BOANERGEA

Estd.21.1.2012

Krista leh Kohhran tan

An Official Organ of Thalai Kristian Pawl, I.T.I Veng Unit Vol - I Issue - VIII 20th May, 2012 Bi-Monthly Newspaper Free Distribution

TUALCHHUNG
** CHAWNGHEI

KRISTIAN CHHUNGKAW DIK HLIMNA THLENTU.

Rbt. J. Vanlalliana Convener, K.N.P. I.T.I Unit
Kristian chhungkaw dik tak hi a tha in a pawimawh hle a. Kohhranah leh khawtlangah pawh an tangkai hle thin a ni. Chhungkaw tha lo chu Kohhran leh khawtlang tan pawh an hnawksak fo thin a ni. Kristian tih kan Bible a hming putu hmasa te chu Antiokei khua leh Isua zirtirte an ni a, Kristian chhungkua chu hrilhfiahna tam tak awm thei mahse Isua Lal a neitu, zuitu chhungkua hi an ni kan ti thei awm e. Mizo zinga Kristian hmasa te kha Pathian thuawih tih an ni a. An hming pawh an pu zo hle awm e. Kristian an nih hnu khan, Kristian an nih hma a an thil chin thalo, Kristian nun nen inmil lo chu an bansan deuh vek a ni. Kristian an nih avangin harsatna tam tak khua atanga hnawhchhuah thleng in an tuar a, tunlai a kristian in ti tam tak te hi chuan kristian tih awm zia kan hrechiang ta lo a tih theih a ni. Kristian chuan Bible zirtirna atangin a tih tur leh tih loh tur a thliar hrang thiam tur a ni a, chuti ang atan a rilru leh tha leh zung senglo tu chu Isua zuitu dik tak a ni theilo vang. A hming in a sakhaw zui atan kristian tih a hmang ve a, chhiatni/thatni a tuamhlawmtu atan chauh a duh tihna a ni. Kristian chhungkua chuan Pathian (an chhungkua in) mumal takin an be thin tur a ni a. Maicham a mei chu a mit tur a ni lo (Lev -6:9) chu maicham mei ti nung reng tur chuan Pa ber leh Nu in mawhphurhna kan nei a ni. Khawvel thilah hun tam tak kan pek theih laia chhung inkhawmna hun (Pathian Biakna) kan nei theilo hi kan thlarau nun tichaklo tu a ni fo thin a ni. Paulan Timothea hnenah tawngtai dan tur a sawiah khan lawmthu sawina te a hmasa ber a (chutah chuan damna, hriselnate kan nunah ei leh bar tur tlachham lova kan awm avangin). A pahnihna ah chuan ngaihdam dilna Pathian ah leh kan mihring puite chunga kan rilru put dan leh chetzia ah Pathian mittlung tawk lo leh mawilo tam tak awm ah te, tin, a pathumna ah chuan thil dil tawngtaina kan hun la hman tur hi engmah kan thu a awm loh avangin a venna leh a hruaina dil fo hi a finthlak a, tin, damlo te, Missionary te leh kan rawngbawlpui te tan kan dilsak ang. Tunlai ringtu (Kristian) te hian Pathian nunzia hi kan hriatchian fo a tul a, Mosia hnenah a mizia a hriattirna ah chuan, a lainatna, khawngaihna, thinnel tak leh ngilneihna Pathian a nih thu te mai bakah mi kan ral hmang Pathian a nih thu te thleng in a sawi a, thiam lova a ruat te chu an sual man ah hrem lovin a chhuah ngailo a ni tih kan bible ah pawh kan hmu a ni. Chuvang tak chuan vawi in ni, khawngaihna hun tawite la awm ah hian hlimna dik chang turin kan beih fan fan a tul a ni. Duhthlan tur (Deut -30:15) ah min hrilh a, Nunna leh Thihna, hlimna leh lawmna dik chu Lalpa thupek zawm fo hi a ni. Pathian in chhungkua hi a dah pawimawh hle a, Juda Lal Hezekia -hnenah chuan, zawlnei Isaia hmangin (Isai 38:1) I chhungte khawsak dan tur rel fel rawh a ti a ni. Vawiin ah hian keini Ration Card -a hming ziak hmasa ber te hian mawhphurhna kan nei a ni tih hi i theihnghilh lovang u. Pathian chakna leh thiltihtheihna hi hman mai theihin kan tan chhawpchhuahin a awm a, Pathianin Israel- te hnena a thupek chu thahnemngai taka zirtirna pek leh hun tha buatsaih thiam tura Lalpa dil a, kan taksa mamawh silh leh fen tur leh ei leh bar mai aia pawimawh zawk kan thlarau nun chakna tur leh nunkawng dik leh hlimna nei tur a kan thut lai te, kan kal lai te leh mut leh thawh hun, englai pawh a kan nun leh chetzia a zirtir na kan neih hi a ni. Kan sawi aiin kan nun hi a ring ber a, mi rilru hnehna awlsam ber malsawmna tlak ni fo chu Nu leh Pa ten kan nun Krista chanchin Tha nen a inmil tur a kan nun a zirtir fo hi a ni. Beidawng mai lovin, Thup - 22:6 -ah chuan naupang zirtirna tha (Bible mil in) pek chu lawmna leh hlimna thlentu an nih tur thu min hrilh a, chumi chang tur erawh chuan Lalpa chakna leh thiltihtheihna rinchhan a keimahni leh kan fate Lalpa hnen a inkawltir fo hi kan nun dan tur leh mawhphurhna a ni. Josua -ang a Kei leh ka chhungte erawh chuan Lalpa rawng a ni kan bawl dawn ni ti a harsatna tam tak awm mahse min tiamtu Lalpa rinawmna hrerengin tan la zel ila, khawvelah ropuina leh sanna, hmingthanna leh hlimna zawng a kan buai lai hian lawmna leh hlimna dik tak chu maicham a mei ti mit lova, tinung a keimahni leh chhungkua in Lalpa rawng kan bawl hi a ni. Thlarau leh tih takzet a kan Lal Isua chibai buktu te chuan Kristian chhungkaw dik leh hlimna an nei thin a lo ni. Chumi chang tur chuan Lal Isua hnena thuhnuairawlh leh inngaitlawm a a hnena inpek hi a ni. Lalpan a thu mal min sawm sak theuh rawh se. AMEN

