K.T.

P GOLDEN JUBILI DUHSAKNA

Chhinga vêng Branch Kristian Ţhalai Pawl chuan ni 10,April,2012 hian kum 50-na (Golden
Jubilee) a lo thleng ta reng mai a. Hruaitu hmasate leh a hnu zêl a chhawm nungtute an fakawm hlê mai.
Hetiang hun min hruai thlengtu kan Pathian chu fakin awm sela, A hnênah lawmthu i sawi ang u.

Mihring nunah hian kum 50 chu puitling thawkhat taka ngaih a ni a, nunphung awmzia pawh tam
tak hriat hun a ni tawh a. Chutiang bawkin KŢP pawh kum 50 a lo thlen chuan kawng tam takin hriat tûr
hriatna hun a niin, puitling taka ngaih theih hun a ni tawh. Kawng hrang hranga hma lâkna leh Kohhran
tâna thawhna kawngah pawh Chhinga vêng Branch Kristian Ţhalai Pawl hian ţhahnemngai tak leh
theihtawp in chhuahna a lang fo ţhîn a, a ropuiin a lawmawm takzet a ni. Hma lam sâwn zêl nân chuan tih
tûr tam tak a la awm ngei dâwn a, chutah pawh chuan a hma anga ţhahnemngai leh taima taka thawk zêl
tûrin ka fuih a che u. Kum 50 kan thlen chinah hian nasa lehzualin hma lâkna hrang hrangah ţan la ila, kan
thlen chin aţanga hmasâwn zêl tûrin inbuatsaih sauh sauh ang u. Kum 50 lo thleng leh tûrah tûn aia lêt tam
taka kawng tinrênga hmasâwn tûrin tûnah hian i bei ang u. Kan ţhalai puite Pathian leh Kohhran ngaihsak
lote pawh hlim tlâng taka Lalpa tâna thawkho tûrin sâwmin ţan la zêl ila. That lai hun hi Lalpan a hmang
duh tih hre rengin, nakina kan hlim leh lâwmna tûrin Lalpa tân inpe zual zêl ang u. Centenary hun thleng
tûr chuan kum 50 dang a la ngai tih hre rengin he Golden Jubili aţang pawh hian kan theihna leh kan ţhat
lai hun hi Lalpa tân inpe phalin in hmang sauh sauh ang u.

‘Thil ţha ti atân Krista Isuaah chuan siama awmin ama kut chhuak kan ni si a; chu thil ţha tih chu
kan awmna tûrin Pathianin a buatsaih lâwk a ni’ tih kha hre reng ang u.

Golden Jubilee ah hian Kristian Ţhalai Pawl member zawng zawngte ka lawmpui che u a, hun lo
la kal zêl tûrah hma in sâwn a, Lalpa malsâwmna in dawn zêl nân ka duhsakna ka hlân a che u.

(Rev. K.LALTHANGMAWIA)
Bialtu Pastor,
Chhinga vêng Pastor Bial.