ አብ በመለኮቱ። ዘቦቱ ኵሉ ኮነ
ወዘእንበሌሁሰ አልቦ ዘኮነ ወኢምንትኒ
ዘበሰማይኒ ወዘበምድርኒ።
ዘበእንቲአነ ለሰብእ ወበእንተ መድኃኒትነ ወረደ
እምሰማያት ተሰብአ ወተሰገወ እመንፈስ ቅዱስ
ወእማርያም እምቅድስት ድንግል ኮነ ብእሲ
ወተሰቅለ በእንቲአነ በመዋዕለ ጲላጦስ
ጰንጤናዊ። ሐመ ወሞተ ወተቀበረ ወተንሥአ
እሙታን አመ ሣልስት ዕለት በከመ ጽሑፍ
ውስተ ቅዱሳት መጻሕፍት ዐርገ በስብሐት
ውስተ ሰማያት ወነበረ በየማኑ አቡሁ ዳግመ
ይመጽእ በስብሐት ይኰንን ሕያዋነ ወሙታነ
ወኣልቦ ማኅለቅት ለመንግሥቱ።
 በመንፈስ ቅዱስም እናምናለን፤ እርሱም ጌታ
ሕይወትን የሚሰጥ ከአብ የሠረፀ፤ ከአብና ከወልድ
ጋር በአንድነት እንሰግድለታለን እናመሰግነዋለን፤
እርሱም በነቢያት አድሮ የተናገረው ነው።
ከሁሉም በላይ በምትሆን ሐዋርያት በሠሯት
በአንዲት ክብርት ቤተክርስቲያን እናምናለን።
ኃጢአት በሚሠረይባት በአንዲት ጥምቀት
እናምናለን። የሙታንንም መነሣት ተስፋ
እናደርጋለን፤ የሚመጣውንም ሕይወት
ለዘለዓለሙ፤ አሜን።
፮. አሸናፊ እግዚአብሔር ቅዱስ ቅዱስ ቅዱስ
ተብለህ ትመሰገናለህ። ምስጋናህም በሰማይና
በምድር የሞላሞላ ነው። ክርስቶስ ላንተ
እንሰግድልሃለን፤ ከሰማያዊው ከቸር አባትህ ጋር፤
አዳኝ ከሆነው ከመንፈስ ቅዱስም ጋር
እንሰግድልሃለን፤ ወደዚህ ዓለም መጥተህ
አድነኸናልና።
፯. ስብሐት ለአብ ስብሐት ለወልድ ስብሐት
ለመንፈስ ቅዱስ (፫ ጊዜ በል)። አምላክን
ለወለደች ለእመቤታችን ለድንግል ማርያም
ምስጋና ይገባል። ለጌታችን ኢየሱስ ክርስቶስ
መስቀልም ምስጋና ይገባል። ክርስቶስ በምህረቱ
ያስበን፤ ዳግመኛም በመጣምም ጊዜ አያሳፍረን፤
ስሙን ለማመስገን ያንቃን፤ በእርሱ አምልኮትም
ያጽናን። እመቤታችን ጸሎታችንን አሳርጊልን፣
ኃጢአታችንንም አስተሥርይልን፤ በጌታችን
መንበር ፊት ጸሎታችንን አሳርጊልን። ይህንን
ኀብስት ላበላን ይህንንም ጽዋ ላጠጣን፤
ምግባችንንና ልብሳችንን ላዘጋጀልን፤
ኃጢአታችንንም ሁሉ ለታገሠልን፤ ክቡር ደሙን
ቅዱስ ሥጋውን ለሰጠን፤ እስከዚችም ሰዓት
ላደረሰን።
ወነአምን በመንፈስ ቅዱስ እግዚእ ማኅየዊ
ዘሠረጸ እምአብ ንስግድ ሎቱ ወንሰብሖ
ምስለአብ ወወልድ ወነበበ በነቢያት። ወነአምን
በአሐቲ ቅድስት ቤተ ክርስቲያን እንተ ላዕለ ኵሉ
ጉባዔ ዘሐዋርያት። ወነአምን በአሐቲ ጥምቀት
ለሥርየተ ኃጢአት ወንሴፎ ትንሣኤ ሙታን
ወሕይወተ ዘይመጽእ ለዓለመ ዓለም።
ቅዱስ ቅዱስ ቅዱስ እግዚብሔር ጸባዖት ፍጹም
ምሉዕ ሰማያት ወምድረ ቅድሳተ ስብሐቲከ።
ንስግድ ለከ ክርስቶስ ምስለ አቡከ ኄር ሰማያዊ
ወመንፈስከ ቅዱስ ማኅየዊ እስመ መጻእከ
ወአድኃንከነ።
ስብሐት ለአብ ስብሐት ለወልድ ስብሐት
ለመንፈስ ቅዱስ (፫ ጊዜያተ በል)። ስብሐት
ለእግዝእትነ ማርያም ድንግል ወላዲተ አምላክ
ስብሐት ለመስቀለ እግዚእነ ኢየሱስ ክርስቶስ
በምሕረቱ ይዘከረነ። አመ ዳግም ምጽአቱ
ኢያስተኀፍረነ። ለሰብሖተ ስሙ ያንቅሀነ፤
ወበአምልኮቱ ያጽንአነ። እግዝእትነ ማርያም
አዕርጊ ጸሎተነ ወአስተሥርዪ ኃጢአተነ ቅድመ
መንበሩ ለእግዚእነ ለዘአብልዐነ ዘንተ ኅብስተ
ወለዘአስተየነ ዘንተ ጽዋዓ ወለዘሠርዐ ለነ ሲሳየነ
ወአራዘነ ወለዘተዐገሠ ኵሉ ኃጢአተነ
ወለዘወሀበነ ሥጋሁ ቅዱስ ወደሞ ክቡረ
ወለዘአብጽሐነ እስከ ዛቲ ሰዓት።
፰ ለልዑል እግዚኣብሔር ፍፁም ምስጋና ይገባል፤ ነሀብ ሎቱ ስብሐተ ወአኰቴተ ለእግዚአብሔር
. ለድንግል እናቱ እና ክቡር መስቀሉም ምስጋና ልዑል ወለወላዲቱ ድንግል። ወለመስቀሉ ክቡር
ይገባል። የእግዚአብሔር ስሙ ፈጽሞ ይመስገን ይትአኰት ወይሰባሕ ስሙ ለእግዚአብሔር
ዘወትር በየጊዜያቱና በየሰዓቱ። ወትረ በኲሉ ጊዜ ወበኲሉ ሰዓት።

