This document appears to be a dialogue in Malay between a Kari Mudo (young man) and Sutan Batuah (a respected elder). They discuss an issue called "buah panitahan" which refers to resolving a problem or dispute. Over multiple exchanges, they debate the appropriate process for addressing the problem according to traditional customs and norms, while also considering modern perspectives. The discussion includes input from other respected religious and community leaders to find a mutually agreeable resolution.
This document appears to be a dialogue in Malay between a Kari Mudo (young man) and Sutan Batuah (a respected elder). They discuss an issue called "buah panitahan" which refers to resolving a problem or dispute. Over multiple exchanges, they debate the appropriate process for addressing the problem according to traditional customs and norms, while also considering modern perspectives. The discussion includes input from other respected religious and community leaders to find a mutually agreeable resolution.
This document appears to be a dialogue in Malay between a Kari Mudo (young man) and Sutan Batuah (a respected elder). They discuss an issue called "buah panitahan" which refers to resolving a problem or dispute. Over multiple exchanges, they debate the appropriate process for addressing the problem according to traditional customs and norms, while also considering modern perspectives. The discussion includes input from other respected religious and community leaders to find a mutually agreeable resolution.
Sutan Batuah:…………manitahlah Kari Mudo: pasambahan tibo pado sutan Sutan Batuah:.............Manitahlah. Kari Mudo : Adopun sambah jo titah nan ambo tibokan pado sutan nan bak kini nangko, karano dicaliak jauah nan dilayangkan, dicaliak ampia ditukiakkan. Karano jamba alah talatak, kok kumbiak alah tatabua, kok galeh alah barisi, bulek nan sagiliang, pipia nan satapiak dikarajo nan bapokok silang nan bapangka. Jamba nan talatak minta disantap, galeh nan berisi minta diminum di Inyiak mamak sagaji guru, sarato nan bakarapatan ditangah rumah, sakian pasambahan tibo pado sutan. Sutan Batuah : Alah sampai buah panitahan sutan? Kari Mudo : Manitahlah Sutan Batuah : Pasambahan juo tibo pado sutan Kari Mudo : manitahlah Sutan batuah : Tapi aratinyo sambah jo titah nan cako sajo di gampali, adopun nan manjadi buah panitahan di sutan samaso dihari nan cako. Karano caliak jauah dilayangkan, kok caliak ampia ditukiakkan karano jamba alah talatak, kok kumbuak alah tatabua, kok galeh alah barisi, bulek nan sagiliang, pipia nan satapiak dikarajo nan bapokok silang nan bapangka, jamba nan talatak minta disantap, galeh nan barisi minta diminum di Inyiak mamak nan sagaji guru sarato nan hadir ditangah rumah. Kan baitu buah panitahan sutan? Kari Mudo : Iyolah! Sutan Batuah : Buah panitahan itu alah di dalam adaik, tapi sungguahpun di dalam adaik, karano lai pulo nan manuruik undang adaik kato nan baiyo, elok jalan nan banamuah, kok diabo kato jo mupakaik. Karano duduak lai dihadapan niniak mamak sagaji guru sarato nan hadir ditangah rumah dijapuik nan kabarinoh mananti sutan buah panitahan, laikoh dalam adaik? Kari Mudo : Alah sampai buah panitahan sutan? Sutan Batuah : manitahlah Kari mido : Pasambahan juo tibo pado sutan? Sutan batuah : manitahlah Kari mudo ; Adopun sambah jo titah nan cako sajo digampali, adopun nan manjadi buah panitahan di sutan samaso hibari nan cako, karano lai pulo nan manurik adaik di adaik kato nan baiyo, dielok jalan nan bamuah, karano duduak lai lai dihadapan niniak mamak sagaji guru, darato nan hadir ditangah rumah, mananti sutan buah panitahan laikok dalam adaik? Kan baitu buah panitahan sutan? Sutan batuah : iyolah Kari Mudo : buah panitahan sutan tu alah dalam adaik, tapi sungguahpun dalam adaik, kato sutan ka mambao jo mupakaik, mananti malah ambo, karano sutan ka mananti ambo bao malah mupakaik. Mako dibao kato jo mupakaik oleh Sutan batuah kapado alim ulama dan niniak mamak sebagai berikuik: Sutan batuah : Inyiak ambo Tk Abdullah Khatib Tk Abdullah Khatib : manitahlah Sutan batuah : pasambahan tibo pado inyiak Tk Abdullah Khatib : manitahlah Sutan batuah : adaik barundiang pado inyiak bari maaf Tk Abdullah Khatib : pado Allah Sutan