Kan y Afu ya naggafanan na Kagitta pay ya Babalay Tuao nga ne-eduma kan karwan Ya lugar nga neladdangan adet kabalinan.
Ananaddu nga Wangag Chico ya panalanan,
Makkoman, mamasaret, manegosyo ya pattolayan Mait, ammay, tabaku, masitam kanya allawa nga koman Aru pay ya nakabalin nga asan nalampaw nga patrabahwan.
Nuwang, baka, kassing, bahuy negalut cha akkomanan,
Itik, atu, manuk, gawgawa ya masita kanya arubayan Asan pay sili, saluyut, barangkenat, kalabasa, apapet, Nu malutu, asan nasissingngat nga Pinakbet!
Tuaenos, grupo ya tottolay nga disiplinadu,
On, kelat kattun addet sangaw mari mawawan, Ya angngurug kanya akkayanan, akkayanan ya aru Ya abbing nga mari makitabarang e mabbarwang.
Wahi, kakka, kakot, kakay, ama en ina
Angngikakwa cha miyembro ya pamilya Mahanak ya modelo ya abbing ira Ya unna mattuldu kan angngurug kan y Afu tera.
Nu asan bisita, ya tuttud metunnad kan ira,
Nu chempo angnganan, ira ya maponna, Nu meryenda mamba, sinabulu ya metunnad monna Entre kafe Arabica nga asan la kanya arubayan da.
Nu mabalin ya minatay kanya pamilya,
Asan padasal addet kan siyam nga algaw peba Sonu mabalin, maitunud ya lubena Para kanya pang apat-fulu nga algaw na.
Nu asan patakayan kanyaw nga nakkakasta,
Masitam cha dalan ya kalesa ira Asan da pay tricy, jeep and bus ira Nu kayat mu nga mas alistu ka.
Aru ya nakasta nga appashsharan kanyaw!
Ya Abbut Solidarity Park para kan ikaw, Ninoy Aquino Bridge, asan cha taka ya ga’dang Ya Cassily Lake Resort nga asan kan dammang.
Ya babalay nga mari uyya ya chismosa,
Kan Tuao mu nga masita Kelat awan pakappyanan ya napot nga ergo Cha disiplinadu ira nga Tuaoeno.
Awan, awanin nga mas id-iddukan ku nga padyanan
Nu si ya Tuao, marik popporyan Ipapparyag ku yaw addet kan panddetan Lallahud Tuao, ya futuk kan ikaw laman. #