ACORDO DE INTENCIÓNS E CALENDARIO DE NEGOCIACIÓN NO MARCO NEGOCIADOR
DO PLAN DE ORDENACIÓN DE RECURSOS HUMANOS DE ATENCIÓN PRIMARIA UGT-SP, acabamos de asinar o acordo que nos vai a posibilitar a participación na negociación de medidas de mellora das condicións laborais, reiteradamente solicitadas pola nosa organización sindical, para todo o persoal de Atención Primaria.
Por que é importante este acordo?
• Porque, Por primeira vez, establece un horizonte de negociación de 1 ano cun cronograma crible. • Porque aparte das categorías deficitarias, téñense en conta as demais categorías dos equipos de atención primaria. • Porque, por primeira vez, o Sergas vén a negociar reivindicacións históricas expostas por UGT. Novedades respecto a documentos anteriores: • Incremento retributivo para persoal de centros de difícil cobertura que realice quendas de tarde ou deslizantes, non só para categorías deficitarias senón tamén para o resto do persoal destes centros. (2º trimestre de 2023). • Estabilidade do persoal residente no seu último grao de formación nas especialidades de Medicina Familiar e Comunitaria e pediatría de atención primaria, coa oferta de contratación estable de 3 anos. Adiantarase a resolución do concurso de traslados de 2023 e do concurso de estabilización de médico de familia para garantir o dereito á mobilidade deste persoal (2º trimestre de 2023). • Incluír a categoría de médico/a de familia e outras categorías de especialista (por exemplo de enfermería), que poden ser provistos mediante procesos selectivos polo sistema de concurso (2º trimestre de 2023). • Recoñecemento e incentivo da labor de titoría, incluíndo a titoría EIR (2º semestre). • Negociar as condicións de traballo e retributivas do persoal residente en formación (incluirase o persoal EIR), que datan del año 2007, reclamada por UGT-SP (2º semestre). • Plan de dotación de prazas 2023-2027, UGT-SP, solicitamos que se incluíse no apartado de determinación de cocientes o compromiso por parte do Sergas da garantía de cobertura 100% de todas as ausencias. O Sergas non aceptou esta alegación (2º semestre). • Elaborarase un plan de dotación de persoal coa finalidade de completar os equipos de persoal médico e de enfermería en centros de saúde e PACs. Obxectivo mínimo 1/1, reivindicado tamén por UGT (2º semestre). • Adaptación retributiva a TIS: Impulsarase o proceso de de adaptación retributiva neste ano 2023, UGT alegamos que se debía garantir que ningún colectivo sufrise perdida retributiva con esta adaptación (2º semestre). • Traballo nos días 24 e 31 de decembro: Estudo e negociación do seu tratamento nas categorías que non teñen incluídos lestes días como festivo especial. UGT-SP, manifestamos que esta medida conleva unha modificación do DECRETO 226/1996, do 25 de abril, polo que se regula o réxime retributivo do persoal das unidades e servizos de atención primaria, e en consonancia, solicitamos que no plan de ordenación negóciense a modificación retributiva en categorías como PSX ás que cada vez se lle impoñen novas funcións sen reflexo retributivo algún.