batuah : Adopun sambah jotitah nan ambo tibokan pado inyiak nan bak kini nangko, karano alah tibo ulak dikarajo nan bapokok silang nan bapangka. Nan manjadi ulak tu kini, caliak jauah dilayangkan caliak ampia ditukiakkan, kok jamba alah talatak, kok umbua alah tatabua, bulek dan sabimbiang pipia nan satapiak, dikarajo nan bapokok silang nan bapangka. Jamba nan talatak minta disantap, galeh nan barisi minta diminum di inyiak mamak sagaji guru sarato nan hadir ditangah rumah. Buah panitahan taranta pado ambo alah bajawab, ma agak i kabari no kapado karajo nan bapokok silang nan bapangka, ikolah nan ambo japuikkan jo pasambahan kapado inyiak. Tk Abdullah Khatib : Alah sampai buah panitahan sutan Sutan batuah : manitahlah Tk Abdullah Khatib : pasambahan tibo pado sutan Sutan batuah : Manitahlah Tk Abdullah Khatib : tapi aratinyo adaik sambah manyambah kapado Allah kito kambalikan. Adopun nan manjadi buah panitahan di sutan dihari nan cako. Karano alah tibo ulak dikarajo nan bapokok silang nan bapangka. Adopun nan manjadi ulak tu kini, karano caliak jauah dilayangkan caliak ampia ditukiakkan, karano jamba alah talatak, kok umbuak alah tatabua, kok galeh alah barisi, bulek nan sagiliang, pipia nan satapiak dikarajo nan bapokok silang nan bapangka bapamitan kapado niniak mamak sagaji guru sarato nan hadir ditangah rumah, jamba nan talatak minta disantap, galeh nan baisi minta diminum di inyiak mamak sagaji guru sarato nan hadir ditangah rumah, kan baitu panithan sutan? Sutan Batuah : Iyolah Tk Abdullah Khatib : Buah panitahan sutan tu alah dalam adaik, tapi sungguahpun alah dalam adaik, karano duduak dihadapan niniak mamak sagaji guru tu kini, kok dibao kato jo mupakaik, mananti sutan laikoh dalam adaik? Sekian pasambahan tibo pado sutan. Sutan batuah : alah sampai buah panitahan inyiak? Tk Abdullah Khatib : manitahlah Sutan batuah : pasambahan tibo pado inyiak Tk Abdullah Khatib : manitahlah Sutan batuah : tapi aratinyo sambah jo titah nan cako sajo digampali, adopun nan manjadi panitahan di inyiak banamo dihari nan cako, karano iko pulo nan manjadi adaik nan diadaikkan kato nan baiyo, dielok jalan nan kabanamuah, kok dibao kato jo mupakaik mananti sutan buah panitahan lai koh dalam adaik? Kan baitu buah panitahan inyiak? Tk Abdullah Khatib : iyolah Sutan batuah : tau kato inyiak kamambao jo mupakaik, mananti malah ambo Tk Abdullah Khatib : karano sutan kamananti ambo bao malah jo mupakaik. Mako oleh Tk Abdullah Khatib dimusayawarahkanlah dengan sesama alim ulama, setelah itu disampaikan kapado niniak mamak untuk maambiak kaputusan sebagai barikuik : Tk Abdullah Khatib : …………Inyiak datuak alam basa Dt Alam Basa : manitahlah Tk Abdullah Khatib : pasambahan tibo pado inyiak Dt Alam Basa : manitahlah Tk Abdullah Khatib : adopun nan manjadi sambah jo titah nan ambo tibokan pado inyiak nan bak kini nagko, karano alah tibo ulak dikarajo nan bapokok silang nan bapangka. Nan manjadi ulak tu kini, karano caliak jauah dilayangkan, caliak ampia ditukiakkan, kok jamba alah talatak, kok kumbuak alah tatabua, kok galeh alah barisi, bulek nan sagiliang, pipia nan satapiak dikarajo nan bapokok silang nan bapangka. Jamba nan talatak minta disantap, aia nan barisi minta diminum diinyiak mamak sagaji guru sarato nan bakarapatan ditangah rumah di adaik kato nan baiyo, dielok jalan nan banamuah nan kabarinoh, kapado karajo nan bapokok silang nan bapangka. Ikolah nan ambo japuikkan jo pasambahan kapado inyiak. Dt Alam Basa : alah sampai buah panitahan tuangku? Tk Abdullah Khatib : manitahlah Dt Alam Basa : pasambahan tibo pado tuangku Tk Abdullah Khatib : Manitahlah Dt Alam Basa : adopun sambah jo titah nan cako sajo di amba gadang, dianjuang tinggi, adopun nan manjadi buah panitahan dituangku samaso di hari nan cako, karano lah tibo ulak dikarajo nan bapokok silang nan bapangka. Nan manjadi ulak tu kini, karano caliak jauah dilayangkan caliak dakek ditukiakkan, kok jamba alah talatak, kok kumbuak alah tatabua, kok galeh alat barisi bulek nan sagiliang, pipia nan satapiak dikarajo nan bapokok silang nan bapangka. Jamba nan talatak minta disantap, galeh nan berisi minta diminum diinyiak mamak sagaji guru sarato nan bakarapatan ditangah rumah. Di adaik kato nan baiyo, dielok jalan nan