Mga Pang-ugnay na Hudyat sa Pagkakasunod-sunod ng Pangyayari

Mga Hakbang sa Pagluluto ng Adobong Baboy:

1.Una, paghaluin ang karne ng baboy, bawang, dahon ng laurel, paminta at toyo sa kaldero at imarinate ng 30 minuto.

2. Sunod ay ilagay ang kawali sa kalan na may mahinang apoy sa loob ng 40 minuto o hanggang lumambot ang karne.
Magdagdag ng tubig kung kinakailangan.

3. Kapag lumambot na ang karne ay ilagay ang suka at hayaang kumulo sa loob ng 10 minuto.

4. Maglagay ng asin at asukal ng naaayon sa iyong panlasa.

5. Hanguin ang karne at isantabi muna ang sabaw o sauce.

6. Sa kawali, iprito ang karne hanggang magkulay brown.

7. Muling ibalik ang karne sa sabaw o sauce at pakuluan ng kahit 1 minuto.

8. Panghuli, ilagay sa lalagyan ang Adobong Baboy at ihanda ito sa hapag kainan.

I. Pang-uring Pamilang na Panunuran o ordinal

Kapag ang pinagsunod-sunod ay mga pangngalan,gumamit ng mga pang-uring pamilang na panunuran o
ordinal. Ang mga bilang na ito ay makapagpapakita ng pagkakasunod-sunod ng mga tao,bagay,hayop lugar at
gawain. Ito rin ay tinatawag na sekwensyal na pagsusunod.
Halimbawa: Una si Duterte,pangalawa si Robredo,at pangatlo si Lacson.
II. Tekstong Prosidyural
Kapag ang pinagsunod-sunod ay proseso o paraan ng pagsasagawa ng isang bagay tulad ng
pagluluto,paglalaba,pagkukumpuni ng sasakyan, o paggawa ng iba’t-ibang bagay,o iyong mga tinatawag na tekstong
prosidyural
 Mga salitang nagpapakita ng pagkakasunod-sunod tulad ng una, kasunod,panghuli at iba pa.
 Mga salitang “hakbang” + pang-uring pamilang
Halimbawa : Unang Hakbang, ihanda ang mga kagamitan. Ikalawa, pagsamahin ang mga sangkap.Ikatlong
hakbang, palambutin.

III. Mga salitang tulad ng “isang araw, samantala, maya-maya,hindi nagtagal, agad, sa wakas” at iba pa.
 Kapag naman pangyayari sa kuwento ang pinagsunod-sunod, madalas ay hindi na ginagamitan ng mga salita
na nagpapakita ng pagkakasunod-sunod o time o time sequence, subalit mahalagang nabasa at naunawaang mabuti
ang kuwento ,sapagkat mga pangyayari lang ang ilalahad na kailangang ayusin ayon sa kung paano ang nangyari sa
binasa.

Sa pagsasalaysay o pagkukwento ay gumagamit tayo ng mga salita tulad ng, “isang araw, samatala, hindi
nagtagal,maya-maya,agad,sa wakas at iba pa.”

Halimbawa: Isang umaga, nakakita si Sita, ng Gintong usa.Maya-maya pa, hinabol ito ni Rama.

Seatwork:
Ayusin ang mga paraan sa pagluluto ng Arozcaldo.Lagyan ng bilang 1 hanggang 6 ang mga hakbang.