LITERATURA
TULA
PAANO NGA BA [PANGAMBA]
Ni Nallaine Mauyao
Nakakapagod
Nakakaubos
Pag-asa’y di makatagpo
Nakakapagod
Nakakaubos
Parang sigarilyong upos
Ang lahat ay papunta na sa pagkalaos
Saan man lumingon walang mahanap na
inspirasyon
Animo’y nangangapa sa kawalan
Ang pangarap na minsang inasahan
Hindi na ata mapapakinabangan
Hindi na sabik sa pagtulog sa gabi
Hindi na rin sabik sa paggising sa umaga
Paano na nga ba
Punong-puno ng mapangamba
Paano na ang bukas kung ang ngayon pa
lamang ay ubos na
Paano na ang bukas kung ang ngayon pa
lamang ay tapos na
Paano pa tutuparin ang pangarap kung
ang ngayon pa lamang ay malabo na
Nakakapagod
nakakaubos
PUNA
Ni Nallaine Mauyao
Gusto kong magalit,
Kung papaanong hinusgahan, Mga
hakbang na minsang sinamahan
Kung papaanong dinungisan, Pero
minsang pinuri at nagandahan.
Kung papaanong tinapakan, Ang
minsang itinaas sa kalawakan.
Gusto kong magalit, Sa mga taong
minsang nakasakit,
Mga taong minsang nagmalasakit,
Ngunit, pait at hinanakit, pasakit,
Kulang nalang ay pumikit.
Gusto kong magalit, Sa mga padalos
dalos na letra.
Na kung minsan sa bibig puro maganda
ang lumabas,
Ngunit ngayon ay puro pamimintas.
Sa talas, hindi nagkulang sa tasa.
Hindi binalanse, sa tingin n’ya ay
swabe.
Gusto kong magalit,
Sapagkat, bago mo pasukin Ang
kaibuturan ng isang tao,
Tiyakin mo munang hindi puro maganda
ang titignan mo,
At lalong tiyakin mo,
Na sa dulo ang mga minsang pinuri mo
ay hindi mo huhusgahan kabaliktaran
kung paano ka nagandahan dito.
PANG-ALIW
Reference : facebook.com
www.pinterest.ph