Ang pasko ay maituturing na isa sa pinakamahalaga at pinakapinaghahandaang
pagdiriwang sa Pilipinas. Pagsapit pa lamang ng Setyembre ay mararamdaman mo na ang paparating na pasko. Kakikitaan ang mga kalye na mga makukulay na parol at mga ilaw. Mga nag tataasang Christmas Treena may magagandang palamuti, mga batang umaawit ng tugtuging pamasko, at pagbigay ng mga regalo. Ang Noche Buena naman ay isang kaugaliang Pilipino na tumutukoy sa salu-salo o pagdiriwang sa gabi ng bisperas ng pasko. Sa araw na ito ay ang pagtatapos ng Simbang Gabi, pagtitipon ng mga magkakapamilya kasama ang iba pang kamag-anak para sa isang masayang hapunan. Kaakibat nito ay ang mga masisiglang sayawan, magigiliw na awitin at walang humpay na kwentuhan.
Ibang-iba talaga ang pasko sa Pilipinas, sa kabila ng mga pinagdaanan natin sa
nakalipas na taon, ay nanagawa pa rin nating magdiwang at magkaroon ng mga kakaibang ngiti sa labi. Sadyang kakaibang sigla ang naidudulot ng simoy ng pasko sa ating mga Pilipino.