TAWNGTAI
T.K.P Evangelical Cell -ten Annual Plan -a alo dah tawh angin vawiin hi thlakhat a Pathian ni vawi 3 -na a lo ni leh ta. Chawnghei Tawngtai neih hun a lo thleng leh ta reng mai, Tlai 5:30 pm ah Biak in ah programme hman tur a ni dawn a, kohhran member zawng zawng te tel theuh turin kan in sawm a ni.

** BORAL
Kan rawngbawlpui, Pu Lallianmawia (38), Upa Bial -2-na huamchhung a awm chu ni 15.05.12 ( Thawhleh zan) khan Kal na avangin a boral a, a ruang hi tlaivar pui a nih hnu in a tukah ITI veng thlanmualah vuiliam a ni. Khawhar chhungte kohhran hoten i tawngtaipui ang u.

** KRISTIAN CHHUNGKAW CHAWLHKAR

Kar kalta ( 14 - 19 May ) M.B.K. hun pawimawh Kristian chhungkaw chawlhkar a ni a, hemi pual hian Headquarter - atang a thuzir tur (a bu a siam) buatsaih hmangin kohhran a chhungkaw engemaw zatin kristian chhungkaw chawlhkar hi an hmang a ni.

** MISSION FURLOUGH
Karleh Pathian ni zan (Dt.27.05.12) inkhawm hian M.B.K Missionary Nl. Lalnghingi, Tripura Field -a thawk mek chu Furlough Prog. hmangin kan Biak in ah a lokal dawn.

** NI PAWIMAWH
May 20 - Kristian Chhungkaw Ni May 27 - Penticost Ni May 29 - Thawhlehni & TKP Ramthim Ni

Printed & Published by Thalai Kristian Pawl, I.T.I Veng Unit

Vol - I

Issue - VIII

20th May, 2012

Bi-Monthly Newspaper
Editor

Free Distribution
EDITORIAL BOARD

Editorial.... Kohhran mipui te tan lak kan ngaihna hi atam in kawng engkimah ah hmasawn kan ngai em em vek a, in khawm, tawngtai, zai leh naupang en kawl kawng ah te, inkhawm kal hma ah te tan lak kan ngai khawp mai. A hmasa ber atan chuan inkhawm kal hma hi kohhran mipuiten kan tihtur pawimawh tak leh hmasawn kan ngaihna lai tak pawh a ni. Inkhawm dar a rik rual a Biakin thleng hman tur a zing atanga inbuatsaih lawk a ngai a, tan hma darkar chanve chu zai hman thei tur a inpeih hman tur in kohhran mipui te i tangrual ang u. A dawt leh atan chuan inkhawm lai a kan tu leh fa te kan thlah zalen lutuk leh kan khuahkhirh lo lutuk hi hmasawn kan ngaihna lai leh kan zir tlan atan a pawimawh khawp mai. Kan fa naupang tete chhia leh tha pawh la hre lo te biakin a kan in khawmpui hian, a bik takin nute hian mawh kan phur zual hle hian a hriat a, an ninhlei tur te, Biakin chhunga midang rilru kai peng tur lakah kan ven a ngaiin Biakin chhungah eitur ken luh sak emaw ei tir loh hi atha khawp mai. A tawp ber atan chuan kan thut dan hi en fel/ siamrem kan mamawh khawp mai. Kan in thut pawlh lutuk a, pawnlam a tanga lo kal(mikhual) te mak tih leh sawitur in kan thut dan hi a fel lo khawp mai. Nu (tlawngawl) chin hi chuan dawhsan lam pan thei hram ila, kan leng lo anih chuan nu nau ho nena inchiahpiah buailo tur a, a hmalam kan pan tlan a tha khawp mai. Tin, Pa la valai deuh te chu thalai thut naah thu thei hram ila a tha khawp ang. Hmeichhia leh mipa, nupa pawh ni ila inthut pawlh lo thei hram ila,kan kohhrantan leh hmasawn na atan pawh a tha ngei ang. Vawiin tlai Chawnghei Tawngtai Programmee:Tan hun :- 5:30 pm. Hruaitu :- Tv. Zoduhsanga

