SH1673
Hakbang sa Pagsulat ng Sulating Akademik at
Teknikal-Bokasyunal
I. Uri at Kinapapalooban
Ang teknikal na lathalain ay dapat lamang na tiyak,
may tuon, sigurado, at hitik sa impormasyon. Hangga’t
maaari, ang isang manunulat ng teknikal na lathalain ay
may kakayahang gumamit ng mga salitang maiintindihan
ng karamihan. May abilidad siyang gawing kaayaaya ang
mga salitang makaagham o teknikal sa mga mambabasa.
Ang pahina ay isa sa mga importanteng elemento ng
isang sulating teknikal-bokasyunal. Ang disenyo ay dapat
angkop sa paksa. Wasto dapat ang pagpili ng bullet points,
disenyo ng font, laki ng font, mga larawan, dayagram,
charts, at iba pa.
Ang teknikal na pagsusulat ay sumasaklaw sa
maraming uri at anyo depende sa target na mambabasa.
Siyasatin ang mga halimbawa ng mga sulating teknikal na
araw-araw natin nababasa at nakakasalamuha:
1. Instruksyon ng pagsasagawa – Ito ay nagbibigay ng mga
proseso kung paano gamitin ang isang kagamitan.
Kadalasan itong may mga litrato. Importante ang tamang
pagbibigay ng impormasyon dahil kung magkakamali ay
maaring maging sanhi ito ng pagkasira ng kagamitan.
2. Proposal – Ito ay isang sulatin na naglalaman ng metodo,
layunin, gawain, at obhetibo ng isang proyekto.
3. E-mails at Memorandum – Ito ay mga sulatin na
karaniwang ginagamit sa iba’t ibang kalakaran.
4. Press releases – Ito ay isinasagawa para sa anumang
anunsiyo na pampubliko.. Inilalathala ito ng isang
kumpanya upang ipagbigay at ipakilala ang kanilang
produkto o serbisyo.
05 Handout 1
5. Specifications – Ito ay isang uri ng sulatin na nagbibigay
ng sukat, itsura ng estraktura, kulay at iba pa.
6. Resume- Ito ay isang sulatin na nagpapakilala ng isang
aplikante na naghahanap ng trabaho sa isang kumpanya.
7. Ulat-Teknikal – Ito ay nagbibigay analisis sa isang
sitwasyon, kaso, paksa, at iba pa.
II. Mga Hakbang sa Teknikal na Pagsulat
Lingid sa kaalaman ng lahat, maaring makapagsulat ang
sinuman ng isang lathalaing teknikal kahit kakaunti ang
pagsasanay. Ang kagandahan ng pagsulat ng teknikal ay may
pamamaraang pupuwedeng gamitin upang ito ay maisaayos.
Narito ang pamamaraan:
1. Pagpaplano – Importanteng malaman kung sino ang
target na babasa ng iyong sulatin at ano ang layunin ng
lathalain.
2. Nilalaman – Alamin ang dapat na nilalaman ng
lathalaing isusulat. Importante na malaman mo din kung
saan hahanap ng mga impormasyon. Marapat lamang na
magsaliksik ng maigi at kumpletuhin ang datos at salain
itong mabuti bago gamitin.
3. Pagsulat – Isulat ang bawat burador o draft at irebyu ng
husto.
4. Lokalisasyon – Alamin kung may mga terminong
kailangan isalin sa Filipino. Unawain na may mga
salitang Ingles na walang salin sa Filipino.
Rebyu – Sikaping malaman ang kahinaan at kalakasan ng iyong
naisulat. Ayusin ang balarila, baybayin at iba pang detalye.
Sanggunian:
Bandril, L., & Villanueva, V. (2016). Pagsulat sa filipino sa
piling larangan (isports at teknikal-bokasyunal). Quezon
City: Vibal Group Incorporated.
*Property of STI
Page 1 of 1