፱. ሰላም ላንቺ ይሁን እያልን እንሰግድልሻለን
እናታችን ማርያም ሆይ እንማልድሻለን ከአዳኝ
አውሬ ታድኝን ዘንድ ተማጽነንብሻል ስለ እናትሽ
ስለ ሐና ብለሽ ስለ አባትሽ ስለ ኢያቄም ብለሽ
ድንግል ማኀበራችንን ዛሬ ባርኪልን።
ሰላም ለኪ እንዘ ንሰግድ ንብለኪ ማርያም እምነ
ናስተበቊዐኪ። እምአርዌ ነዓዊ ተማኅፀነ ብኪ።
በእንተ ሐና እምኪ ወኢያቄም አቡኪ ማኅበረነ
ዮም ድንግል ባርኪ።

፲. ማርያም አለችች፦ ነፍሴ እግዚአብሔርን ታላቅ ወትቤ ማርያም፦ ተዐብዮ ነፍስየ ለእግዚአብሔር
ታደርገዋለች። መንፈሴም በመድኃኒቴ ወትትሐሠይ መንፈስየ በአምላክየ እስመ ርእየ
በእግዚአብሔር ደስ ይላታል። የባሪያይቱን ሕማማ ለአመቱ። ናሁ እምይእዜሰ
መዋረድ አይቷልና፤ እነሆ ከዛሬ ጀምሮ ትውልድ ያስተበፅፅዑኒ ኲሉ ትውልድ እስመ ገብረ ሊተ
ሁሉ ብርክት ይሉኛል፤ እርሱ ብርቱ የሚሆን ኃይለ ዐቢያተ ወቅዱስ ስሙ፤ ወሣህሉኒ
ታላቅ ሥራን ለእኔ አድርጓልና፤ ስሙም ቅዱስ ለትውልደ ትውልድ ለእለ ይፈርህዎ ወገብረ
ነው። ለሚፈሩትም ምሕረቱ ለልጅ ልጅ ነው። ኃይለ በመዝራዕቱ። ወዘረዎሙ ለእለ ያዐብዩ
ኃይልን በክንዱ አሳይቷል፤ በልባቸው አሳብ ኅሊና ልቦሙ ወነሠቶሙ ለኃያላንያላን
የሚኮሩ ትዕቢተኞችን በታተናቸው፤ እመናብርቲሆሙ ኣዕበዮሙ ለትሑታን
ብርቱዎችንም ከዙፋናቸው አዋረዳቸው ወአጽገቦሙ እምበረከቱ ለርኁባን። ወፈነዎሙ
የተዋረዱትንም ከፍ ከፍ አደረጋቸው፤ ዕራቆሙ ለለብዑላን ወተወክፎ ለእስራኤል
የተራቡትንም በቸርነቱ አጠገባቸው፤ ቍልዔሁ ወተዘከረ ሣህሎ ዘይቤሎሙ ለአቢዊነ
ባለጠጎችንም ባዶ እጃቸውን ሰደዳቸው፤ ለአብርሃም ወለዘርዑ እስከ ለዓለም።
ምሕረቱን እንዲያስብ እስራኤል ባሪያውን
ተቀበለ። ለአባቶቻችን ለአብርሃምና ለዘሩም
እስከዘለዓለሙ ድረስ እንደተናገረው።

