ARALIN 12

Ang Pangungulila ni Florante

Isang taon ang lumipas nang makatanggap ng sulat si
Florante mula sa dukeng ama na namatay na ang kanyang inang si
Prinsesa Floresca. Pinanawan siya ng ulirat sa unang pagkatalos sa
nangyari. May dalawang oras bago siya tuluyang balikan ng malay.
Halos gabi-gabi siyang lumuha dahil sa pangungulila sa pumanaw na
ina. Pilit siyang tinulungan ng kanyang maestro upang aliwin sa gitna
ng kapighatian subalit patuloy ang kanyang naging pagdurusa.
Dalawang buwan siyang nanangis hanggang sa dumating ang
ikalawang liham mula sa ama at ipinasusundo na siya upang ibalik sa
bayan ng Albanya. Nagpaalam na si Florante sa kanyang maestro.
*Pinagbilinan naman siya ng maestro na mag-ingat kay Adolfo
sapagkat tiyak na ito'y nagbabadya ng paghihiganti.

FLORANTE AT LAURA
232."Naging santaon pa ako sa Atenas, hinintay ang loob ng ama
kong liyag sa aba ko noo'y tamanggap ng sulat na ang bawat letra'y
iwang may kamandag.
233. "Gunamgunam na di napagod humapis di ka naianod ng luhang
mabilis. iyong ginugulo ang bait ko't isip at di mo payagang payapa
ang dibdib.
234. "Kamandag kang lagak niyong kamatayan sa sintang ina ko'y di
nagpakundangan. sinasariwa mo ang sugat na lalang ng aking
tinanggap na palasong liham.
235. "Tutulungan kita ngayong magpalala ng hapdi sa pusong di ko
maapula: namatay si ina, Ay! laking dalita! ito sa buhay ko ang unang
umiwa.
236. "Patay na dinampot sa aking pagbasa niyong letrang titik ng bikig
na pluma, diyata ama ko at nakasulat ka ng pamatid-buhay sa anak na
sinta?
237. "May dalawang oras na di nakamalay ng pagkatao ko't ng
kinalalagyan, dangan sa kalinga ng kasamang tanan ay di mo na ako
nakasalitaan.
238. "Nang mahimasmasa'y narito ang sakit dalawa kong mata'y
naging parang batis, at ang Ay! ay ina! kung kaya mapatid ay
nakalimutan ang paghingang gipit.
239. "Sa panahong yao'y ang buo kong damdam ay nanaw sa akin
ang sandaigdigan, nag-iisa ako sa gitna ng lumbay ang kinakabaka'y
sarili kong buhay.
240. "Hinamak ng aking pighating mabangis ang sa maestro kong
pag-aliw na boses, ni ang luhang tulong ng samang may hapis ay di
nakaawas sa pasan kong sakit..
241. "Baras ng matuwid ay nilapastangan ng lubhang marahas na
kapighatian at sa isang titig ng palalong lumbay, diwa'y lumilipad niting
katiisan.
242. "Anupa't sa bangis ng dusang bumugso minamasarap kong
mutok yaring puso, at nang ang kamandag na nakapupuno'y
sumamang dumaloy sa agos ng dugo,
243. "May dalawang buwang hindi nakatikim ako ng linaminan ng
payapa't aliw, ikalawang sulat ni ama'y dumating, sampu ng
sasakyang sumundo sa akin.
244. "Saad sa kalatas ay biglang lumulan at ako'y umuwi sa
Albanyang bayan, sa aking maesto nang nagpaalam aniya'y 'Florante,
bilin ko'y tandaan.
245. "Huwag malilingat at pag-ingatan mo ang higanting handa ng
Konde Adolfo, pailag-ilagang paraang basilisko, sukat na ang titig ng
mata'y sa iyo."
TALASALITAAN
1. kamandag 6. diwa'y lumilipad
2. palasong liham 7. lumulan
3. di maapula 8. Huwag malilingat
4. kalinga 9. saad
5. pasan 10. kalatas