Modyul 7

Ang Mga Gamit sa Kahayag

 Hibalo-i Kini
Kini nga modyul gibuhat para sa mga magtulungha sa
elementarya ilabina sa nagtugha sa Grade 3. Kini makatabang sa
pagtuon ug pagsabot sa subject sa Science. Ang linggwahe nga
gigamit haum sa mga magtulungha sa Grade 3.
Inig human nimu ani nga modyul, ikaw makakat – on sa mga
musunod:
1. Masulti ang mga gamit sa kahayag;
2. Mahatag ang mga husto ug luwas nga pamaagi sa
paggamit sa kahayag

Pagsusi (Pre-Test)

Pilia ang labing husto nga tubag. Isulat kini sa activity notebook.
1. Unsa ang gamit sa kahayag?
A. Kini makatabang aron makita ang mga butang sa palibot
B. Kini makatabang aron masinati ang kalipay
C. Kini makatabang aron mabati ang tunog
D. Kini makatabang aron masinati ang kahapsay
2. Unsa ang gamit sa flashlight?
A. Makatabang aron makadungog
B. Naghatag kini ug kangitngit
C. Makatabang kini aron makakita ta sa ngitngit nga dalan
D. Naghatag kini ug saktong enerhiya
3. Asa sa mga musunod ang naghisgot sa gamit sa Suga sa Trapiko.
A. Naghatag kini ug tunog sa dalan
B. Naghatag kini ug kabibo sa kalsada
C. Nakatabang sa kahapsay mga sakyanan sa dalan
D. Nagmalipayon ang mga tawo nga nakakita niini
4. Ang mga musunod naghingalan sa gamit sa Adlaw (Sun)?
A. Nakatabang kini aron mabati ang tunog sa palibot
B. Nakahatag kini ug kahapsay sa pamilya
C. Nakatabang kini aron makita ang atong palibot
D. Nakatabang sa kabaskog sa panglawas
5. Unsa gamit o kamahinungdanon sa suga sa atong panimalay?
A. Nakatabang kini aron makita ang mga butang sa ngitngit
B. Nakahatag ug kahayag sa atong mata
C. Naghatag kini ug kahayag sa kalangitan
D. Nagmalipayon ang mga tawo nga nakakita niini

1
 Sulayan Ta

Isulat sa inyong Activity Notebook ang mga tinubdan sa

kahayag nga makatabang kanato aron atong makita ang
mga butang sa adlaw ug sa gabii.

Hisgutan Ta

Daghan ang mga tinubdan sa kahayag, natural o

artipisyal man. Kining mga tinubdan sa kahayag adunay
daghan ug lain-laing gamit.

Sama sa Adlaw (Sun), pinaagi niini nga kahayag makita

nato ang mga tawo, tanum, hayop ug uban pang mga
butang. Ug sa gabii usab makita nato ang mga bitoon,
aninipot ug bulan nga naghatag ug kahayag sa atong
paglakaw diha sa kangitngit.

Ang mga artipisyal nga tinubdan sa kahayag sama sa

Suga sa Trapiko (Traffic Lights)kay nakatabang sa kahapsay sa
mga sakyanan ug aron luwas sa disgrasya sa dalan. Ang
Bombilya kay nakatabang aron makita nato ang mga butang
sa ngitngit sa atong panimalay. Emergency Light ug Flashlight
kay naghatagi ug kahayag sa ngitngit nga dalan ug dapit. Ug
ang lampara nakatabang sa atong pagtuon aron mabasa
ang mga nagkalainlaing balasahon.

Sa paggamit sa kahayag susama sa mga lampara, suga

ug bombilya, importante nga kini palungon kung dili gamiton
aron malikayan ang disgrasya. Ang saktong paggamit niini
makatabang sa kahapsay sa atong panimalay.

2
 Kat-onan Ta

Kopyaha ang table sa ubos sa inyong Activity Notebook. Isulat

ang gamit sa tinubdan sa kahayag.

Tinubdan sa Kahayag Unsa ang gamit niini?

Example:
Adlaw Nakatabang kini aron makita ang
mga butang sa palibot

1. Kandila

2. Flashlight
3. Suga sa Kalsada
(Street Light)
4. Bulan

5. Bombilya

Buhaton Ta

I-drawing ang usa ka butang nga nakahatag ug kahayag ug

isulat ang gamit niini sa inyong panimalay.
Butang nga nakahatag ug kahayag Unsa ang gamit niini?

3
 Pagt Pagtantiya (Post Test)

Pilia ang labing husto nga tubag. Isulat kini sa activity notebook.
1. Asa sa mga musunod nagsulti mahitungod sa gamit sa
kahayag?
A. Nakatabang kini aron makita nato ang mga butang sa
palibot
B. Nakatabang kini aron madungog ang mga butang sa palibot
C. Nakatabang kini aron masinati ang kaayo sa tawo

2. Unsa ka importante sa Traffic Lights (Suga sa Trapiko)?

A. Kini naghatag sa saktong direksyon
B. Kini nagagiya sa kahapsay sa mga sakyanan sa dalan
C. Kini mutabang aron maila ang mga sakyanan

3. Unsa ang husto ug luwas nga pamaagi sa paggamit sa

kahayag?
A. Gamiton ang tubig sa saktong pamaagi
B. Ipasiga ang suga bisan pa hayag ang adlaw
C. Palungon ang suga kung dili kini gamiton

4. Asa sa mga musunod ang nagsulti sa gamit sa lampara?

A. Nakatabang kini aron makabasa sa nagkalainlaing
balasahon sa gabii
B. Naggikan ang kahayag niini sa Adlaw (Sun)
C. Nakatabang kini aron madungog ang palibot
D. Nakahatag kini ug kadasig

5. Unsa ang maitabang sa Flashlight sa atong pagbaklay sa gabii?

A. Naghatag kini ug suporta aron makabaklay kita sa gabii
B. Nakahatag kini ug kahayag aron magiyahan kita sa dalan sa
panahon na gabii na
C. Naghatag kini ug kalipay sa gabii

4
 Tubag sa mga Pangutana

Pagsusi (Pre-Test) Kat-onan Ta

Buhaton Ta Pagtantiya (Post Test)