kabanamuah, nan kabarinoh kapado karajo nan bapokok silang nan bapangka, ikolah nan ambo japuik an ka inyiak, kan baitu buah panitahan tuangku Tk Abdullah Khatib : Iyolah Dt Alam Basa : karano lah itu pamintaan karajo nan bapokok silang nan bapangka kok bana sahati jo tuangku alah dalam adaik Tk Abdullah Khatib : alah sampai buah panitahan inyiak Dat alam basa : manitahlah Tk Abdullah Khatib tapi aratinyo sambah jo titah nancako sajo digampali, adopun nan manjadi buah panitahan di inyiak samaso dihari nan cako, karano lah itu pamintaan karajo nan bapokok silang nan bapangka, kok bana sahati jo tuangku alah dalam adaik, kan baitu buah panitahan inyiak? Dt Alam Basa : basonoh lah kaiyonoh Mako dikumbalikan panitahan oleh Tk Abdullah Khatib kapado sutan sutan batuah sebagai barikuik: Tk Abdullah Khatib : Sutan batuah? Sutan Batuah : manitahlah Tk Abdullah Khatib : panitahan tibo pado sutan Sutan batuah : manitahlah Tk Abdullah Khatib : Adopun sambah jo titah nan ambo tibokan pado sutan, nan bak kini nangko, karano samaso dihari nan cako alah ambo bao kato baiyo bajalan banamuah, lah dijapuikkan nan kabarinoh kapado niniak mamak sagaji guru sarato nan hadir ditangah rumah, dapeklahkato nan saiyo, kebulatan kato mupakaik, sepanjang pamintaan karajo nan bapokok silang nan bapangka, alah dalam adaik, sekian pasambahan tibo pado sutan. Sutan batuah : Alah sampai buah panitahan inyiak? Tk Abdullah Khatib : manitahlah Sutan batuah : pasambahan juo tibo pado inyiak Tk Abdullah Khatib : manitahlah Sutan batuah : tapi aratono sambah jo titah nan cako digampali, adopun nan manjadi buah panitahan di inyiak samaso dihari nan cako, karano alah dibao kato baiyo bajalan kabanamuah kapado niniak mamak sagaji guru sarato nan hadir ditangah rumah, dapeklah kato nan saiyo, kebulatan kato samupakaik sepanjang pamintaan karajo nan bapokok silang nan bapangka, alah dalam adaik. Kan baitu buah panitahan inyiak? Tk Abdullah Khatib : Iyolah Sutan batuah : tan kato lah dalam adaik hujan bapuhun paneh barasa, lah itu ka ambo kumbalikan kasia anoh? Tk Abdullah Khatib : Rasonoh lai kaiyonoh Sutan batuah : Ambo kumbalikan malah Mako dikembalikanlah panithan oleh sutan batuah kapado Kari Mudo sebagai barikuik: Sutan batuah : ………..Kari Mudo Kari mudo : Manitahlah Sutan batuah : pasambahan tibo pado sutan Kari mudo : manitahlah Sutan batuah : adopun sambah jo titah nan ambo kumbalikan kapado sutan nan bak kini nagko, karano samaso dihari nan cako, alah tatumbuah panitahan disutan kapado ambo, baalah di ambo tu kini lah dipakaikan nan manuruik undang, diadaik kato nan baiyo, di elok jalan nan kabanamuah, alah dijapuikkan nan kabarinoh kapado niniak mamak sagaji guru sarato nan hadir ditangah rumah, mako dapeklah kato nan saiyo, kabulatan kato samupakaik sapanjang pamintaan karajo nan bapokok silang nan bapangka lah dalam adaik, alah kamailimuan ninik mamak sagaji guru sarato nan hadir ditangah rumah, tapi basaratoan jo karajo nan bapokok silang nan bapangka, sakianlah pasambahan pado sutan. Kari mudo : Alah sampai buah panitahan sutan Sutan batuah : manitahlah Kari mudo : pasambahan juo tibo pado sutan Sutan batuah : manitahlah Kari Mudo : Tapi aratino sambah jo titah nan cako sajo digampali, adopun nan manjadi buah panitahan disutan samaso nan dihadir nan cako, karanolah taranta buah panitahan di ambo kapado sutan. Baa di sutan tu kini lah bapakaikan manuruik undang di adaik kato nan baiyo, di elok jalan nan kabanamuah, alah dijapuikan nan kabarinoh kapado niniak mamak sagaji guru sarato nan hadir ditangah rumah, mako dapeklah kato nan saiyo, kabulatan kato samupakaik, sapanjang pamintaan karajo nan bapokok silang nan bapangka, alah dalam adaik alah kamalimuan inyiak mamak sagaji guru sarato nan hadir ditangah rumah, tap basaratoan karajo nan bapokok silang nan bapangka, kan baitu buah panitahan sutan? Sutan batuah : iyolah Kari mudo : tan kato kandak kababuliah, pintak lah kabalaku, basanang hati malah karajo nan bapokok silang nan bapangka Sutan batuah : tan kato basanang hati karajo nan bapokok silang nan bapangka, ma agak i buah panitahan alah elok kito parantian. Kari mudo : karano di sutan nan takana, kok do ambo lah takiro, basonoh lai kaiyonoh. Sutan batua : samo baranti malah kito