Professional Documents
Culture Documents
Kavitayein 2
Kavitayein 2
Suna Hai
suna hai log use aankh bhar ke dekhte hain
so us ke shahr mein kuchh din Thahar ke dekhte hain
suna hai rabt hai us ko KHarab-haalon se
so apne aap ko barbaad kar ke dekhte hain
suna hai bole to baaton se phul jhaDte hain
ye baat hai to chalo baat kar ke dekhte hain
suna hai din ko use titliyan satati hain
suna hai raat ko jugnu Thahar ke dekhte hain
suna hai us ke badan ki tarash aisi hai
ki phul apni qabaen katar ke dekhte hain
suna hai hashr hain us ki ghazal si aankhen
suna hai us ko hiran dasht bhar ke dekhte hain
suna hai us ke labon se gulab jalte hain
so hum bahaar pe ilzam dhar ke dekhte hain
ab us ke shahr mein Thahren ki kuch kar jaen
'faraaz' aao sitare safar ke dekhte hai
Suna Hai