Indona (Ephesi 6:12)

Pc. Lalnunmawia
(Joela -pa)
Kan buante hi tisa leh thisen an ni silo,Lalnate leh,thuneihnate
leh,he thim chunga khawvel roreltu leh,van hmunahte thlarau sualho
awmte an ni zawk e
Awle chhiartu duhtak kei tehlul hian thu tha leh ngaihnawm hlui tur
che pawh ka neilo,Sermon leh Article pawh thliarhrang thiam mang hlei lo
hian thupuiah Tuipuiral tawng te chu kan la hmang ta dah a, mahse zah
vanga boral ta ka la hriat loh avangin Sunday tuk chu ka thulh phah
chuanglo turah ka ngai..
Khai le thupuiah lut thut teh ang.Tunlai khawvel buaina tamber
chu indona hi ani awm e.Chu indona ah chuan Sipai te hi a hmatawng
(Frontline)a awm thrin chu an ni.Sipaite hian an ram tan leh thian te tan
nun an hlan ngama,hmelma tena an thah hnu poh a theih chuan ruang an
hlawm hram hram thin.Hliam tuar ngat phei chu phatsan mai lo in an
nuna hial pawn tuar dawn se hmun him lamah an hruai hram hram thin
(Leave No Man BehindDelta Force Theme).An damkhaw chhuahna chu
mahni niloin an vaia tan tlanna zawk hi ani tih an chiang em em ani..Awle
keini ringtute pawh hi Tirhkoh Paula chuan
Ephesi 6:12 a a ziah ang khan Krista Sipaite kan ni.Mahse kan do chu
khawvel mite niloin diabola,setana,thlarau sual te an ni zawk a.
Awle ringtu duhtak diabola kan dona kawngah hian a chang chuan
kan tlan chhia in hliam kan tuar thin,thi khawp hial a min sawisak chang a
awm thin,kan hliam a nat em avanga mahni a insaseng theilo khawp pawn
kan awm chang a awm ngei ang. Heng hunahte ani dawn lawmni Ringtu
duhtak kan thian Kristaa kan sipai puite hliamtuar te kan
chhawmdawla,kan bawihsawma hmunhim lam kan panpui hi kan tihtur
dik tak chu ani dawn lawmni..Ringtu hawikir hliam tuar kan hmuh changa
diriam tak a hnung a kawka nuihzat mai tur em ni kan nih??An hliam tuar
tihdam tum lam ai a sawisel/sawichhiat mai te kan ching em??..Hawh u
Kohhran mite Krista Sipai rual ropuitak te hian sual ral kan do na kawngah
hian inlungrual takin,do tlang zelin,I in tuam dam tawn zawk ang u..