የመቁጠሪያ ጸሎት

መቁጠሪያ በትኩረትና በተመስጥኦ አምልኮ የሚቀርብበት እንዲሁም ትሩፋት የሚሰራበት ንዋየ

ቅዱስ ነው። ምዑመናን መቁጠሪያን ተጠቅመው ጽሎትን በማቅረብ፣ ስግደትን በመስገድ፣ አፈር
የሆነውን ኃጥያተኛ ስጋቸውን በመጎሰምም አምልኮ ሊያቀርቡ ይችላሉ። ፵፩ የመቁጠሪያ ፍሬዎች
ጌታችን እየሱስ ክርስቶስ ለእኛ ሲል የተገረፋቸውን ፴፱ ግርፋት፤ ፩ም በጦር የተወጋውን ጎኑን፤
፩ም በእራሱ ላይ የተጫነውን የእሾህ አክሊልን ተደምረው ያመላክታሉ። መቁጠሪያ ከዚህ ተጨማሪ
፷፬ ፍሬዎች የእመቤታችንን እድሜ ለማመላከት ወይም ፻፳ ፍሬዎች የኃዋርይቱን ቤተሰብ ቁጥር
ለማመላከት ሊኖረው ይችላል። ከዝህም በላይ እጥፍ ፍሬዎች ያላቸውን መቁጠርያ በአብያተ
ክርስትያናት እና በገዳማት ያሉ መነኩሳን ተጠቅመው ይዘክሩበታል። እንግዲህ በ ፵፩ ፍሬ መቁጠሪያ
መቅረብ የሚችሉት የተመስጦ እና የምጻኔ ጸሎታት ይህንን ይመስላሉ፦

፩. አባታችን ሆይ ከእመቤታችን ሆይ ጸሎት ጋር (የዘወትር ጸሎት ፫ እና ፬)፦ ፲፪ ጊዜ

፪. ሰላም ለለኪ ከጸሎተ እግዚተነ ማርያም ጋር (የዘወትር ጸሎት ፱ እና ፲)፦ ፯ ጊዜ

፫. እግዚኦ መሐረነ ክርስቶስ (አቤቱ ክርስቶስ ሆይ ማረኝ)፦ ፲፪ ጊዜ

፬. በእንተ እግዝትነ ማርያም መሐረነ ክርስቶስ (በእመቤታችን ማርያም ስም፤ ክርስቶስ ሆይ

ማረኝ)፦ ፵፩ ጊዜ

፭. ኪርያላይሶን (አቤቱ ጌታዬ ሆይ ማረኝ)፦ ፵፩ ጊዜ

፮. አምስቱን ቅንዋተ መስቀል (ችንካረ መስቀል) እያሰቡ ፵፩ ጊዜ ማለት። እነሱም፦

● ሳዶር(ቀዳማዊ)፦ አምላካችን ክርስቶስ በተሰቀለበት መስቀል መሃል ላይ በቁም እና

በአግድም ያሉትን እንጨቶች የቸነከሩበት ቅንዋት(ችንካር) ነው።

● አላዶር(ሁለተኛ)፦ አምላካችን ክርስቶስ ቀኝ እጁ የተቸነከረበት ነው።

● ዳናት(ሦስተኛ)፦ አምላካችን ክርስቶስ ግራ እጁ የተቸነከረበት ነው።

● አዴራ(ዐራተኛ)፦ አምላካችን ክርስቶስ ሁለቱ እግሮቹ በአንድ ላይ የተቸነከሩበት ነው።

● ሮዳስ(አምስተኛ)፦ ጲላጦስ በማላገጥ የአምላካችን ክርስቶስ መስቀል አናት ላይ “እየሱስ

ናዝራዊ፤ ንጉስ አይሁዳዊ” ብሎ ያጻፈው ጽሁፍ የተቸነከረበት ነው።

፯. ኦ አምላክ፦ ፵፩ ጊዜ

፰. ኦ ክርስቶስ፦ ፵፩ ጊዜ

፱. ኤሎሄ (አምላኬ)፦ ፵፩ ጊዜ

፲. እግዚኦ ከመአቱ ሰውረን በምህረትህ ታደገን፤ በእንተ ማርያም ወዲተ፦ ፵፩ ጊዜ

፲፩. ስማአነ አምላክነ ወመዳኒነ (ስማኝ አምላኬ እና መድሃኒቴ)፦ ፵፩ ጊዜ

፲፪. ዬዬ አምላክ ሆይ ተመልከተኝ ታረቀኝ፦ ፵፩ ጊዜ

፲፫. አምለክ ሆይ፤ እንደምህረትህ እንጂ እንደ ህጥያታችን አይሁን፦ ፵፩ ጊዜ

፲፬. እግዚኦ ተዘከረነ በውስትከ መንግሥትከ (ጌታ ሆይ በመንግሥትህ ውስጥ አስበን)፦ ፵፩ ጊዜ