Dipamonang Debata Hita Marhite Jesus Kristus

Parjamita 8 ; 9 – 17

Turpuk Parjamita 8 ; 9 -17 on, ima epistel di Minggu ujung taon parhuriaon 20 Nopember 2022
nanaeng ro. Songon ujung taon parhuriaon laos dipadomu tu parningotan di na monding,
manjahahon goar goar ni na monding saleleng sataon parhuriaon on. Laos dison ma kesempatan
refleksi diri, marrujiruji marnida parulaon saleleng on. Tarlumobi ma taringot tu na manghaporseai
Debata.

Tema minggu “Dipamonang Debata Hita Marhite Jesus Kristus” songon kesimpulan rujiruji I, tontu
nionjar ni haporseaon tu Debata do I, asa unang mabiar be hita mandalani ariari ni ngolu nanaeng
pasahatonNa dope tu hita ganup. Asa tongtong marhiras ni roha mangulahon parsuruon ni Debata tu
hita di tongatonga ni portibi nagok parungkilon on. Ai jambarta do parungkilon hinorhon ni hadosaon
ta i.

Sungkun sungkun, …. songon dia do tanda ni naung dipamonang Debata? Aha do tanda
hamauliateon ni rohanta molo dipamonang Debata hita? Dia ma ngolu sihangoluhononta dung
tahatindanghon naung dipamonang Debata hita?

Parjamita 8 ayat 9 – 17 on Biar Mida Debata. Biar mida Debata na marlapatan, jumolo marsangap
Debata di sude gulmit ni ngolunta. Sude akka rencanata, motivasi, nang ro di akka ambisi pribadi, sai
jumolo ma pasangaphon Debata. Aha pe na tasakkapi, nataulahon, sahat ro di na taparsitta, sai
jumolo ma tahatindangkon akka pasupasu naung tajalo sian Tuhan Debata. Jala marhite akka
pasupasu I ma tasakkapi, taulahon, jala taparsitta ngolu tu joloan ni ari.

Biar Mida Debata marlapatan mangulahon parsuruon dohot lomo ni roha ni Debata. Pareak akka
ulaon nadenggan. Pasiding akka hajahaton, m

paholang diri sian akka ulaon hajahaton, ulaon naso lomo roha ni Debata.

I. Tanda ni naung dipamonang Debata. Dipamonang Debata ima sada panindangion

haporseaon. Dada holan hata hata ritus sambing i. Alai lumobi ma dipangulaon si ganup
ari, saurdot panghataion dohot pangulaon. Pamonang akka na tinompa ni Debata.
II. Tanda hamauliateon ni rohanta molo dipamonang Debata hita
III. Ngolu sihangoluhononta dung tahatindanghon naung dipamonang Debata hita