T.K.P PROGRAMME :
Dt. 21thMay (Thawhtan Zan) @ 7:00 pm Hruaitu : Pu P.C. Laltanpuia Tantu : Tv. B. Malsawmzuala Group Zai : Decoration & Music Sub-Comtt. Bible chang vawn : Nl. Lalduhawmi Thuchah : Rbt.R.H. Hrangchhunga
(20 Mins)

Dt.27 May (Fellowship) @ 2:00 pm Hruaitu Tantu Hla Bihchianna Group Zai : Tv. Lalhminghluna. : Nl. Lalremkimi : Tv. Lalhriatzuala Sailo. : Pu C. Lalngilneia te
Unau

th

: C.Lalngilneia 9612296928 Jt.Editor : P.C. Lalnunmawia 9612296929 : Lalhriatzuala Sailo 9862223145 News Editor : J. Lalhmingliana 8575776629 : Lalramnghaka Sailo 8014571806 : C. Lalremruata 9774894853 Pro.Manager : Linda Zoremsangi 9862647414 Cir.Manager : V. Lalmuanpuii 9612641325 O/B incharge : Joseph Lalhmangaiha 9612540901

BKHP PROGRAMME: Dt.28th May, 2012 (Thawhtan zan) @7:00pm Hruaitu : Pi Rohmingthangi Tantu : Pi Lalruati. Thilpek lakhawmtu : Pi Chiangkhawii. Thuzir Kaihruaitu : Pi Lalpekhlui Zirtur : Zirlai 8 -na

T.K.P NEWS
1)Kar kalta chhung khan zan lamah T.K.P sumtuakna atan Phone Screen Guard bela hnatlang neih a ni a, remchang hmasa berah neih leh tum a ni. Member te lo in ring lawk theuh turin kan in ngen a ni. 2) June ni 3,2012(Pathianni) hian Bial T.K.P buatsaih Bible quiz (Mika, I Timothea leh I Petera ) intihsiakna chu M.B.K. Bethlehem Biak inah neih a ni dawn ta, lawmman tha tak tak siam a ni dawn a, member te lo in buatsaih lawk theuh ang u.

KNP PROGRAMME:
Dt.20.05.12. (Fellowship) @ S.S. ban. Hruaitu : Pi Lalringliani Tantu : Lalruattluangi Thawhlawm Khawntute : 1) Lalchhandami 2) Lalthazovi 3) Rodingpuii. Spl. Item : Tv. Lalhmangaihtluanga. Solo : PC. Lalhmachhuani. Music zir : Conductor. Thusawi : Rbt. C.T. Lalrinzauva. Dt.27.05.12 (Pathian ni Zing) @ 6:00 am Hruaitu : Tv. Joseph Lalhmangaiha Tantu : Immanuel Lalrinzuala Thawhlawm Khawntute : 1) Lalrosiami 2) Rebecca Lalrinthangi 3) Rebek Lalruatsangi Hlazir : Conductor Recitation : Lallawmkima Solo : Lalrinfela. * Note:- Remchang hmasa ah K.N.P Senior Group te tan Solfa&Music zirna buatsaih tura hmalakna kal pui mek a ni.

TUALCHHUNG PROGRAMMEE
Dt. 20.05.12 (Pathian ni) Zing Hruaitu : Upa K. Darkuga Thusawitu : Upa Hrangdailova Zan Hruaitu : Upa K. Darkunga Thusawitu : Pu C. Lalremsanga Missionary @ Tripura Dt. 23.05.12 (Nilai Zan) Thusawitu : Rbt. R.H. Hrangchhunga Dt. 26.05.12 (Inrinni Zan) Hruaitu : Upa K. Darkunga Dt. 27.05.12 (Pathian ni) Zing Hruaitu : Upa K. Darkunga Thusawitu : Nl. Lalnghingi Missionary @ Tripura Zan Hruaitu : Upa K. Darkunga Thusawitu : Rbt. C.T. Lalrinzauva Dt. 30.05.12 (Nilai Zan) Thusawitu : Rbt. V. Lalchhuanawma Dt. 02.0.12 (Inrinni Zan) Hruaitu : Rbt. C.T. Lalrinzauva

Sunday School tantu turte:20.05.12. Pi F. Lalthangzami 27.05.12. Lalruattluangi (Inter Dept.)

Pangpar Khawitu turte :

20.05.12. Pi Lalhmingmawii & Lalbiakchhungi 27.05.12. Pi. Rohmingthangi 03.06.12. Pi Laldingliani Pautu & Pi Lalduhkimi

Printed & Published by Thalai Kristian Pawl, I.T.I Veng Unit